92
24
1
電話號碼
53959328
營業時間
今日營業
12:30 - 20:00
星期一至日
12:30 - 20:00
付款方式
現金
以上資料只供參考, 請與餐廳確認詳情
食評 (130)
等級4 2022-08-12
16 瀏覽
-{長洲港式餃子🥟}前排見到好多人介紹嘅餃子店😋今次假日黎到食左3個lunch set加啲小食🤤家鄉肉餅餃🤤 ($52)用蒸嘅 食到有啲蓮藕粒🙆‍♀️似成塊肉餅加落餃子裡面😉皮就相對薄啲😎👖褲評: 8/10🤤雞絲粉皮🤤 ($43)較一般唔太有記憶點 粉皮質感有啲癡 份量都正常🫡👖褲評: 6/10🤤黑白土匪餃子🤤 ($52)+糖醋骨飯嘅價錢 好重孖然粉味☺️加上黑白芝麻應該就係個名嘅由來🥰皮偏厚 個底有啲啲油👖褲評: 7/10🤤糖醋骨飯🤤 ($52)都係冇骨的 似係豬腩肉撈甜啲嘅醬油咁 個飯好惹味😛飯就正常!👖褲評: 8/10🤤咸蛋黃黃金餃🤤 ($52)+油雞飯好多咸蛋黃醬淋係面!好出嘅咸香味但冇想像中咁驚艷 入面係正常嘅餃子餡如果有咸蛋黃會再開心啲🤓👖褲評: 7.8/10🤤油雞飯🤤 ($52)好多雞絲撈飯😍而醬汁冇糖醋骨嘅咁濃 撈飯同樣咁出色🤩👖褲評: 8/10Fusion味道最鐘意係肉餅餃😛野食幾抵食仲包杯四季春茶🙆‍♀️性價比: 8/10服務: 8/10環境: 8/10🚩 餃子冰室 🚩地址: 長洲大新海傍路86號地下 #fuudjai #fuudjai離島 #fuudjai港式 繼續閱讀
(以上食評乃用戶個人意見 , 並不代表OpenRice之觀點。)
等級4 2022-07-02
429 瀏覽
個陣去長洲第一間話一定要食嘅餐廳👅個日12:30到但入唔到第一輪去食,要等下一輪🥹極度建議大家要等位去圖書館坐同涼冷氣☃️小店坐位唔多同埋小店某d位相對焗同熱,大家要考慮下接唔接受到啦😌最重要係小店唔係日日開,想食嘅話最好睇下佢地ig 先去‼️🔺鹹蛋黃黃金餃🥚$33/4隻真係超多鹹蛋黃🔥應該成隻都係鹹蛋黃咁🤩餃子內饀係豬肉仲要大爆汁😳好似小龍包咁😝咸蛋黃控必叫‼️咁多款餃子我最愛呢款❤️‍🔥🔺黑白土匪餃🐣$33/4隻一黎度就聞到土匪雞翼味🤩內饀係雞肉,調味都好夠但食落就冇驚喜但好食嘅🫢勝在皮唔厚同埋脆😝🔺惹味咖哩薯仔餃🍛$29/4隻餃子咖哩味好出,超多汁係直接噴咗出黎🤣但我覺得唔係好食到薯仔反而食到肉多d🫣如果你鐘意食咖哩嘅話可以試下🙌🏻🔺蒸原隻鮮蝦菠菜餃🦐(煎)$33/4隻可以揀煎或者蒸,店員建議煎😗而饀料有豬肉同蝦👐🏻比起其他餃子就相對普通但都好食嘅😽🔺蜆肉芫茜餃(蒸)🌿$33/4隻本身個人唔食芫茜所以淨係食咗半隻🖖🏻芫茜係個皮同饀料都都但唔好重係可接受範圍😉但芫荽控應該就失望了🤪🔺麻油白雲雞翼🍗$39/5隻雞翼有得涷或者熱食🥵涷食就超解涼❄️雞肉相對結實都入味🤭而且冇雪味🫶🏻店員就話熱食會鹹d💦🔺竹蔗茅根甘荀沙冰🥕$33見到呢個味好特別所以就叫咗💫竹蔗味係有嘅但我覺得甘荀重啲😙好解暑😉🔺特濃紅豆冰🫘$33就係同平時紅豆冰一樣😹但就多d紅豆同多咗上面嘅冰🧊個人覺得可以唔洗叫呢個,可以叫其他🙌🏻🔺腐竹蛋花薏米沙冰 $33個人覺得冇咩腐竹蛋味但屋企人就話有少少😙而薏米就係沙冰上面有少少👻P.S 小店係有餃子套餐但沙冰就要另外叫嘅但套餐就會相對平d😆 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-07
575 瀏覽
餃子冰室 上次就去咗長洲角酪/陳通記...,而呢次我諗都冇諗過會去餃子店,有圖應該都留番去食糯米糍/紅豆餅啦,但我又諗都冇諗過會咁好食嘅。 餃子冰室創辦人係長洲原居民,起初店舖只得佢哋兩個包辦廚師/侍應,只能提供三款餃子,但佢哋都堅持每日轉吓款式,默默研究更多搞鬼嘅饀料。其中創作「南乳豆卜餃」呢個靈感係黎至於阿媽平日嘅家常便飯。 店舖位於唔喺海傍嘅新海傍路,招牌顯得非常隱蔽,如果冇埋個招牌乍看更似一間路邊民居村屋。店內就行復古風,破舊嘅枱櫈,冇遮冇掩嘅燈泡,疊滿黑白淡奶嘅counter等,都呈現著70s嘅冰室作風。 食物選擇以佢咁細間舖黎講都整到好多野,但佢叫「冰室」。當日就有十款餃子,有D就要額外加錢。套餐選擇包含4-10隻餃/飯/酸辣湯或是日飲品。想細食或當係個正餐都得,但注意每位低消費係$35。 4隻餃子+酸辣湯$45 (黑白土匪餃+$5) 價錢黎講就算一般啦,但佢嘅份量真係唔講得笑。望落唔似係煎餃,更似炸餃,但好少見到餃子嘅饀料係咁肥大嘅。 餃子皮煎/炸得均勻,雖然話係偏厚嘅,但每面都酥脆誘人。一咬開香脆嘅外皮,裏面係好澎湃嘅肉汁,好似小籠包咁,真心估佢唔到。 網上有見過係土匪雞肉餃,但當日唔知點解係豬肉。豬肉磨得非常細膩,脂肪比例高,滿口都係香口嘅豬肉。上面就灑咗D土匪粉,最主要有黑/白芝麻,孜然,香茅,花椒/胡椒粉等。香氣比想像中更強烈,如果入面都有就更好。 酸辣湯就好在唔會太酸,辣度可以再強D。芡汁唔會拉得太多,主要有香醋/輕微嘅醬油底韻,配有蛋花/木耳/豆腐粒等。 餃子x6 $42 (咸蛋黃黃金餃+$5) 咸蛋黃比得非常之多,除咗醬之外又有咸蛋黃本身。口感就好似「沙沙地」咁,除咗邪惡/滑膩之外都冇乜好補充。但我就覺得佢令成個餃子變得油膩,因為餃子本身都係炸嘅,肉又偏肥。餃子皮/肉大致上就冇乜分別,同樣係好豐滿嘅。最主要係呢度多咗D冇乜口感嘅蔬菜。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-05
545 瀏覽
