飯糖 (已結業)

第一次黎食比門面呃左，以為靚靚地應該ok啦，點知中哂伏，一坐底已經有隻曱甴喺地下死左，好嘔。之後有人叫左芝麻胡，一食已經要lur，問個職員點解咁難食，佢話係工場做係咁，其他人食雪糕同棉花冰就正常，自此就blacklist左呢間野。隔左一排同另一班朋友喺附近搵芋圓食，朋友見門面靚就入左去，我坐底先醒走呢間野係超難食，但坐底左就算啦，諗住叫住一兩個先，穩陣啲揀左西瓜西米露同芋圓豆花，全部都好！難！食！點解可以煮到咁難食嘅野出黎，小丸子未熟嘅，成口粉，哂錢。…查看更多

星期五晚上行完街見到新開左間糖水舖。有芋圓食，紅豆蓉西米三色芋圓，一心諗住黎食芋圓，點知得果幾粒，正常台式芋圓應該成碗都係！:( 紅豆蓉係一粒粒紅豆, 唔係蓉，唔明佢點解會改個咁嘅名，又唔夠凍。 冰糖燉木瓜一般 似係糖水。下次未必再黎食。Friday night desert, was looking for something with taiwanese style but this was a bit disappointing …查看更多

呢間鋪頭環境氣氛好好，裝修簡約清新，可能我哋比較早食甜品，所以客人只有五成左右，同朋友傾計非常合適。由於今日同舊同學見面可以暢所欲言😄。今日我哋食咗飯，所以淨係食甜品，原來呢間舖有好多嘢食，大約有百幾款產品，下次再嚟好好品嚐😍。我哋三個一致都係食咗芋圓（心靈相通😏）我食紅豆水晶涼粉三色芋圓，佢哋食芝麻糊小丸子＋三色芋圓同杏仁糊三色芋圓。芋圓口感非常好而且有三種味道，細細粒好好食，推介推介❤️❤️❤️，紅豆不會太甜，軟硬適中😋由於之後客人好多，我哋坐咗一個鐘左右就走了，（良心顧客😂）。特別一提，我比較鍾意食淡奶，叫侍應幫我攞多啲，雖然都比較忙，侍應服務態度很好，值得一讚👏🏻👏🏻👏🏻…查看更多

今晚係附近食完晚餐，本身都無食糖水既意慾，但經過飯糖好似就開，就想入去食下睇餐牌糖水既種類都好多，我就揀左個蘆薈焦糖燉蛋，個燉蛋都幾細碗，掌心咁細，有半吋咁高，而上面蘆薈就算多，配燉蛋都幾新穎，不過就有少少酸，個燉蛋既焦糖面都烤得脆脆的，而個燉蛋本身就無咩特別…查看更多

吃罷晚餐總是想多吃個甜點才得以滿足所以有晚食完飯之後就同朋友喺附近揀左間糖水舖坐底左（見佢地裝修得幾光鮮咁）同埋糖水款式都幾多選擇咁.....朋友揀左“楊枝甘露蘆薈小丸子”HKd$32朋友話味道好一般，芒果味人工化而小丸子亦太糊口而我點既“杏仁糊三色芋圓（熱）”HKd$25更加係唔合格！！！一食落依家食得出係用即沖既粉開出黎...重點係碗糖水唔熱，只係暖！！！同店員反映後，佢地竟然黑面同好唔願意幫我加熱咁而三色芋圓亦無乜味，做唔到煙韌軟糯既效果！如果店舖keep住呢個食物質素同服務，我諗真係難啲有回頭客....畢竟附近仲有好多糖水舖可以選擇…查看更多

五條女一個男瘋瘋癲癲唔知點解入左去呢間，咁簡好野，有雪糕蘆薈小丸子，西瓜蘆薈小丸子，西米撈芋圓，紅組鄧蘋果，連埋我地入面坐左無20人，無錯我地係叫得四碗，因為都飽，係想吹水，寫野姐姐黑左面，我地本黎都覺得唔好意思，但係簡唔落，頭果兩碗小丸子黎先，我地繼續吹，食野果兩條女就唔出聲食食，但係叫住我地，喂妳試下，唔知變壞定點，啲蘆薈味好怪，我地就一齊試，係化學味，佢地食多兩啖都算，食埋舊雪糕放低，丸子我無試佢地話唔太好，西米芋圓黎，係用三花淡奶做底，西米有啲啲小舊jam埋一起，芋圓入到口，但感覺係自己買野撈在一起都係一樣，跟住有人問，點解入左黎既，有條女自認係我話入黎，大家入果下掛住傾無睇清楚，到燉蘋果出場，熱食呢個最正常，不過我地已經對呢度無信心，食多兩啖都係唔想食，唔怪得咁小人，好在無叫多碗，其實我好想同個姐姐講，啲野食真係好唔掂，臨走我地錢想找散子，問點散朋友講是但，個姐姐好惡話即係點，好快啲，入面叮我喇，面黑到鑊撈咁，我咪即刻答即找走人，生意已經唔好食物唔係普通咁簡單，係難食，都仲咁態度，我地四樣野，我一樣食到一半，三樣都係食左四份一都唔知有無，但我地唔係會咁浪廢食物既人…查看更多

