香港燒味餐廳

營業中

休息中

今日經過北角一間茶餐廳， 見到佢嘅燒味幾靚， 於是入去叫咗個燒鴨飯，本身送過例湯，另外再加杯凍奶茶。上菜時好有驚喜，竟然俾咗個鴨脾我，仲要份量好大，食落口肉質鮮嫩，口感一流，埋單69蚊，價錢合理。值得推薦一下。

先講下食物方面，燒臘嘅味道都算唔錯，皮脆肉嫩，鹹淡啱啱好，食得出師傅有返咁上下手藝。好似個叉燒，蜜汁嘅味道調得好，入口甜甜地，好惹味。但系，分量就有啲令人失望，碟頭唔算大，價錢又唔算平，性價比冇咩優勢。​再講環境，餐廳入面坐得都算舒服，位置夠闊落，唔會覺得逼逼仄仄。但系，衛生方面就有待加強，枱面擦得唔系好乾淨，有啲油膩膩嘅感覺。​分量、衛生同服務方面都有改善空間。如果想試下佢哋嘅燒臘，都系可以一試嘅，但系就唔好期望太高啦。

入面算多位， 中午時間都好多坐。 環境可能有少少窄。e 間叫燒味餐廳， 但今日唔想食燒味， 就今日叫炒飯計埋杯冬0茶， $59飯夠 ， 料有火腿 ， 叉燒， 生菜絲， 蛋。係ok 的。下次試下叫燒味。

百食不厭，正！年初重新裝修之後，新的老闆接過這家店，也來了新的燒味師傅，燒鵝夠味夠嫩，叉燒肥而不膩。脆皮燒腩更是美味，不像以前很乾也沒味道。 店裏都是老街坊鄰居光顧，新的老闆也是十分和善勤勞。希望生意越來越好。

一年之計在於春，一日之計在於晨，2018年第一天返工，當然係要食個豐富嘅早餐啦，也是趁最後機會飲奶茶換套杯碟……之前見有張海報講呢間茶餐廳供應餐飲比新光戲院啲戲子，應該吾差啩，所以嚟試下……今天也是選擇了通粉餐~火腿通、腿蛋、多士及茶走……先來通粉，吾止個碗大，啲通粉、火腿也很多，一定夠飽，湯底吾錯，可以再熱啲，火腿、蛋也ok，不過件多士就腍咗啲吾夠熱，茶走我叫少甜，但見佢個顏色好深色，攪下真係好少奶，有點苦澀，也吾夠熱，有點失望，不過，我見杯內有我想要嘅圖案就算啦，整體早餐都係可以接受，也是抵食嘅，而且，呢度的員工都有禮貌，會跟你講早晨，收錢會講多謝，簡單一句吾係must，高級少少嘅食肆都未必會，親切的服務態度也是對舖頭嘅評價很重要的！

從未食過咁難食嘅燒味 , 仲要標明系燒味餐廳 , 真系影衰香港嘅燒味檔囉 , 求其去一個街市買嘅燒味飯都好食過佢九倍! 眼不見未為實 , 耳不聽未為真 , 如果大家唔信嘅就要以身犯險一次啦!

一早去了觀塘碼頭，又摸了一之門釘之後直接坐船來到北角先食早餐。碼頭周圍都在起樓，發現唔到有什麼茶餐廳。於是我行入去內街的馬寶道，看見這《香港燒味餐廳》。肚子餓了，想到沒有想就入來了。早上去茶餐廳，習慣了吃公仔麵餐，是日的公仔麵餐是豬扒麵。豬扒，應該是一早煎好的，入口有點硬，口感可以說是差勁。麵雖有味，但差勁的豬扒扣晒分。奶茶，茶味太濃啦，奶又落得唔夠，又係嚴重的失分。總結，這一天的早餐，很不好吃。

點了切雞(走翼)同叉燒，切雞太肥，肉硬，好似喺雪櫃拎出嚟咁，叉燒仲離譜，乾到好似煲湯瘦肉咁又硬。一個咁基本的燒味都做得唔好，仲叫自己做燒味餐廳。記得一個月叫過外賣都無咁差，今天唔知發生咩事。

今晚十點幾行經北角琴行街與馬寶道交界，見到餐廳好似未收，問仲可以叫餸食飯嗎！老細話仲有半粒鐘未收；叫咗個通菜炒豬頸肉、京都骨丶茄子斑腩煲；聽到廚房鑊氣聲添！都好快到手，份量比預期多😁茄子斑腩煲味道又幾好woo😃京都骨D肉軟滑唔會硬、抄通菜味道0k豬頸肉份量小咗啲,三位埋單百六蚊度，燒夜幾抵食

午餐 - 漫無目的，走到呢到見唔算多人，有常餐一試，$30在北角算可以。牛油方包，真係好厚 - 我指的是牛油，請看圖。食完塞爆血管，平時茶記都係薄到無倫，呢到 - 嘩！廚房好慷慨 ? 還是得過且過呢，不得而知其他，包括火腿奄列，餐肉麵中規中矩，30元算這樣了

