餓底 (已結業)

今次試嘅呢一間餐廳 係一間專賣天婦羅嘅外賣小店主打天婦羅便當同埋唔同日本嘅街頭小食當中包括海鮮天婦羅便當都係$50左右 真心好抵食 店員推薦我哋試吓佢哋嘅街頭小食 尤其是係香芋地瓜球 紫薯甘栗餅 或者佢哋嘅冰火炸雪糕都好吸引 但係我哋嗰日去到就已經賣晒炸雪糕😢-豪華海鮮天婦羅便當$138軟殼蟹 炸蝦兩件 炸蠔兩件 石斑兩件 蟹棒兩件 四件時令野菜 佢哋嘅好啊海鮮便當真係好豐富就算兩個人食都夠晒🥰 但係因為我哋始終拎到返屋企都會過咗一段頗長嘅時間 所以都啲炸物開始有少少淋 如果遲啲Party Room開返 喺嗰度買完上去附近食都係一個唔錯嘅選擇-明太子玉子燒$25玉子燒大概係半分左右 上面加咗少少明太子 正常水準-紫薯甘栗餅 $38呢個餅一共有兩件 亦都係店員推薦嘅小食 普通薯餅就聽得多 紫薯甘栗餅喺香港都比較少見 識落都幾好味甜甜地📍餓底 (旺角)旺角洗衣街89N號偉基樓地下A1號舖

原本見無負評就叫個外賣🥡自取點知就係食垃圾叫左一個日式豬肉便當🍱份量就係一層3pm 大概是6片豬肉（周老婆各食一口 就知道大鑊中伏）另一個係日式雞扒便當🍱（又係食一口 同老婆互相望一下 極速地吐出來🤮）.大概是放工時間去拿外賣返到屋企打開直升機聲音 馬上聽到👂日式豬肉便當🍱豬肉有陣怪味 食一口唔再食日式雞扒便當雞扒真係乾到爆炸好👌 以此為警誡拍照📷中伏一直叫 有幾間分店食店做外賣今次叫間小店就中左個大型地雷好足夠200字

《豪華海鮮天婦羅拼盤》估唔到街頭小店都有咁高質嘅天婦羅脆漿夠薄 食到入面真材實料絕對唔係個d大大舊但其實一大半得個殼食炸物最緊要脆 「餓底」既天婦羅脆得黎唔會乾爭爭插親口無論係海鮮定蔬菜 都仲食到入面既水份 𓆡炸蠔🦪炸香既外皮好薄 入面蠔肉肥美大隻多汁𓆡炸蝦🦐同樣地入面仲係爽彈juicy的🤤𓆡軟殼蟹🦀勁大隻 大讚👍🏻 係真係食到肉𓆡 蟹棒唔係假魚蛋做個隻蟹柳 係食到一絲絲肉的𓆡 石斑又係係真係食到一梳梳魚肉 唔係茶記個d散修修既鯰魚柳𓆡 野菜蕃薯🍠、金菇、紫菜話明豪華拼盤真係非常豐富🥳.《紫薯甘粟餅》紫薯味好出 香甜軟綿 紫薯控必試💜亦食到甘粟粒 增加口感.《冰火炸雪糕》薄薄既外皮剛剛好承載入面包住經典雪糕糯米糍咬一口 冰凍既雪糕流出黎🍨🍦出邊熱裏面凍 來個冰火二重奏🧊🔥.小店CP值高 值得支持仲提供大量日式便當附近返工都可以外賣

疫情慢慢放緩，見好耐冇同媽媽食飯，即刻同埋仔仔上媽媽屋企，一家人聚一聚，諗緊食乜好，媽媽提意食樓下新開間天婦羅🍤😲，平時唔係好食煎炸野，竟然咁講，咁就順下佢意思。因為6個人食，喺OpenRice有得叫定，外賣自取，唔洗第，好放便。叫咗好多野，價錢唔貴，炸蝦天婦羅有3隻蝦，5件菜，都係$39，不過見咁耐冇同媽媽食飯，食餐好啲，叫咗個龍蝦天婦羅拼盤，都係$159隻龍蝦尾啖啖肉，龍蝦肉質又甜又彈牙，怪唔得媽媽平時好少食煎炸嘢，都叫我哋食呢間試下，原來真係好食。佢其他嘢蔡思貝我都化到好出色，尤其係牛油果，金菇，香菇都好好，不過佢喺龍蝦面前，都行埋一邊。評分（五分最高)食物質素5服務4環境4