本身對呢間舖都冇咩特別大期望, 不過食完之後發覺都幾有驚喜😍 價錢又合理, 最後我地都encore左一次😌 呢度既餃子大部分都可以揀煎或蒸, 4隻或者6隻, 全部餃子都有豬肉, 所以食素既朋友就未必適🈴️蜆肉芫荽餃🥬($33/4)呢款餃子只限蒸, 算係呢度既招牌款式📌 翠綠色既皮夠曬薄, 咬落去勁多汁, 仲食到濃濃既芫荽味同埋啖啖蜆肉, 真係諗起到流曬口水🤤 鐘意食芫荽既朋友絕對唔可以錯過😎五香芋頭臘腸餃🥟($33/4)呢款係期間限定款式, 我地揀左煎👍🏽 皮都係薄, 煎得油膩左少少, 食到芋頭, 但係唔係好食到臘腸, 有啲失望🙈黑白土匪餃🧂($33/4)呢款餃子只限半煎炸, 因為炸過既關係, 外皮比較脆, 有滿滿既孜然粉就好似食緊土匪雞翼咁😍獨創南乳豆卜餃🫔($29/4)呢個配搭幾新穎, 我地都係揀左煎, 冇諗過本來一味餸擺落餃子度又幾好食喎😌豆卜既煙韌令到成個餃子更有口感, 南乳既鹹度又啱啱好, 必食😉惹味咖喱薯仔餃🥔($29/4)咁多款入面呢款我最鐘意, 因為咖喱夠曬惹味, 加埋薯仔同埋肉, 口味同味道都勁正, 推薦🥰麻油白雲雞中翼🐓(微辣)($25/3)凍凍既雞翼有少少醉雞既味道, 不過味道偏淡, 個人覺得可以唔洗試🤨呢度冇一般餃子店會有既菜脯, 但係就有自製辣油, 入面有切到好醉既菜脯粒, 辣椒碎同埋好多唔同既配料, 食落麻麻辣辣, 配落餃子勁惹味🌶️呢間店既門面有啲唔太起眼, 我地傻更更咁行過左都唔知😂 佢既位置係大街匯豐既斜對面, 大家想去既話可以留意下, 如果想食到心愛既餃子建議早啲去, 因為佢地真係賣曬就冇, 我地夜晚叫外賣既餃子款式都唔多選擇🥡 繼續閱讀
(以上食評乃用戶個人意見 , 並不代表OpenRice之觀點。)
我從未試過假日去長洲玩樂是如此的寧靜...當日11:00上快船,船上多數都係銀髮一族,周圍都好少人,好多鋪頭都無開門...落船後先去行山,之後2:00多就去搵食我有差唔多1年無去過長洲,都唔知呢1年多開左呢間鋪頭都接近市中心同碼頭,都有十幾人圍住餐廳門口等外賣同等位堂食我地最後都要等左差唔多廿幾分鐘先有位...懷舊小店總是特別吸引一眾年輕人去幫襯,牆上的食物圖片都好吸睛, 睇見都流晒口水我地試左其他食家也一致推介的 黑白土匪煎餃 及 蜆肉芫荽蒸餃 套餐係一款飯 / 主菜跟一杯飲品~跟餐送四季春茶淡淡的青香,常溫, 茶杯都好懷舊,有特色,不斷影相打卡久等的蜆肉芫荽蒸餃來到了~有2大籠,一睇就知道蒸餃皮好薄,餡好多,真係CP值好高呀~好新鮮的蜆肉同豬肉,呢款真係清清地又好特別~個皮有d煙韌~相當唔錯呀!!旁邊的調味料器皿也是很有特色~ 好可愛食到中途黑白土匪煎餃就到了~金黃色的脆皮,好惹味,肉汁好多,真係食完一口就會接住想食第二口~滿滿的黑芝麻和白芝麻~餡料唔會好咸,咸度岩岩好不過要小心熱燙~加左$12配左杯特飲,比想像中好細杯...其實只係四季春茶加左少少荔枝粒同埋爆爆珠...真係唔太特別...所以試一次就夠 繼續閱讀
(以上食評乃用戶個人意見 , 並不代表OpenRice之觀點。)
您可能會有興趣的...