香港老飯店

營業中

休息中

聽過同睇過好多人介紹及好評, 作為上海菜fans, 當然要試試.差唔多夜晚8:45先入左, 所以都點菜點得有啲急. 頭盤叫左核桃燻蛋 $68/2pcs核桃香脆, 甜而不膩, 燻蛋嘅煙燻味口腔同鼻腔都感受到, 不過可以稍微鹹啲 而家大閘蟹季節當然要食下有關大閘蟹嘅菜式啦~蟹粉豆苗 $560本身都知道豆苗貴, 但係$580真係有啲過分, 如果蟹粉係好食嘅 $580一啲都唔貴, 但係佢嘅蟹粉係溝左好多野, 無哂蟹粉鮮味. 我寧願份量少但係好食啲 蟹粉小籠包 $128 / 4pcs又係極少蟹粉嘅小籠包, 同普通小籠包無分別 建議大家都唔好點個蟹粉系列 除左蟹粉系列, 其實其他野係唔貴 普通上海菜就點左:賽螃蟹 $138超多蛋白, 配埋蟹醋, 真係以為自己食緊蟹松子黃魚 $248個人唔太喜歡甜酸味, 所以唔評論, 但係同行人士話好食.

香港老飯店歷史悠久, 亦都是在香港名牌上海菜之一, 位於尖沙咀寶勒巷的分店, 要由地面上條長長的樓梯(沒有升降機), 對老人家或行動不便者較為不便. 地方闊落, 有良好的服務態度, 當然在價錢上也反映出來😅安排入座後, 服務員開茶, 亦擺上用熱水燙過的茶杯碗筷, 感覺較為衛生. 開了壺鐵觀音, 茶葉靚, 茶味香濃.厚厚的菜牌, 內有太多選擇, 而我們所選以下食物👇鎮江餚肉 外表形態非常有層次, 上湯啫喱&餚肉分佈分明, 味道可以合桃燻蛋琥珀合桃夠香脆, 甜度適中. 反而主角燻蛋略為失色, 欠缺煙燻味, 與普通一隻烚蛋沒分列 蜜汁烤雙方 軟軟的方形飽片, 夾著脆脆的炸腐皮, 鬆化的蜜汁腿片, 整體組合完美演繹😋👍👍香煎小黃魚小黃魚比我們想像中大條, 外脆內嫩, 味道恰當好😋👍👍鮮肉小籠包 一籠有十隻令籠包, 皮薄餡靚, 豬肉沒有豬騷味, 內裏上湯不算多, 不過味道非常好😋👍👍 就算放耐了室温食都好味蔥油大餅厚厚的蔥油大餅, 外面煎到金黃色, 餅面佈滿白芝麻, 外脆內軟. 我本人略嫌內裡蔥粒不夠多, 再多d蔥就更好🤭酒釀丸子用料多, 有酒味, 丸子有咬口, 酸味比甜味重, 這碗糖水算是少糖

疫情影響太耐冇出街食晚飯，約咗同兩個舊同事去咗尖沙咀香港老飯店食飯。鎮江餚肉，每逄食上海菜指定動作必叫，餚肉有少少似啫喱，一口吃有層次，餚肉夠凍。上海粗炒麵，大大碟，有鑊氣，唔會炒得乾，加埋少少豆瓣醬very good 👍🏼賽螃蟹，蛋白滑，加埋蛋黃、醋，又有一種味道。小籠包，皮薄適中，湯汁多，肉質鮮，要小心慢慢夾起，一唔小心好容易流汁。熱素鵝，第一次食，有少少似腐皮卷，食落有分別，就係素鵝皮同餡料分別，加少少醋更加好味😋裝修比較傳統，地方大，服務態度好，環境衛生😊

This is probably my favorite Shanghainese restaurant on Kowloon side. We usually have family dinners here. My dad really likes to 包點 like all kinds of steamed dumplings: the skin is soft and very juicy inside. Be careful not to let the juice squirt everywhere or even burn your tongue. My mum’s favorite is the pancake. It’s very crispy and a good dish to share since I can’t take more than 1 slice a meal.My brother likes the abalone and sharks fin soup. I don’t eat sharks fin but the soup is very

🥢簡介香港老飯店位於尖沙咀寶勒巷，空間寬敞、裝潢簡潔懷舊，提供多款正宗上海菜式，味道可口，值得一試。🌟特色- 正宗上海菜👍🏻必試- 鎮江肴肉：肴肉乃上海菜必試之選，入口彈牙，口感類近果凍，味道咸香可口- 醉雞：花雕味香濃，雞肉已去骨，入口嫩滑；雞皮毫不油膩，而且爽口彈牙，值得推介- 小籠包：湯汁豐富，餡料肥瘦適中，入口即化；皮雖薄但不易破損，可輕易以筷子夾起- 賽螃蟹：除了蛋白外，同時加入瑤柱，令口感更類近螃蟹，並以蛋黃模仿蟹膏，味道鮮美- 松子魚：松子魚於坊間較為少見，因此乃必試之選。黃魚炸至金黃香脆，配以酸甜醬汁，美味開胃，但醬汁偏酸，怕酸人士請注意💰價錢- 約每人400港幣🎖評分- 4/5

