饞。台式食堂 (廈門街)

營業中

休息中

灣仔囍帖街隔離嘅呢間台灣小店，鋪面細細但選擇地道，有齊滷肉飯、炸雞扒等地道小食。而家越開越多，唔同台灣特色fusion菜，價錢貴又唔貼地。但係呢間非常貼地，適合想突然食吓台灣嘢過吓癮嘅你。今次試咗台灣腸滷肉飯，滷肉入味但偏鹹，台灣腸煎得香口；地瓜球外脆內Q，算係合格。飲品叫咗茉香珍珠奶茶，茶味偏淡，珍珠煮得過腍冇咬口，比較失望。 價錢合理（人均$60-$100），食物水準普通，適合突然掛住台灣味又唔想過海嘅時候。 味道 ⭐️⭐️

今次我同朋友去咗一間台灣小店，試咗幾樣嘢。首先係滷肉飯，佢啲滷肉味道幾好，醬汁濃濃，配埋白飯，食落去都幾開心。然後我哋點咗酥炸排骨，外面炸得金黃，咬落去有啲脆，仲有啲鹽味，整體唔錯。椒鹽雞扒都試咗，炸得唔錯，香脆之餘，配啲青菜，口感都幾好。我都鍾意飲個杯芋香珍珠奶茶，其實平時我就唔係好飲珍珠奶茶，但係因為芋香嘅關係，所以我就叫咗，好彩都好飲整體而言，呢間小店食物質素都幾穩定，下一次有機會再嚟試多啲其他嘢。

喺網上平台見到推介呢間，見到有優惠就試下新口味。鹽酥雞滷肉飯 $68。鹽酥雞咸咗啲，又乾咗啲...。飯底反而有驚喜，滷肉好香同幾多，又有酸菜好開胃，豆腐同隻蛋都幾清新～。呢個份量女子食剛剛好，男子可能不夠飽喇。香香雞柳滷肉飯 $68 。雞柳超咸，叫咸咸雞比較貼切～如果有啲醬可以點下就好喇。。飯底就同上面一樣。蒟蒻球蜂蜜柑桔檸檬。跟餐送，非常之清新，仲好打杯～蒟蒻球有啲咬口。整體黎講不過不失，無咩特別，除左咸～諗唔到食咩時會回頭。

位於灣仔的「饞。台式食堂」是一間主打台式美食的小餐館。午飯時間顧客絡繹不絕，當我到達時，已經有一條挺長的人龍。不過，幸運的是排隊速度還算快，約二十多分鐘便順利入座 🤭餐廳菜單上選擇眾多，包括滷肉飯、牛肉麵及多款台式小食，算是滿足了港人對台灣美食的期待。我透過App點了一份鹽酥雞滷肉飯🐤和地瓜球 🍠🔥 鹽酥雞滷肉飯 （$59）首先上桌的是鹽酥雞滷肉飯🐤。這份滷肉飯的份量適中，但肉燥份量相對小。鹽酥雞雖然外皮炸得酥脆，但有些地方的顏色偏黑，感覺炸過頭🙈 。配菜有粟米🌽、鹹菜和滷蛋（App內亦按個人喜好剔除）。不加配飲品的淨飯價格為$59，以這樣的價位算是中規中矩～🔥地瓜球 （$26）地瓜球在台灣的街頭小吃中是頗受歡迎的美食，但這裡的版本卻讓我有些落差🥹。與我在台灣或其他台式小店品嚐的相比，這裡的地瓜球大小差了不少，只有迷你彈彈球的大小。味道上算正常，但整體不算太熱（感覺非新鮮炸起 🤔。整體而言，「饞。台式食堂」提供的午餐中規中矩，但食物普遍不夠熱。可是在灣仔區能在人均百元以下品嘗到台式飯餐+小食，算是性價比不錯的選擇～✨

