香港仔魚蛋粉 (已結業)

晏晝2:00左右入去，全間野坐左7成客，但得一個樓面，收錢落單包外賣執檯送餐都係由一個女人一腳踢。睇見都覺得佢陰公。凍檸茶茶底唔掂，豬肉餃子嘅豬肉有小小臭豬味。如果趕時間又好肚餓唔知食乜好都勉強可以食。如果老細有機會睇到呢篇野，真係有加個樓面人工。

推門入去見得五、六個客，下午食飯時間都咁少客，心知不妙！坐低好耐都唔執枱，叫個阿姐兩次唔該執執枱，拋句等陣+黑面！客又唔多，唔知佢忙乜？？態度咁差無謂受佢氣，走人！

今日係the one玩完健身，咁肚餓就要搵野食啦，師兄教做完gym就最好食雞，咁就搵間茶餐廳食個雞飯啦，路過香港仔魚蛋粉見到個餐牌話有切雞飯，而個姐姐又好有招呼，就入去試下啦！再加多杯熱檸檬茶。等左一陣，切雞飯到啦，絕對似樣，重要有隻雞髀，再加多兩舊雞胸，伴碟嘅菜心，好啦，試下先，所有野都係夠熱，包括菜心，雞肉都幾滑，都幾有雞味，絕對係有驚喜，超出預期，不過我覺得薑蓉就可以分開上，因為唔係每個人都鍾意食呀！第日做完gym都會再黎呀，希望頂得住啦！因為呀姐姐都話好靜。

今日起尖沙咀同朋友食午餐，咁就是但揀左一間啦，都幾好食。我覺得照燒雞扒撈麵係唔錯嘅，因為啲照燒汁撈落啲撈麵到係好好食；之後叫咗個牛腩米粉，牛腩好林，仲有個湯唔錯。朋友就叫咗紫菜湯啦，以為$38玩好唔抵，點知超大碗，好多紫菜，所以都係抵嘅。另外就係咖喱啦，都係普通嘅中式咖哩不過最唔好食就係嗰個土尤肉餅飯，因為得好少，同埋好乾，唔係太建議叫；而豬軟骨大碗飯我覺得就普通左少少因為佢係咁多樣嘢之中最貴嘅，但唔算話好好食。不過整體來講都係好食嘅！服務方面...人手好似唔係好夠，所以有時都要等佢。

一行9人搵野食，經過呢間好多次，今次即管試下。店舖唔算大，午飯時間只有2個樓面，要叫野食都要等完又等，個侍應仲落落下order 走左去收錢又要再等…慶幸樂園單之後食物都尚算快上菜。我同朋友點左沙嗲牛腩米粉，加土魷蒸肉餅飯兩份分。沙嗲牛腩米粉：米粉分量相當足夠，有五六舊牛腩/牛筋，而且牛腩炆得相當林同入味，沙嗲味亦不會過鹹，加埋辣椒油一齊食味道不錯！土魷蒸肉餅：由於係點心類，要蒸，所以要等下。嚟到真係熱辣辣出晒蒸氣，非常期待。但令人失望地肉餅非常薄，亦冇乜土魷，而飯亦出奇地偏乾，可能由於先食咗沙嗲牛腩米粉嘅關係，覺得蒸飯就算加咗豉油冇乜味道。P.S.最搞笑係魚蛋粉+一罐汽水套餐價$55 ，但餐牌上一碗魚蛋粉$39，散叫一罐汽水只係$5。問完侍應，套餐又無特別大碗或多碟菜。拗爆頭都唔明點解要加$16(=3罐汽水)變套餐。唔知係老闆數學好差，定佢以為全世界數學都好差。

单子上写着下午茶可以送奶茶咖啡，我点了一碗鱼蛋粉外卖，然后要一份奶茶，服务员态度很差的说外卖不送，我说单子上没写，不然我就堂吃好了，她又很凶巴巴的说不能改，吓死我了。最后再我一再争取下，硬是让我坐着喝了一杯奶茶，鱼蛋粉也是不给我盖子和打包餐具和塑料袋。真是难得的体验，不把客人当客人，我只是按菜单要了一份应得的奶茶而已呀！

$$$$$68蚊一個牛腩豉油撈麵 ，無野飲！全碟野只有兩舊牛腩！！！！！！！你無睇錯 ，係兩舊⋯ 呀！唔係舊係只有兩粒！我問聲佢有無攪錯左，佢話係架，一碟只有兩舊！牛腩乾硬，豉油皇撈麵不似豉油皇撈麵，成餅麵痴埋一舊！！！杯無冰奶茶又苦又澀！實在好難飲！！！！！試過後之後我好明白點解午市都無咩人幫襯！中午一時正，成間店都不到6 個人！！！只怪自己我豬，貪無人入去俾錢食啲咁難食既野！忍唔住要寫出嚟等人唔好去！

睇完戲又到了肚餓食宵夜的時間了，來到這間一直到零晨都仍是滿座的香港仔魚蛋粉。店內八成是遊客，老外和日本人都有。點了一碗較輕盈的墨丸米線，墨丸超彈牙，能吃得出墨魚肉纖維，真心覺得高質。魚湯米線的魚湯很夠味，味道跟史雲生魚湯味道很相似。