因為有朋友生日, 所以前幾日同朋友一齊去咗尖沙咀食上海菜。朋友話呢間老飯店好好食，佢屋企人時不時都會去食.  好啦, 既然朋友推薦到, 咁就約多個朋友試下啦. 我地食咗:小籠包 - 食過好幾間上海舖, 呢間係最好食嘅一間合桃燻蛋 - 燻蛋味道有d 淡, 但蜜糖烤合桃好食, 好脆蜜味烤雙方 - 有d 太甜而蓋過火腿嘅鹹香味酒釀丸子同一個湯都好唔錯.員工服務殷勤又有禮貌, 食物又好食, 價錢又唔貴, 3個人都只係食咗$700唔洗, 絕對會再去幫襯!!

香港老飯店，在尖沙咀寶勒巷，今日跟同事在尖沙咀開完會之後，順便喺附近搵食，就想起呢個歷史悠久老飯店。顧名思義，這飯店係傳統嘅老式飯店，專做一般上海滬菜。我們也不是第一次來了，鋪坐下來我們便點了煎腸粉、醉豬手、素春卷、炒青瓜、炸蓮藕和雜菜。 一如以往，味道穩穩陣陣，沒什麼驚喜，也沒什麼失手，在疫情之下，人流也比較少，也能夠比較放心地舒舒服服食一個午餐。價錢方面，這老飯店也不算便宜，偶然來一次懷舊一下，也還算可以的。

今年第一次吃大閘蟹秋天到就想起吃大閘蟹！往年也有來過這裏吃，除了大閘蟹，其他中菜也不錯，而且容易訂枱，所以選擇了來這裏吃大閘蟹。我們點了兩位用的大閘蟹套餐。每人一隻五兩的公蟹（單點$388/1隻），涼菜兩款，小菜兩碟，湯，小籠包，雲吞，還有水果跟甜品，很優惠。大閘蟹：蟹膏好香滑，蟹味很重，蟹肉也很多，鮮甜美味！蟹粉海鮮羹：蟹肉跟蟹粉也很多，湯底鮮甜！ 蟹粉小籠包：蟹粉香濃，肉新鮮，肉湯很多，不錯。冬菇豆苗：冬菇軟熟，豆苗新鮮，很好。小菜份量多，味道不錯，整體非常好，會再來。

腐皮素卷($52) 中間係好多香芹，配搭少少蘿蔔絲，豆乾絲，清清淡淡醉豬手($56)豬手好爽口，唔會好重酒味，婆婆嘅飛佛椒鹽蓮藕夾($48)蓮藕薄身，中間夾左鯪魚肉，由於係椒鹽，所以唔會腥，幾香口椒鹽鮮魷($56)魷魚好爽口，而且唔會好似食香口膠咁，蓮藕夾vs鮮魷，會揀鮮魷合桃燻蛋 ($68)燻蛋有好香煙燻味，而且仲係流心，再配上琥珀合桃，好值得試，而家比較少酒樓餐廳肯做，做法比較繁複豉油王炒粉皮 ($56)一般般，雖然加咗韭黃炒，感覺比較單調，粉皮唔算好煙靭迷你小豆沙包($48)賣飛佛，軟𣺉𣺉，豆沙好綿，中間再有少少蛋黃臭豆腐($60)臭豆腐已經比較少見，而我怕污糟，所以好少喺街邊檔食臭豆腐，所以老飯店有得食臭豆腐對我理講好吸引，兩件起，唔算好臭，如果再臭啲仲正，不過隔離食客可能會走晒😹😹我哋係老飯店嘅常客，因為婆婆好鍾意老飯店，坐得舒服，服務好，而且食物質素都好好，煎炸做得特別出色，乾身而且唔油，細細碟，可以試多幾款，水準好穩定，成日食都唔會覺得好厭

