餃里 (宏輝大廈)

營業中

休息中

本身個人都幾鍾意食餃子，今日終於喺港島區，我搵到一間幾好嘅外賣餃子店。叫咗個椰菜鮮肉湯餃，🍅我揀咗蕃茄薯仔肉碎湯底。呢度啲湯底全部都係誠意製作嘅，全部都好足料，一打開個盒已經見到湯入邊有好多蕃茄同埋薯仔。而且冇味精，食完一啲都唔覺得口渴。🥟啲餃子好大隻好飽滿，菜肉比例好平均，而且入邊啲豬肉有醃過，調味調得好好。🦑另外仲叫咗個白灼爽口三寶，入邊有牛柏葉，魷魚同埋墨魚仔。我自己食落就覺得冇乜特別啦，都係專注食返餃子好啲😂雖然跟餐$18都唔算貴。整體感覺都幾良好，依家應該都可以成為我日後嘅飯堂😂😂😂

平時買餃子返屋企煮通常去大街果間餃子連鎖店，食得多想試吓其他，比自己多個選擇，睇倒呢間評價ok ,外賣左芝士粟米同韮菜生餃，size比一般坊間餃子大隻，味道亦唔錯，可以再嚟。

今次第一次叫泡菜餃子，本身叫9隻淨餃加蕃茄薯仔湯，到食時打開蓋發覺好似得咁少嘅，以為因為9隻餃子堆埋哂一舊，好難睇清楚齊唔齊9隻，所以食時續隻數住黎食，點知真係俾少左3隻，但已經差唔多食哂，都無野可以做到！本身都幫襯左好耐，最鍾意嘅係芹菜餃子，而且size又夠大隻，所以係直得推介！不過今次係第一次俾少左，都明白有時忙碌有機會人手出錯，但都希望廚房員工要注意下！謝謝

今日夜晚天氣得返11度， 所以一家人決定打邊爐， 買料嘅時候家人發覺買漏咗餃子🥟🥟 所以決定幫手收工嘅時候喺北角買， 經過呢間舖頭 發有好多姐姐喺入面用心製作緊， 影咗餐牌之後， 屋企人話要食特色款， 所以就叫咗兩款一款係紫菜豬肉餃， 另一款就係泡菜豬肉餃紫菜豬肉餃子 紫菜好香😗 入面餡料好足， 有質咁好味泡菜豬肉餃 估唔到泡菜同餃子咁夾， 好開心又揀到呢個口味🥰 又有啲辣辣地😋 真係幾好味今次打邊爐都食得好開心， 下次再試下佢嘅芝士煎餃， 報告完畢😉

今日再食餃里芹菜煎餃，對比之前食，少咗餡⋯⋯大家睇相就知道係好扁嘅餃，至少少咗1/3，同只係微微煎咗，好「林」⋯⋯而且餃子好淡味，微辣嘅撈麵就比之前就辣咗🤣之前佢係幾好食😅煎餃趁熱好食40幾蚊六隻餃子都唔係平，不過我覺得佢幾好食，而且近近地但係如果今日咁嘅質素，就真係好唔抵⋯⋯我見佢成日都好多人，如果即場叫，有時都要等幾耐⋯⋯希望佢只係今日失手，唔係hea咗😅大家睇幅相就知道全部都係好扁……😵‍💫

身邊好多人都鐘意食餃子，我都唔例外呀！又發掘到一間好正嘅餃子，真係要讚下先得！款式好多，價錢好合理，質素好高，同埋店員真係好有耐性，值得讚呀！話說我排隊買餃子嘅時候，前面係一位婆婆，店員好有耐性介紹👍🏻👍🏻我揀左3款煎餃子，最大路嘅韮菜韭菜鮮肉煎餃，仲有我好鐘意食芫茜，所以就試下佢地嘅香荽鮮肉煎餃，鐘意芫茜嘅真係要試，好推介！仲有一款係芝士粟米鮮肉煎餃！每隻餃子都脹卜卜，好足料呀，煎得岩岩好，隻隻煎到金黃色！

