影片
付款方式
以上資料只供參考, 請與餐廳確認詳情
夏天無胃口除左飯麵，有時會想食下餃子。荔枝角附近都有幾間餃子，除左傳統嘅韭菜、白菜，呢間比較多新派口味，更加係蔡瀾曾經介紹過嘅名店，以松茸餃最出名。雖然呢度用快餐店模式營運，但味道唔差過其他分店。裝修龍鳳松茸湯餃 （12隻 ）$138 松茸餃係呢度嘅招牌產品，龍鳳松茸餃就係松茸餃嘅基礎上面加埋黑白松露，菇香更濃，但唔會有黑松露太濃烈嘅電油味，味道恰到好處。同行友人平時覺得太濃，唔鍾意呢種配搭，都好鍾意呢款餃子。湯餃會跟一個狀元九鼎湯，飲落無咩味精味，係用心煲嘅感覺。香煎軟心芝士煎餃（10隻）$69 煎餃皮脆餡靚，咬一啖係有奶香、牛油香嘅粟米豬肉，第一下以為自己食緊粟米餃。之後慢慢食到熔左嘅芝士，呢度嘅芝士唔會拉絲，係類似醬咁嘅。不過配餃子，係好適合。粟米煎餃（10隻）$61 都係粟米餡，無芝士，只有粟米同豬肉，就會比較清甜。煎餃皮脆餡靚，食多啲都無負擔。自家制山楂雪梨水 （杯）冷 $20 材料有山楂片、雪梨、甘草、冰糖、麥芽……酸酸甜甜，好舒服開胃唔會膩，就完全係家常嘅感覺。蜜檸薏米水（杯）冷 $20 檸檬薏米水去濕，甜酸足夠，覺得清新。值得一提嘅係，呢度用蜂蜜，取代砂糖，感覺更健康。凍白桃鳥龍牛乳 $23 白桃烏龍配奶，感覺新鮮，但唔加奶夾啲，下次建議飲純茶。合計$331
繼續閱讀
餃掂快線 荔枝角長義街10號昌隆工業大廈地下3A2號舖荔枝角地鐵站一出就係 真係5米之內開係呢個工商業區 啱晒一班打工仔 寫字樓人士餃子有中西合璧特色 亦有傳統手工風味餃子湯餃子 煎餃子 灼餃子另外點咗幾份小吃密餞雞翼 日本龍鳳蛋 四川涼皮韭菜豬肉餃 揀咗中size 有七隻湯底係狀元九鼎湯 比較清甜7成翠綠韭菜 3成半肥瘦豬肉大大粒皮薄餡靚 野生松茸素餃 揀咗煎餃子模式底、面同樣煎得甘香鬆脆 小心燙口松茸滿滿 健康之選枱面辣菜脯 香麻辣椒油蜂蜜檸檬薏米水用料好足 蜂蜜潤肺清甜檸檬薏米，養生去水腫
繼續閱讀
終於等到星期五，放工約朋友食飯，近近地搵返長沙灣附近嘅餐廳，見到有呢一間食餃子嘅舖頭，個樣都幾吸引，而且我又係餃子迷，就入咗去食，門口裝修好簡單一睇就知食物，而且餐牌放咗喺門口，一睇就知啱唔啱食餐廳行快餐模式，但環境好chill好自由，裝修風格好簡單，空間好闊落，唔會坐低就覺得好逼夾，食飯都食得開心啲，星期五放工食個飯都想輕鬆d臨近八點嚟到都見到有唔少人，即刻睇吓餐牌有咩食餃子佢有好多唔同款，可以配麵，仲有唔同嘅小食配菜，我哋就揀咗最吸引嘅至尊松茸豬肉餃子同香煎軟心芝士餃子，配個麵加個菜就夠，嘢飲佢都比較健康，有養生嘅山楂雪梨水同蜂蜜檸檬薏米水，我哋梗係兩款都試晒嘢飲比想像中大支，而且佢冇落好多糖唔會話好甜，貼近原味餃子嚟到之後嚇一嚇，因為見到每粒餃子都好大粒好飽滿，真係第一次見咁足料嘅餃子🥟，咬落啖啖都係肉，完全冇空位餃子兩面都煎到好香脆，熱辣辣好好食，芝士餡餃子一咬落口就已經食到好香濃嘅芝士味，咁嘅價