飯飯好餐廳 (已結業)

這所茶餐廳是我點指兵兵，無意點中的、位置近荃灣廣場。雖然他的套餐，例湯欠奉，只有主食與餐茶；感覺上總是欠了什麼似的，但價錢非常公道，最重要是「好食呀」咖哩牛根飯：36元，牛根「大碟到嚇親」。咖哩不會死辣，加有檸檬葉、香茅及少量耶奶；口味頗泰式。薯角是先炸後煮，令薯角較脆口。非常不錯。焗豬扒意：37元，蕃茄非常多，帶有少少焦香，豬扒肉嫩，意粉有咬口；份量不少呀，卻非常好吃。這個餐是配有一片即烤蒜蓉方包，由於太好吃，我們還沒有照下來，已經與咖哩汁一同消滅了。值得一提，這裡的「啡走」，煉奶與咖啡的比例頗好，不會太甜，蓋過咖啡原有的香味。結帳：73元，好滿足呀~~~

幾個同事話想來此店叫套餐小炒一起食.做細既更係無議意.5個人叫左個4人套餐當中包左任選4個小炒同油菜, 包左4位既竹笙翅, 4個白飯同飲品這一個4人餐先二百多元應該價廉.當然茶記既所謂既翅都係粉絲湯啦無咩期望.小炒我地叫左西檸雞, 中式牛柳, 啫啫雞煲同椒鹽排骨平野絕對有好野, 此店都算其中之一, 樣樣小炒都做得唔錯.可能我喜歡食香口食物, 西檸雞既雞扒炸後再加上酸酸地既檸汁十分開胃, 椒鹽排骨雖然多骨少肉, 但勝左炸得香脆惹味.中柳牛柳算唔岩我口味, 牛柳一貫"拿"到夠淋身但欠缺牛肉味道.最後所謂既翅都係似茨汁水, 令願要老火湯好過.

只是跟同事一起食lunch, 但感覺不好!叫左個"台式肉燥雞翼拉麪+火腿煎蛋"餐, 之後等上台食.等待中發現收銀員吸煙, 真係頂唔順!等到侍應送個餐上來, 發現冇左肉燥, 想叫佢加返, 個侍應講左聲"冇"就走左....唯有照食, 食落個拉麪好似食緊油麪, 食物唔算得上好食, 冇乜味道可言!以後都唔會再去.....

呢間茶仔我近期成日去由其是宵夜去好正早排發現佢既牛筋好好味, 佢既味道係細細個食牛筋麵既風味有次我少有地午餐時間去食個快餐既焗墨西哥牛柳飯, 個飯有好多我鍾意既紅腰豆!! 但牛柳既味有d似山竹牛肉今日再食下午荼, 點左焗牛脷飯~ 牛脷好林好有牛味真係正!!呢間野既辣油好搞笑, 有咖哩味既!!

繼續大膽嚐試附近茶餐廳....呢間剛巧在好彩隔壁, 剛開業時也層幫襯....印象模糊, 入到去...真的舊了很多很多, 人又不多, 心想可能是最後一次!午餐沒有多吃蔬菜, 於是選了個雲吞, 墨魚丸米粉 + 灼油麥菜, $23! 雲吞是多豬肉, 鮮蝦一小隻, 亦不彈牙, 麻麻, 墨魚丸有墨魚粒, 但不彈牙, 一般以下! 油麥菜感覺似炒過再灼..?? 請女侍應再拿一碗仔給我 (怕熱), 不耐煩地放下...., 唉...真的是最後一次!

已經去左呢間野兩次喇 男朋友住呢頭 成日落黎睇波因為果晚有波睇 於是同埋我一齊去第一晚食左個好普通既常餐 吉列豬扒加出前一丁 送塊蒜茸包我覺得個蒜茸包幾好食haha 烘底好香好脆個麵就無乜特別 都係普通茶餐廳果d啦 唔算難食 第二晚我叫左個乾炒牛河 畀埋枝大大枝既辣醬我自己落 仲特登叫左個6蚊既蒜茸包 有4塊 我覺得個牛河幾好食 不過牛肉唔係好多 好快就食晒男朋友叫左日式肥牛烏冬 佢未黎之前已經食過 仲話超好味反而我就無興趣喇不過果度d人係食煙既 聞唔慣既人最好唔好去喇同埋睇波最低消費係34蚊

最近幾乎每次嚟荃灣做嘢,都嚟呢間食早餐,今次食火腿絲鮑魚絲通粉,材料很夠,味道不錯,雙蛋也ok,可惜凍咖啡比較甜,呢到有三架電視機,幾乎坐邊度都睇到無線新聞.