餃掂快線

天氣太熱，唔想食飯，喺地鐵站一出嚟就見到呢一間店，就入去試吓啦，估唔到超多驚喜😍😍✨香煎軟心芝士餃✨ 餃子皮煎到金黃香脆，賣相好吸引。吃落去帶少少焦香口感，芝士餡流心軟嫩且濃郁，融合咗粟米🌽嘅香甜同豬肉的鮮味，鹹甜得嚟層次感爆燈。雖然係煎餃，但完全唔覺得膩，反而每一啖都好滿足，令人一試難忘！ ✨龍鳳松茸湯餃✨ 呢款湯餃用咗奢華嘅黑白松露點綴，松茸味道濃郁香氣四溢😍。薄皮包著多汁餡料，一咬落去係滿滿嘅鮮美同松露香，湯底「狀元九鼎湯」非常用心熬製，潤澤滋補，唔單止香甜，仲帶嚟補氣健脾嘅功效，啱晒坐低慢慢飲。 ✨蜂蜜檸檬薏米水✨ 有檸檬嘅清新酸甜，但又有蜂蜜嘅潤澤甘甜，搭配埋豐富嘅薏米，清潤又唔單調。飲落舒服滋潤，唔會太甜👍🏻👍🏻非常適合解膩同去水腫，係一杯飲完心情都會靚嘅健康飲品。 ✨山楂雪梨水✨ 酸酸甜甜，好開胃，飲落去清爽又順喉。無論係食前或食後飲都非常啱胃，清新解膩，仲有淡淡嘅果香點綴，係一款令人回味無窮嘅自家製天然飲品。 創新且味道出眾，仲有清新養生飲品，係餃子迷嘅必試之選！想睇更多介紹，馬上Follow我啦😁。…查看更多

本身係餃子愛好者嘅我，平時都會周圍去食餃子，餃掂快線一直都出名同多分店，不過今次係第一次食，之後應該會成日食!!荔枝角分店係吧枱設計，岩曬I人可以靜靜享受一定一定要食個自家制酸蘿蔔!!!!酸酸甜甜，勁爽口，配餃子食一流，枱面可以無限自取!!🥢龍鳳松茸煎雙餃金黃色餃皮煎到香脆，邊位微微焦香，好吸引。餃子個肚脹卜卜，睇得出料都幾足。咬開一半，裡面餡料豐富，啖啖都食到松茸獨有嘅木香味，層次感好強。餃子底部仲有啲焦香脆邊，食落有驚喜🥢雙拼湯餃- 大白菜+芫茜大白菜餃子餡多，菜味清甜，咬落去湯汁滲曬出嚟，鮮味自然芫茜餃就啱晒芫茜控，芫茜香味濃郁但唔會搶味，配埋豬肉餡好夾。餃皮薄身、滑溜，掛湯一流🍹自家制山楂雪梨水淡淡果香，山楂帶微酸，雪梨清甜，入口舒服，唔會過甜🍹蜜糖薏米水薏米水色澤奶白，杯底見到啲薏米粒。飲落去有淡淡穀香味，薏米煲得夠腍，唔會有渣口，蜜糖味清甜不膩…查看更多

🌸龍鳳松茸雙煎餃🥟💟推介💟我幾鍾意食呢個，係白松露同埋黑松露雙拼😍 煎餃煎得金黃香脆👍🏻隻隻都好脹卜卜，好足料😊食落口仲有松露嘅濃濃獨特嘅香味🤭香氣濃郁，好味😋🌸雲吞麵雲吞粒粒都皮薄餡靚，餡料飽滿🤭內餡肉汁飽滿💦入面仲有雲耳😬好爽口，雲吞麵實在最夾🌸韭菜餃子麵大大隻又飽滿😍韭菜餃子皮薄多餡，內餡肉質鮮嫩，仲充滿韭菜，鮮香味美😛麵條都好彈牙，正！🌸山楂雪梨水有天然嘅香味甜味，山楂同埋雪梨嘅甜度啱啱好，健康又醒胃😌🌸蜂蜜檸檬薏米水整體味道甜甜酸酸，甜酸度好平均，飲落口好fresh 😊🍴餐廳乾淨企理，餃子種類選擇都好多🥟啱晒我呢個餃子控😌😍下次再黎幫襯…查看更多

我一向都好鍾意食餃子，今日嚟到荔枝角嘅餃掂快線，一入去就見到有個天下第一餃嘅招牌，果然名不虛傳，d餃子真係好好食！而且價錢仲好實惠。我地2個人，叫左3款餃子。包括招牌嘅軟心芝士煎餃10隻$69、至尊松茸豬肉餃湯餃8隻$80，仲有最經典嘅餃子配搭韭菜豬肉餃煎餃 7隻$50。先講軟心芝士煎餃，真係好出色！芝士好creamy，餃子皮煎得香脆，仲有好多粟米，口感好豐富。另一款至尊松茸豬肉湯餃都唔錯，湯底鮮甜，豬肉嫩滑，每啖都感受到松茸嘅香氣，加埋辣椒油食又係另一番風味。至於韭菜豬肉煎餃，韭菜味夠鮮，好香，同樣煎得脆口，皮薄餡靚。另外仲叫咗個小食：麻辣皮蛋$26，好惹味，好開胃。飲品方面，叫左山楂雪梨水一枝$28，清甜解膩，非常推薦！…查看更多

今日我去咗一間餃子店，聽講佢哋嘅餃子特別出名，於是我就決定叫幾樣嘢。狀元九鼎湯呢碗湯真係一睇就知係用心煲出嚟嘅。湯色金黃透亮，香味四溢，飲落去有種好暖心嘅感覺。味道鮮甜得來又唔會過於濃烈，正正係我鍾意嘅口感。飲咗之後，覺得整個人都舒服晒至尊松茸湯餃呢個松茸湯餃真係令我驚喜！餃子皮薄而有彈性，咬下去瞬間就爆出咗香濃嘅松茸湯汁，味道真係好香，令人一試成主顧。餡料入面唔單止有松茸，仲有一啲豬肉，味道平衡得好好，絕對係一個唔可以錯過嘅選擇！上湯松茸時蔬呢道菜色彩繽紛，時蔬新鮮，煮得正好，保留咗原本嘅鮮甜。搭配嘅上湯清澈見底，味道清爽，飲落去唔油膩，仲有一啲松茸嘅香氣，讓人食得更開心。特別推介啲芥蘭，真係脆口，搭配湯汁好好味。餃子牛肉轉米線呢個米線真係一個意想不到嘅驚喜！餃子入面填咗牛肉，肉質滑嫩，口感豐富。而且米線煮得剛好，滑溜唔黏，配上特製嘅醬汁，味道入面有啲微辣，整體嚟講非常開胃。每一口食落去都令人唔想停手！自家制山楂雪梨水最後，嚟一碗山楂雪梨水作為甜品，真係解膩又清新。山楂酸酸甜甜，加上雪梨嘅清香，讓人感覺好舒服，特別適合飯後消暑。甜度唔會過高，剛剛好，非常適合我呢種唔太鍾意食太甜嘅人。…查看更多