呢間台灣餐廳好ma ma。首先，返工lunch time, 等咗快20分鐘，有個senior d化濃妝既女侍應，拎住個空碗過來，加埋一個唔知咩醬，放底左，無講野就走了。我就問佢我既排骨飯係咪都黎緊呢？她竟然話：「我得兩隻手咋！！」午餐時間等咁耐，我都冇催佢，直到佢放底野想問下，呢種態度，連基本正常應對都做唔到，真係一個差字。成條街好多餐廳都執左，希望佢識得反省下。講返食物，我點咗何首烏排骨飯，湯味道淡d，唔熱，大部分肉係硬乾，豆腐好味既，ok既 , 無對佢有好大期望。至於熱飲，放喺杯入面，唔知係咪耐熱膠，但喺外面完全唔覺得熱，飲落口好易燙親，呢個要小心啲。

餐廳要人齊先俾入座饞三寶 - 脆トト鹽酥雞遇見香噴噴滷肉飯含鹽酥雞、手切滷肉、滷蛋、豆腐、青菜、酸菜、玉米等見佢細細碗飯諗住應該都食得晒丫點知係食吾晒架😂😂饞三寶 - 先炸再滷超香排骨滷肉飯 X2製作需時15分鐘。 含台灣炸豬排、手切滷肉、滷蛋、豆腐、青菜、酸菜、玉米等

之前食過兩次，鹽酥雞滷肉飯係正常的，少少厚粉，但起碼食到雞肉(唔係細細嚿），同埋係即炸，所以先有下一次。今次食，非常非常之差，幾乎全部係雞皮、厚粉，仲要係一早炸定，得兩嚿好細粒嘅雞肉；同店員反映完，換咗幾粒都係差唔多。食熱氣嘢會有上火嘅代價，但呢堆咁垃圾嘅雞皮同粉漿根本食唔到，最後只能靠食嗰個飯嚟醫肚，個廚房/廚師真係好過份！奉勸大家唔好中伏，連埋嘢飲$79，上火熱氣之餘，仲要食到一肚氣🤬🤬🤬

啱啱行完會展喺附近搵嘢食 見到有間台灣嘢🎑有啲小食同珍珠奶茶飲，所以俾佢吸引咗🤤嗌咗嗰個炸排骨飯同埋鹽酥雞滷肉飯 兩個份量都好多 滷肉甜甜地肥瘦適中 送飯一流👍🏻鹽酥雞炸得好酥脆 雞肉嫩滑🐥排骨都好大塊 男士都一定夠飽春水堂平替珍珠奶茶🧋大大杯幾好飲 茶底好香比得上春水堂💓跟餐價都只係加$20 仲有好多款台式小食 下次經過廈門街都可以試吓呢間台式料理 原來其他地方都有分店📍饞。台式食堂 (廈門街) (灣仔)灣仔廈門街31號地舖

大大碗，好好味抹茶甜度適中可惜未能試芋泥肉鬆蔥油脆蛋餅火腿肉鬆芝士蔥油脆蛋餅看起來很好味同朋友叫左5碗，3碗藥膳麵2碗炸雞都好夠飽兩杯珍珠奶茶兩杯果茶都好好味。讚

今日嚟食午餐，簡單叫咗個鹽酥雞鹵肉飯同鹽酥雞陽春面。味道唔錯，似足我在台灣食嘅味道，而份量剛剛好。仲叫咗兩杯嘢飲，仙草奶茶同珍珠奶茶。唔太甜，正！呢間下次可以再來。另外，店員好有禮貌。

牛肉麵一般（如果期望係好似台灣咁 咁要打三折）個面勁淋，如果鍾意有咬口可能要講聲個面要生啲；好麻吉便當係幾好味。最有驚喜，係個芋泥肉鬆卷😂但係就冇乜性價比。如果當下午茶食幾好。（太肚餓，唔記得影相）其他真係不過不失。講唔到邊度唔好味，但係又唔係話去到超級好味。如果掛住台灣菜都可以食吓～全部都係掃code落單，第一次去話要寫嘢佢先同我哋講要掃code再印比我地落單😂😂（老老實實 係睇到好多好評先食，但係未去到呢個高好評嘅水準😂😂😂）

