香港冰皮燒鵝

我同服務員講兩位，唔該佢哋態度勁差叫我入嚟啦大大聲咁，入到嚟又話隨便坐，跟住坐咗某一個角落又話嗰個位唔開放，命令我哋坐返出嚟咁，一入到去俾人個感覺已經唔好呼呼喝喝，令我感到好唔自在，嘢食方面叉燒味道好食，燒鵝好少肉整體偏油，而且好韌，建議大家幫襯其他小店都唔好幫襯佢呢啲服務態度不值得存在，而且店內比較多烏蠅，同埋只收現金同埋支付寶連八達通咁基本嘅嘢都冇，碗筷亦偏油，感覺好似求其沖吓咁，呢間嘢以前喺坑口好好食，唔知點解淪落到咁…查看更多

見到OpenRice 有電話話可以打電話預訂自取咁4點就打去 4點半拎4.35pm 去到又話未出爐又話打電話預約都唔會斬定要人過到黎先斬咁點解電話唔講清楚幾點出爐同呀叔講話趕時間都唔理你最後要4.50先拎得仲有個呀姐好鬧班客企係門口等外賣阻住佢行見住呀叔跌左個外賣盒蓋落地到照蓋番上個外賣度希望唔好續租比佢換過下一間餐廳…查看更多

食物本質係一般普通，除咗全程用紙碟和即棄餐具之外，確實唔會有一種坐低食飯嘅感覺；不過服務態度真係差到嚇死人，冇辦法相信而家香港仲可以有啲咁嘅服務態度。不會再幫襯。…查看更多

買外賣1/4下莊燒鵝$125屋企人俾$500紙，收銀阿姐check完係咪真銀紙，佢找返$174 (外賣盒$1)，屋企人R哂頭🤔話俾左500蚊紙。阿姐黑住面粒聲唔出，道歉都冇聲就咁放返$200出嚟，再用少少惡嘅態度示意出門口等。講返燒鵝，1/4下莊份量都少得幾可憐下🥲味道不過不失，燒鵝皮唔鬆化，以前食過另一間分店(已結業)，相比之下而家差咗好多。肉質偏韌且肉薄骨多，唔係話好難食既但食落冇乜肉香味。第一次留食評因為份量實在少得有啲谷氣，做生意唔係太老實🙂‍↔️咁既價錢咁既份量質素，再綜合整體消費體驗，唔會再有下次👋🏼…查看更多

咁大個仔食燒味聽都未聽過，食叉燒唔好可食肥少少😅😅😅收銀靚女話下午茶叉燒飯你無得揀肥定瘦。恕小弟我咁大個仔，港燦未聽過。加上收銀靚女態度又黑黑地，可能我買得少掛，買得1個下午茶，又要求多多，樣又衰🤣🤣🤣但見排我前面個客拎一大袋，可能買左3個外賣餐以上，笑口迎面送客🤡🤡🤡。最後拎餐個陣真係俾瘦叉我🤦🏼‍♂️🤦🏼‍♂️🤦🏼‍♂️可能我個日真係唔好彩掛，btw，個斬料位就係收銀隔離👻👻👻迫於無奈第一次出個差評俾，即使個飯好與唔好食都好，個態真心唔得。…查看更多