2
3
0
食評 (8)
等級8 2019-09-11
1397 瀏覽
九龍城一向喺卧虎藏龍之地,早前就試過「Chapter Two」嘅軟歐包,順道就走過嚟「九龍城廣場」逛逛,商場以傳承九龍城社區文化為理念,更不時會引進啲特色小店,務求令到商場多元化,兼唔會嚟嚟去去都喺嗰啲品牌商鋪。早前就靜俏俏引入澳門首家傳統法式烘培過江龍「香榭里烘焙」(Élysée Bakery)喇,見個門面好光鮮,就入去打個轉先。雖然聽個名「烘焙」店,即喺麵包鋪,其實,裡面喺擺放咗多組甚富法式風格嘅枱櫈,喺可當為一家咖啡店。大可以買點烘焙產品(提供翻熱),配杯咖啡,享受一下香噴噴嘅早餐或下午茶時光。先概略介紹一下店家,首先,就梗喺不同嘅烘焙產品啦,多種口味嘅法式牛角包、有長有短嘅長法包、唔同款式嘅酥皮麵包、不同口味嘅吐司……等等,一一陳列晒晌麵包櫃度,大可以慢慢睇,慢慢揀。另一邊嘅凍櫃,亦有好多蛋糕類產品,好代表法式甜點嘅馬卡龍就實唔少得啦,此外,雖然見唔到歌劇院蛋糕,但其餘幾款蛋糕都甚有法式嘅影子。此外,仲有其他附帶產品售賣,如果醬、曲奇……等等。晚既然喺咖啡店,咖啡就自不然唔少得,仲有花茶、其他熱飲、冷壓果汁、梳打特飲……等等,應可滿足到大部份客人嘅需要。咁臨近中秋佳節,都好似唔少餅店咁,都有推出應節月餅。要殺出重圍,就梗喺要有啲花巧嘅,所以,佢哋嘅月餅以奶皇月餅為基礎,混入不同口味為亮點。長型橙黃色包裝盒,設計精美亮麗,而打開包裝,裡面嘅設計亦好有心思,每個均以唔同顏色嘅獨立小盒裝起,送禮非常夠大體。而口味方面,共有6款,包括:朱古力、綠茶、伯爵茶、經典奶皇、摩卡及茉莉。整體嚟講,每款月餅都印出好深嘅店名,而奶皇餡心亦都軟滑。朱古力黑漆漆嘅朱古力口味,朱古力味好香濃,嗒真啲仲有點甘苦味,甚有食緊美式甜點「班尼士」嘅影子。綠茶一睇就知喺綠茶口味,無論外皮,定餡心,都混入大量綠茶元素,尤其餡心,綠茶味好突出,有份幽香甘甘哋嘅味道。伯爵茶依個外皮就無刻意加入伯爵茶元素喇,但咬落一樣有好幽香嘅伯爵茶茶味,都好欣賞佢哋搓嘅皮都做到厚薄均一。經典奶皇外觀烘得金黃,雖然喺傳統口味,但一樣得人歡心,因為,奶皇奶好有蛋香及奶香,可能切開有點散,但口感好綿密架。摩卡同朱古力口味一樣,都喺「黑掹掹」,朱古力嘅味道依然濃郁,但隨之而來喺淡淡咖啡香,唔會話邊個太搶,都做到平勻感。茉莉賣相就梗定予人嘅感覺喺平平無奇,之但喺,入口就會細味到陣陣清幽嘅茉莉花香氣,配一杯中國茶,喺非常之夾。食咗咁多個,都唔覺做得過甜。雖話喺月餅,但當為一件甜點,再配杯咖啡或熱茶嚟襯吓,已可以喺一個好唔錯嘅下午茶組合。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-23
192 瀏覽
今日星期日,出面又熱,條街又多人,食完lunch未飽喎⋯咁咪去食甜品囉黎到九龍城廣場依間麵包店,新開冇耐檸檬撻好好食檸檬味足夠,甜味亦岩岩好,大家都知道酸嘅食物都比較甜內餡整得好好肉卷包,我吾記得左全名,千層包包住應該係豬肉,千層包有小小淋,肉又未到好特出,麻麻地屬於軟身芝士蛋糕,芝士味道吾重,金寶味蓋過芝士味,吾會太甜,不過不失唔記得咗係乜嘢咖啡,咖啡味香濃,小奶,我唔鍾意食重奶味嘅嘢,依杯咖啡啱我口味好好飲環境好好,不過冷氣唔夠凍,男朋友拍熱食到出晒汗,我又吾會熱到咁,但冷氣凍D會更加好,都不斷keep住有客坐低食~下次再試 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-16
113 瀏覽
呢間 ELYSEE 有少少位可以堂食,又可以takeaway買走既。有麵包、有cake、都有馬卡龍Macaron、同Coffee。朋友仔好想食牛角包🥐,就買左佢唔同口味既牛角包takeaway。試左甜甜桃味、仲有莓味,呢d係酸酸甜甜。最好味呢都係原味香榭里牛角包,唔會太咸又唔會太甜,原味牛角包好鬆化,唔會滿口油既感覺。同埋呢款原味牛角包成日都做買一送一架,好抵食。怕肥又唔想食唔晒浪費,可以買mini size牛角包仔,都一樣咁脆口鬆化😋😋 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-15
75 瀏覽
我記得我第一次食香榭里嘅麵包喺喺澳門,冇想到喺九龍城都開咗。仲喺買咗上次喺澳門食過個牛角包,朱古力榛子味同埋原味,呢家嘅牛角包我真喺好中意,外邊脆脆哋裡邊超鬆軟比起出邊嘅牛角包都好食。仲買咗兩件心太軟食,朱古力味好重好好食,但係覺得有小小不似以前食過嘅個哋心太軟,因為好唔流心,似Brownie多D 繼續閱讀
(以上食評乃用戶個人意見 , 並不代表OpenRice之觀點。)
兩個人下午茶來這裡一hea, 點了心太軟和劇院蛋糕加兩支飲品。果茶好味,但太細支又貴了少少,堂食其實可以平番5元 心太軟都好味。劇院蛋糕卻令人失望,極甜,甜到頂唔順。我本身食得好甜下,但都覺得甜到食個口都唔舒服,找不回以前食過一間好好味但已結業的歌劇蛋糕。童年回憶崩壞系列。麵包好唔好就唔知,樣靚又香,有機會可能會試下。 繼續閱讀
(以上食評乃用戶個人意見 , 並不代表OpenRice之觀點。)