Crispy Japanese Tempura.旺角鬧市，都有一間人氣天婦羅！小店主打外賣，多款炸物任君選擇，最適合同樣鍾意食香口嘢嘅你😍🍱豪華軟殼蟹便當&熱湯烏冬 $138軟殼蟹，炸蝦，炸蠔，石斑，蟹棒。拼盤抵食，因為有齊各款，最啱三心兩意嘅我🤤點上天婦羅汁，招牌脆口軟殼蟹係必試。蠔同蝦size頗大，非常足料！少見厚肉石斑，蟹棒亦鮮甜👍🏻時令野菜，金菇，紫菜，茄子，南瓜。冇諗到原來炸蔬菜可以咁好味，Nat最愛大大片炸紫菜🥳🔥冰火炸雪糕(兩球) $28店主吩咐一定要即食🤩Sure!因為我都忍唔住啦！熱辣辣外層，入邊原來係香芋糯米糍，雪糕控表示好好味呀~~🥔黑毛和牛薯餅2件 $42🌰紫薯甘栗餅2件 $38🍠香芋地瓜球5件 $23 小食最推薦和牛薯餅，經典薯餅中再加入少少和牛肉碎，食肉獸表示，加上肉野食都會好味啲係真理😎🦀蟹膏玉子燒 $25玉子燒夠嫩滑，而且蟹膏添上鹹香鮮甜風味，好唔錯呢！店鋪就腳超方便，可選外帶or立食，新鮮即刻食都會特別有feel❤@hungry_cover_hk 📍旺角

本身想食韓式烏冬，點知係OpenRice loop loop 下就見到呢間餓底，見佢食天婦羅，好好似幾好食，又唔貴，好啦，轉個呔先🤣🤣🤣係OpenRice 睇環境，小店一間，仲要係我成日經過嗰條街，但我都無留意到😅😅😅睇下個餐牌，價錢大概$50幾左右，除咗天婦羅🍤外，仲有日式便當類，其實都幾多種類👍🏻👍🏻 睇晒之外，我最後揀左軟殻蟹🦀️炸蚱天婦羅🍤配珍珠米。OpenRice 落單，滿$50減$10 ，成個餐先係$49 ，其實都幾抵食。🤣🤣👍🏻👍🏻外賣成個set 拎到返屋企個紙袋都吸左啲油，咁佢係天婦羅，有油都正常嘅🤣🤣成個set 有半隻軟殻蟹🦀️，一隻炸蝦🍤，二款都好好食，炸皮好薄，仲好脆，食落又唔係好油，個軟殻蟹雖然得半隻，但絕對唔細隻👍🏻👍🏻 而個炸蝦啲肉好實，唔錯。👍🏻👍🏻除左主食外，其實仲有啲蔬菜天婦羅包埋，炸紫菜，炸南瓜，炸茄子🍆，炸四季豆？（應該係🤣), 仲有炸金菇🍄，全部都好高質，炸紫菜同炸金菇🍄大推，真係勁脆勁好食👍🏻👍🏻 而跟餐個珍珠米仲有汁，細細碗，都好夠食。👍🏻👍🏻唯一要講下嘅係天婦羅汁個樽仔個口太細，同汁太少，啲天婦羅太大，點唔到🤣🤣🤣真心覺得幾好食，擺左係enco

甚少出城既我出開去搵朋友。見約左人既時間未夠就周圍行下。經過見到門面好吸晴既天婦羅店。見佢個meun幾吸引。又平堝。咁就試下啦佢啲餐都係5-70蚊左右最鐘意食軟殼蟹既我就叫左一份軟殼蟹拚盤。等左幾分鐘就做好。上到手熱辣辣。要等一陣先入到口。超正堝夠晒脆口。有軟殼蟹。蝦天婦羅。茄子。金菇菜。南瓜。紫菜。冬菇。除左軟殼蟹天婦羅。原來紫菜天婦羅都好正架。推介食晒之後同老闆講左兩句。原來佢地有朱古力麻薯天婦羅。身為朱古力控既我一定要試下至得。外脆內爆醬。誠意推介。

呢間小店主打日式天婦羅、街頭小食同各式便當🇯🇵💗炸蝦天婦羅拼盤 ($39)3件炸蝦炸至香脆，但粉漿略厚，蝦肉爽彈冇雪味；5件時令野菜包括有蕃薯、南瓜、秋葵、金菇菜同紫菜🍤💗香芋地瓜球 ($23/ 5件)地瓜球外皮煙韌軟糯，內𥚃芋泥幼滑香甜🍠💗紫薯甘栗餅 ($38/ 2件)外層炸至金黃鬆脆，內𥚃紫薯蓉甘甜綿密，加上粒粒甘栗增加口感🌰💗黑糖梅酒 ($49)《瑞泉梅酒》採用沖繩黑糖同紀州南高梅泡盛，酒香中帶梅子嘅酸甜，口感醇香厚實🍶

📍🇭🇰 餓底 Hungry Cover.「餓底出動」Go Go Go!而家無堂食，唯有買外賣返去食！突然好想食日本野，出開旺角見到有間竟然買日本小食店，估唔到平民的價錢，日本的味道！這間店是最近由真。香港人自己開的，與老闆對話後，十分友善，和堅持用最好的原材料煮食！.今次我地兩人一於試下你地的小食和主食先！.小食：📌 香芋地瓜球- 第一時間令我諗起台灣嘅小食-地瓜球，即刻要叫返份嚟試吓先。外皮香脆，內裡香濃香芋味，一啖一口👍🏻 簡單方便進食！.📌 玉子燒 （明太子/ 黑松露/ 蟹羔）- 味道揀咗明太子，仲以為明太子會包住喺玉子燒入邊卷住燒，不過玉子燒都不過不失。.📌 紫薯甘粟餅- 呢個有驚喜，唔係普通嘅紫薯餅咁簡單，入邊有埋栗子，全部材料都係他們自己親手製作，又大份又好食！香脆的外皮剛好包住餡料，熱辣辣好食！.📌 和牛薯餅- 完全唔似出邊嘅牛肉薯餅咁味精，他們採用真正和牛混合薯仔蓉，炸出來剛剛好，唔會好鹹，吃到有牛肉的鮮味，食咗一舊想再食第二舊👍🏻👍🏻.主菜：📌 軟殼蟹炸蝦天婦羅拼盤- 這個拼盤很豐富，有主件：軟殼蟹、炸蝦，另外蔬菜類包括蕃薯、南瓜、秋葵、豆角、海苔、金菇，老闆好好人，

