餃里 (建生商場)

一年前有多 叫左煎餃 啲皮又厚 又好油食到一半食唔落 好耐都無再叫今日叫左六隻餃子加麵餐 加豆漿但無左個麵！！！$69 六隻餃加豆漿BTW 啲湯渣無晒味，我唔識欣賞無第三次！…查看更多

係外送平台叫外賣，一個湯餃一個煎餃撈面，食落所有野都淡mou mou，湯餃揀咗蕃茄薯仔湯，點知同水一樣冇味，好彩有辣菜甫加啲味，點知夜晚就嚟料，即刻嘔，以為普通腸胃炎，肚脹便秘咗幾日，去睇埋家庭醫生都好唔返！點知入醫院一check係病毒性腸胃炎，食物不潔！餐廳不潔！應賠醫藥費！…查看更多

⭐以下純粹係我嘅個人分享（長文慎入）：😓話說我今晚放工去咗建生商場嗰間餃里買咗3碗湯餃子返屋企食，食嘅時候發現唔單只我嗰碗椰菜餃有一半變咗係韮菜餃外，我哋幾碗嘅湯都係凍嘅，最離譜嘅係竟然有好多隻餃子係未煮熟嘅。於是我打電話去餃里反映意見，對方嘅解釋係：1. 因為訂單多，而佢哋只得一個電磁爐，所以係有機會啲湯會翻熱唔夠；2. 佢初時唔承認啲餃子係唔熟，但我好肯定咁話啲饀係生嘅，佢先至話佢哋今晚有4個員工，當中有2個係新嘅，所以唔好意思咁話。3. 佢解決問題嘅方法係叫我過去，再煮過3碗俾我🤦🏻‍♀️，當然我無睬佢。呢間鋪已經唔係第一次出錯，有次我叫餃子+上海麵，點知返到屋企發現裡面係無麵嘅。訂單多並唔係出錯嘅理由，所以我應該唔會再幫襯。我嘅分享純粹提提大家，如果你哋之後幫襯餃里，都要留意一下。謝謝大家聽我訴苦水😔…查看更多

早兩日經openrice外賣自取order左兩個餐同小朋友食，點知返屋企開盒全部餃子都係燶晒...小朋友一隻都唔食得......老公想食煎餃子，但全部煎左嘅位置都係燶到唔食得......佢寧願煮即食麵食算數。其實已經食過好多次，但今次真係最差最失望...希望鋪頭注意下啦，咁燶就唔好比客人啦......食落口陣陣燶味，真係食唔落口，餃子又唔係平，都算正常價格，不過質素愈做愈差，好難keep 客嫁喎...…查看更多

早一個月幫襯過，當時覺得雖然要等，但味道都可以，所以再幫襯今次已提早一個鐘叫外賣，當時店員並無講明無曬某d款式既餃，然後準時去到之後再等多左20分鐘。結果店員同我講賣曬，然後叫我轉款式再等多起碼15分鐘，完全無思考能力。當時已即場質問佢地點解經過一個鐘都唔知賣曬，而在場員工並無合理解釋，只係話好多單，又無歉意同賠償，只叫我一係轉款式一係去申請退款。到底係咩管理會先會經過左個幾鐘都唔知賣曬，又唔提早通知個客？當到左領取時間又唔問一問個客要唔要轉，然後個客到左20分鐘以上又唔會表示歉意？…查看更多

難得老公收工話買外賣，好鐘意食水餃既我當然高興等到老公返黎一開掃興講真話湯冇味韮菜生不太適合我口味上海麵小不可一不可再奉送飛蟻加料劣劣劣劣劣永久black list …查看更多

