餃子堂 (已結業)

首先，讓我談談這家店的服務態度。當我進入店內時，我沒有受到熱情的歡迎，服務人員似乎對客人不太關心。他們的態度冷淡，缺乏耐心，並且不願意回答我的問題。除此之外，他/她們還對我呼呼喝喝。這種態度讓我感到不受重視，給整個用餐體驗蒙上了陰影。雖然近日刀削麵事件令大家重視服務態度，但對餐廳而言食物才是重點。名為餃子堂，餃子應當是他們的主打菜品，但是我必須說，它們只能算是普通水平。餡料的味道沒有太多的特色，有些缺乏新鮮感。此外，餃子的皮有些厚重，並且煮得不夠熟，結果口感有點生硬。整體而言，這些餃子並沒有給我留下深刻的印象，讓我覺得這裡的野食只能算是一般水平。儘管如此，這家餃子店也有一些值得稱讚的地方。他們的價格相對便宜，所以如果你只是想填飽肚子而不在乎太多的品質，這個地方可能是一個選擇。此外，他們的環境乾淨整潔，這點讓我感到舒適。總而言之，這家餃子店的服務態度差，食物只能算是普通水平。如果你在尋找高品質的餃子和優質的服務，我建議你尋找其他選擇。

呢間餐廳我自己同家人都食過四/五次, 雲吞雞 最為出色, 牛腩飯, 梅菜扣肉飯, 味道中上. 星期六日嚟食 會冇咁多人 環境清潔 價錢合理 服務員態度友善. 喺觀塘區 禮拜六日搵食嘅理想地點 因為 冇咁多人 環境都算錯得舒適.

#20240215 💛📍 餃子堂 觀塘敬業街55號皇廷廣場地下4號舖➖➖➖➖➖➖➖➖➖➖➖➖➖➖➖➖➖#手工香菇上素餃 $32💭 呢度啲餃全部已經預設左煮法，唔似得出面有啲舖頭可以揀湯定煎，而呢款係蒸既🥟入面個餡係重蒜味既炒菇，味道帶啲西式feel，無想像中既素餃咁寡🧄.#手工芫茜鮮肉餃 $45💭 每款餃都係6隻，睇落好似好少咁，但其實隻隻都大大隻，而且咬落都好實淨，千祈唔好眼闊肚窄做大晒鬼😂呢款重茜味，最抵讚係佢即使係湯餃但都仲保留到新鮮脆脆地既口感，唔會浸淋左🌱.#手工荀尖海帶牛肉餃 $42💭 同樣都係湯餃，不過呢個有啲失望😞廚師包餃果陣好似唔記得左落荀尖咁，完全食唔到🙈而海帶個味又太出，搞到個餃有陣滑潺潺既感覺，唔太岩🐷既口味🙈.#老火燉湯 +$15💭 原先以為加錢係取代左本身個湯底，點知係另外再有一盅燉湯，咁$15真係超抵🤑本身湯餃個老火湯都算出色，不過燉湯出現左贏晒，好清澈望到真材實料，有肉有藥材非常好飲😋.#香辣爽脆魚皮 $30💭 係白灼魚皮既口感，爽口好似食緊海蜇咁🪼但個辣係川辣既程度，真係唔太頂得順🥵自問唔食得好辣既朋友要慎重考慮注意下⚠️.#鮮蝦麻辣燒賣 $30💭 食完

平日晏晝黎食都要排隊, 呢度有湯餃, 煎餃, 湯品, 小食, 好多選擇🥰自家製芫茜鮮肉餃🥟($45)6隻脹卜卜既餃子塞滿左大量既芫茜同肉汁滿滿既豬肉, 配上微辣爽脆既菜脯好正., 另外仲加左米線底($12), 湯底係自家製既蓮藕雞腳湯, 不過味道偏淡🤔呢度既餃子比我想像中大隻好多, 絕對係大件夾抵食之選😎

