饗和民 (已結業)

因為係尖沙咀行行下街覺得肚餓，其他餐廳又好多人等位，咁岩見到和民唔洗等位，就去左新太陽廣場分店食和民。餐廳環境大致舒服，燈光比較暗，但坐位都乾淨同坐得舒服。 同其他分店不同 ，呢度二人坐位有L字型，但不會影響舒適度。 當日2個人食，叫左個十勝豚肉飯$88同燒肉壽司卷全份$88。十勝豚肉飯個汁甜甜的幾好食，豚肉都唔會乾身，份量都算正常。燒肉壽司卷相對較普通。肉質唔夠新鮮，感覺是單憑辣汁去調味。但整體尚算不錯。

約了好耐無見的飯腳在尖沙咀食飯，不太餓，只想坐得舒服，傾下計。所以選了食日本餐。飯腳要了酒送串燒，酒味道可以的，不算太難入口。這個串燒味道一般，睇色水都大概估到味道吧！ 煙肉卷是ok的。燒雞翼是正常的。鮭魚忌廉可樂餅，這個都特別的，但應該是無可樂味的，是一個名稱吧！鰻魚飯是可以的，鰻魚正常、有油份，份量還可以，無骨很乾淨。這個海鮮煲不錯，記得滾兩滾之後，要快手食了三文魚先，不會過火，跟著才慢慢食其他。有皇帝菜是驚喜，這個煲，剩下的湯汁是鮮甜的。這間一般食飯可以的，服務不錯，坐得舒服。

因為不太想在海港城同人迫同等位， 所以去左海港城隔離嘅新太陽廣場食晚餐。和民的食品一向都沒太大驚喜，水準一向都不差。二人坐位是呈L 形， 不過都夠坐。因為不是太肚餓， 所以沒有選擇太多食物。今次叫左壽喜燒鍋， 大阪燒， 炸雞軟骨同甲羅燒。 壽喜燒鍋大大個， 沒有加錢upgrade 個牛。不過普通牛都不算差， 不會太多肥肉。大阪燒味道唔錯， 份量適中。雞軟骨有d 乾， 不過味道ok 甲羅燒好香好食，忍唔住叫左個白飯一齊食！ 店員服務也不錯， 有主動幫手加茶，抵讚！

與好友於尖沙咀聚會想坐得舒服啲,於是揀左新太陽廣場既和民。去到先知原來裝修左改左名叫 響和民, 睇睇餐牌原來換湯唔換藥, 食品一樣價錢貴左。三個人叫左經典和民沙律, 三文魚刺身, 燒玉子, 牛肉壽喜燒, 牛油果卷, 燒魚, 蕎麥麵。野食keep到一向和民水準,但賣相就差左好多,完全提唔起影相既諗法。人均消費$250, 係尖沙咀黎講算係咁, 由19:30坐到22:00, 全場冇full 過, 唔使趕住交檯, 環境又清靜。 唯一不足是店員比較新,服務較奇怪。

和牛壽司同燒和牛都係新岀既4成熟 肉嫩有汁 脂肪分佈都平均加海鹽少量就夠 即燒既和牛壽司 好香 燒得較熟既比較香同好味食落都唔錯 一淡食晒岩岩好串燒雞翼依舊地正常甜蝦就最新鮮其他都係一般般拉

未食早餐就出咗去做Body Check，去到話要等1個鐘⋯⋯咁襯有少少時間就食少少嘢先，咁啱又見饗和民唔使排隊，地方夠闊落坐得又夠舒服💕今餐食住少少先，等做完Body Check 再食過😹我叫咗（明太沙律厚燒玉子）、（十勝豚肉飯）、（牛肉鍋烏冬）先講吓個玉子，佢嘅明太子醬配埋淡淡嘅玉子+上面嘅蔥花點綴，味道啱啱好👍🏻而十勝豚肉飯配上秘製醬汁，仲有蔥花同埋芥末配搭，成個飯都好惹味～老公就食牛肉烏冬，佢話都係唔錯嘅一個Lunch, Yummy Yummy 🤤🤤

