饗一品 (瀝源廣場) (已結業)

今日去左瀝源呢間日式小店：饗一品叫左個溫泉蛋照燒雞排飯配冰紅茶$56個飯賣相相當吸引，雞排好大份，個皮煎得好脆好有口感，配埋隻溫泉蛋有啲蛋汁唔會太dry，不過食多幾件就覺得濃味左少少🤏另外有麵豉湯，甜甜地幾好味。不過個唔洗加錢既冰紅茶就有少少失望，居然係罐裝康師傅，如果係餐牌寫埋係罐裝康師傅應該會想加錢叫其他野飲😅以下係餐牌：整體黎講大大份有湯有野飲都幾抵食，座位都舒服，可以再黎，不過下次唔要冰紅茶喇😅

呢排係沙田周圍行周圍遊，又嚟咗瀝源跳呢邊，呢間日本嘢個位之前都轉過2-3次手，嚟到變咗做饗一品都好似有3定4年喇。裝修有日本風格嘅，算幾有心思。叫咗兩個午餐set， 一個係叉燒拉麵加幾件壽司，一個係牛肉壽喜燒鍋。先嚟咗個麵豉湯，唔知點解唔熱嘅係暖暖哋，搞到覺得怪怪哋，心諗一陣d嘢唔知好唔好味…嚟到又ok喎，特別個鍋好大份同埋有好多牛肉，同埋牛肉都算新鮮。其他食物都唔差，當然壽司唔好當好鮮甜嗰D啦，日本嘢嚟講物價算低，點都係抵食嗰d嚟。

在幾十年的舊屋邨商場內，比較有格調和特色的食肆，給平淡無奇的舊邨帶來一點生氣，餐廳裝修有日本🇯🇵加港式🇭🇰風格，座位分布合理，燈光比較昏暗，價格只屬一般(除學生餐外），食物賣相和味道普普通通，份量略少，侍應招呼正常，衛生環境只屬於可接受水平，但中午用餐時段人流比較繁忙，因為附近很多學生在此處用餐，亦因餐廳提供學生優惠，所以對學生來說是一個不錯的選擇，整體來說是一間不有甚麼特別的食肆，解決一餐是可以的，不繁忙時段坐下食下都可接受。

第一次光顧這店，午市時段，看到店內坐滿了學生，就知道這該是一間價錢親民，讓大家在有限的午膳時段填飽肚子的店。點了兩個午餐，一個是半條鰻魚飯，另一個是壽司拼讚岐烏冬，午餐連飲品，點了熱檸檬茶和熱菜蜜，另點了兩個小食，一個是鐵板牛油帆立貝，另一個是燒河豚乾。半條鰻魚飯的鰻魚，雖然菜牌上已寫明是半條，但份量還是比想像中少，米飯的份量倒很多，味道方面，就是自己在家裏用現買的鰻魚汁也能做出的那種味道。壽司有五件，兩件加州卷，味道尚算不錯，另外三件分別是熟蝦、希靈魚和三文魚壽司，味道平平。至於烏冬，口感不錯，湯頭則一般。鐵板牛油帆立貝（忘了拍照）是這次午餐中最不合格的菜式。帆立貝有五粒，不算少，問題是味道全無，可能廚師連最基本的鹽和黑椒也沒放，或放得太少，反而鐵板上的大量洋蔥味道不錯。燒河豚乾算是所有食物中最好吃的，不會太柴，配蛋黃醬好吃。這店的服務算是不錯，侍應友善，工作效率高，環境也給人乾淨整齊的感覺，就是食物的吸引力不高，如果只是趕時間想吃飽之後再上學或工作，對食物要求不高，這店還是可以選擇的。

Boyfriend and I discovered a small mall a walk away from the more snazzier New Town Plaza. It was here we found Sando, a Japanese restaurant that seemed to serve everything Japanese.  It was very busy and it seemed people dining here lived near by.Menu is in Chinese only but they had photos of the sets. They had a la carte as well as dinner sets. All sets come with a miso soup, salad and set hot drink with possible upgrades. They also provide hot tea.As they had an $18 upgrade for a special drin

環境： 門面很像日本居酒屋，燈光及舒適度都適合閒聊～點了黑椒牛肉set, 色澤不錯，但味道一般，不太入味，但炸物很不錯，對得起價錢。軟殼蟹手卷，炸物口感不錯！值得推介！海鮮鍋，濃味入味，份量夠吃。本人最鍾意食炸豬扒，但這個令人頗失望，不夠味道亦賣相不好，不推介😤👎

一排冇黎，餐牌更新左，多左啲新野，即叫佢既新品～😂之前既飯多數得一款餸，而家好多都兩款～🤩我同朋感覺都叫左午餐，包一碗飯同一杯飲品。1️⃣蒲燒鰻魚雞肉飯（$65）2️⃣溫泉蛋泡菜牛肉飯（$56）沙田食飯都幾貴，但呢度可能因為開喺屋邨，所以價錢相宜啲。價錢除左合理，選擇都幾多！以呢個價錢黎講，野食既賣相以及味道都唔算差，唔怪之得坐滿晒人～😆📌不過記得佢地既咖啡好難飲，而家有冇好左就唔知，因為我今次叫左檸水！🤣

我點咗豬軟骨拉麵，水準正常。另再加牛肉壽喜窩，轉咗豚肉。以78蚊嘅價錢而論此窩味道不俗。但係油甘魚刺身賣相比味道佳，又不是不新鮮，但就是不及其他店的好吃。總括而言，不難入口，但没咩驚喜。

