首爾韓食 • 서울김밥 • (已結業)

觀塘牛頭角打工仔必食韓國餐廳 每到中午放飯都好多打工仔排隊 堂食都算多位 每個飯卷都係即叫即做🔥但出餐都好快 外賣唔使5至6分鐘就出到餐 餐廳仲有其他韓式料理 聽講廚房姐姐都係韓國人 主打冇味精嘅烹飪方式 可以食番韓國家鄉風味🥰想食韓國嘢？可以嚟試試呢間韓式飯卷專門店🥰（餐牌睇圖）.⭐️牛肉飯卷套餐$49🥰表面撒左啲芝麻喺上面 入面超多餡有雞蛋 酸黃蘿蔔 生菜 紅蘿蔔 青瓜 牛肉及蟹柳🥰啲飯好鬆軟🥰紫菜有少少芝麻油香.⭐️豬肉飯卷套餐$47🥰一樣都係勁多餡 豬肉有少少辣🥰豬肉調味幾重手👍酸黃蘿蔔脆卜卜 好爽口.⭐️套餐跟泡菜 自選韓國嘢飲同埋是日小菜.#hkfunfoodrecord窮遊香港 #hkfunfoodrecord_牛頭角#hkfunfoodrecord_觀塘.#首爾韓食 地址: 觀塘巧明街94-96號鴻圖中心3樓D舖.⭐️評分：味道：4/5環境：3/5 服務：4.5/5 抵食：3.8/5..#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogg

牛肉飯卷 / $49飯卷望落好似係好簡單嘅食物，但都唔係咁易整得好食。套餐有飯卷，泡菜，小菜，飲品，亦可以單買飯卷，個人認為飯卷最好係一口大小，可以一啖食一舊，唔使分開咬搞到跌晒啲材料，而且飯嘅厚度要適中薄鋪一層就夠，配料粗幼大小大約一致，睇相可以見到配料分配得好好㗎😍😍，醬汁牛肉，蛋，蟹柳，紅蘿蔔，醃蘿蔔，青瓜，菠菜，一啖一滿足，如果紫菜麻油味再香啲就perfect池。觀塘區世一飯卷，不服來辯😌

外賣平台見到嗌黎食 點知原來唔好食 首先炸雞好淋好淋 麵好油有味 食幾啖唔太想食 嗌咗撈冷麵 點知出到嚟原來係意粉 打開以為係叫咗邊間肉醬意粉 買咗兩盒野$180 性價比完全符合 直頭唔會再食

自從去左牛頭角返工後都不停去發掘公司附近有咩好食不過通常lunch都唔會食太貴呢間韓國料理就合乎哂我返工食Lunch要求近公司、經濟&速度快🌿呑拿魚飯卷套餐 $47套裝係跟埋兩款小食及飲品今日嘅小食係酸蘿蔔皮 & 魚片份量屬適中,對女仔黎講係夠飽嘅飯卷內有蛋絲、紅蘿蔔絲、青瓜、酸蘿蔔及吞拿魚飯卷每日限量發售,售完即止所以食落都幾新鮮架!賣相也是很不錯的!🌿熱蜂蜜檸檬茶味道不像港式的檸檬茶,比較似柚子茶呢間店其實就係愛琴妨3樓相比起地下3樓人樓會少d所以都算坐得幾舒服😊仲有印花卡,儲夠8個可免費教領飯卷一份呢👍🏻

今日好熱無咩胃口，想簡簡單單食個飯團飯卷，就諗起呢間。呢間係樓上鋪，都食過幾次，記憶中都還好啦。所以再試多次。▧ 吞拿魚飯卷比一般飯卷細了一點，但吞拿魚份量不少，職員不停咁係旁邊包呀包，新鮮！▧ 韓式炒年糕炒年糕最重要就係個汁。個湯汁唔算好濃味，正正常常，我中意再辣少少濃少少。配菜有椰菜絲同韓國魚糕，份量黎講女士足夠，男士可能要再加野食。呢間只做午市，營業時間很短，要黎食就睇住時間喇。印象中好似開11點半去到3點，想黎食下午茶就要小心。

想食韓國飯卷好耐，係香港選擇不多，搵到觀塘有得食，就黎試下。▧ 吞拿魚飯卷 HK$36雖然比韓國一般飯卷細了一點，但比例上吞拿魚份量不少，看到職員不停地包飯卷，新鮮包的飯卷，紫菜上塗上薄薄芝麻油，整體味道很像韓國的，不錯！▧ 韓式炒年糕 HK$42她們的炒年糕醬汁不會太水亦不會太稠，夠掛汁，但比較偏甜，不太食到辣味。配料除了年糕外，仲有椰菜絲等，本以為會有韓國魚糕，最後發現只有一小塊而且，感覺可惜哈。▧ 總括黎講，味道尚可，飯卷很韓國地道味道，但菜式選擇很少，份量少，所以只可以算輕食，男生吃會不夠飽喔。而且要留意營業時間很短，只做午市。

一直都冇留意呢到開咗間韓國嘢, 係LUNCH時喺街見到有人攞外賣先留意到, 今日特意去試食, 喺鴻圖中心搭(車立)上三樓轉右手邊, 第一間舖就係, 其實果層係愛琴坊FOOD COURT嚟, 舖頭出面全部係FOOD COURT咁既枱, 自由坐自由搵位, 地方都好濶落, 叫咗幾款卷物同韓式拌飯(豬肉) - 賣相唔錯, 豬肉好新鮮, 配埋韓式醬汁好味牛肉飯卷 - 賣相好吸引, 牛肉好入味, 壽司飯亦都好軟熟吞拿魚飯卷 - 吞拿魚都好新鮮, 好少見韓式飯卷會配吞拿魚, 呢個係新嘗試豬肉飯卷 - 豬肉有少少韓式醬汁撈埋一齊包飯團, 豬肉有少少辣, 但都好惹味總結 : 食過返尋味, 每份飯團都配有泡菜同黃蘿蔔, 新鮮好食, 價錢唔算好貴, 有單點或配飲品做套餐, 咁既食物質素同賣相都算抵食

這家韓國餐廳位於樓上鋪，可從鴻圖中心坐電梯上去，也可在鴻圖中心旁的food court乘電梯上去。上去了才知道是有很多公共位置，在地下的food court買了其他餐廳的食物也可拿到這裡吃menu選擇豐富，套餐配上泡菜、小菜及飲品也不超過$40，非常抵食！飲品menu選擇也很多，也非常「韓」，這次選了蜜桃汁，每口都是果肉這次先試試它的飯卷點了牛肉飯卷，別看它只有一條，非常飽肚的，饀料也足，另外飯盒用了木製的盛器，很「韓」