屯門有如此高質的餃子實在是住屯門居民的福氣，最近又開了一間分店在屯門建生邨。這間只做外賣的餃子最大特色是他每款餃子的味道，真的很名符其實。每款味道都有很強烈的特色。專做外賣的餃里，包裝上亦有些心思，一盒生餃12隻連辣菜脯和黑醋。這裡的餃子大小適中，皮有一定的厚度，做到煙韌效果。一個成年男人，應該8~10隻已很足夠。我和小絲異口同聲都覺得紫菜味是最值得推介。就像我之前所說，味道很名符其實，紫菜味的餃子入口第一口已充滿紫菜的味道。紫菜的味道遠大於豬肉的味道，那些紫菜就像粉麵店的那些紫菜，味道調配得很好。而其他的味道就等大家自己發掘，只能說每款都很有驚喜的說。阿偉食評：餃子味道選擇多，每款味道都是精心調配，可惜只有外賣。推介指數：8/10…查看更多

今次係第二次幫襯佢。咁啱見到through openrice落單做緊8折外賣自取覺得幾抵，結果就出事。第一次幫襯我係lunchtime直接walk in買，果日前面都排左兩三個人，咁佢另外都有D外賣單，但真係15分鐘左右就出到餐畀我。平心而論，佢D餃係足料，味道正常，但未去到D人講好食到飛咁（可能其他分店人手調味有D出入？）今日經openrice落單，同上次walk in差唔多時間，我order左一點三自取，搭2去到鋪頭，今次得一個人等緊仲少過上次，跟住見到好多外賣單都pack好晒擺左響檯面，心諗會唔會提早有我果張，睇左無。到搭三過左陣，我聽到店員叫openrice oreder，我好快上前，跟住望一望單號係7號（我係6號）我即刻黑人問號問店員咁我果份呢？佢睇完個No.都有D愕然，跟住好主動話幫我睇睇，結果我又等左5分鐘，果個話幫我睇睇ge店員無再行過黎同我講一句到底我個order點而係施施然繼續慢慢pack其他外賣，我望住佢佢完全若無其事。跟住我聽到另一個店員大叫「喂D椰菜餃一粒都無晒喇wor快D添返啦」我個心即刻涼左一截，因爲我就係order椰菜餃。我即刻問另一個店員我張單到底點，佢望一望再望一望廚房，跟住話等多三分鐘，如是者又過左5分鐘，跟住排隊ge人越黎越多，外賣單都越黎越多，就連後過我到order ge 人都拎餐走埋，但都係無人同我講我個餐去左邊。我問佢地到底咩事，跟住先有個答話整緊等多陣，又5分鐘，連埋落order時間都差唔多成個鐘，一餐飯都煮到啦。最後總共等多左15分鐘終於等到我個餐出，我忍唔住畀多次機會問佢地係咪漏左單，點知店員話唔係，係因爲人多單多要排隊所以耐左。人多單多係真，但排隊呢下….（7號快過6號，後walk in 出餐快過早到）呢種「排隊」方式我真係第一次見，其實無晒貨未補得切你照直講我仲無咁嬲，最衰佢地仲要畀我聽到話無晒貨但以為我聽唔到，知道唔出聲唔交代當無嘢咁處事真係好嘢👍🏻我當下都費事再同佢地爭論，唯有用呢篇comment回敬佢地。老實講以佢地D餃子最多叫正常，但價錢其實唔算平，如果以性價比，我覺得八方雲集仲好過佢，起碼人地份量多之餘仲包嘢飲，再配合埋佢地ge做事手法，唔會再有下次幫襯。可能係我黑仔，歡迎大家去挑戰下，前提係你要好得閒好多時間同佢消磨。…查看更多

建生商場裝修完之後有呢間人氣餃子外賣店！開無耐已經成日見好多order，有日星期日想wtsapp order ，店員提醒要等30分鐘。。所以我同朋友決定買生餃同湯返屋企淥😂咁就唔洗等咁耐成功！店員話淥10分鐘左右～呢次食左少見既紫菜餃子，好味！另外香荽同白菜餃子都至於之前買個次都好好味，大大粒餃子，拎到返屋企都唔會淋到爛，個無花果腰果栗子湯好足料，D料裝到滿曬！仲有柚子醋同菜脯好夾好味下次如果再去買外賣可以自備盒，不過如果peak hour 想wtsapp /openrice 落定單就無辦法喇🙈…查看更多