影片
招牌菜
平時都好中意食燒味，但元朗D燒味都係太普通，主要打價錢所以試下依間新開既香港味燒各方面都無得彈，特別係叉燒，一定要必定要試D湯一飲就知無味精，老闆仲好好人，見我飲完仲裝多碗比我最後仲斬左D滷水返屋企食，送啤酒一流
繼續閱讀
本身有食開利興的燒味飯，點知越來越差，所以要放棄幫襯佢。今日就過檔試下呢間新開的燒味餐廳，睇左一陣餐牌，叫左個四寶飯試下。叉燒的肉質並非坊間燒味檔的叉燒，唔太好食，我就唔識欣賞。切雞普普通通，唔太鞋，但冇驚喜。紅腸同咸蛋正常水準冇投訴！最唔掂係啲飯，好淋偏爛。奶茶認真係好難飲，茶底苦澀，奶又唔掂，一間餐廳最基本的飲品都唔掂，加上連最基本燒味店的叉燒都唔合格。點搞呢？！第一次幫襯，亦都係最後一次幫襯
繼續閱讀
又係中午放飯做孤獨的美食家，呢間香港燒味堂新開左一段時間未試過，睇評論都幾多好評，特別係叉燒同油雞，今日有機會就黎試下啦。餐廳環境唔大，數埋無10張枱，而且2人枱較多，主力應該做外賣斬料，睇過餐牌價錢同一般燒味餐廳差不多，比較特別係除左燒味仲有鹵水食物，多d選擇。腩叉油雞飯上網睇圖d腩叉同油雞好靚好多人讚就試下，但黎到都唔係腩叉，一d肥都無，但勝在叉燒調味都足又唔會話好乾好柴，個款似俗稱既3粒叉，食落都算鬆軟，都食得過，油雞俾既係翼位無乜肉食，調味都ok既，係無乜肉，飯就有少少濕，唔算太過份，整體只叫做食得過。例湯跟餐送熱飲或例湯，我就揀例湯，湯都有d配料但湯既味道帶點酸味，但湯料又食唔到有酸，好奇怪。呢餐就50蚊，叫做普通料，服務方面樓面位姐姐都算幾有禮貌，食物質素就無特別出色。
繼續閱讀
呢間燒味舖，開張一個月試咗兩三次，啲嘢食質素真係無得頭。即使午市最忙既時段，嘢食嘅質素有少少浮動，但仍然跑贏同區大部份所謂嘅「高級燒味舖」。而且仲未提佢哋啲飯嘅價錢，下午茶最平$42就食到個燒味飯，仲要跟埋小食有嘢飲。即使午市去食飯都只係$45一個單拼飯，簡直係同區超值之選。我暫時試咗燒鵝、油雞、腩叉，同埋燻蹄。燒鵝夠味又夠肥，油得嚟又唔怕太肥膩，啲皮又夠脆，外賣飯盒$45都食到咁嘅燒鵝，都唔知邊到可以搵到咁嘅質素。油雞就夠色又夠香，肉質嫩口，隻雞啱啱好熟，保證唔會靭，咬落去既有雞肉嘅肉汁，仲有啲豉油嘅甜香味，實在難得。至於腩叉，其實佢地係用燒腩仔嘅腩肉，但係用叉燒嘅做法嚟整，出到嚟夠哂甘香，但係會有少少膩，唔係個個啱食，不過呢一款唔係度度有，值得一試。到最後個燻蹄，第一啖食落去雖然一般，但係㗳真啲又食到佢哋用咗酒去浸啲燻蹄，雖然用酒去浸係基本中嘅基本，不過呢間係我食過咁多間燒味舖入面，唯一一間可以食到呢啲多層次嘅味到，十分推薦大家試一試。美中不足嘅係佢地出餐嘅時間需時，唔似其他燒味舖即叫即有。不過個人嚟講都明白嘅，畢竟每碟都係精品，可以理解。
繼續閱讀
在劣食世界裏面，我最喜愛的 除了燒賣 然後就是叉燒了，應女友意願 我跟她一起來多趟，來之前我早已吃了幾頓，她就是受不了 我囂張的吃後感，即興的她 約我今天一定要吃到，坐屯馬線由頭到尾 你又明白我的心情嗎？🥲為了燶叉燒 我豁出去，到達後 幸好還有兩個位（利申冇留位），今天我先做半個「Gym撚」小弟叫了 走汁🧏🏽♂️，女友就叫了 瘦燶叉鵝飯，為彌補我們心中罪惡，我們再拼多碟滷水墨魚加滷水豆腐（增加定量蛋白質），等待間 望見奇哥抱著水桶用上西裝吊帶褲 來斬料，真的很有八 九十年代的時候 叔叔們的味道，配合鋪內長期播著90年代的金曲，對我來說 這是等待食物中的另一種享受計算過8分鐘到達主食，其次落單後 店長師兄會極速送上靚湯，賣相 感覺 份量你們可先看照片，味道或個人堂食感我會跟大家分享🫶🏻🌝小弟（瘦燶叉 燒肉飯）：叉燒就不評價（評價就假了），燒肉 我覺得我在要求盡瘦的情況下 都能咬出鬆化，對比其他 我已滿足了，咸度適中 咬下有微微油香滲出 香而不漏（我很怕隔夜後豬油的油膉味），芥辣是精粹 這是我吃過最好味的燒肉芥辣，不苦澀 有芥辣香 最特別也令我格外驚喜 就是與燒肉的油香非常夾，問過奇哥 原來是英國芥辣做膽再調配 對比坊間的大工廠獨立包裝芥辣，小弟真心建議一試這種手工味，飯量表面看似細碗 但底下超多 童叟無欺，小弟覺得真的多了些，反而菜我覺得可以比多條😝，其次我真心建議老闆 飯前「湯」可以加量，奇哥湯藝一絕，鹵味入味 而同樣認為汁又是精粹，糖 酒 醋比較靚，愈吃愈停不了手，但墨魚份量建議可切大塊點，有種到喉不到肺，每塊吃得不夠盡興，但是這個汁 在我心中拉得很高分叉燒：6/10（冇汁）9/10（有汁）燒肉：8/10滷水墨魚：6.8/10滷水豆腐：9/10
繼續閱讀