錢真係超值我哋怕淨係食餃子唔夠飽，我哋另外配咗個上海麵，面嘅湯底好濃郁但又唔會好重口味，有驚喜，食芫荽嘅人會覺得湯底同芫荽好夾味菜心吸晒上湯嘅精華，咬落好冧值得一讚嘅係佢嘅調味盤，淨係辣椒醬都有兩款，而且唔係爆辣，唔係好食得辣嘅人都可以食到，好貼心嘅安排一開始仲怕8隻餃子唔夠飽，想叫10隻，點知最後百隻我哋都食唔晒，因為餃子嘅餡真係好多，一隻等如兩隻出面食嘅餃子點至尊松茸餃子仲會送多個湯，一飲就知係冇落味精，店主真係好有心機去經營，抵讚
繼續閱讀
荔枝角收工見到呢間嘅餃子店，好驚喜發現有全素嘅餃子，真係好難得。今次就試咗至尊松茸湯餃(8隻)，煎松茸素餃(7隻)，一份四川涼麵，飲品就加咗自家製山楂雪梨水同埋蜂蜜檸檬薏米水。無論素餃定係肉餃都好有份量，好足料，咬開都睇到內餡係有菇。至尊松茸湯餃個湯飲落係好健康，都幾肯定冇落味精，另外附上一盒松茸醬，加埋啲餃一齊食松茸味濃。煎餃亦都好香口，我鍾意食辣，所以就加咗啲菜脯辣醬，簡直係更惹味。四川涼麵有辣醬，同埋另外有一盒麻醬，撈埋一齊好食。佢嘅飲品都有驚喜，唔係死甜，飲得出係清甜。整體嚟講覺得呢間餃子都幾好食，可以再encore，佢準備都好快。
繼續閱讀
今日係荔枝角做完野 想簡簡單單食個快飯太耐冇黎呢頭 發覺附近都新開左唔少餐廳沿路行去地鐵站隔離 發現呢間餃掂快線原來餃掂出左新支線 Menu大部分都相類似之前食過佢地既餃子覺得好不錯決定試下呢間分店既質素先餐廳以自助形式運作 需要去櫃台嗌野食然後自助拎餐 樓面姐姐都會好貼心咁指示呢到枱面會有唔同嘅醬汁比客人配搭見到餐廳雪櫃 有自家製既酸蘿蔔賣雖然餐廳以「快線」形式營運 但賣既野一啲都唔求其🥟 至尊松茸豬肉餃（八隻） 配狀元九鼎湯餃掂既松茸餃 的確唔會令人失望餃子皮偏薄 但絕對唔會容易整穿餃子皮質地雖然薄身 但仍然保留到麵粉既煙靭感咬落餃子既豬肉餡非常飽滿 有肉汁仲要每隻都食到有好多松茸片係入面餃子豬肉餡 調味鹹度岩岩好 鮮味十足陣陣既松茸香 配搭配豬肉餡既肉汁真係會一舊接一舊咁食 唔覺意食晒成碟🤣餃子所附送既狀元九鼎湯 亦係心思製作之一狀元九鼎湯清甜 而且飲得出食材既鮮味呢碗湯飲落好舒服 飲落帶有魚鮮味飲哂成碗都完全唔覺得口渴 好加分👍🏻另外 餐廳既松茸醬十分出色😋松茸醬帶有潮洲辣椒油的惹味 亦帶有松茸既香味完全可以取替到平時點開既辣菜脯 或者 辣椒油十分惹味 帶有微微的辣味 仲要好香松茸味絕對值得一試😋👍🏻🥬 上湯松茸時蔬平時有個習慣 食餃子點都會嗌份菜食諗住唔好浪費左個湯 配埋啲菜食一流面頭既松茸亦有調味 就咁食都好夠味道菜心份量好足 好淋 好夠甜🥤 自家製山楂雪梨水見到係自家製 即刻心心眼 決定嗌支試下本身以為一支支呢啲飲品通常會好甜但呢一支山楂雪梨水絕對唔會好甜飲落好有山楂雪梨既味道 完全係自家製嘅味道有淡淡天然既甜味 非常消暑🥟 至尊松茸豬肉餃（八隻） 配狀元九鼎湯 $80🥬 上湯松茸時蔬 $35🥤 自家製山楂雪梨水（支） $28
繼續閱讀