影片
去開銅鑼灣行街，見到呢間餐廳主打食米線，海鮮米線都唔出奇，最驚喜係竟然有瀨尿蝦米線，所以一於入去試吓。叫咗個海鮮至尊米線，貪佢乜嘢海鮮都有，有海蝦，有鮑魚，有魷魚，最精彩同埋最期待就係有瀨尿蝦，湯底係用上餐廳秘製嘅海鮮湯底，好清甜，仲有好多配料，朋友最鍾意食佢隻海蝦，超級大隻，非常彈牙。我點咗小辣嘅湯底，辣辣地零捨開胃，最精彩係瀨尿蝦剝咗殼，好大隻仲好鮮甜，下午茶時段仲送埋凍飲，咁多海鮮呢個價錢其實都非常合理，我實在太鍾意食佢嘅瀨尿蝦，下次會叫一碗淨瀨尿蝦米線，一定食得非常滿足。
繼續閱讀
經過呢間米線舖，比佢大大碗既海鮮米線吸引左，就入去試下😆海鮮至尊米線有多種新鮮海鮮！勁大碗，每碗有：兩隻瀨尿蝦、兩隻蝦、一隻鮑魚、花甲和魷魚。瀨尿蝦面既殼已經剝好，瀨尿蝦鮮甜。蝦彈牙爽口，鮑魚鮮美，一啲都唔軔。花甲鮮甜飽滿，魷魚嚼勁十足。湯底方面，係店家熬製既海鮮湯，鮮味爆登，另可自行選辣度，更添惹味。下午茶時段原來有免費飲品，我地都係埋單先知😆 食完飲晒d 湯都唔係好口渴，海鮮米線份量大碗👍🏻
繼續閱讀
位於銅鑼灣既小店 香江米線主打係食米線 餐牌上邊有多款不同配搭嘅米線可以選擇而店內環境乾淨整潔 試咗兩款小鍋米線 小鍋米線既套餐配料都有酸菜,肉醬,腐皮,豆芽,花生,薑同芫荽海鮮至尊米線呢款海鮮至尊係招牌菜賣相已經好吸引有多款海鮮 包括爽彈嘅鮑魚,鮮蝦,鮮甜既蜆肉,肉質鮮美兼有膏既瀨尿蝦配上店家秘製嘅清甜海鮮湯米線亦都好順滑招牌腩肉米線湯底係招牌豬骨雞湯 濃郁又唔油膩仲可以加酸辣 自選辣度配上肥瘦均勻兼醃得入味既腩肉同吸收晒湯精華嘅米線 特別夾同下午茶時段仲會免費送凍飲!
繼續閱讀
😆🫶週末喺銅鑼灣同朋友搵食，無意間發現咗間特色米線店！裝修坐得舒服～下午茶時段仲有免費凍飲送，正呀！🦐海鮮至尊米線海鮮多種類！有鮑魚、瀨尿蝦、 蝦🦐、 魷魚，鮮味湯底超足料🍲秘製湯底鮮甜又唔油膩，米線滑溜唔爛👏🐚 香江鮑魚米線鮑魚厚身💥湯底同樣係海鮮秘製🍋 凍檸茶（走甜）茶味濃香又夠喉🍃走甜後唔會苦，清新解膩一流👍🍊 凍柚子茶（少冰）果香撲鼻，飲落微酸唔膩🫧少冰啱晒夏天飲！👍🫶
繼續閱讀
喺銅鑼灣做完嘢見到一間新開米線，款式都幾多，揀咗款奢侈少少嘅至尊海鮮米線！❣️至尊海鮮米線 $88✨叫呢個純粹係想試吓佢個秘製海鮮湯底🤣（店員介紹嗰陣，個湯底係老闆每日新鮮熬，飲得出有落足心機）～✨呢個價錢嚟講食到咁多海鮮都幾抵！有鮑魚、鮮蝦、瀨尿蝦、魷魚同花甲，係足料嘅😋食得出海鮮全部都係新鮮嘢，賴尿蝦最有驚喜💯湯底叫咗bb辣，有海鮮嘅鮮甜，惹味嘅酸辣，ok喎嗰日係下午茶時段去，店員仲話免費送凍熱飲🤣聽到o晒咀….凍飲都照送！撞正tea time放飯真係要嚟試吓
繼續閱讀
您可能會有興趣的...