12
3
0
港鐵荔景站 A1 出口, 步行約6分鐘 繼續閱讀
電話號碼
21560612
附加資料
只招待會員
營業時間
今日營業
18:00 - 23:00
星期二至日
18:00 - 23:00
付款方式
現金
其他資料
電話訂座 詳細介紹
以上資料只供參考, 請與餐廳確認詳情
食評 (20)
炎炎夏日🌞🌡到訪了西㕑學院👨‍🍳👩‍🍳,用HKD$ 129 就食到十分清新,以🍅為主题的3-Course Lunch set,仲有手工麵包及一杯冰涼🍋飲品,十分恰意,真係好抵食!😋😋😋雖然超值,但不論精緻擺盤定味道質素,做足誠意~~❤️‍🔥視覺及味覺衝擊力!年青見習生由接待至用餐也親切有禮💝💖💘餐廳定期更新menu, 驚喜及創新🥳這一天雖然要加班,但吃了美味午餐,又给力工作。期待下次學院重開晚餐時段,我一定再來品嘗美食💗 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-07
1834 瀏覽
好友們帶領我到位於祖堯邨祖堯坊的「香港西廚學院」享用西式午餐。西廚學院的用餐大堂設備簡潔,餐桌約有十張,在大堂還可以透過隔著大玻璃,觀看到年青學生在外籍導師帶領下為我們凖備精美西餐,餐桌佈置也見很用心思,餐具擺設有序,有部份年青學生則實習侍應生應有服務。用餐區除了大堂,還有戶外,不過,今天沒有開放。餐包:三款我嘗試了!還提供牛油與橄欖油,我最愛捲包,味道鹹香有嚼勁!紅酒是西廚學院校長送贈給朋友,我們一起品嘗醇厚的紅酒。頭盤二選一:炸芒果醬芝士或芒果夾海鮮,我選擇芒果夾海鮮,造型漂亮,沙律醬伴海鮮,吃到蟹肉、蝦肉與吞拿魚,味道挺好。餐湯:餐湯有南瓜的清甜兼有香草清香,配合芒果粒與蔬果粒,口感更豐富了!冰凍可口的鮮果賓治:青、紅蘋果、菠蘿、橙,滿滿的鮮果!主菜: 龍鯏魚或牛排,我選擇牛排,是我喜歡的九成熟牛排,鬆軟可口肉味香濃,還有藜麥與多款切碎蔬果伴醬汁,味道很好,清淡中又清甜。 甜品: 芒果芭菲或芒果蛋白糕餅,我楝芒果蛋白糕餅,香脆的蛋白餅與香滑芒果雪糕,為這頓美味精緻西式午餐劃出完美句。 西廚學院也開始放暑假,很感謝學生們為我們凖備精美西餐,午餐的人均消費$129。餐後,我們在祖堯邨觀看貨櫃碼頭景觀。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-21
1634 瀏覽
標題太搶眼罷😅,應該係「談情一流」至真,先睇頭幾張相片,星期六晚全程得我一枱客,肯定不會撞到朋友,環境舒適,地方乾淨,氣氛燈光柔和,建議情侶要有高穩耐能力才來幫襯,因為此處並非正式餐廳食店。店名清晰「西厨學院」,是訓練少年厨神的地方,可惜今晚得我一枱人客book位,所以學院沒有安排其他學員OT,也沒有安排導師帶領,只得一個「少年學神」在場服務,由入門口+帶位+點餐+煮食物+上菜+收碟+沖咖啡+cashier+洗碗,都係佢一個人包辦曬。問佢一句,答你半句,目無表情,唔緊要,都係唔好騷擾佢做嘢,怕佢分心打爛嘢。原本見佢$298~兩人晚餐,心想非常抵食,但係原來主菜只可選一樣,我覺得唔夠飽,所以加咗沙律和甜品。湯ok,多士普通,條魚ok好食但份量少,比較奇怪是包餐飲,但只得咖啡要加$20🤯,甜品「紅酒啤梨」出色👍,最後結帳大約$400~我想比多次機會自己,下次應該要平日中午來試Lunch,我估會有多啲學員和有導師帶領,希望不會再令我失望。 繼續閱讀
(以上食評乃用戶個人意見 , 並不代表OpenRice之觀點。)
