影片
夜麻麻肚餓去深水埗搵嘢食，見到呢間香港仔正宗魚蛋王好似係新開嘅，門口大大個招牌，入面好光猛，裝備簡潔舒服，感覺乾淨衛生。地鐵站步行幾分鐘就到，勁方便最鍾意食牛嘅我見到有崩沙腩，實要叫返碗崩沙腩河。崩沙腩係牛嘅橫膈膜附近嘅腩位，有塊薄薄嘅軟膠質，肥瘦剛好，口感爽脆。牛腩煮到入晒味湯底正常發揮，隱約有陣牛骨熬出嚟嘅味道。地址長沙灣元州街162-188號天悅廣場地下A5號舖港鐵長沙灣站A2出口，步行嘅6分鐘
繼續閱讀
點解叫魚蛋粉走魚片，要另加$5 又唔出聲？ 埋單先講？河粉好"鞋"....凍檸茶完全無味！ 仲有，明明前一個客，先用完八達通，就即刻收埋，又話無八達通？ 不會再幫光顧！
繼續閱讀
叫咗碗炸醬麵$33加魚皮餃同埋魚蛋雙拼加$15。叫咗碗肥牛牛腩雙拼$44。餐飲叫咗凍華田熱菜蜜跟餐加兩蚊。俾老闆娘慫恿叫碟菜，就加咗碟腐乳通菜。食物勁肥膩，魚皮餃唔係咁新鮮。
繼續閱讀
今日收工經過見到新開張嘅魚蛋粉，價錢都好似好合理咁，大概$30左右一碗，所以入去試吓。叫咗個魚蛋麵，轉做魚麵要加$20 ，但係都好想試吓，所以$50食一碗魚蛋粉。魚面嘅份量少得可憐，基本上食三啖就已經冇晒，不過味道幾好食嘅。魚片比刺身仲要薄，師傅真係好刀工啊👍🏻，仲要有三粒得一半嘅魚蛋，真係認真佩服佢哋間店。我問個侍應：魚麵嘅份量真係咁少？侍應回覆：係呀我話：真係食兩啖就冇晒㗎啦喎，正常份量黎架？侍應回覆：係呀，係咁多我：…….魚蛋魚麵 = 3粒只有一半嘅魚蛋，三片很薄的魚片及份量超小嘅魚麵，加幾條菜。地方都算闊落啊，點解食物嘅份量可以小到咁，我一個女仔夜晚食完都會肚餓，真係新屎坑，試過就算了。
繼續閱讀