香港地

營業中

休息中

好耐之前喺呢度食過早餐，當時感覺質素中上。今次咁啱有機會又再食吓，睇吓水準係咪可以維持。番茄湯豬扒即食麵加配煎蛋佢嘅湯底係有誠意嘅，除咗蕃茄仲有洋蔥同薯仔。不過同之前相比好似冇咁濃。不過我已經另外加配隻煎蛋，將啲蛋黃汁溝落個湯底就好味好多啦。另外塊豬扒都幾夠腍，調味都足，算係唔錯嘅。番茄湯通粉，火腿煎蛋、牛油多士湯底都係稀啲，通粉軟硬適中，多士烘得唔錯，正常發揮。總體嚟講食物水平唔錯，但係份量偏少，計埋價錢兩個人差唔多要$100，計落性價比就差啲啦。

係馬鞍山來講，呢間香港地叫做價錢同味道都正常，而且不需要等太耐。有小朋友的家庭真係好適合來呢度~難得又有BB凳，而且有水煮蛋同麥皮比小朋友食，比較健康。不過炸魚柳比較咸，希望改善下。

香港地呢間食早餐我已經食過好多次，佢哋門口嘅位置有麵包買，麵包係現場烘焙，感覺比較新鮮～今次我哋揀咗兩份早餐；炸魚柳+雙太陽蛋+多士配粟米粒炸魚柳上枱嘅時候係熱辣辣，非常好！魚柳粉漿又薄又脆。太陽蛋煎得好靚，不過粟米用牛油炒過，好香，不過好甜唔好食，廚師應該另外落咗糖抄～沙嗲牛肉公仔麵+多士+炒蛋呢個沙嗲牛肉公仔麵，早餐我哋已經食過好多次，越來越差，尤其是今次，湯底好淡，完全無沙嗲香味，牛肉得好少份量，牛肉完全無沙嗲香味！下次要諗諗先至再決定去唔去食！

本來點了下午茶時間的常餐 就是看到可以將炒蛋轉成烚蛋 結果上來是煎蛋 我問侍應是不是上錯了 他說沒有烚蛋了 然後就離開了 也沒有表示任何歉意 而且我落單後既然沒有了 總應該過來問問我想換成什麼吧 結果也沒有問 就直接給我一個煎蛋 沒有任何詢問和解釋 香港地和之前比 價位上漲了 但是服務卻更糟糕了 有時候進門都是自己找座位 再這樣下去 不如改成和美心一樣算了😂😂😂😂😂總之 之前自己落單 不太和服務員有接觸 今次真的感覺是好讓人失望的服務態度啊

香港地因為團年飯訂左盤菜返屋企食今日年廿八食團年飯試左香港地既鮑魚盤菜😆💛新春鮑魚盤菜（相片未落汁加熱）入面有鮑魚、蝦、豬手、大花菇、雞、元貝、燒鵝、蓮藕、西蘭花、芋頭、魚蛋、豬皮…食物都算多樣化，個汁味道我覺得幾惹味，好下飯蝦鮑魚呢啲都唔錯，無令人失望之前食過幾間都麻麻地，反而呢間我都算滿意！價錢：$528 （四人份量）⭐️⭐️⭐️評分：8.5/10⭐️⭐️⭐️📍香港地 (馬鞍山)馬鞍山鞍祿街18號MOSTown新港城中心(4期)2樓2245號舖

晚餐叫了一個蘿蔔牛腩煲就好似滾水加牛腩蘿蔔一樣 ，湯冇味，牛腩冇味，蘿蔔冇味。唔明點解可以咁差。加埋杯嘢飲都要食$106食啲咁嘅野激死。裝修之後貴咗好多，但係食品質素非常差。

今晚除夕夜，嚟咗香港地食佢嘅聖誕鐵板餐。鐵板餐有三款選擇，均配火雞沙律、酥皮蝦湯🦐、啫喱及飲品🥤頭盤—火雞沙律味道唔錯，火雞底下影唔到嘅位仲有啲薯仔雞蛋沙律。份量頗多，食完都飽咗一半😅餐湯—酥皮蝦湯賣相唔錯，用個杯裝幾得意。可惜味道欠佳，湯太稀，味道亦太淡，基本上飲唔出係咩味道。好彩有酥皮喺搭救返少少主菜1—燒雞鐵板餐半邊燒雞，賣相唔錯、雞肉質亦嫩。香草味道，可惜味道太咸。如果調味可以輕返少少係幾好味嘅。主菜2—雜扒鐵板餐有豬扒、半邊乳鴿、香草腸、煙肉，幾豐富，味道亦算唔錯。主菜3—肉眼牛扒鐵餐叫左兩份。一份味道幾好、一份肉質太靭。甜品—啫喱黑加侖子味嘅，正常一般啫喱。餐廳另有花奶提供飲品—熱絲級奶茶味道好正👍🏻茶幼滑唔澀，推介👍🏻👍🏻環境方面，餐廳都算整齊簡潔。枱與枱之間亦都唔會太密。價錢方面，套餐價錢取決於主菜選擇，燒雞、雜扒、牛扒分別係$140、$150、$160。有餐桌服務但不設加一。聖誕、新年期間呢個價錢都算幾抵👍🏻