星期二午市時段12:15，無需等位，入座後一段時間，12:45店內已經坐滿食客。本身想點蛋餅，但要2:00後才有，假期才全日供應，要下次再來試，想食蛋餅的朋友，要留意時間。 最後點了一個 香香雞柳滷肉飯 $62、何首烏藥燉排骨麵 $76，一杯熱黑糖姜母茶（跟餐加 $20）。香香雞柳滷肉飯，有酸菜、滷肉、滷水豆腐、半隻滷水蛋、粟米粒🌽、生菜🥬。 雞柳大件，不算很香脆，少少淋身，味道鹹了少少，肉質不柴，不乾身。滷水豆腐很Q彈，很好食～ 滷肉肥瘦適中，配上酸菜和粟米粒，充滿滷肉汁的飯，很惹味。何首烏藥燉排骨麵，有幾粒杞子，湯底有淡淡藥材味，入口溫和舒服，不搶喉，很好飲～一啖湯，一啖麵，很好食～排骨燉得夠淋身和入味，不會過份淋到鬆散，肉質剛好，配上不太濃的腐乳醬食，更有風味。很喜歡這店的熱黑糖姜母茶🫚☕️，不太甜，配有淡淡黑糖香味，不會搶了紅棗和薑的味道，姜母茶有紅棗粒片和新鮮薑絲🫚，薑味濃郁，飲了令人身體很和暖。有些地方的黑糖姜母茶會很甜，是死甜那種，飲完不能解渴，反而會更口渴，這店的黑糖姜母茶就完全沒有這個問題。要留意，店舖只收現金和八達通。

收銀一路落單一路嘴藐藐一路落單，佢又一路冇反應，都唔知聽唔聽到，又唔會出聲示意聽到又唔會覆下點咗嘅餐都唔知會唔會落錯單問吓餐牌內容又好不屑咁樣講講多句都唔想完全係唔想做而家做客人點解要受買呢啲咁嘅極品員工氣就算間餐廳幾好食都冇用幾多好評都冇用啦呢個係自己唔好彩，遇着個禮貌嘅人點知睇返原來之前都有人話呢間嘢職員態度都係差請埋啲咁嘅員工勁趕客，唔該餐廳正視吓啲員工嘅態度。唔使旨意有下次無謂要食飯食到一套氣

午後12點多，門口已經大排長龍，小店的位置不算太多，排了沒多久就進去餐廳了，用QR code下單。先炸再滷超香排骨滷肉飯處理排骨的方式有別於其他台式餐廳，炸完再用滷的方式，讓排骨的肉汁鎖住，而且吃下去不會覺得乾，保留了肉和滷味的味道，非常適合下飯🍚。QQ彈彈全壘打裡面有花枝丸，紫薯、地瓜QQ球，臺南是城府蝦捲，甜不辣，上桌後，熱騰騰的香氣，份量還挺多的，脆脆香香的味道，喜歡台式小吃的話，一定要試試。

在香港的台灣餐廳或麵館，大部份都係以牛肉、牛筋、牛腱麵為主打，唔係咁多間台灣餐廳，可以食到麻油雞麵今次特別想試這一間，主要因為麻油雞麵中午時候，早少少去，都見到要排隊，等咗大約15分鐘便有位，入面坐位都小小親密午市套餐唔係特別多選擇，朋友叫左：老當歸半斤半肉麵，湯底的當歸味道唔係太重，半斤半肉味道都唔錯我自己揀咗麻油雞麵，麻油味唔係好重，雞肉有少少太細件嘅感覺，味道都可以午市套餐配上台式特飲，選擇也不少