20
25
0
餐廳: 香城茶室
資訊:

社企滋味 feel so good!

Click 入 選擇喜愛的社企餐廳。

如欲了解更多關於社企的資料,可瀏覽此網址

港鐵紅磡站 D6 出口, 步行約11分鐘 繼續閱讀
付款方式
現金 八達通
座位數目
118
其他資料
酒精飲品
電話訂座 詳細介紹
外賣服務
加一服務費
食評 (47)
等級4 2020-10-14
171 瀏覽
咁大個女s都未去過香港歷史博物館 得知受歡迎既 香港故事常設展 快將暫停開放 呢間香城茶室 又就結業 好 出發💪常餐 $49 +凍飲$3五香肉丁米粉(漏影)火腿奄列 奶油脆豬仔包 凍華田米粉以外 全部被湯圓妹騎劫 份量都OK呀 豬仔包有驚喜 夠醬又唔乾身 凍華田就唔夠凍同太淡精選麵餐 $48 + 特飲$8香城招牌雲吞麵套餐配油菜 凍檸檬菜蜜雲吞皮勁滑 蝦亦彈牙 湯圓妹又又又騎劫左兩大粒😂 油菜都新鮮嫩口 凍飲湯圓外婆飲晒 唔知咩味嘍餐廳環境較想像中打卡able 食完行埋啲展 又係較想像吸引 有仿真場景有音樂😍 行完湯圓妹話要去廁所 見女廁有小朋友廁所🚽鼓勵佢試下終於第一次成功肯去街痾💦好感動呀👏👏 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
468 瀏覽
七一公眾假期去香港歷史博物館睇展覽,行完都已經係下午茶時間,不過6:00又有飯局,但又想食少少嘢,最就腳就係博物館內嘅香城餐室。當日咁嘅時候客人真係得3檯,冇人量體溫,入到去座位任揀。去到收銀處點咗個茶餐,沙嗲牛肉米炒配半個奶油豬仔包同火腿奄列,凍齋啡少甜。博物館通行証仲有折。再去搵咗張卡位坐低,放低支ORDER旗仔喺檯面,好快服務員就上餐。喺食物賣相一般同完全冇期望之下,反而有驚喜,沙嗲惹味香濃,米粉爽口唔爛,而且熱辣辣。又係新鮮熱辣嘅奶油豬仔包,香脆嘅麵包外層,鬆軟內層加上牛油和煉奶真係太好味啦。火腿奄列炒蛋非常滑嫩,火腿絲份量滿滿。超滿足。社企食肆服務溫馨,座位同環境都舒適,各位行完博物館不妨支持吓社企。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-26
303 瀏覽
喺尖東返工好耐,今日先知原來歷史博物館有間茶室。好大嘅空間,有卡位,有圓檯,卡位有普通有中式,中式幾有感覺,係時光倒流嘅感覺,上面有2個雀籠,櫈係木造嘅,椅背有鏡,不過頂背,所以我地最後都係坐返圓檯,好多張檯都暫停使用,疫情下我見過呢間最守規矩👍,個個都為咗做生意,唔會跟1.5米距離。半快餐形式,出去點餐,之後有人送餐,點咗個肉醬意粉56蚊,比我預期貴,以為社企會比出面平少少😅,不過環境好,夠寬敞又乾淨👍,唔會好似其他茶記咁急促,坐得咁迫,未食完就想收碟。意粉好大碟,雖然唔係話好好食,不過感覺無出面咁heavy同咁味精,奶茶個茶底都麻麻。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-15
743 瀏覽
先推介下香港歷史博物館的香港故事專題,由4億萬年前的香港到孫中山革命,再到今日香港... 香城茶室座落在歷史博物館一樓,整個設計都是60-70年代,旁邊有棵大樹,在窗旁的位置呷一口港式純滑奶茶,懷緬下舊香港,寫意非常。回說一下食物,午餐有三款。我選了咖喱牛腩飯,惡夢開始了。牛腩我咬了一口,哇牛筋定橡筋呀?本想放棄,發現全碟只有兩大塊牛筋,焗住食左佢。我用左超過30秒先咬得開舊牛筋。如果下次再有呢個飯歡迎挑戰下。奶茶夠滑,送中湯。值得一讚佢地有請特殊人仕。同埋卡位,窗邊位勁好feel, 影相打卡必到! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-22
2678 瀏覽
在歷史博物館裏邊竟然有間茶室好正呀睇落好舊式,好懷舊嘅感覺。本來以為好貴,原來真係茶餐廳價錢,仲要坐得好舒服😌吾洗搭枱我係下午3:30 到來的,真是吾多人。佢地收5:30 ,我叫左南乳豬手麵套餐補充一下骨膠原先個豬手套餐裏便會有包一杯野飲,有一碟菜,豬手麵,面裏便的豬手好大舊,有三舊咁多,好滿足。店員服務還不錯,店員會有個牌比你坐下,稍後佢會送到俾你的坐位,老實說我係俾去啲環境吸引入嚟㗎,我好鍾意裏面的設計,好復古,重點又平坐得舒服😌下次一定會再去。 繼續閱讀
(以上食評乃用戶個人意見 , 並不代表OpenRice之觀點。)