見呢間嘢嘅D食評好好又見佢標榜係用老火湯底咁就試吓叫外賣返公司食賣相係唔錯，大大隻又多餡外賣係餃子同湯分開上唔會浸到啲餃子皮淋晒但飲第一啖湯就覺得淡而無味食落去餃子都係一樣冇乜味雖然係好多餡料餃子皮冇想像中咁薄身佢附送嗰盒菜譜都細得幾緊要數埋可能得10粒鼻屎咁大嘅菜譜其實呢盒菜譜嘅角色好重要因為啲餃子同湯底真係冇乜味 🥲建議佢哋加返少少調味落啲餡料度同埋食到最底啲餃子都會黐埋一舊就算放咗湯底都係救唔到一夾起就會黐住咗隔離隻餃子跟住兩隻搞啲皮都會爛

近排無乜飯癮，就諗住食餃子，搵到附近呢間comment幾好嘅餃子店，有煎餃又有湯餃，有十款常設口味，同埋季節限定產品當你餓住肚買嘢食，就一定想試多幾款味，二人份量五款味道，滿足！煎餃三拼自由選 9隻 $62揀咗三款較濃味嘅咖喱鮮肉丶芝士粟米鮮肉丶香荽鮮肉，最鍾意芝士粟米鮮肉餃，每啖都芝味，煎餃最夾！而香荽鮮肉都正，重荽味，莞荽愛嗜者必食！韭菜鮮肉煎餃 6隻 $40足料味濃椰菜鮮肉湯餃6隻 $46 (分湯+$2）湯底都有2款選擇，我哋就揀咗蕃茄薯仔肉碎湯 ，聞說無加味精，家常味道，食得健康！

喺附近住酒店嘅時候見到呢間餃子店都幾多人排隊等，就決定買返酒店食🤣餐廳得外賣自取，而且即叫即整，預要等10-15分鐘😃椰菜鮮肉煎餃 $48 9隻個餃子底煎到金黃色又好脆，完全係高水準💯爽口椰菜配上足料鮮肉，一啲都唔油膩仲好滿足紫菜鮮肉煎餃 $54 9隻紫菜超多😆食落啖啖紫菜香味同鮮味，食得出餡料都係新鮮製作💯再夾埋佢地自家製嘅辣菜脯一齊食，好食又惹味白菜鮮肉湯餃 $52 6隻湯底有唔同口味，就揀咗蕃茄薯仔肉碎湯👍🏻好多蕃茄薯仔，好足料味道濃郁👅完全唔係味精湯👍🏻白菜鮮肉餃口感爽口，配埋湯食都唔錯整體啲餃子真係幾高質，隻隻都足料又大件，會再幫襯🌟

這間人氣餃子店，每到午飯時間都排着滿滿的人龍等取外賣，小小的店舖有5位員工幫手，可想而之受歡迎程度。煎餃等約十分鐘，湯餃等約8分鐘，全人手工製造，有十款餃可選，而湯水也有零味精，有二款選。挑了煎拼餃，9隻三拼自由選，選了芝士粟米鮮肉煎餃、紫菜鮮肉煎餃、咖喱鮮肉煎餃，再加$10配細捞麵，及豆漿。先說一說若想試它家的菜甫，再決定會否買小瓶，可由細撈面落手。它家的面没有調味，完全靠菜甫調味，非常爽脆，微辣惹味。煎餃子方面，單面煎，煎得挺香口，每隻包得漲漲的，塞滿材料，推介芝士粟米鮮肉餃。以巴馬臣、摩蘇里拉、車打芝士及秘製芝士醬四種不同芝士混合新鮮豬肉，層次豐富。加入每日即切新鮮甜粟米，輕鬆解芝士的膩，混合芝味咸香，煎香後更是外脆內軟。咖喱豬肉餃非常入味，辣辣的，煎完非常好食！紫菜鮮肉煎餃，非常特色嘅煎餃，裏面都係豬肉餡，但加咗大量嘅紫菜，平時呢一個配搭相信係絕少見到。相對上，這個口感比其餘二種更實一點，有點像食緊包子😂