最近wfh 餓餓地碌熊貓發現抵食日本便當，1. 飲品加餃子配搭真是一絕，岩曬牙痕嘅餃子控！2. 便當味道一流咖哩雞好味 天婦羅配搭豐富3. 岩曬居家隔離 又一嚐日式風味嘅餓鬼～！

今日去咗旺角做檢測，排咗兩個鐘頭隊，檢測完有啲肚餓，但係又趕住返公司，所以想買啲小食頂住先，經過見到呢度有間賣天婦羅，價錢又唔係貴所以試吓。我叫咗個軟殼蟹炸蝦天婦羅拼盤，都只係$49。軟殼蟹做得幾好，仲諗住$49呢個價錢，可能得好細隻蟹，但原來佢隻軟殻蟹都幾大隻，內臟清得好乾淨，成隻蟹炸得好脆。隻蝦都ok，呢個價錢我都唔會預佢比好大隻虎蝦我，Size唔算太細，味道都OK，個皮炸幾好。番薯同南瓜都好甜，用料唔錯。總結，我覺得呢間小店個性價比高，但係最可惜佢冇得堂食，呢樣有少少唔係咁好。

今日天氣好凍，唔想落街食飯，決定喺外賣平台叫嘢食，見到呢間新開食天婦羅嘅小店，見到個餐牌又唔係好貴，所以叫咗個-豪華海鮮天婦羅拼盤試下。有軟殼蟹，炸蝦，炸蠔，石斑同幾件菜總共有13件天婦羅，同埋烏冬。軟殻蟹炸得幾好，酥脆，炸蝦炸蠔都OK，金菇炸得好酥脆又保持到金菇嘅味道。全部加埋折咗都係$128 ，好抵食，最令我覺得驚喜係店長手寫左張字條俾我哋，睇到張字條覺得佢好有心思，所以想寫個post支持下呢D有心做嘅小店。

今日又凍又落雨，車我老婆去㕵角買野，等佢等到有小小餓，本來想買韓國野，去到先知佢星期日唔開，見到佢隔離開咗間天婦羅便當，所以試下，見佢價錢又底，又好似好吸引咁。我買咗份-豪華海鮮天婦羅便當，有13件天婦羅，有軟殻蟹，有蝦，有石斑柳，有広島蠔，仲有幾件菜，我食咗幾件，覺得有驚喜先記得影相，個飯仲係加咗鰻魚汁，好好味。天婦羅好脆，材料好新鮮，可以再比多小小天婦羅汁，就更加好。下次如果再經過，會試埋佢個炸雪糕，今日太凍，所以冇食到。整体唔錯

今日經過旺角，試咗呢間個軟殼蟹炸蝦天婦羅飯，$59好底食，又蝦又蟹，睇住佢即炸，好酥脆，個飯仲要有鰻魚汁撈，有驚喜，有質素。出面食最平都過百。我朋友食咗個海鮮拼盤，隻蠔似好大隻好正，個石斑片店長講明用真石斑做，果然肉質夠彈牙同好有鮮味，連埋個鰻魚汁飯都係$51，好底食。仲食咗個甜品炸雪糕，以前喺其他餐廳食過，不過好耐冇見過有舖頭做，出面炸到脆卜卜，入面個雪糕仲好夠凍，好過癮。會再嚟食幫襯下呢D少店。

今日出街預備去波鞋街買新鞋過年，路過洗衣街見到呢間小店，個名又咁過癮，決定睇下佢有乜好食。原來全部都係天婦羅！我本身唔好炸物，但見到有海鮮，我決定試佢個海鮮天婦羅拼盤。因為即叫即做嘅關係，大約等咗5分鐘左右，炸起了。個拼盤嘅海鮮有蝦，魚，蠔，蟹棒。另外蔬菜類包括蕃薯，南瓜，豆角，海苔，金菇天婦羅對於我嚟講最重要係個炸漿，襯佢熱辣辣，即試一口。個漿炸得啱啱好，全個漿都係脆口嘅，點埋個天婦羅汁，油膩嘅炸物入口變得清新舒服，食完亦唔會滯。以$41呢個價錢嚟講，佢如果有堂食的話，呢個食物質素絕對冇可能做到呢個咁平嘅價錢。等我下次路過旺角做嘢時，試下食佢嘅天婦羅定食先！