飯廳 (已結業)

成日揸車經過，今日終於有機會試吓，叫咗份二人餐，豉汁蒸排骨同埋清蒸盲曹成為$138落完單好快就拎咗個倒湯出嚟，可以接受既質素.過多一陣，侍應就拎咗個豉汁排骨同埋跟餐晚油菜（4條），重點黎啦，個排骨係無醃過咖，如果唔係有鼓汁係面就無味咖啦，另外重要係好鞋，咁食下食下就過左25分鐘啦（收到落單紙計）條魚都重未黎，咁就搵個事應問下啦，點知佢地又係掛住傾計，行到埋黎我就同佢地講重有條魚未有啦，佢話幫我睇睇。又過左一陣，佢終於拎左條魚出嚟，個賣相一睇就知唔新鮮，咁我就夾開個肚啦，有內藏咖，究竟有冇洗條魚？算，我食魚背啦，蒸到過曬火，鞋又無味。餐點都食完個飯，啦啦林埋左個單算🤦‍♂️呢間野個廚都唔知有無學過煮菜，永久黑名單系列…查看更多

话说行街行到见肚饿，就稳间餐厅食野，见到呢间门面装修几好就应该唔会差得去边，入到去无人理就自己稳位坐低，好正常睇下餐牌有咩食，捡好之后就叫服务员落单，叫左几声都无人理，之后再叫多次先有人埋黎写野落单，由于我地得2个人食，只系叫左2个菜，一个咕噜肉同炒菜心，味道唔错，由于趕时间好快就食完，之后问个服务员有无纸巾，居然同我讲要比钱买（仲要$5包）…真系好过去抢，未试过去食野要张纸巾都要收钱，收钱都算，仲要$5一包…我话唔洗，到比钱埋单个阵见到个好似经理甘既打扮既人用一个脾视既眼光望一望我地讲真，呢间餐厅食物质数唔错，唯一唔好就系服务态度，希望下次黎会有所改善拉……查看更多

前幾天路經此餐廳！覺得裝潢設計還談得上舒服，結果入去試試！點知食到火都黎埋！入到店裏，完全冇人招呼！當D客係透明。算！你係茶記形式！我自己搵位！我同我朋友決定好食咩！叫侍應落單！點知佢地掛住傾計，唔講都唔知請佢地返黎係做侍應定開緊talk show!我地準備好落單，舉左手左一段時間終於有人發現到我地嘅存在，係一位肥肥地着白色恤衫好似經理嘅男人幫我地落單，我好清晰咁叫左個咖哩豬扒飯！一杯凍檸水！結果出到黎變左凍檸茶！我再搵返嗰個男經理同佢講我係要凍檸水唔係凍檸茶！但係我唔知係未因為打斷左佢同人傾計！所以佢態度極之唔耐煩咁講：得啦得啦，要咪換比你囉！我心諗，你自己聽錯落錯單好似我做錯野咁囉！好啦，換返岩嘅比我，結果嗰個男經理好大力咁放落張枱到！我只可以同自己講茶記唔着重服務囉。咁我見到個咖喱豬扒飯等左15分鐘！我朋友個飯都就食完都未見我個咖哩豬！我想睇下個飯得未，所以搵左另一個粉紅色衫嘅女人問下，點知收到嘅回覆竟然係：係要等嫁啦！落單咪有人同你講左囉！哇，我真係好想問下佢連基本尊重都唔識，點出黎做服務業？。總結：食物味道咁嘅價錢可以接受！但連經理嘅服務態度都咁好，我真係餓死都唔會再幫襯…查看更多

第一次寫評論，文筆不好請多多包涵！早上渣車經過這家茶餐廳，入去時人不太多，四周裝潢新淨整潔，只是四處貼滿了一張張告示大概意思是說落單之後就不能調位。叫了個火腿通粉+蛋餐，可惜被搖頭告知（沒有語言交流）沒有烚蛋。態度雖不友善但或者是我自己要求對一所小茶餐廳來說是過分吧。通粉上來了。我自己從枱下的櫃桶去了餐具。但櫃桶裏沒有餐紙，向另一位待應詢問去拿一小張餐紙吧。可惜，不幸運的我被告知他們的老闆說未能提供。沒紙巾在左右食時也會挺狼狽吧，那麼麻煩的我再試試可否向他們買一包，總比自己走回車裡拿方便嘛。可惜，繁忙的待應只回應了一個字：無，然後就匆匆的走去了。可惜的是，正因為這一些連對一家茶餐廳也不合格的服務態度，我滾然盪漾的情緒另我也沒機會淺嚐及評論餐廳的美食，然後我也匆匆的埋單走了。不建議去清早光顧一所餐廳會影響你一整天的心情。 …查看更多

