影片
以上資料只供參考, 請與餐廳確認詳情
今日經過上水新發街，見到新開左間《香島冰室》就入去試下。叫左碟菜遠排骨炒麵，唔洗十分鐘好快就有得食。麵底靚炸得夠香口，脆卜卜，而且唔會太多油，芡汁味道鮮，個芡仲要煮得岩岩好蓋過晒D麵。真係好好食！！
繼續閱讀
見上水新開間冰室諗住去去試下佢，佢地有常餐，港式麵及炒粉麵類等，早餐又未食因為有事搞到下午食，下午茶又唔知食咩，叫個乾炒牛河呢啲香港最基本既野，連凍飲$53，侍應一送上枱，已經覺得好伏，冇鑊氣，又唔咸，牛肉我以為係豬肉有陣腥味，唯一好處係肉幾大塊下，但得幾舊，後來整左d辣椒醬反而有驚喜，可以掩蓋到唔夠咸腥的味，一個成年男性既我係冇食晒。。。飲品就正常。
繼續閱讀
聽聞這間冰室係始源於1968年見佢重開，點都要試一試，入到去試杯奶茶先，香滑茶味夠，唔嚡口順滑，飲完條脷都冇嚡口感覺合格，合格！菠蘿包，鬆脆面唔會散，包身焗得幾靚底面火都幾均勻，食落去好似有少少椰絲嘅口感覺值得一試！蛋撻個皮老實就真係一般唔係酥皮，食落去有少少糖粒，好似入糖嗰陣唔係打得好均勻，但係個蛋水都幾香。其他雲吞麵檔同小炒就冇試過啦，下次有機會去試結論茶檔同包類，絕對有資格同九龍所謂打咭名店有得比較吓。
繼續閱讀