呢間饗和民係lunch間唔中都黎食既，勝在地方舒適，夠大夠寬敞，不過食物質素就一般，無咩特別，$58 lunch set就味道一般，而且份量唔算大，不過不失。今次就試左個牛火鍋， $88加一。主菜，因為唔係貴牛，所以口感一般都正常。菜同豆腐都無咩特別既，反而烏冬係最後先放落鍋滾同滾耐D，吸收湯內精華所以有D湯既味道，幾好味。蛋 ，其實點整就跟個人喜好。另外，佢既湯太淡，無味，所以唔好飲。佢個碗前菜無咩料，都無咩油或醬，所以就真係好清。對於我，真係好清呀。飲品就叫左柚子疏打，因為柚子唔多，所以無咩柚子味道，就算有糖水落左都係有甜味，唔係柚子味。甜品 紅豆加湯圓兩粒，無特別好味唔好味服務就不過不失，不過有時可能多客同坐埋較邊既位置，職員就未必咁容易見到你，但服務態度係唔錯既。如果想搵一個舒服地方食野傾計係可以既，但食物質素就一般了。

記得個晚約咗朋友係尖沙咀文化中心睇concert，但放咗工點都要醫肚先。其實尖沙咀餐廳好多選擇，可惜我哋趕住入場時間唔多，決定經過見到啱嘅餐廳就入，朋友想食日本野，見到饗和民唔洗排隊就入左去。我哋兩個人叫咗鮭魚牛油果卷、明太子玉子燒同海鮮炒烏冬。我同朋友本身都好鍾意食牛油果，所以個牛油果卷對我哋嚟講得太少牛油果，但其實佢整體配埋鮭魚嘅味道都算唔錯。至於玉子燒亦都幾好食，淡淡嘅蛋香配濃味嘅明太子，感覺啱啱好，唔會太heavy。最後海鮮炒烏冬水準一般，唔會令大家留下太深刻嘅印象。

是日返工真係勁攰，勁忙，真係要俾啲人激死咁滯。唯有係食一大堆好嘢，先可以發洩我心頭之恨。所以就約埋個同事，決定去附近食好西！附近間和民執咗，唯有去遠少少，新太陽嗰邊，食饗和民。之前試過禮拜日幫襯，完全冇set lunch，啲飯都要講緊百幾蚊一碗，實在幫襯唔落。今日係閑日，終於都有set lunch可以嗌啦。Lunch set都唔錯，有18個定食可以揀。除咗都有嘅set lunch之外，仲有日替，非常多選擇。我就叫咗個北海道蕎麥面迷你鮭魚魚子丼定食，價值$86 ，其實個蕎麥面同埋個飯都算係大份，非常夠飽，幾抵食。不過味道就一般，中規中矩，三文魚都唔係特別肥美。啲同事就叫咗個石鍋鮭魚帆立貝蒜蓉牛油飯。個飯團一嚟到，就已經香氣撲鼻。價錢仲只係$68，非常抵玩！下次都要試下！每一個set lunch都會麵豉湯同一杯飲品，喺尖沙咀來講，算係抵食。

係尖東搵食，想食又平又好又舒適既。都有困難，遊客區日日都咁多人，餐廳自然都貴d 賺遊客錢。茶餐廳都要最少$50-60，仲可能連飲品都冇，仲要簡單頹廢碟頭飯。自從可以用apps 拎飛等位，加上本人又熱衝於日本菜，饗和民係可以話係繼吉野家既另一恩物。Lunch 都好多選擇，定食最平$58 就有，有沙律，有麵豉湯，仲有一杯野飲，真係抵食過茶餐廳。今次揀左三文魚加帶子石鍋飯。上菜時三文魚同帶子仲係刺身的樣，由於驚飯痴底，所以快快手影完即刻撈飯，有少少飯焦好好味，三文魚同帶子撈撈下好快就熟左。好好味，仲加左粟米，沙律醬，蔥，仲有少少黑胡椒。個石鍋好熱好保溫，啖啖飯都熱辣辣，冬天食更正！$68再加10%服務費，食得好飽！又好味！滿足

上星期五要趕住返公司開會，所以去附近既饗和民食lunch~ 餐廳係新太陽廣場一隅，環境相對靜D，唔駛等位就入得去。Set Lunch選擇唔算多，佢個餐牌會有兩個價錢，貴D個個其實就係佢自動幫你組合左D追加小食，其實無平到，你是但叫一個set再配搭都有一樣效果。為左慳少少所以叫左個平D既三文魚帶子石鍋飯定食($68, 再加一)，有小沙律、麵豉湯同野飲。分量一般，味道正常，無乜驚喜。下次可以試下佢其他既set~~