呢間係外賣餃子店黎嘅，門面只有細細嘅logo一個，一個唔覺意，好容易就行過咗。煎餃同湯餃都有，不過呢排比較想食煎炸嘢，所以一口氣就叫咗三兜煎餃🥟煎餃嘅外貌大同小異，幾本上叫咩款睇落都係咁嘅樣。今次分別叫咗椰菜鮮肉煎餃 6隻 $40，芝士粟米鮮肉煎餃6隻 $50，咖喱鮮肉煎餃6隻 $50椰菜鮮肉煎餃，呢個聽個名聽落最安全，點叫都唔會錯，所以就叫咗佢啦，食落正正常常，冇乜特別。芝士粟米鮮肉煎餃，芝士同粟米呢個配搭好好，粟米可以中和芝士嘅飽滯，而且個皮煎到好脆，令到個餃子好香口仲有芝士流出黎。咖喱鮮肉煎餃，個人就唔係幾鍾意呢種咖喱味，因為我唔係好食印度香料，佢嗰隻味道食落超級印度，所以鍾意印度香料嘅朋友可以一戰

好食係好食，但炮台山店女收銀態度比較惡劣，whatsapp回覆亦好冷漠，雙/三拼彈性不足，如果可以比人自己配搭就好，焗限兩或三款太少。叫兩款小食都淨係送一枝醋同一盒菜譜，略嫌小家，畢竟餃子不算便宜。

話說餃里都好似已經開咗大半年，而漸漸地佢已經成為我嘅正式食堂。聽講佢哋之前喺屯門衝出港島。呢間店啲餃子用料都夠，亦係見到佢哋喺店入面現成製造。食晏時間佢哋生意都有啲太好要等好耐。所以又砌老闆建議員來可以先用whatsapp先落單就唔使大熱天時喺街邊企咁耐。佢哋啲豉油真係ok。建議一定問佢哋攞多啲自家製菜脯。佢哋有好多唔同嘅口味但係個人最鍾意嘅都係韭菜煎餃同埋香菜煎餃。平時落單都係最少十八隻。希望佢哋可以保持水準越做越好

"餃里”😋我去買嘢食嘅時候都晏喇，得返三款餃, 椰菜/芫荽/韭菜, 睇餐單仲有其他款式例如芝士粟米鮮肉餃, 希望下次遇到啦好彩我今次本來就係想叫韭菜, 可煎可湯, 我試咗湯, 啲餃皮薄但冇穿, 餡料好足! 我覺得餃子本身好足料, 皮夠薄, 食落有屋企整嘅feel, 應該冇落味精, 放湯好食可以問佢拎辣菜脯. 同蘸汁, 個汁係柚子酢, 點餃都真係都幾好食, 我諗點煎餃更夾!!堂食只坐滿大半間鋪, 有好多街坊嚟買外賣.佢仲有生餃賣, 屋企常備輕鬆煮好幫手🤪如果唔係跟住要返公司做嘢, 我都會買返兩打返屋企試

之前一直有聽聞過餃里，但當時因為位置對我黎講不太方便，所以未有機會一試。但上年係一個美食展有機會買到紫菜餃(生餃)，真係一試難忘，因為唔多餃子店會出紫菜餃，就算有做又做得未必好，一係就多肉少紫菜，味道不倫不類，紫菜味突出唔到。一係就紫菜處理得唔好，有沙，食到好煩。當餃里由屯門衝出北角後，就去試第二次嘅生餃，除紫菜外，試多款就係泡菜味，真係無令我失望，泡菜味道充足但唔會過咸或搶喉，泡菜口感亦唔會太碎所以好有口感。今次買完梅窩麻糬順道過去買多幾款不同生餃試下，除左紫菜外，試左白菜豬肉，素餃同和風椰菜咖喱野菜，呢3款生餃我覺得就只是普通，可能做煎餃或配返餃里出名嘅湯加持會較好！