養和堂 (新文華中心) (已結業)

感冒😷都過咗一個星期，啲鼻水同咳好似清潔都清唔到咁🥲🥲🦖 好辛苦。 記得之前飲過呢度嘅羅漢果靈芝水覺得好好飲，諗住過嚟買支😛點知得翻最後一碗🥲 咁就睇吓仲有啲乜嘢選擇🥲🥲最後就喺度15 16緊，要感冒茶定止咳茶。二姨好好咁樣話幫我將佢哋兩溝🥹🥹 然後仲好貼心咁提醒我需要飽肚飲，分三次！好sweet!! 所以最後買咗一支，雖然都要$78🥹 不過去到今日已經好返好多！！ 推薦大家可以問吓職員邊一款啱自己😝 個人覺得幾有效用！💛大大支的！🦖🦖

今日係新文華上堂放break時落去想買野飲落雨又唔想去太遠諗緊去便利店買對面買肥仔水最後見到呢間門口有個轉轉機賣火麻仁咁岩又好耐冇飲過又健康過飲肥仔水就叫左杯～佢有分大杯（$15）同細杯（好似$12）唔算好sticky味道正常唔太濃 都唔算hei 佢係凍飲如果有熱既會仲好🙏🏻

尖東其實有蠻多美食 而且店鋪常常換新血最近愛上堂食涼茶因為坐在懷舊設計的涼茶舖裡 看看牆上標貼畫 桌上擺設 有些店會喜歡放蜜糖罐 有些就是砂糖但涼果類大多都相同 就是甘草梅一類的糖果而且要問姐姐先可以拿到有時喝龜苓茶 有時二十四味有時喝解暑的甜飲料 酸梅湯但看行人總覺得靜心 也多了耐心

平時行過完全唔會望，當有需要時好感動公司附近有間涼茶舖。中國傳統智慧，唔同涼茶有唔同功效，有廿四味，好多款，有啲已入好樽，大多廿幾蚊。我牙肉痛，要咗聲稱每日新鮮煲嘅龜苓茶，寫住可以清熱仲有美顏，一碗廿幾，一支66，趕返工所以買支裝，攞個吉樽出嚟即入，茶仲暖嘅，姐姐話牙肉痛加啲鹽仲有效，咁佢就幫我加咗啲鹽先封囗。都幾大樽，我估大概600ml 吧，啲人話龜板加土伏苓係甘味，我就覺得係苦😣，不過咁貴買呢支野當然唔係因為好飲，係因為功效，所以再難飲都會飲，如果唔係就去睇牙醫😰。果然第二朝好咗好多，無乜痛，苦囗良藥係真嘅，66蚊係值嘅，傳統智慧加真材實料加Made in Hong Kong 💪💪

最近天氣時凍時熱，小編成日覺得周身唔舒服，食慾大減，可以上火了。同事建議不如去養和堂試吓佢精制雞骨草茵陳茶。印象中價錢都貴左好多依家要賣＄28 / 樽。 出奇地甜，一啲都唔苦！下次大家熱氣可試下

今日見食完午飯唔夠飽，落樓下羅左個龜苓膏，順便清下熱💥。店員介紹有套券買，我幾個月先食一次，所以婉拒了，外賣左1碗龜苓膏。45蚊(堂食同外賣一樣)我覺得有d淡，唔夠重料，所以就覺得普普通通😀

如果那陣子捱夜多，就會想起養和堂，就會想起其出品的雞骨草茵陳茶，一字記之曰：甘，微苦中見甘香，但也不難入口，成效如何也好，濃厚的味道已足以令飲用者心理上好過一點。養和堂雖然分店不少，但分店位置不算很當眼，有時滿難找的，一直沒留意，原來尖東這邊也有分店，最近捱夜多，路過當然不錯過，就來一杯雞骨草茵陳茶，感覺舒服，那種甘甘的感覺，還是那麼好！

從來沒想過會為一間涼茶鋪寫食評(飲評), 今次作出 "零的突破", 並不是因為其食品(飲品)的關係, 推介的卻是當時店鋪帶給我的那一份感覺。是日罕有地拿著兩件重型物件, 路經尖沙咀百週年紀念公園一帶, 看到行人區中央有一排木凳, 於是便決定坐低休息一下, 正是 "養和堂" 的前面。天氣轉, 有少許喉嚨痛, 決定選擇 "五花茶" 為解渴飲品。由於兩件重型物件不便攜帶, 亦不能拿進狹小的店鋪內, 只好放在行人區的木凳上..... 買完 "五花茶" 後, 拿著盛著 "五花茶" 的碗子便急急腳返回木凳那邊, 難得店員也不介意我把該店的 "資產" 暫時拿走..... "五花茶" 味道香濃, 絕不欺場, 加上蜂蜜的成份, 喝後感覺舒服。坐在這些戶外地方, 一邊拿著不應該在戶外出現的瓷碗子喝涼茶, 一邊細看行人區上途人和店鋪的一點一滴, 感覺是蠻不錯的。