香港仔茶餐廳 (已結業)

同爸爸睇完医生，諗住食個魚蛋河後回家，叫了魚蛋河想多叫個油菜，點知個服務員叫我地睇下個價錢先，歺牌內一碟油菜定價65，大碟75。吓，我們當然冇叫。之後碗魚蛋河超咸多味精，不明為何可以在漢口道生存。

間餐廳污糟， 未食過咁難食嘅沙爹牛包，個凍奶茶整咗好似凍鴛鴦。價錢唔清楚，喺個menu嘅角落頭就咁寫加10。 結果個包就$35，奶茶就$25，total $69。 名副其實嘅 黑心食肆！！！

今日上午11:45去到漢口道，諗住嗱嗱聲搵間茶餐廳應食碗麵應該穩陣，見到呢一間香港仔茶餐廳望一望得一台客，啲地方又污糟邋遢咁，不過心諗可能未到午飯時間，咁就坐入去叫碗雙蛋米粉加凍咖啡，應該穩陣冇問題，一坐低，個阿姐喺度鬧緊兩個遊客，因為個遊客問有冇早餐？阿姐大大聲話幾點呀？仲食早餐？兩個遊客，唯有走人。即刻諗起點解咁多遊客話香港啲食肆禮貌好差服務又好差。原來係有原因。兩位客人走咗之後，個阿姐仲不停同啲同事喺度鬧，不停講依家幾點呀？仲食早餐？仲好覺得自己好叻咁🤣👍🏻響呢個時候我嘅雙蛋麵同埋凍咖啡終於嚟啦，杯凍咖啡真係好嘢，因為係酸架，雙蛋米粉啲米粉係硬硬地未熟，但係我趕時間唯有食少少就走人，睇到餐牌諗住$40一碗米粉，加埋凍咖啡應該$50有找啦，原來買單係$75，我問搵米粉唔係$40咩？嗰位阿姐講返同一句說話，冇早餐啦。好啦，唯有怪自己冇睇清楚🤣我終於明白點解其他食肆響佢哋隔離係排長龍，而佢係得一台客👍🏻

一行五人在公司附近搵午餐食,行咗幾條街只有呢間餐廳唔使排隊,入座時阿姐用國語大聲呼喝問幾多位?跟住hard sell海鮮我哋無理佢,唯一好處係冷氣夠同埋座位闊落不過梳化好污糟,食物方面：牛筋有酸味,牛腩有少少臭味,生麵真係生嘅,叉燒煎蛋飯送迷你小強,海南雞正常不過配白飯,奶茶咖啡都不知所謂,飲品冇跟餐仲要25蚊一杯,完全零性價比,搶錢唔係咁樣搶嘅,劏人都畀啲誠意唔該,發誓就算食屎都唔會再幫襯！！！！！！！完！

先上圖，上來的餐具直接帶食物的，簡直看了就沒食慾，讓換了一個餐具，結果好似從垃圾堆裡撿來的，食物更是難以下嚥，炒河粉先不說價格，硬的難以下咽。無奈又點了糕點，價格高，上餐速度也是極慢。結賬時價格是傻傻的看不懂，沒有一個菜品的名稱。簡直就是為坑旅客專門設計的餐單，找服務員又對著吃過的盤子碗碟核對，服務員也是傻傻的說不清到底是什麽。哎，避雷吧，hei店。位置這麼好，出來這麼一個為宰客而生的h店，只能說讓大家避避雷了。還有加收服務費

做做做做到好夜，又凍又倦又好肚餓，夜媽媽又4周圍都收晒檔。行泥行去只見附近只有呢度仲未閂門，咁就立即衝入去隨便食個晚飯啦。真的太衝動了，都未睇openrice！入到去知食乜野好，見到個餐牌有隻燒鵝，張相隻燒鵝好似幾靚咁，咁就是旦叫左個燒鵝髀飯啦，阿姐仲好好咁話送個湯俾我，仲任飲添。立即冇晒戒心。隻燒鵝髀泥到都冇留意就係咁食食食食食。食食下，我X，唔對路。但個人太倦，唔同你計住，趕住開工。影張相算。遲啲先算賬。

尖沙咀中午食飯時間周圍都好多人，間間都要等位，所以搵唔到餐廳，見到呢間完全冇人排隊等位都知唔算話好好食，但係冇諗過原來咁差！我叫咗一份星洲炒米，但係結果非常失望，炒得好唔掂，味道非常淡非常難食，食材沒有新鮮感，入面啦，咁多隻蝦都冇一隻爽口，整個炒米缺乏層次感，令人感到非常失望，肯定我食過的最糟糕既星洲炒米之一。除了味道不好之外，炒米份量也算大，而價格都唔算好貴，不過總體來說，呢一碟炒米唔值得呢個價格。