以前成日係瀝源禾輋食Lunch 自從生左小朋友就冇再黎過喇事隔幾年 瀝源既鋪頭都變左好多今日行過探舊同事 見到有間日本餐廳 於是就去左試下喇疫情期間 門口有探熱機 入店前都需要量體溫 店員再安排座位 每張枱都會用板隔開 枱同枱之間既闊度比較窄 隔離枱坐左客人既時候 我坐入我張枱果時 好易會整到隔離枱既客人坐落唔算好迫既今日午餐點左個炸蝦天婦羅飯熱辣辣既天婦羅 炸粉唔會好厚 食落唔錯飯面仲有好多脆脆墊住d天婦羅除左天婦羅個汁成個飯都幾dry 未食曬都覺得好熱氣另外叫左個餃子拉麵 餃子另上 脆口 拉麵軟硬度適中

今日過左黎沙田搵朋友，落左朋友屋企樓下商場食lunch，朋友話呢間日式餐廳唔錯，lunch set好抵食，所以帶我黎試下。空間寬躺，座位幾舒服，同埋依傢抗疫時間都有分隔座位咁坐👍🏻lunch set真係好抵食🤩套餐有湯又有野食，好好👍🏻我就叫左個牛肉壽喜鍋套餐，熱辣辣好大兜，湯底濃郁又夠味，配菜亦都好大份好多，味道唔錯！而朋友就話成日都食lunch set所以佢就叫左火灸三文魚刺身丼，三文魚好厚身，見到d刺身都好新鮮，朋友話呢間野真係真心推介抵食又好味👍🏻

好耐無打食評喇 今日無聊睇番 以前成日同男朋友 即係而家既老公周圍去食野 好開心對上一份食評時 我仲大緊肚 而家小朋友都兩歲半喇有家庭有小朋友 真係少左出去食 但都好想的起心肝打番下食評瀝源係好近我工作既地方瀝源都無咩特別好好食既食店 好多時都會過新城市食有時懶唔想行 會去呢間饗而家疫情影響 生意一定差左外賣有折 堂食而家推出$39起抗疫餐 $咁平既價錢 都無咩太大期望點了客$42既雞排烏冬 +$3凍檸茶但絕對收貨！雞排熱到不得了 脆皮的而且都幾juicy 烏冬是正常貨色 不是特別出色但都過得去埋單先$45 都唔會點彈啦！

兩口子放假不想下廚，決定到饗一品買外賣回家吃。因為時間比較鬆動，索性等到下午茶時段才開餐，價錢更實惠。茶餐外賣自助還可享88折優惠，更加不容錯過呢。我們選擇了兩個茶餐，奉送熱飲或冰紅茶，凍飲亦只需加$3。外賣需另加餐盒費，這樣兩個餐則加$ 4。這兩個下午茶餐分別是T3日式燒汁牛肉飯和T4炸餃子味噌湯拉麵。日式燒汁牛肉飯份量挺多，大概是我們平常一客午餐的份量。牛肉肥瘦恰到好處，肉質也不錯，配合滋味燒汁，提升食欲。如果燒汁可以再多一點，能沾滿每個飯粒，相信會加倍惹味。炸餃子味噌湯拉麵的味噌湯和麵食分開盛載，避免浸淋餃子或令麵條發漲，是很細心的安排。味噌湯味道好足，和日式拉麵是絕配；炸餃子即使是外賣亦有夠香脆。飲品分別選了熱咖啡和熱檸茶。

趁天氣好入沙田踩單車，先吃飽再出發， 約朋友於附近集合，瀝源廣場搵到間新開日式食店。下午茶時間都可以叫午餐，價錢相宜，魚生飯、雞扒飯、壽喜燒定食、壽司、烏冬......種類繁多，總有一樣啱你口味。午餐及下午茶都包有麵豉湯，熱辣辣小心燙口 。鹽燒鯖魚茶漬飯，賣相相當吸引~沙律菜新鮮，先吃令胃口開一開，茶漬飯茶味香，天氣熱，吃這個爽口開胃。燒鯖魚好大條，小心幼骨慢慢食~蒲燒鰻魚飯~下午茶餐份量都唔少，魚肉香滑，飯加鰻魚汁，越食越開胃。跟餐飲品包冰紅茶，凍飲加$3，凍奶茶是我的至愛食店領有酒牌，卡位也方便傾計吹水。

今晚同老公撐枱腳，老公想食日本野，但又唔想去咁遠，記得屋企附近商場有間日本餐廳，於是去試吓今日商場唔係太多人，可能疫情關係，個個都減少外出入到去，侍應替我哋量體溫，消毒雙手，做足預防措施，而餐廳入邊都有一格格卡位，客人與客人之間都有一定距離， 感覺良好我哋揀咗個親之二人前及order一客豬軟骨拉麵海鮮麵豉湯-有新鮮蜆、湯都幾好味蟹棒蟹子青瓜沙律，都幾大碟，混合埋沙律醬食都幾好味有三款刺身分別有三文魚、虎蝦及劍魚，都算肥美新鮮，不錯另外再有兩客鯛魚壽司及三文魚壽司帶子黃金炒飯，入邊有好多帶子， 十分足料，又有鑊氣豬軟骨拉麵（地獄湯底），唔算太辣，雞蛋是糖心蛋，豬軟骨夠稔，而麵非常彈牙，最後有甜品泡芙，加$10有杯凍飲，凍檸茶可以媲美茶餐廳配合服務及價錢，可以再encore

好少日本餐廳做埋早餐，呢間日本餐廳都算特別，我叫左個雞絲－丁,－丁唔太腍配埋雞絲味道唔錯,唔會太鹹,另外佢地有玄米茶飲,可以消脂消滞,其實佢地裝修唔错,下次可試埋佢地Ｄ放題