去到尖沙咀夜晚唔知食咩好，行過呢間食個米線啦，廢到一個點（無論食物，環境，服務）。我諗連大陸人都頂果D阿姐唔順，呼呼喝喝，大把位都迫人搭檯。環境都好污嘈，檯面沒有清潔。叫了兩碗米線，牛腩米線d牛腩硬到完全食唔到，又硬又乾又鞋。豬軟骨米線 d 豬軟骨紅色一pat完全唔似豬軟骨，你都唔知係咩黎。我完全食唔出佢係咩肉，好林好一pat pat的質感！野飲沒有跟餐的必須散叫，$20杯咁廢既柚子水真係好waste my money !! 不會再試

So i was choosing between this and tam jai I chose this in the end because i wanted something less spicy (or not spicy at all) I ordered the beef belly noodles I know they received a lot of bad comments on their food (i have read them), I do agree the fishballs are overrated but the beef belly, however, is quite good Unlike other places which serve beef belly, what they serve is not oily at all. Besides I like the fish soup but ... im sure they added SGM. I have this sudden thirst after the mea

朋友住在附近酒店，因方便，在此晚飯。之前食過其他香港仔xxx，字頭的其他店 (味道不錯)，因門面裝修一樣，以為同一集團，誰知中伏。我們2人叫了以下:1. 一碟淨牛雜 : 牛雜唔腍且完全沒有牛味。且加上不知所謂的咸得過分的汁、超難吃。吃完一件，即投訴好難吃，換了一碟淨牛腩。(侍應收了淨牛雜，問了原因，我們老實告訴他説難吃)。牛雜是收了，到結帳了發覺仍然是要付賬。我沒有和他們計較，但奇怪若要收費，他們收了碟牛雜是否過份。分數 A - E ，E 以下，負分。2. 凈魚蛋湯 ： 湯完全得個咸味，還有些藥水味。超市方便面的味精湯比它好味。 又是負分。3. 淨豬手 ： 衹能說是炇得好腍，味道還過得去，分數 D。4. 雞粒炒飯 ： 味道一般，勉強能食，分數 D-5. 炒雜菜，又是得個咸字，超難吃，負分。6. 淨牛腩 ： 和以上牛雜一樣，超難吃。他們的不是牛腩，而是類似rib finger。煑法像用白滾水煮熟，切粒，再淋上不知明咸得過份的汁。好像咀嚼橡膠一樣。我們每人只食了一件。負分。7. 奶茶 : 由於食物差，我叫奶茶時問了是否絲襪奶茶。他們回應是。但來的絕對不是絲襪奶茶，而是一般的茶包奶茶。失望。

一個人在尖沙咀...除了大大少少的茶餐廳之外...最好的下午茶地點，就是找一間麵檔，快快趣食碗麵。剛剛看到香港仔這粉麵店三點鐘入到去得我一枱客舖面細細，地方光猛..打開 menu，發覺是沒有下午茶餐價錢是由要五十幾一碗麵！飲品另外叫二十二元起不過，既然入到來。當然照食啦。於是我叫了一個豬手撈丁。因為門口招牌有寫這裡豬手！是的其中一個招牌貨，豬手一吃入口，我可以說是又香又淋公仔麵又夠爽，可惜豬手得兩舊單是以味覺感受來寫感想是幾好味不過老實說，我覺得貴左少少同份量細左少少囉。甚至叫杯咖啡都要二十二元！豈不是一個下午茶要八十元埋單。在進食當中見到兩位説普通話的人來光顧...也再沒有見過其他客人我想這裡都是做遊客或是大陸人的生意

價錢貴唔好食，得4塊小雞肉的咖喱雞要俾$58。大家樂及大快活還好味得多Don't come unless you want to pay $58 for a curry chicken rice that has 4 measly pieces of chicken meat. Comparatively, Cafe de Coral is like a 5 star restaurant

OT完已經夠累，魚旦粉不彈牙，旁邊仲一直有蚊滋🤦🏻‍♀️衛生零分我明白香港寸金尺土，仲要係尖沙咀嘅地方，一碗咁樣質素嘅面都值＄39， 我真係後悔自己冇食麥當勞。。

昨日到樓上鋪 樓面對住重口音 同普通話客 服務相當好 未叫已經有水飲或浸筷子 都岩嘅 旅遊區對遊客要好啲 下次唯有扮下講野吾正 服務可應能會好啲 今日到樓下嗰間 一坐低先叫杯熱水 ‘好呀 一陣下” but 食完都無 喉嚨又吾舒服 好啦 叫多次 聽到不過無應機 可能忙緊 等佢執完枱或者會返嚟 but無 ok 出去水吧攞 跟住先有人比杯水 but係凍嘅食吾到藥 忍吾住係個位度發爛渣 兩日都食左100蚊以上 啲野好食 蛋白炒飯少鹽加個全走菜心 岩曬近日要清茶啖飯的我 另生牛飯加全走菜心 多日清啖之餘 可倍添口味 不過對住啲服務 真心覺得可惜 應該吾會再嚟尖沙咀呢兩間 在此係度同我右邊食客講聲對吾住 見你電話好似濕左 我杯水應該彈左落你度 sorry