幾個月前上到嚟祖堯村祖堯坊嘅「彩龍船中西美食坊」食下午茶,偶然見到呢間「香港西廚學院」,八啩一下,原來除晚市外,逢星三四五都有午餐提供,而且,4道菜只賣$89,無加一,感覺非常抵,不過,星三四五都喺返工日,無機會啦!但最近痠情關係,有個別日子喺在家工作,咁中午都要放飯架,所以,搵其中一日同老婆上去食晏。原本喺想訂12月16日晏晝,但店家話呢個星期只做12月17日、18日(星期四、五)兩日,喺做聖誕節午餐,5道菜,定價$129,已包加一,之後學院會放假,直到新曆年後先開返。所以,趁有機會,12月18日都OK,菜單如下:不過,到訪當日,在門口仲貼多一張聖誕節午餐,只做12月25日、26日(星期五、六)兩日,同樣喺5道菜,定價$150,已包加一,菜式跟我今次食到嘅有分別。一入門口,裝修成一間咖啡店模樣,無詳細過問,我估喺教學之用,因為,佢哋除上述時間開放供應午餐,其次就只有晚上開放有做餐飲生意。防疫都做得好足,職員第一時間會要求客人量體溫,消毒雙手。之後,再由職員帶路,屈個彎就入到餐廳裡面,地方唔喺好大,加上由於限聚令關係,全場只安排到8張枱共16個位。裝修簡約,但亦算幾骨子,加上偌大嘅落地玻璃窗,喺欠咗少少陽光,外面仲有啲露天位,不過,就未有開放。雖然話裝修簡約咋,但餐枱上嘅擺設一點都唔「馬虎」,仲帶點舊式西餐廳或扒房嘅情調,餐具都排列好,可以講一絲不苟。而晌餐廳內,透過一面大玻璃,喺可以直接睇到廚房運作,由外籍導師指導,做菜就交由一班年輕學員作「煮」,真真正正嘅「學生餐」,透過實戰去體驗一下餐廳嘅運作!而部份學員就「客串」侍應崗位,裡裡外外各司其職,適逢聖誕,更着起聖誕老人裝應吓節。Classic Prawn Cocktail with Melba Toast菜單全英文,加少少註解,不過,甫坐低,學員都會作一個簡單嘅介紹。前菜、甜品都喺二揀一,我同老婆兩個人,唔需要煩,就正正兩樣都試到。呢個「雞尾蝦」真喺打響頭炮,首先賣相好精緻,甚有高級西餐廳做菜嘅影子,主角嘅牛油蝦,好清爽,肉質彈牙,而下面青瓜薄片捲住嘅喺牛油果、意大利乾蕃茄、蝦肉……等等做成嘅沙律,配上酸香帶微辣嘅醬汁,非常醒胃;再配搭烤脆咗嘅薄麵包片,以及以火槍燒過嘅牛油生菜,都反映好多細節位好用心。Melon with Parma Ham睇個菜式名,相信好多人都知會喺咩,不過,嚟到會有驚喜,其實,睇菜牌嘅描述,都會再了解更多,因為唔單止有巴馬火腿伴蜜瓜,仲有哈蜜瓜雪葩及炸芝士球。巴馬火腿未至於好油潤,但鹹香十足,襯以清甜嘅蜜瓜,非常搭配;而炸芝士球超脆口,芝士味好濃郁軟綿,又一啲都唔油;最後先至食個哈蜜瓜雪葩,可有清清味蕾之效。Lobster Bisque 有出去食開西餐都知,一客龍蝦湯單點賣到$70、$80,甚至更貴,而一般西式套餐都好少供應龍蝦湯,大多數都喺乜乜忌廉湯之類,除非喺晚市賣到3、4百以上嘅套餐。故此,百零蚊嘅午餐大俾到龍蝦湯實在喺賺突。難得嘅喺,個湯嘅蝦味非常突出,好濃郁,又夠熱辣,質感啱啱好,唔會太厚,亦唔會太稀,真喺好好飲。Christmas Turkey with all the Trimmings主菜3揀1,我就揀個夠貼節日氣氛嘅煎火雞,火雞胸、雞腿都經過慢煮,然後再煎香,所以,入口一啲都唔嚡,相反,都幾嫩滑,配上小紅莓汁,感覺好唔錯,而且,有一小件「pigs in blankets」,仲以為喺乜,其實喺香腸煙肉卷,甚具油香。A Vegetarian Christmas餐廳都照顧到素食人士,所以,老婆就揀咗呢一款素主菜,賣相有啲似聖誕肉批,但其食材喺烤烘過嘅果仁、白甘筍、醃漬過嘅紅菜頭,再加入素菜汁所做,同樣伴上小紅莓汁佐食。雖然明知喺素食材,但食落真喺幾有「肉感」,有陣陣香料味,而且,多種食材產生出多層口感,喺一道頗有趣嘅菜式。