星期日，附近地面開嘅餐廳唔多，雖然見到有負評，但因為真的好想食餃子，見入面裝修都OK，而且都有坐滿一半嘅食客，即管膽粗粗試吓。見到隔籬左右都叫餃子，心諗應該都冇問題。今日揸車嚟，泊咗喺門口，想快快脆脆食，侍應服務都好好，知道我哋想睇住架車，中途掉位都好幫忙。我哋兩大兩小，叫咗兩碗餃子，一個煎餃，味道和份量都剛剛好。今日老火湯有花生和豬展，我哋全部食晒，食完都冇口渴，應該冇味精。埋單$188，我覺得OK啊。

第一次黎食，諗住穩陣啲食最大路嘅韮菜餃，見湯底好似係老火湯，好多湯渣咁，幾足料，又見話手工即日包⋯點知一食⋯個餃皮好怪，第一次食呢種少少爽口咁嘅皮，又厚，唔知佢想點⋯入面啲餡冇汁、冇乜味、但又好碎夾硬壓返埋一pat野咁⋯成隻餃係壓到勁實，口感都頗差湯底就一般好似普通茶餐廳中午例湯咁，冇乜特別，見隔離枱都有隻完整雞腳咁嘅價錢係算ok，但食完幾平都覺得冇下次⋯不過見在場大部人食嘅都會唔係餃子，係食緊客飯，雖然叫餃子堂，但可能都唔係主打餃子啦⋯佢地服務都麻麻，見個侍應同隔離枱男士講叫佢拎一拎本身放自己隔離個袋去對面，然後個侍應已經即刻一野拎起人地個袋，見個男士個樣都呆左⋯

餃子好重料，啲湯都係，除咗湯仲真係有湯渣，味又濃，細細一碗已經可以好飽，仲有飯食，朋友覺得飯就麻麻地，呢間嘅餃子我食好多次了，次次都要等，但係值得嘅，價錢又唔貴。

每個星期六都要煩惱在哪裏吃個快速午餐，今日尤其趕時間，揀了【餃子堂】。小店位於觀塘工廠區邊緣位置的一幢已經重建成為寫字樓的地下。一個大地舖、又有落地大玻璃，如果商廈位於甲級商業區，此舖位肯定租金昂貴，一間小小餃子館絕對沒有能力承租。室內裝修簡約、兼帶點工業風，配合小店定位。偏偏樓底夠高，空間感亦寬敞；加上落地大玻璃，同小店有點格格不入。堂食價錢較外賣貴一點，同時下其他小店一樣，採用QR code自助落單。手工鮮肉韮菜湯餃($42) 加米線($10) 最令人驚喜及估佢唔到嘅係個湯。並非坊間一般北方水餃店或者上海小館嘅清湯或鮮雞上湯，而係青紅蘿蔔唐排雞腳雞殼老火湯！雖然明顯加了很多水溝淡老火堂以降低成本，但仍然有淡淡老火湯精華。北方水餃夠大隻，餡料的豬肉及韮菜份量亦夠豐富。唯獨水餃皮偏厚身，口感亦偏硬，唔夠腍滑。手工沙鍋鮮蝦雲吞雞（$62）加老火燉湯（$15） 中國北方菜嘅變體，用廣東鮮蝦雲吞代替了北方嘅菜肉雲吞，無論雲吞皮及餡料都係截然不同嘅味道同口感。先講廣東雲吞，的而且確粒粒鮮蝦肉，但調味始終比不上廣東雲吞麵名店，欠缺了大地魚及蝦籽鮮濃味；不過，又的確已好過坊間一般街坊雲吞麵店出

最後一日假期，瞓醒諗住食華嫂，點知去到排長龍😵‍💫😵‍💫😵‍💫🫣😵可能十一黃金週啩～隔離酸菜米線又冇開～😓再行過少少，竟然有間新派餃子店，裝修幾特別，玩味十足，就同老細一試啦～🥰🥰佢主打自家製餃子，配淮山麵，應該走健康飲食路線～老細要咗一碗八隻菜肉餃；我叫咗酸菜魚麵。佢個金湯真係好濃郁，魚肉比較爽口彈牙，唔似平時滑身嘅酸菜魚，配搭酸菜辣辣地，好惹味！我哋再嗌多個紅油抄手，佢個抄手都係自己包嘅菜肉雲吞，比較大粒，個麻辣醬幾好味，不過我都係鍾意再多啲蒜蓉！再叫多個生菜，不過佢就無跟蠔油，要自己落檯面嘅醬油。呢度嘅餃子醋用紅色淅醋，加少少醬油都好味～最正係佢有自家製豆漿同酸梅湯，酸梅湯比較甜，但係酸味都好夠，大家行過都不妨試下！

