香格格酸辣米線 (已結業)

上星期返工前見到一間吃辣店舖,之前又無幫襯過所以就約同事試下這間米線,同事點了豬軟骨酸辣米線,我就點了豬軟骨麻辣米線,先講講他們的湯底吧..本人覺得麻辣較喜歡,因為酸辣不夠辣呢..之於他們的豬軟骨又入味又夠淋,正份量方面,我覺得都幾大碗,因為平時我去吃完米線到4點幾就會好餓,但當日到了4點幾個肚仍然覺得脹脹地..哈哈^^之後我和同事各點了凍杏霜和凍柠水,味道還可以沒什麼特別呢!!不過要加多7蚊就好貴,下次都係叫外賣就可以慳番7蚊啦..不過在上環以29蚊一碗米線,份量不少也算不錯呢,等我下次叫下外賣先^^

第一次嚟幫襯, 就膽粗粗點咗麻辣湯底的豬手冬菇米線, 已千叮萬囑要小辣, 結果都'中招'之前食過'譚x'的麻辣湯, 以為差唔多, 點知呢度啲湯, 係食到個嘴同脷麻到冇朋友, 不過相信鍾意麻辣的人實過足癮~至於個冬菇就好淋好入味, 不過個豬手唔得, 炆得唔夠淋之餘仲冇乜味辣得過份想要碗清湯'溝淡', 點知侍應話加湯要加錢喎......會再嚟幫襯 (見同事點的菜飯好似不錯的), 不過唔點麻辣湯了…

看見有新店忍不住試試，餐牌上有很多新穎選擇，胡亂點了豬手羊肉片酸辣公仔麵，從來未食過咁騒嘅羊肉，淥耐咗好un，豬手ok，湯底只酸不辣，檸檬薏米水有得力素檸檬feel，公仔麵還是配麻油味精粉比較夾!!!

發現有間米線店舖新開張，所以去試一試。叫咗一碗豬潤米線及一碗豬軟骨米線 (酸辣湯底)，另加一碟生菜及一杯凍好立克。生菜及凍好立克沒有大問題，都是一般貨式，豬軟骨都算ok，不過，豬潤就………….，因為我本人十分喜歡食豬潤的，所以一食落口就覺得豬潤太硬、無鮮味、太重雪藏味，因此有機會再去的話，都不會叫豬潤了。而且檯面貼上一張溫馨提示︰因環保關係，大家節省用水，各食客如有需要可自行叫服務員提供白開水，這一點我個人覺得唔得大方囉。我都有去過不提供白開水的店舖，不過，他們不會擺出環保兩個字出來。價錢方面HK$29.00一碗單拼米線，我個人覺得都不算平，如果另加一杯凍飲及一碟油菜的話，結賬都要差不多四十多元，所以平唔平就見仁見智。

最近，郵差派咗份<香格格酸辣米線>單張去公司，新開張嘅<香格格>，以酸辣米線為主；原址係一間泰國菜館。上環區食米線嘅地方確實不多，開多間米線舖，可以多個選擇！$39 一碗米線，價錢有點貴！ 係咪值呢？ 有見及此，搵日食早餐試試質素如何？！米線係來自雲南嘅特色食物，見到店內近卡位位置，掛上不少穿上雲南服飾女孩掛畫！充滿雲南風情！店子以紅色為主色調，相當奪目醒神！ 舖位長而深，雖然地方唔太大，但勝在坐得舒服！ 較入位置有張大圓枱，不過，牆角有個空氣清新機，未必人人接受這種香味。不時，有些蚊滋飛嚟飛去，衛生則一般！此外，餐牌架有溫馨提示提醒大家：「請支持節約用水，如需要茶水，請向服務員提出！」否則，以為無茶水供應。 蕃茄湯系列：蕃茄田園什菜米線早餐 $23晨早流流當然想食個開胃早餐！ 除蕃茄湯系列之外，仲有湯粉麵系列可供選擇。可轉米線 / 米粉 / 通粉 / 公仔麵 ( 不用加錢 )。蕃茄湯顏色係夠！並非天然蕃茄味，加上一點茄膏之類，不太討好！論什菜真夠份量！ 小棠菜、西蘭花、紅蘿蔔、黃芽白....當中以黃芽白最為豐富！ 講到米線，以早餐份量卻不少！ 竟然係腍