香港專業教育學院(柴灣)學生飯堂 (已結業)

Wednesday 1:15pm 到，好靜。原來暑假黎，因為無咩students返學,所以menu上面無咩選擇，無左好抵食嘅雙餸飯。揀左個雞排，餐肉跟雪菜米，估唔到都okay大份，雪菜米大大碗，好足料，雞排餐肉另上，搞到連餐包都食唔落。（Tips: 加2包辣油味道野味好多)另外跟餐加錢要左杯粒粒紅豆冰，好大杯，俾平時凍飲杯大，仲要好多紅豆，抵飲！本身個麵$30.00，加埋紅豆冰total$35.50，都唔算貴。

咁啱今日要去一去杏花邨，心大心細去唔去試，因為其實由地鐵站，都要特登行10分鐘過去架。好彩唔算多人，食左3餸飯。川椒雞球唔夠辣，蔥爆牛肉絲太多蔥，魚塊魚塊雖然有醬仲脆唔會太淋，反而入面有d dry。

最鍾意叫3餸飯，$29.5 包埋杯凍飲，里排做緊promotion，另外加$6有多支解茶！間canteen有時都好好餸，又好creative，今次要左個蝦醬通菜，南瓜牛肉 同埋豆豉雞柳。汁夠味，又夠鑊氣，又可以免費加飯，唯一係d餸肉嘅份量俾好少，得2-3舊/塊，配菜就俾好多，唔夠喉，但好奇怪，唔俾人叫2個一樣嘅餸🤔。價錢抵，但lunch去實在人太多，買嘢食要排隊，攞嘢食條隊仲長，排到出門口，真係有時間先好去食！

平靚正早餐，$27就有得食，有腸仔蛋牛排多士，另加個雪菜米粉同杯凍檸檬茶。賣相雖然hea hea 地，不過學校canteen唔好咁高要求。多士都熱熱地脆脆地，腸仔蛋牛排就不過不失，跟蒜蓉汁都幾match。反而個米線個湯底就比較淡，要加包辣油先有d味。

2點到無咩嘢食，食開兩餸飯，剩返d 唔想食嘅嘢，唯有試下其他餐。揀左個咖哩雞飯。，竟然塞翁失馬，又抵食又足料！個咖哩唔辣，咖哩分開上，都幾大碗，有雞有洋蔥，竟然仲有菠蘿！雞完全無骨，仲要係雞脾肉，正！加埋杯凍檸嗎茶都係$33。

牛扒腸仔加蛋$21+$4配送雪菜肉絲米粉 凍飲加$2佢係大家樂平版啲野食都係腸有腸味咁啦牛扒就會硬，但係都唔會太差雪菜肉絲米粉一定要療加辣油！會好食好多。檸檬茶好濃茶味👍🏻其實咁既價錢食呢個早餐已經十分抵食👍🏻👍🏻

之前見燒味bar 吊住d燒味 都幾靚，今次叫個叉燒瀨粉試試。本身個menu寫住跟飯，問兩問原來有瀨粉可粉米粉可以轉。叉燒同瀨粉分開上。我叫左瘦叉，d叉燒雖然瘦但都好淋同多肉，份量好足！瀨粉好彈牙，個湯底就差少少，無咩味，好彩碟叉燒有汁，加埋問左d staff 攞包辣油，都OK嘅。叫杯ice lemon tea 跟燒味要加$5.50。嘢飲就真係唔好期望檯高，同茶餐廳比隻杯比較細之外，個茶都係淡淡地，少冰都係差唔多。最多靠d 檸檬先有少少味。 咁雙對黎講加特飲，例如紅豆冰會抵達，下次試下先。

叫左個3餸飯，日日唔同菜色，有時都幾新鮮幾特別，今次叫左川椒雞球，煙肉炒豆 同肉餅。川椒雞球好健康，但太多菜返而雞球好少又多骨。無咩川椒味，唔辣，勝在 canteen 好少見里d 菜色，可以試下。煙肉炒豆好夠鑊氣，多汁啱晒送飯食。肉餅就不過不失，蝦咪，魚仔肉餅，無試過，原來口感估唔到都幾好wor。3餸飯好抵，跟餐加埋杯凍檸茶，都係$30有找，最正係佢地無分員工價學生價或公眾價，唯一係要特登行過去間學校到食。

價錢比鄰近餐廳平但質量一般份量相對地少唔建議12:30-1330幫襯太忙，服務質素下降下午1330-1430人流較少相對員工態度較好煩忙時間員工出餐隨便數量質量都較差

Canteen 早餐最抵食，牛排腸仔蛋加杯凍好立克再加個榨菜肉絲米粉 先$27.5。牛排雖然薄薄地但都好林，廚師腸好穩陣，唯一係隻蛋一係好生一係熟晒。汁要問先俾多小小我，牛排跟蒜蓉汁上好 match。跟餐會有塊多士，一d都唔脆，牛油又搽好少，咬左兩啖放低左。榨菜肉絲米粉就無咩味，加左包辣油好好多。好立刻唔甜唔夠味，下次試小冰應該會好d。留意早餐只供應到11點，雖然d staff 10點半就轉緊餐牌，但仲可以買到11點正。

試左新menu 越式湯濛（可以轉河粉），揀左生熟牛肉，不過不失，記得要落酸辣醬，唔係無咩味。另外小食都幾多嘢揀，揀左泰式蝦餅同沙爹串燒雞肉，蝦餅夠脆，唔錯！加買杯凍檸檬茶，都係$40咋