香港壘球餐廳 (土瓜灣)

在附近做完運動，經過天光道壘球場，見有球賽就入去望下，誰知有間餐廳，有嘢食仲有冰凍嘅飲品，都有不少球員同附近做運動嘅人入嚟幫襯。我都要幫襯下，今次我叫咗個蛋菜出前一丁($40)，俾錢可以用現金或者八達通，我俾完錢，廚房問我食唔食蕃茄，仲整半個蕃茄我嘆，真係好人❤️嚟到有驚喜，菜有兩款,有菜芯和娃娃菜，我要熟蛋，就有兩隻燶邊熟蛋，餐廳麵係大個啲，我都食唔晒！因為只係個下午茶價錢好合理！原來仲有住家飯室內都有張枱，一路嘆冷氣，一路食都好爽！外面坐位都多服務好，有人情味，食到家的感覺！