18
7
1
營業時間
今日營業
08:00 - 21:00
星期一至日
08:00 - 21:00
付款方式
現金
食評 (29)
馳名煲仔飯 焦點食評
等級4 2018-05-12
303 瀏覽
身體出了毛病,要入廠小修,三日兩夜裏,有些膳食由太座帶來,而其中一餐,我想點送餐服務,因為我想試這裏的煲仔飯。曾聽聞及看報張專欄的報導,大都稱讚這裏的煲仔飯,算是有點名氣。這間是香港最頂級的醫院,各方面都力求盡善盡美,包括膳食,餐牌印刷精美,每項食品都列明有多少加路里,脂肪,蛋白質,碳水化合物等。在病房裏按下呼喚鐘,有護士進來幫你落單,點了原煲滑雞飯(有骨)$108,大約等了一小時,食物送來了。煲仔飯以餐盤盛著,除碗,筷,湯匙外,還有一隻金屬匙羹,方便用來刮煲底的飯焦,揭開煲蓋,雞的香味撲鼻而來,飯面放滿雞件和冬菇,我打開附上的李錦記甜豉油包,放些少甜豉油,並用鐵匙翻土般將飯從底翻上翻勻,發現有不少金黃色的飯焦。雞件是有骨的,我認為無論魚或肉,連骨的會好味些,事實上,這些雞真的很好味,很香,也算嫩滑,冬菇厚肉,飯,是主角,雞油和薑的辣味統統都跑進飯裏,每一口都很滋味,而飯焦都是金黃,沒有過燶,香脆可口,不知不覺整煲吃光。過了一段時間,敏感的口腔因吃到味精而出現了苦味,相信雞件沒有問題,應該來自那包甜豉油。翌日,點了一杯咖啡$21,質素很好,比名牌連鎖店的好得多! 繼續閱讀
(以上食評乃用戶個人意見 , 並不代表OpenRice之觀點。)
等級1 2018-04-06
524 瀏覽
係醫院住左近百日,食左過百餐,我諗可以開一篇食評俾住院既病人。住養和好處係選擇多,食得開心,快d好返我食既係低菌餐(即係唔可以生、醃製)係餐牌上選擇得返一半,如果你冇揀低菌,護士一定彈回頭要你再揀過。(有d野越係禁止就越想食)早餐:低菌餐選擇得幾種粥、麥皮、通粉。餐牌上三文治唔食得! 我自己最鍾意食麵包類,原來係可以架!三文治可以要求廚房用錫紙包裝,焗熱上,價錢另計。營養師話破例呢個安排係方便外國人。選擇方面,我多數揀雞蛋或花生醬,係有質素既高蛋白食物。雞蛋係碎炒蛋,花生醬要自己搽。有時我會加奶茶,呢度奶茶唔錯架!午餐:病人消化慢,下午我通常會叫粉麵。呢度我推介星斑球麵、牛腩麵(可轉米粉),都係上品味道! 有時我會叫低敏餐牌入面既雞肉米粉(正常餐牌冇),因為低敏所以非常淡,近乎冇味!我之後開始叫多一個意大利雜菜湯或酸辣羹,撈落去d粉麵度,又可以開胃啦!酸辣羹比較稀,唔似出面d上海餐廳,餡料豆腐比較多。有時我會叫老火例湯,好足味。可惜低菌餐完全冇湯渣,各人喜好唔同,我就喜歡有湯渣。晚餐(西式)低菌餐一定要全熟,基本上全熟都比較乾,價錢許可的,可以叫多個西湯送。不過有驚喜既係,絕對可以叫牛排,牛排呢度做到十成熟之餘又唔靭有肉汁,而且牛既質素唔錯,有香濃既牛味。所以多種排類之中,我比較常食牛。其次係豬排,都係非常軟熟,煎得好香。有d焗飯焗意粉都係好足料,如果你係芝士控一定喜歡。不過可能我係病人,次次食完焗類都成口油味,好難消化,所以之後都好少食。焗肉醬意粉、焗豬扒飯、焗南瓜海鮮飯晚餐(中式) 乾炒牛河,非常足料!牛肉大塊多汁,河粉亦都好入味;簡中俾自己放肆下,但我有時頂唔順太油,會拎個碗用滾水沖一沖。西檸雞、咕嚕肉,呢類既食物我反而覺得麻麻,粉太多而且有時唔均勻,好似食緊硬物多過肉。醬汁係OK 的。其他菜我推介陳皮牛肋肉煲!非常入味軟熟!養和既牛肉菜色真係值得讚賞!糖水:叫過合桃露、陳皮紅豆沙、蛋白杏仁。呢度既中色糖水特色係完全唔甜,以陳皮紅豆沙為例,直情係充滿陳皮既苦香味,如果想食糖水養生既就適合不過,但如果想飯後一點甜,我寧願你食水果了。整體上都好正,多謝養和餐廳,令我可以開胃養病! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-09-26
