養生糊甜品專門店 (已結業)

夜晚食完飯，就想搵間糖水舖食下糖水，就見到呢間喺內街既小店。去到已經有唔少人排緊隊買外賣拎走。我就坐低叫左碗杏仁糊，杏仁味好香好突出，最欣賞呢間既糊因為佢唔會太甜。小店做到今個月尾，各位路過都可以去試下，推薦呢間比大家

很久沒有Gathering，吃過晚餐後，好想好想食吓糖水，於是上網搵搵，見到最近有養生糊甜品專門店，出名打做傳統糖水，每一款都真材實料的養生之選，值得推介給大家腰果合桃露$26微甜，細滑糊質(好杰)，吃出香濃腰果合桃味好飽好滿足桃膠雪耳露$23微啫喱狀的桃膠和又淋又滑雪耳配杞子元肉，好多骨膠原又明目,清甜而不膩桑寄生蓮子蛋茶$23濃濃桑寄生茶配上多蓮子和紅棗，雞蛋浸入了桑寄生茶味，正整體味道少甘味回甜腐竹薏米蛋$23+芝麻湯丸（1粒,$4濃濃腐竹多薏米，微甜，好味的芝麻湯丸香草海帶綠豆沙$23足料香草海帶線豆(多豆)沙，清甜

〰️平日下午都好多街坊幫襯，每碗糖水$26，雙併同樣價錢🤩 可惜營業至3月31號，想試就快啲黎啦～〰️黑芝麻腰果糊 $26評分: 3.5/5黑芝麻糊偏杰身，相比之下腰果糊更特別有驚喜😋腰果味好出，坊間好少有得賣。成碗都好低糖，食得出黑芝麻同腰果本人，食完唔驚甜到飲水。〰️店家推薦招牌合桃露，有興趣的朋友一定要黎試下呢間老字號！〰️#fat_factor_香港 #fat_factor_炮台山#fat_factor_糖水

話說去附近按摩，順便想買啲生湯圓返屋企俾個櫃檯職員話我知呢度嘅湯圓好好食，連唔食甜嘢嘅佢都話好好食所以就過嚟試吓我食既係薑汁芝麻湯圓同花生湯圓兩溝薑湯唔係好夠甜，不過冇所謂，最緊要唔好喧賓奪主花生湯圓個餡料太甜🤦‍♂️芝麻湯圓，味道還可，明顯啲芝麻嘅味道未有被充分逼出來臨走之前睇吓OpenRice,原來間嘢最出名係食糊🤦‍♂️係我錯，唔應該聽一個唔食甜野既人講響一間專食糊既地方唔食糊食湯丸🙇‍♂️等我下次有機會再嚟食嘅時候，再補多個食評

食完dinner 行過隔離就見到依間甜品店凍冰冰嘅我當然唔會錯過啦未到8點已經好多人買我都唔汁輸買番屋企等落左格再食🤣見到佢menu以外有個特別推介桃膠杏仁露就買個熱黎試下番到屋企雖然凍左但完全冇問題呀因為係勁濃嘅杏仁味桃膠又滋潤又淋又夠多成個口感好豐富好正😎

北角中式養生糖水店 宜家天氣咁反覆 時冷時熱一唔小心 好易病 都係食番碗糖水保暖養生🤤呢間要嚟裝住糖水嘅容器係類似車仔麵檔咁 幾有懷舊嘅感覺🤤🤤桂圓桃膠雪耳露 $23 熱桃膠雪耳分量十足桃膠類似啫喱狀 雪耳都幾滑身 桂圓同杞子都有幾粒整體味道清甜🤤桃膠杏仁露 $26呢個配搭比較罕見同樣足料清甜想食新配搭可以叫呢個係特別推介❣️😂小店有少量堂食位經過可以一試🤤🤤

帶亞仔黎北角玩，順便食佢呢期興既糖水-芝麻糊相就唔影啦，只係寫字算。舖頭個位其實係幾難揾，係七海商業中心個巴士站條橫街入，果頭都幾多食肆，第日可以試下。一入舖頭，真係好細，得幾個位，坐得迫。叫左個芝麻糊加湯圓同椰汁黑糯米，等一陣就到。芝麻糊果然係招牌菜，好香好杰，唔會係水加粉，至於湯圓就不過不失啦。黑糯米就有嚼勁，唔係d未開既米，芋頭亦香，椰汁味濃。服務也不錯，店員有禮貌。價錢相宜，兩碗加埋只係五十幾。一定有下次。

養生糊主打傳統糖水，售賣各式各樣的中式糖水，可以外賣或糖食。今次點了芝麻糊，另外加了一粒芝麻湯丸。芝麻糊質地濃稠，吃得出是真材實料磨出來的，而不是直接開粉。味道方面不會過甜，芝麻味濃郁最有驚喜的是湯圓，餡料呈流心，天寒地凍食好滿足