5點半的公眾假期都不是這麼容易找食物誤打誤撞到這家店吃了他的砂煲雲吞雞雲吞裏面有芫荽，不過唔係好食到有芫荽味，不過皮都算薄不過份量好足夠，食極好似都仲有咁🤣雞滑肉嫩總體嚟講，我覺得都唔錯😗可以再encore😌

自家製芫荽鮮肉餃味道不錯 一碗六粒 份量有啲少 餡料方面芫荽比肉更多 不過個皮好薄幾滑 都幾好食 蒸粵式尖椒餃比較特別 幾香唔會好辣 可以一試鳳爪排骨飯好乾身😅唔夠汁 不過鳳爪幾入味 但就唔推介食了

早排見 OpenRice 做緊 28 蚊優惠，月頭都已經冇錢既我，食左幾次餃子堂（外賣）。雖然OpenRice 個評價好一般，但個人認為其實都唔差！每次中午去，都係長期爆哂人，好多人食～食物：1. 自家製手工菜肉雲吞 （推薦) - 首先佢有 8 粒，皮薄仲要大大粒，真材實料，塞滿哂。如果再加埋個麵一齊食，就一定好飽。2. 自家製煎越式尖椒餃- 唔辣的，而且尖椒既配搭食落好清新，成舊食既口感幾特別，唯一美中不足既係得 6 粒，同埋個皮有少少硬（呢個係外賣一定會有既問題）另外，個人推介加菠菜麵 好過 米線，米線真係麻麻地😂菠菜麵加埋佢地餃子餐既老火湯底（有料），成件事就完滿好多，而個湯感覺上唔是味精湯，調味都唔錯～以優惠價黎講，其實都算抵食。如果原價就另作討論，因為有同區賣湯餃既都係咁上下價錢 40-50🤡

本身想食隔離個間臻味，點知見到餃子就比佢吸引左！點知就係中伏嘅開始😩！！.首先餐廳冷氣嚴重不足。已經揀左出風口坐，但我地都係邊食邊流汗🥵湯底係綠豆蓮藕豬骨，好淡。。。米線好腍，散曬。。。餃子好厚皮。。。餃子痴埋一齊。。直升機之選就係清湯腩。。我以為食緊湯渣。。？？有全瘦😂有全肥😂。。上面層油厚到。。多過湯。。非常利害！！！.唯一正常係杯酸梅湯。。熱到無心機食，但求填飽個肚，快快食完走人。。

豪隍本身嘅燒賣好好食呢度有鮮蝦麻辣燒賣加咗啲辣好惹味老火燉湯夠火喉推介手工鮮肉韮菜餃咖哩薯仔雞肉餃餃子皮薄餡料飽滿煎越式尖椒餃啲彩椒好香😌煎鮮肉韮菜餃都唔錯不過可能皮太薄，易穿

觀塘「餃子堂」呢間餐廳開咗唔係好耐，但係我間唔中都會同同事去呢度食午飯，因為佢嘅食物種類多元化，一班同事大家想食唔同嘅嘢都冇問題。我推介呢度嘅「沙窩鮮蝦雲吞雞湯餃」！佢一共會有八粒嘅鮮蝦雲吞🦐，湯入面有好多菜同埋雞件！ 又有肉、澱粉質同埋蔬菜🥬配上一啲熱辣辣嘅湯又有營養又好味。而且天氣熱嘅時候食返啲有湯嘅嘢比較開胃！我哋亦都嗌咗煎饅頭同埋生煎包，質素亦都唔錯；而我上次都叫過佢哋嘅蒸飯，類似點心舖頭嘅質素。