非常昂貴加難食，座落遊客區，佢諗住專做遊客生意，所以冇諗住有需要回頭客，應該全部客人係一次性幫襯⋯⋯唉，但最慘俾佢做衰咗香港美食天堂個名⋯⋯ 阿姐對住每個客都係講普通話，最慘又冇禮貌，隔籬枱遊客指住Menu 本來應該係想要紅燒牛腩飯，點知出咗就咁牛腩飯，係一碟白飯加一碟乾爭爭冇汁嘅牛腩，個普通話客人叫阿姐埋嚟指住話佢想要係這個⋯⋯阿姐講話：這個就是這個啦，個客話想要紅燒牛腩飯，阿姐回覆話你指住這個就是這個，你搞不懂就看看照片⋯⋯企圖耍甩佢唔想搞⋯⋯爭持咗一輪先至同佢換返啱！唔怪得食飯時間都冇本地客入去幫襯啦⋯⋯

環境差 枱面污糟 叫佢抹抹一半就算味道差 腸粉粉漿厚 小籠包無味賣相差 態度差 價格貴問佢係咪漏單 佢答一早講左要等半個鐘我話你話耐 無講過半個鐘等超耐點心等半個鐘煲仔飯最後等40分鐘毫無服務可言仲要收+1

為於加沙嘴的鬧區，原本以為會好吃，結果進去後，服務態度差，上菜速度慢，還要收服務費，難得從遠方到香港遊玩，結果受了一堆氣，是只有盤子才會去吃的店。我不知道為什麼這樣的店還可以繼續在香港開著，如果到尖沙咀遊玩，絕對絕對不要進來這家充滿地雷的店，誰進來一定會滿肚子氣出去，吃沒吃飽，都被氣飽了。店內衛生也不合格，我真的不知道香港的餐飲衛生標準是怎麼定的，是從前就這樣髒亂，還是只有這家店才這樣，店內充滿異味，桌面油膩，食物令人反胃想吐。點個單東忘西忘，真的嗎我知道店員到底是有沒有帶著腦上班，如果電腦是聘用身障人士我可以理解，也尊重，但都好手好腳的，為什麼還會上個菜東漏西漏的。

又漏單 等左勁耐催左兩次 啲呀姐亂七八糟咁 最後個呀姐自己都知我地地叫左四寶飯 仲要叫左切雞唔要油雞 但廚房出左個油雞脾 無四寶 呀姐唔叫廚房轉照拎上黎 地方又差 成地癡粒粒痴線真係無下次

係一片死寂嘅尖沙咀，見到呢間以前似係做遊客生意嘅食店，提供點心、小炒、茶餐等等唔同嘅食物選項，價錢又唔係好貴，就即管試吓。首先叫咗個魚香茄子飯，$58嘅魚香茄子係熱辣辣一煲上，芡汁同油冇分離，唔覺得肥膩，令人幾有驚喜。不過個$30嘅XO醬煎蘿蔔糕就好得人驚。XO醬係一大Pat，幾慷慨，但煎蘿蔔糕係燶到焦黑致癌程度。出嚟食嘢，麻煩夥計拎返入廚房就無謂，post出嚟仲有警世作用。

在尖沙咀附近陪屋企人睇醫生。我見時間仲有，我就諗住食過下午茶。叫了一份奶油多，一杯凍檸茶。我喺門口等外賣時，見個操國語嘅水吧問乜係奶油多，佢要叫阿姐教佢整，我問阿姐冇理由茶餐廳唔知乜係奶油多，係咪黑工，佢答我個水吧師傅係老闆。最後，奶油多係得兩滴奶加冇搽好嘅牛油，份多士又冇烤好。杯凍檸茶茶又淡冇味。其實茶餐廳奶油多好難整得難食，呢間都算係第一次難食奶油多經驗。都係嗰句，冇下次。希望大家都唔好中伏，謝謝！

呢間鋪雖然店面唔起眼，但係menu非常之多樣化，從川菜到港式小炒都有齊，價格大致介於50-65蚊之間，包埋湯，價格合理。我叫左一個四季豆炒牛肉套餐外賣，一盒飯一盒菜一碗湯。不得不讚下佢既四季豆牛肉，好有鍋氣，帶番公司仲係熱辣辣。打開個盒就聞到濃濃醬香味，靈魂之筆係放左小小孜然，令人口水直流。四季豆有小小脆，牛肉片大塊，非常軟爛。飯盒味美量多價格合理，岩曬大食既朋友仔。

店員帶位入到去再轉入去⋯原來仲有間房，冷氣夠凍，又少人👍🏻叫咗兩個餐，沙嗲金菇肥牛煲同埋四川雞煲。由於煲上關係，一上枱就咋咋聲，好正，😍😍師傅功力好好，鑊氣重又野味👍🏻（小辣）洋蔥以及雞件都入哂味！啲雞唔會老，分量都足！性價比極高💪🏻沙嗲肥牛煲香濃嘅汁底，初時以為落咗椰香。食落又覺得有啲似花生香～～啲汁送飯一流！完全唔似出邊嘅沙嗲～～誠意之作👏🏻👏🏻👏🏻肥牛較多，配料較少，都係三色椒🫑。換左一杯凍檸茶，因為d茶水好臭。。😤😤一入口啲味好怪，個阿姐轉左第二杯俾我⋯但都有嗰陣味但係就冇咁濃，成杯唔敢再飲。渠水味普通例湯一般般啦，料少，但可添湯。