今晚係尖沙咀分行聚會，見番一班老屎忽(我自己都係其中之一個)，所以近近地book咗附近呢一間中菜🥢7:00準時到達，坐左15分鐘終於齊人，開始點餐🤗🤗🤗青島啤酒，叫半打我哋兩個人飲，服務員砰砰鵬鵬就開晒六支，我話我哋兩個人飲點會飲得咁快，做咩同我開晒D啤酒🍻？之後不停講唔好意思，攞個冰桶嚟冰住有用咩？一開波已經扣晒分👎🏻👎🏻花雕醉雞，不過不失啦其實醉雞一般都係用雪藏雞，所以除咗食到有酒味之外，唔會有雞嘅鮮味🤷🏻‍♂️燻蛋，冇乜特別，不過可以一讚係全部都糖心，配菜係蜜糖合桃比主菜好食🤔脆鱔，其實我食唔出係鱔，炸得幾香口，加上黑醋甜甜酸酸，算係今晚幾好食嘅一味餸😅海蜇加上青瓜，一定要盡快食，放一陣就已經成碟都係水😟賽螃蟹又一敗筆，炒得太老，唔夠滑，應該係我記憶之中食過最差嘅一個賽螃蟹🦀️樟茶大鴨，算係幾好，雖然食唔到茶香味，但係唔太肥，而且旁邊饅頭仔都幾好食☺️咕嚕肉，我一直以來最重視就係咕嚕肉，無論係茶餐廳嘅咕嚕肉或者係而家流行嘅冰鎮咕嚕肉，只要有任何一款咕嚕肉，我都會叫黎食...依個咕嚕肉，係我食過最差嘅咕嚕肉，先講豬肉，我食唔出佢用咗邊個部位，通常咕嚕肉會用半肥瘦、生炒骨就會用排骨有軟骨嘅

食物失望，松子黃魚很腥，汁太酸。小籠包很一般，X翠小籠包都比他好，D肉好實，烤雙方D汁又太甜。上海粗炒賣相很差，但反而味道OK，全餐只有上海粗炒比較出息，其他的都不好。環境尚算乾淨，母親節週末晚上都有大量空檯。侍應態度一般，不是很好但也不差， 茶都一般，好淡。所有菜式都很油，如果跟老人家去，點菜要小心。去之前對呢間餐廳期望很高，素聞他的菜式quality很好，但非常失望，除了上海粗炒較好外，其他的菜式都不太好。

點心味道係幾唔錯，不過不失啦。可以推介。。食物質素有水準。份量都OK。未去到好抵食。。賣相一般，冇乜驚喜。價錢偏貴小小，但可以接受。環境唔錯，服務員態度都幾好。

同幾個朋友敘舊，好似好耐冇食過中菜，就決定去香港老飯店。由於都係主力吹水敘舊， 就決定叫幾個餸就算。望完個餐牌，就點咗醬茶鴨、火腿津白、蔡螃蟹同埋燻蛋。 其實餸菜嘅口味同一般上海餐館都係差唔多，但香港老飯店嘅價錢就偏貴。 個人最喜歡燻蛋， 而醬茶鴨個肉質就有少少鞋。但餐飯整體感覺還可以，因為佢哋嘅服務態度非常之好！ 如果下次再幫襯，會再試埋佢哋嘅小籠包，生煎包等等嘅點心。

今晚做冬，例牌一家人出去食飯。唔知想食乜下，最後揀左食上海嘢。 呢問有接近過百年歷史，我覺得價錢唔算平個隻，但都有好多客人幫襯。平時最好訂位先。至於環境，今晚雖然做節，當然多客人，不過可能呢度地方大，就算擺滿大枱坐得密麻麻，都會接受。待應殷勤招待，隨傳隨到，值得讚賞。 雖然係大節日，但沒有勉強我哋叫圍餐，散叫也可以。食物方便…前菜炸鱔條 : 脆卜卜，甜甜地，小朋友至愛。燻蛋 : 唔夠熱，燻味不夠，價錢便宜。醉豬手 : 皮爽，夠酒味， 豬手入味。涼伴海蜇頭 :  好重麻油味，夠爽口。小菜紅燒元蹄 : 需多人分士，否則太肥膩。 其實個汁都好好味， 可以加碗白飯。樟茶鴨 : 呢道出名菜。 鴨肉舊嫩口， 不過乾咗少少。火腿津白 : 雖然唔係上湯，但火腿味勁濃。超級好味。炒鱔糊 : 細細碟、多配料。清炒蝦仁 : 味道清清地，份量勁多。主食……小籠包 : 熱辣辣、皮薄、入面仲有勁多湯汁、好好食。煎鍋貼 : 個皮煎得脆卜卜，入面有肉與葱做餡料。  生煎包 : 其實同鍋貼差不多， 只不過係個面不同。所以可以2揀一。炒年糕 : 加菜一齊炒， 夠入味，一定要叫。甜品高力豆沙 : 紅豆餡好似多咗啲， 有點

同朋友聚會，當然想搵個地方慢慢飲啖茶傾吓計。而家大部份餐廳都限時，所以大家突然之間心血來潮話不如茶樓啦，可以慢慢坐！香港老飯店同普通茶樓唔同，係食上海菜嘅！小籠包夠多汁，松子魚唔腥唔多粉。豆沙鍋餅熱熱辣辣呢度同朋友食飯最好真係一個唔錯嘅選擇