返工如果要諗食咩早餐? 我多數都會選擇香港燒味。因為價錢平，味道好，出餐夠快。快對於上班一族來說，十分重要。香港燒味出餐夠快，甚至比其他茶餐廳更快，在這裡用餐不需怕遲到。早餐我必叫雪菜肉絲米，雪菜份量都幾多，雪菜不會太咸，味道不錯。湯米的湯底也不錯，夠味，不會像清水一般的。另外套餐配餐肉煎蛋，其實可以自由配搭，我選了火腿腸仔，腸仔用廚師腸，包冇死麵包塗了牛油，質地十分鬆軟。餐飲選奶茶，見絕大部分人都飲奶茶，試一試先。可惜我不懂品嚐奶茶，唔知算唔算係一杯好奶茶，只覺得幾好飲，都幾濃。用黑白淡奶沖的，信心保證，出名質感比其他淡奶較濃。飲到底仲有驚喜，見有我至愛的公仔~~聾貓呀

這一晚，太座與舊同事往聽演唱會，而小妮子又不知所縱，只剩我和小伙子在家，晚餐都是外出解決較方便，本想試試新開的韓國餐廳，但排了十多分鐘，前面還有十多個號碼，終於打消了繼續排隊的念頭。來到馬寶道這燒臘茶餐廳，點了一個小菜套餐，韭黃草菇炒斑球，小伙子要叉燒油雞飯。套餐有紅蘿蔔青蘿蔔煲豬骨，味道不算濃，小伙子咽喉有點痛，讓他喝點湯水吧，韭黃草菇炒斑球，賣相不佳，像一pat 野，主要是茨汁做得不好，韭黃都黏在一起，草菇都是零零碎碎，斑球是鯰魚龍利之類，無魚味，雖然夠鑊氣，但始終嫌茨汁差。小伙子的雙併飯，叉燒味道不過不失，但薄身的燒好變乾，小伙子說油雞有超水準，嫩滑好味，他挾了兩件給我試，當真！果然！

其實去過這間茶仔好多次，見OR無咩人介紹，所以忍不住要寫一寫，好讓一些燒味愛好者多一個選擇吧!既然此店打正旗號叫燒味餐廳，自自然然有其過人之處!這裡效率很快，而且員工也算幾有禮貌，感覺良好~還記得第一次到來叫了碗叉燒飯，印象深刻，於是久不久午飯時間也會來此店解決，嚐嚐各式燒味，結果都無令我失望~是日一反常態，不叫飯，要了碗叉燒瀨粉加凍奶茶少甜半肥瘦叉燒與一大碗瀨粉分開上，以保持叉燒嘅原味，不怕因浸在湯中而影響了味道~叉燒外層燒至乾乾實實的，帶點碳香之餘亦滲滿了甜甜的蜜汁味，而且內層肥瘦肉均稱，質感軟腍腍的，滑得來亦有肉香，極之好味!!!!至於初嚐試的瀨粉，雖然份量十足，亦能吃到微微的米香，但個人認為始終有點失色，一來是因為整碗瀨粉碎濕濕的，二來是不夠滑溜，仍有改進空間。下次還是叫飯吧....奶茶味道沒有什麼特別，一般水準雖然瀨粉不出色，但志不在此!為了吃燒味的，一定會再來捧場~

初初搬到北角, 還未執拾好, 當然係做 '無飯家庭'啦! 於是四圍試下唔同o既餐廳.屋企附近o個幾間響裝修期間試過晒, 無乜特別. 於是唯有行遠d, 試多幾間.去到呢間餐廳, 裝修都係一般茶餐廳, 無乜特別, 但係試過之後再比較之前食開o嗰d, 就知道佢o既好!首先, 燒味方面, 相信佢真係自己個厨房燒, 唔係響外面買番嚟, 好好味.小菜方面, 份量同味道都幾好, 加埋佢o架例湯, 食完就會發現, 唔係一般茶餐廳! 係完全無落味精o架! 食完唔會係咁口渴灌水! 哈哈! 比其他乜都落味精o既茶餐廳健康! 例湯火候足, 味道啱啱好!另外推薦大家試下佢o既好立克, 因為夠濃, 又唔會濃得滯, 味道啱啱好. 相比其他地方, 飲過之後, 你會覺得其他地方飲o既好立克, 係好似沖好之後加咗水咁, 淡而無味. 試過之後, 真係好鍾意呢度d好立克!

1 March 2006 (Wed) - 午餐買咗個燒鵝瀨外賣，因為好耐冇食，突然之間好想食，但係其實燒鵝唔抵食，因為永遠都係貴啲！問佢哋有冇燒鵝，佢哋話有，仲好心地話我知鴨就$18蚊，燒鵝就$25蚊，其實可能差唔多，但我真係比較鍾意食燒鵝，所以貴啲都照叫！幾好味，可能太耐冇食．．．