其實可能自己同朋友仔都太細食，二人套餐三個人都夠食😆😆😆個套餐好豐富，放到成枱都係嘢食，就咁睇都覺得好滿足既一個大餐...沙律🥗，壽司🍣，鍋物，炸物，鐵板雞扒，刺身，甜品🍮，飲品🍹🍸........環境都唔差呀，可能因為夜夜地，都差唔多9點幾，所以清靜同冇咁多人，咁樣幾好，可以舒舒服服食一餐😁😁😁最後仲有個甜品，係透明既涼粉，配左黑糖糖水，又滑又香，好味道😋😋😋👍🏻👍🏻👍🏻

I went there with my family and I almost got intoxication from food. We order salmon with dish & rice plus other. It was totally old and wrong cooked. The smell was strong and totally inedible. French fries was potatoes uncooked. Noodles with inedible salty soup. They also forgot one order. I ask myself how can this restaurant still hold the license. I hope the hygiene department will go there to check. Strongly recommend do no go there.

似乎係尖沙咀搵一間唔太貴嘅日本菜係有啲難道，今次都算揀得幾好。地方唔算方便，好彩起左隧道，唔駛出去淋雨係幾好，可以直到新太陽廣場。初初打去book位個陣，接聽電話嘅真係麻麻，遇上服務麻麻嘅人都幾扣分。黎到店，店員無呢種感覺俾我，都幾好服務嘅。呢間都係和民集團其中一間，似乎係高級一啲。價錢又唔會話好貴，合理範圍內。我地5個人俾咗個隱蔽8人枱，好啱我地勁笑都無問題。明太子芝士厚燒（$38），無想像中多明太子同芝士，蛋係燒得唔錯，如果你係明太子迷係會失望。清酒煮蜆（$68），人越大越鍾意食蜆，佢個湯好鮮甜，蜆都算多，無乜沙。牛油焗帆立貝（$78），都焗得幾入味，唔過太老或者啲計乾哂。鹿兒島和牛壽喜燒鍋（$158），和牛係入口即融，記得一熟就食，唔係好易老咗唔好食。呢個蜜糖芥末原隻雞腿（$88），本身有芥末味道提昇，炸都恰到好處，唔會太油，可以加小小七味都配。軟殻蟹牛油果壽司卷（全份，$98），唔錯，一口咬落剛剛好，又夠full。海鮮炒烏冬（$68），估唔到咁大份，多海鮮，炒得好好，我地幾個都有一碗有多。雞翼還好，我地分別叫有明太子同普通，普通有隻血仍有，其他還好，好味。話說我地黎嘅路上剛巧有

與舊朋友聚會,星期日晚勁幾位就食日本菜喇鰻魚壽司卷 全比menu既相細好多。一開始只俾左半份 俾錯左 98蚊8件有d貴和民沙律 大d沙律份量唔多 個碟大但沙律得平平既一層 但有脆脆好好味 青瓜好食 可以一試軟殼蟹卷 全比鰻魚好食 而壽司上仲有個圈加飛魚子好精美 推介 都係98蚊8件雞軟骨只配檸檬角冇跟沙律醬 每件雞軟骨都炸得岩岩好 唔會太焦 而個炸粉唔會太咸太厚 但每粒雞軟骨都係細粒d 溫度唔夠熱 好似38蚊 幾抵食芝士年糕芝士同年糕溶為一體 好軟好味 好似38蚊 推介滑蛋豬扒飯有部份蛋已經唔滑 煮得過老 成個飯既汁調味甜甜地 好開胃 有洋蔥 同豬扒都幾好味 推介壽喜燒 大一上菜個賣相好樣衰 大打折扣 但煮完之後有d菜呀食下 幾清 牛肉係普通牛肉 但唔會太肥 算中上水平 98蚊 推介海鮮抄烏冬海鮮有魷魚 木魚 蝦仁 蜆 成碟偏重味咸 唔推介每人135蚊 算抵食 可以傾計傾好耐