今日同D friend食完飯，想食甜品，經過呢間鋪以為食西餐，原來食甜品😅。叫咗個芒果/雪糕焦糖燉蛋，西瓜西米露同埋楊枝甘露。焦糖燉蛋蛋味濃郁，焦糖燒到啱啱好，口感好好，甜度適中，必食推介good👍🏻。楊枝甘露忌廉味很濃好滑，芒果係用菲律賓的，芒果味重及甜。金柚較酸，但係我自己比較鍾意食酸嘅，所以真係perfect 💯。鋪頭裝修簡約舒服，有背景音樂襯托感覺良好，但由於今日係星期五，客人比較多，但係服務態度好好，聽日再嚟過😋…查看更多

一行七人入黎食野，點菜果陣已經見到地下有幾隻小強屍體，坐多一陣，仲有隻識郁嘅點菜果位姐姐仔，係咁問，又寫唔切，重覆order 又錯晒………終於甜品黎啦，夏天最想食啲凍野，但西米露暖暖地，仲要一舊舊咁，叫人點食呀😂😂😂😂😂我嗌左紅豆水晶涼粉三色芋圓，頂，芋圓數埋得5粒，水晶涼粉又無味，紅豆又唔好味，根本就係夾硬黎做糖水店😂😂😂我地唔會再黎架啦，明明都無咩人，又要我地迫啲坐，又唔俾放野，態度好差…查看更多

第一次來呢間鋪見到裝修幾靚幾特別,所以入去試吓。聽侍應講其實佢哋係有飯有糖水食,但係而家時間比較夜所以剩係得糖水同小食。糖水品種好多,加埋有百幾款，我兩個人「一凍一熱」兩樣野。（燉木瓜和芒果雪花冰）燉木瓜感覺燉左幾個鐘,份量足,好潤,味道好好,啱啱我朋友喉嚨唔舒服,絕配⋯芒果雪花冰,芒果味好真實,同其他糖水店味道唔同,侍應講佢哋係全部用真正生果做的,唔係用芒果香精色素做嘅,份量適中,誠意推介👍🏻👍🏻👍🏻…查看更多

一家人來吃個下午茶，經過店鋪門口、看店內就像台灣咖啡店感覺舒服，還有員工服務態度好也親切 ！點了兩份肉燥雞扒飯、一份自家製漢堡肉醬意粉，肉燥飯～飯太綿，像吃稀粥，肉燥太少還有不太應該下太多汁，雞扒沒問題！以自家製意粉很滿意，都推介！希望有待改進食物質素，店鋪不論裝修、感覺都很好。…查看更多

食完晚飯趕唔切睇戲，求其搵間糖水食下呢間飯糖有做午市，同事食過評語普通，附近咁多嘢食，唔會回頭揀呢間，不過糖水未試過即管一試雜果西米露，無預期係芒果汁底，偏酸雪糕焦糖燉蛋，偏甜，食唔出蛋香食物一般，個差評係比某店員，態度極差餐牌雪糕焦糖燉蛋$32，張單寫$42，問下點解啦，一個女店員解釋話揀味要加錢，一般只會比朱古力/雲呢拿，解釋都合理，但應該落單時講聲，咁我話轉返普通唔揀味，個店員就去收銀機改，原先幫我落單位店員就大大聲話：咩呀，佢自己要綠茶味咪加$10囉，咁而家即係點呀餐牌其實無清楚講明揀咩味要加錢，作為第一次嚟幫趁嘅顧客又點知呢都係果句，附近甜品都唔少選擇，唔會再嚟呢間…查看更多

琴日同滴fd踢完啵翻屋企結果唔想自己煮，於是就順便落旺角行下搵野食，行下行下就見到一間環境唔錯葛餐廳，本來還以為就得甜品食，不過原來有飯餐，而且也唔算特別貴，所以就入去試一下，聽店員介紹點左個漢堡扒餐。個餐上面葛漢堡扒睇落去色水唔錯，而且聞上去好香食材好新鮮，食落感覺也唔錯，隨餐還送左個湯同埋野飲，真心唔錯，下次有機會會來過…查看更多

同朋友睇完戲，諗住搵糖水食下傾下計，行到呢條街，見到另一間糖水鋪好多人等，環境又逼，而呢間就冇乜人，坐得舒服啲，所以就入咗呢間食。叫野食嘅時候，好多食都冇晒，想食豆腐花同綿花冰都冇，唯有叫第樣，雖然係咁，但係侍應服務都幾好，好有禮貌。不過啲野食就真係唔掂，本來冇諗住食食評同影相，但係真係好難食，食咗一啖真係食唔落，之後先影低，所以啲相有啲嘔心，原本碗糖水冇咁核突。芝麻糊有啲澀同酸酸地，可能處理得唔好。芒果蘆薈小丸子，唔知係咪溝咗水，有陣水喉水味，小丸子又硬，好似未煮熟咁。其實呢度幾好坐，如果可以改善下食物質素就好喇！…查看更多