餐廳啱啱新裝修，比之前闊落，同埋加咗個面包櫃，專賣面包，蛋撻，種類都算多。食物都係冇乜大分別，都係本地茶餐廳 Menu，改埋用QR code 自已下單。今次食咗下午茶，價錢都算合理。- XO醬豬扒炒出前一丁炒得幾好，不過真係輕盈餐，分量細咗啲。- 番茄湯米線 + 炸雞脾其實唔算炸雞脾，最多叫半炸脾，不過仲有肉汁，比較健康，好食。番茄湯米線就比較淡，味道一般。- 菠蘿包上枱時都仲係熱，同脆皮，要趁熱食。

好耐都冇食過香港地的早餐，今日放假經過見到有位就入去試吓，都有成三四年冇食過粟米豬扒太陽蛋多士配凍奶茶要加$4成個早餐成為$50雖然賣相相當不錯豬扒是完全冇味的，我只食了半塊，雞蛋粟米就同普通一樣，杯凍奶茶就失了水準，完全沒有茶味，如果下次再食的話要飲返凍檸水🤣🤣🤣🤣🤣🤣

今日同朋友黎到馬鞍山，我提議我們見到第幾間鋪就食。最終決定係右邊第三間就沖入去食。入到去心諗：「又係茶餐廳」閒日晚飯時段大流不多，座位自由選擇。樓面侍應亦不多，因為很多東西電腦化，落單都係自己用手機 app落。我地叫左xo醬炒面，牛油雞翼，吉列咖哩炸豬扒。最後仲叫左兩個特別嘅似品—- 脆脆朱古力和脆脆阿華田。Xo醬炒麵味道尚可，值得一讚的是沒有太多油。不得了是炸豬扒，有如成人手掌般巨大。咖哩汁比較有特色。最好笑是脆脆飲品系列，如早餐般，加了可可脆片在飲品上，我地仲食得出佢係咩牌子。兩杯飲品各承惠9大元。還有牛油雞翼，成舊牛油係面，簡直係「誠意之作」。

好耐無放假,所以瞓到自然醒瞓醒去左香港地醫下肚,叫左個雞尾包配免治牛炒蛋,原來雞尾包烘底都幾香,炒蛋夠滑,不過鴛鴦甜左D,整體都好食啦難得人唔多,慢慢坐都幾寫意

趕時間，要吃個快的，電梯一出就見到它，就這裏解決吧。兩個人，又不餓，於是只點了一個“乾炒牛河” ... 一端上來，已心知不妙，沒光澤，像一個豉油撈麵，吃下去果然只是豉油味，有點過鹹，牛肉切得過薄，碟𥚃只見到牛肉碎，而不是牛肉，於是，部分牛肉也有點柴。材料是齊全，不難吃，但也說不上好吃。這餐廳的slogan是“香港味道、點止地道”，但似乎襯不上，這考牌的經典廣府菜，掌握不到精髓，“河”跟“牛”都只平平而已。

鮮蝦楊州炒飯 ($58)買咗個楊州炒飯外賣做晚餐，晚飯時間都幾多人下，等咗大概15分鐘先有得拎。炒飯食落唔會太乾，而且份量都幾多好大盒，非常足料。如圖所見，配料有火腿、菜心、叉燒，蝦都幾大隻下，味道唔會太鹹啱啱好。整體來講都發揮到正常水準，不過不失。

今天在網上下單，但餐廳的電腦有問題，去到餐廳想拿外賣時，店員發現未有煮好外賣，因為電腦沒有打印出票給廚房，廚師們立即幫我準備，我只等了幾分鐘，我的星洲炒米和楊州炒飯就炒好了，而且炒得好好味又足料，炒飯有雞蛋香味，有蝦又有菜，感謝店員和廚師們，真的好好味，你們好有禮貌又快手，服務一流😁👏👏👏，你們知道客人在店裏等著，所以立即處理我的食物，所以我很快已拿到熱食。請繼續你們工作認真的態度，你們盡力的做事方式，其實客人們很欣賞

見到依間香港地成日都甘多人, 今日閒日路過見唔爆就入去試下.我今次揀左沙嗲牛肉米粉配炒蛋加牛油多士+熱檸水.嘢食好快就到, 應該都無5分鐘添. 炒蛋個樣以為好滑, 點知唔係, 都幾鞋口下. 而多士就係已經搽左牛油上碟, 牛油份量無得自己控制, 所以我覺得甘樣比較遜色.之後到主角沙嗲牛肉米粉,估唔到個牛肉好淋而且切到好薄, 唔似平時出面食一嚿嚿比D醬料醃到鞋晒口個款. 而且個沙嗲有D陣花生味, 唔係得個咸字, 都幾吸引. 米粉份量都較多, 最尾食剩左少少添.