Roasted potatoes, Carrots and Turnip puree and Brussel sprouts 主菜喺配有薯菜,不過,好得意,我哋兩人份嘅薯菜另碟上,再由侍應夾上碟,包括烤薯仔、甘筍蘿蔔蓉(我初時以為喺蕃薯蓉)及炒小椰菜。啲薯仔烤得外層脆口,好有薯味,甘筍蓉亦打得軟滑,小椰菜好爽口。Lemon Tea餐牌無列明,其實喺有包餐飲,但免費嘅就只限檸水、檸茶,想飲咖啡嘅則需另加$20,此外,就無其他選擇。Christmas Pudding with Brandy Sauce 接近尾聲,喺上甜品嘅時候,呢一款聖誕布甸絕對喺傳統,食過嘅朋友就知喺一道烘焙嘅甜點,內裡混入大量雜乾果,簡單加入麵粉焗成嘅蛋糕已非常好食,熨熱香甜,味道芬芳,再淋上白蘭地汁,簡直喺完美嘅結合!Sherry Trifle 另一款甜點真喺唔知乜嚟,睇餐牌嘅介紹,有好多嘢,如生果、海綿蛋糕、雲呢嗱吉士、甜奶油,好期待。以傳統雞尾酒杯盛載,放咗幾粒紅桑莓,賣相好靚。單睇面頭嘅甜奶油嘅粒粒黑點,就知用雲呢嗱籽做,唔喺用香精油,喺誠意,而下面喺紅莓果肉夾雜海綿蛋糕,酸香鮮活,好好食。事後,睇到佢個聖誕餐牌,有個中文譯名:英式奶油水果杯。Mulled Wine and Minced Pie 由於賀聖誕關係,最尾再送上暖暖嘅紅酒及迷你豬肉批,前者喺加咗啲玉桂及八角去煮,飲起嚟更容易入口,又滲出陣陣香料味,感覺真喺幾唔錯;而豬肉批就唔喺好多驚喜,叫OK啦。用餐過程中,外藉導師不時會出嚟問吓客人嘅意見,而學員晌招呼方面雖然有少少生手,但都感受到佢哋都好盡力做,亦好殷勤有禮。順帶一提,每一環菜式,都會同步出菜,例如,前菜嘅蝦沙律及巴馬火腿配蜜瓜,都如一般高級西餐咁,一同上枱,絕無前後腳。而且,上菜嘅流程好順,即喺一道菜接一道菜,唔急,亦唔會隔得太耐。總之,無論食材嘅配搭及用料,服務嘅態度及流程,都予人稱心之感,真喺有着高級西餐廳嘅水平,但只喺百零蚊大眾化嘅價錢! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-29
1560 瀏覽
先睇過這餐廳有好多好評,見到食物相片都幾吸引,今日既然要搵間餐廳慶祝週年紀念,老公就搵左這間西廚學院餐廳。入到去先是報名處,再轉入去才是餐廳,地方唔算大,但感覺幾好!坐底職員先同我哋介紹menu ,說如果唔大食,2人餐$298(包餐湯,餐包,主菜及配菜/意粉)夠三人份,或者我哋比效大食,最後我地三個人就叫左一set 2人餐加一個main course 再加了2份甜品!先黎餐包和餐湯,餐包焗到脆脆,但仍然覺得新鮮,軟熟,餐湯是「蒜頭薯仔湯」,幾特別,但飲落有淡淡蒜頭味,口感有錦錦嘅薯仔🥔主菜:原條檸檬牛油魚和烤雞配意大利粉牛油魚肉質比較實身,唔算滑,我覺得佢個汁似是檸檬牛油汁,好淡好淡。烤雞比想像中細隻,烤得唔夠乾身,皮唔夠脆,味道一樣淡,連個香草汁都一樣淡。相反香蒜意粉就好香蒜味,麵質剛剛好,唔太硬亦唔會太林,但食落都一樣淡!甜品是「紅酒會啤梨」,有淡淡酒香嘅啤梨配上底下一層好似乳酪嘅白汁,好味。食後評語:1. 唔知點解份量會咁細,其實一個大人食一個main course 就差唔多,2人餐得一個main course ,兩個人跟本唔夠食。2. 我睇人地post 嘅相全部賣相,擺碟都好靚,但點解晚餐就只係用銀色碟就上枱,隻雞連一些配菜拌碟都沒有3. 全部主菜都好淡,近乎無味是否午餐同晚餐會有分別?真心失望嘅週年紀念飯 繼續閱讀
(以上食評乃用戶個人意見 , 並不代表OpenRice之觀點。)