香港老冰室 (已結業)

見到老冰室以為有冰室美食？伏咗喇！只係普通茶餐廳喺粉嶺屋邨入面嚟講仲要係唔抵食嗰隻，唯一可取係多卡位，食物味道一般，味精重。戲肉係服務，啲阿姐搵交嗌咁既態度，想叫件蛋治比年幼小朋友，冇單併、冇得單點，當你雙併餐$33，但我哋已經叫咗兩個餐，飲唔到3杯飲品，「你飲唔飲你既事，你唔要飲品都係收你$33架喇」仲要好寸咁講...咁唯有唔叫三文治，轉個炒麵做普通飯比小朋友食，點知佢又唔比，「落咗單喇，唔改得」其實落咗單都未夠兩分鐘，真係一肚氣..最終啲嘢食又咸，都費事再講，一句冇下次！

屋企住尼度附近，有時唔想煮飯的時候都會落樓買份炒飯或者係炒河。今次係第一次係尼間冰室叫送食飯，首先我覺得冰室服務係唔錯既，畢竟係做街坊生意。我地兩個人叫左兩個送，有送白飯同中湯或者係飲品。個湯飲落唔錯，但係因有落唔少味精所以飲完好頸渴。叫左個三杯雞同西蘭花炒鮮魷，個三杯雞唔錯既，但係食到隻雞翼有啲血絲咁，唔係好熟怕怕地。西蘭花炒得好好味，夠脆夠甜。但係個鮮魷就差啲，無乜味，同埋個口感食落好似未熟咁。埋單150左右，二人餐性價比還可以。

實在有一段很長時間沒有吃過炒公仔麵，雖然高卡路里，又不健康，但真的很想吃🤤。下午茶時段即炒粉、麵、飯送熱飲，凍飲加$3。•1️⃣五香肉丁炒公仔麵 $50炒公仔麵夠鑊氣、炒得很香、很乾身。五香肉丁粒數量也不少☺️。吃過不停。-公仔麵黏了一點黑色的「鑊屎」。•2️⃣ 牛油西油士 $23中間沒有花生醬🥜😢。-西多士很薄🥺。-但加了煉奶一起吃，味道不錯，吃到微微蛋香。😃•回頭指數：8/10（五香肉丁炒公仔麵真的不錯，但店鋪位於屋邨內，較偏僻）

諗唔到食咩，諗住試下新野。無諗過係伏到一個點。首先2個人，一個叫左好普通既常餐，包括魚片頭公仔麵，牛油方包，火腿炒蛋，雞扒同一杯凍飲，要價55蚊。魚片頭，係雪藏，加要一開2，同iPhone 一樣薄。公仔麵，唔係出前一丁之餘，係軟到一個點，入口即溶甘濟。。重要成碗麵，係暖既，一d都唔熱！火腿炒蛋，唔熱，無特別雞扒，竟然係炸既，重要係炸到乾曬水，硬同脆，好彩係熱既。另一個係星州炒米，要價59蚊，重要無野飲包。由落單計起，等左25分鐘，朋友差唔多已經用餐完畢，頂唔順，叫左個侍應去催下。。個侍應聽完，無應一句不但只，重要用一個好唔耐煩既眼神望左我地一下。重點係，由頭到尾，個餐廳唔忙，唔多人食，d侍應可以2個企係水吧出餐位傾計。之後再等多10分鐘，前後等左35分鐘，都無野食。。忍唔住埋單走左呢間餐廳無論食物、價錢同態度都唔值得大家去試。。小心小心！

假期訓到晏是常識吧！媽媽話祥華村個商場裝修左，多左好多間食市。好耐無行黎邊，所以就行過黎去睇下。呢間裝修好新淨，座位都好闊落。人唔算好多，可以慢慢食。已經到下午茶時間😂😂有炒飯、炒麵、燒味...全部都$38每樣野食都想食下，所以拎左4個碗仔，但有3個碗仔麵都洗得唔係好乾淨有點漬，出去食野係好難要求太多，自己拎水再洗一洗。👉🏼干炒牛河（圖上 ）干炒豬扒烏冬 （圖下）我覺得兩者既煮法大致一樣，只係一個係烏冬另一個係河炒。油度都接受到。牛肉都有好多塊同都幾大塊下。👉🏼泰式菠蘿炒飯味道就一般般，吃不到泰式嘅味道。👉🏼枝竹火腩飯爸爸叫既‘男人的浪漫’🤣腩肉、枝竹、冬瓜鋪滿係飯上面，見到爸爸食得好滿足咁，我相信味道係唔錯的。

每次試新餐廳，尤其是沒有食評的，總會有一絲絲期待，也會有可能中伏的勇氣。祥華商場裝修後，多了幾間餐廳，這是其中一間近期開張的。食茶仔，午餐新張期內一律48大元，以附近的收費水平來說，是不平宜的。叫了一碟乾炒牛河，正好用來考驗餐廳水平。食第一啖，已覺不妥，是下了太多油了。炒河最考功夫是下油量，太重手的活根本不想食落去。縱然我不是一個浪費食物的人，但我為健康著想，也勉強吃了半碟。牛肉方面，倒是可以接受的，沒有太重鬆肉粉的味道。河粉鑊氣足，但竟有些鑊撈出現，這也不太能接受的。叫了檸水，不會出錯的。離開時，心裡告訴自己只能試一次。