1609 瀏覽
新增一個中式湯套餐$280, 早一日預訂。湯會分三次送到 房間,10:00am,12:00pm,6:00pm。每次都有一份湯渣及約600ml的湯. 湯比起平時的例湯煲得更好。材料更新鮮,煲完湯的 瘦肉依然非常鮮甜。 湯不是太濃味, 不過湯渣的擺盤都精緻, 份量多有定時會送到 ,所以每天都叫一份。 當然一天要喝三次同品種的湯可能有點悶。基本上過去九年, 一年會住四丶五次醫院 。每次住養和都不太擔心膳食。 另一間有這個質素的是仁安。置於法國及浸會就十分差,次次入這兩間醫院都很苦惱。 需要每天叫 家人送食物。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-20
1340 瀏覽
今日又來到富貴飯堂進餐,超開心呢,又有好東西吃。今次叫了一個海南雞飯套餐($128),加配了西餅乙個,自選榛子朱古力芝士批($30,原價$38)。雖然以午餐價錢來說比較價,但質素保證,果然沒有失望。先講海南雞飯套餐(評分8/10),海南雞件肥瘦適中,滑而有汁,即使胸位亦依然濕潤,不會過老。正。飯有雞油味,香味四溢。菜心清甜無渣。而跟餐的湯不像坊間的例湯,十分高質素。清而甜,不會死咸,我想應該是放了海味一起煲煮。好味道。吃完美味的海南雞飯,又豈能不加配一個甜品。難得跟餐價只是$30。但提提大家,不是所有套餐都可以以優惠價加配的喔!買前請詢問一下餐廳員工吧!是次我叫了榛子朱古力芝士批(評分7/10)。這個甜品對於我來說比較甜了一些。原因是我平時都食慣了少甜或是微甜,哈哈。不過,榛子朱古力芝士批是值得一嚐的。榛子朱古力和芝士神奇地合襯,合二為一,一點違和感也沒有。批上的朱古力片入口即化,大滿足。加上金箔,整道甜品變得更高貴。正正是內外兼備。養和醫院有獨立自家餅房,保證每日新鮮製造,獨一無二之made in 養和,別的餅店找不到喔。養和醫院的甜品蛋糕之所以這樣講究,全因為院長而嗜吃之人。所以,除了餐廳要有五星級大廚坐鎮之外,該院之甜品都有專人負責。而甜品的款式包羅萬有,生果類、慕絲類、芝士餅類、還有無添加糖類,適合糖尿病患者和愛健康又愛吃甜品的女士們。所以,大家難得到養和醫院吃飯,一定不要錯過他的蛋糕小品。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-11
1455 瀏覽
我因為要做甲狀腺手術....所以入咗養和醫院....啱啱尋日做完手術....依家傷口都好痛.....不過人哋話養和醫院餐廳啲嘢好好味.....仲好味過出邊嘅餐廳....我今次真係試到啦.....真係喜出望外架呢個就係我住座位隔離個景觀連出便走廊都有好多好靚嘅畫呢個係個手術做完之後嘅第一餐....星斑球粥味道比較淡左少少尋晚瞓唔着....眼光光到天光望住出邊個街景又黑蚊蚊到亮晶晶呢個係我第一個早餐你睇吓幾豐富到咗下晝我食呢個芝士焗南瓜汁海鮮飯....雖然係貴啲....但係真係食到你耳仔都郁埋啲帶子好似個$5銀咁大粒架仲要有兩隻大蝦仲有斑片加多個甜品呆下呆下等到夜晚個傷口又痛但係又想食嘢添之後叫左呢個焗豬扒飯....啲豬扒超級大塊同鬆軟我完全唔覺得自己係食緊醫院嘅飯真係媲美出邊啲餐廳㗎希望我可以快啲出院拉 繼續閱讀
(以上食評乃用戶個人意見 , 並不代表OpenRice之觀點。)