本人一直喜歡中式糖水.因為除了好味亦有不同功效今日第一次去養生糊.點了芝麻同椰汁黑糯米.超愛芝麻糊.好香好滑.因為天氣熱才吃凍.下一次一定叫熱吃.另外椰汁黑糯米亦很香同有口感！最後走時還外買多兩碗俾亞女.推介❤️

食完飯，見到隔離就有間糖水舖，又想食但係又好飽，所以就外賣返去食😂我買咗芝麻糊，一打開個蓋就已經聞到好香芝麻味。食落口就覺得好滑丶甜度適中，同埋食第一啖就覺得佢唔係開粉個d，好好味，真係真材實料！👍🏻👍🏻

這天去到 北角 炮台山 吃豬什撈麵 OpenRice 搜了附近 糖水店 相隔 幾個舖位 這間 傳統廣東 糖水小店 舖內只有 6~8 個座位 大多到來 都是買外帶的 🥡🥡看到 餐牌上 主打 幾款糊類 及 湯圓 其他豆類 都有供選擇 價格亦親民 兩溝 亦不需加收 非常實惠 即時試了 三款糊品 🥣🥣🥣生磨蛋白杏仁露 🥚🥚杏仁露厚身 蛋白亦嫩滑 甜度 剛剛好 😍😍生磨腰果合桃糊（兩溝）兩種糊 是深淺啡色 混合了 分不出 腰果 合桃 店家提到 不要攪拌 直接吃 味道清香 帶濃濃 果仁味 極之出色 微微的 甜滋滋 吃了讓人滿足 從未吃過 那麼美味的 最後多要了一碗 其他 下次 必須再來試 高質 足料 養生糊 😋😋😋 👍👍👍🥣🥣

以前嘅週末，一家人都會去北角嘅王記買起碼一次糖水。條龍雖然好長，但係老闆同埋老闆娘嘅記性超級好，好快就排到。王記關門之後，我哋一家都好掛住，諗點解咁好生意都關門。之前見到報章有睇見王記重開，一路心急上去試。今日終於開車去試，佢喺炮台山蜆殼街，嗰度嘅人流，同北角地鐵站出口無法比較。見返老闆老闆娘，聞到米香嘅糖水嗰刻個心好踏實。外賣返嚟，我哋買咗芝麻合桃，腐竹薏米，蛋白杏仁，一如既往咁好味。但係就冇咗我最愛嘅番薯糖水。希望老闆老闆娘身體健康，快啲喺人流暢旺嘅北角再起風雲。

叫養生糊，唔知係咪真係養生啲呢🧐🤣足料👍食得出係好厚比足料，唔係溝哂水好稀嗰種，唔算好滑有啲起沙，但我個人幾鐘意最欣賞係佢唔算好甜👍比較上黎我覺得腰果糊好食過合桃糊，出面又少見啲，值得推薦

吃了芝麻糊，真材實料，但個人覺得過甜核桃糊好香，沒咁甜，好味＄25一碗，兩碗都好大碗，下次可試兩溝超級飽下次還是買核桃糊好店員姐姐都幾好芝麻糊出面應該都好多店做到咁質素

依家啲甜品種類越出越多，款式越出越新奇。好多甜品舖為咗突圍而出都會花心思喺食物嘅外觀上，務求製作出可以打卡嘅甜品，但有時難免會乏略咗甜品嘅味道。呢間養生糊主打手工傳統糖水，真材實料唔會偷工減料！👍🏻 例如佢哋嘅招牌芝麻糊，堅持自己炒再磨成漿，上次食過覺得芝麻香香氣撲鼻，口感濃稠香滑！今次就試其他款嘅糖水先😝❤️ 合桃糊 $23合桃糊有抗衰老、益腦護心嘅功效！店主會先將原隻合桃攞去烘焗，再用石磨磨成糊，非常用心製作！拎到返去一打開蓋已經香到不得了！🤤 入口清甜細滑，唔會太甜，亦都無苦澀味！合桃味道香口濃郁，好足料😁好食度：⭐️⭐️⭐️⭐️ (4/5) ❤️ 香芋椰汁喳咋 $20喳咋功效一樣多，對心臟及腸胃有益、幫助排便等！呢碗糖水同樣足料，食到有三角豆、腰豆、眉豆；芋頭煮到好粉！軟綿爽口，甜度適中！好食度：⭐️⭐️⭐️✨ (3.5/5)餐廳推薦度：⭐️⭐️⭐️⭐️ (4/5)依家要食到又平又真材實料嘅糖水係唔容易，佢哋背後仲用咗好多心機去整👀 你見呢間零負評就知幾好食啦😜 附近街坊都好捧場㗎！