價錢, 一個字: 貴 / 食物, 兩個字: 一般 / 服務, 三個字: 態度差. 其實價錢+食物的標準可以好主觀, 但服務態度是客觀事實, 一定要講: 明明恆生網頁話係Cash Dollar 商戶 (見圖有logo)  埋單時竟然同我講從來都無收cash dollar(!!) 唔可以用cash dollar, 我話網上明明有, 個男職員態度黑人憎, 話我自己睇錯喇!!!!! (我自己睇錯!!!無語!!!!) 嘩, 人地恆生幫你做晒宣傳draw晒客去, 埋單又反口話只收cash! 你真識做生意!  (恆生快快跟進, 網頁個list要剔走呢間野, 咪等其他恆生卡顧客中招!!)…查看更多

粟米班塊收成108蚊，份量少，果幾舊魚，外形似麥樂雞，食起嚟又乾又硬。完完全全唔好食，魚無魚味，未食呢果咁難食的粟米班塊，仲要收成108。真心，連10.8都唔值啦，搶錢咩？蒸肉餅，肉餅似紙咁薄。味精又多，食完好口渴。總而言之，簡單兩個字，極差！永不再幫襯！…查看更多

西營盤C出口地鐵站附近其實無咩餐廳可以選擇，揀黎揀去都係果幾間，唔係貴就係極貴，今日黎左就黎左食飯廳，其實飯廳有個好正既優惠就係自取8折，好多時同事都會特登買返公司度食，因為成個餐平左起碼10蚊，而且佢個餐既份量都好大，今次叫左雜扒飯，因為唔想食太多燒味，我知道呢度既燒味係最多人叫（聽聞最好食）不過得閒轉下新口味，就揀左呢個餐，腸仔就係翻整左好多次，搞到有D咸啦，我諗雞扒都係咁，但係豬扒唔錯，有豬肉既香甜味，而太陽蛋都煎得幾靚，整體黎講，呢間餐廳唔算係最抵食，但價錢係附近都叫做公道合理。…查看更多

食品認真麻麻，蒸豬膶蒸到好似橡膠咁，食到我好辛苦，可能用醃肉粉太多了。雲吞麵梘水味勁大，可能個麵只是放在水中過過河而尔；D醋可能加用白醋精開，無用傳統靚浙醋或米醋，真的令人失望。雲吞味精又多，當晚食完翻屋企肚痾。另外試燒味，D叉燒糖仲多過糖醋排骨，難食到乜咁。燒鴨皮甩開，蒸䱽魚好難食，根本唔覺新鮮。兼且試過2次老闆款眼鏡男態度極差：有一次見佢叫個帶住小朋友的女士讓位比另外一人，瞪大雙眼，以極度討厭的態度叫她坐入啲，使唔使啊？簡直過份！另一次本人問一下菜單上的資料，他就以臭串態度答… 不會再去！人品如此，食品好得去邊？…查看更多

佢嘅雲吞麵不嬲都唔錯，好食過附近由細食到大嘅枝記，今次食就咸左小小。咖喱腩飯，薯仔同牛腩都入味同份量十足。但係問個waitress攞３杯熱水，攞左２杯埋黎，勁搞笑咁話－個人攞唔到３杯水，跟住就好得閑咁企係度，成個場唔夠十個客一眼望晒，點睇都唔係咁忙，今日放假都唔會好多客，仲有－兩個waiter/waitress 企係度，都講左用黎洗筷子匙羮，３杯水都攞唔到？？ 唔係行多轉攞多杯水都唔識？！咁細個見果Ｄ茶記伙記咪真係好叻！…查看更多

今日中午一個人去左飯廳食午餐，其實之前都有去過，裏面裝修都幾舒適，不過一到中午有時就好難遇到有位😅，今次一個人去所以好d，坐底左就叫左個50蚊牛筋腩麵餐黎食，裏面包一碗湯粉，一碟菜同一杯飲品。價錢起半山唔算貴d牛筋腩夠晒淋又夠味，而菜同飲品就無乜特別驚喜。不過之前幾次同同事去過食其他午餐d買相都唔錯間中都有d驚喜，蒸飯我就嚴佢d飯太過淋，裡面侍應服務又幾好去左幾次都認得你，間中仲醒你碗例湯添。可以直得推薦…查看更多

呢間下午茶到5半，仲有折，今日食左個脆脆义燒豬配野飲都係$29個包好脆，唔似有d豬仔包脆得黎粉，有烘過，夾住兩大塊蜜汁肥义燒同炒洋葱。一咬，啖啖都有一半係肥肉lur晒出黎！兩大舊义燒，得少少瘦肉肥到兩邊包夾落去會慘返d油出黎…查看更多

呢排返工唔想帶飯，所以就同班同事去左飯廳到食Lunch，咁我就叫左最傳統既叉雞飯，大概等左5分鐘到佢就上菜啦，呢到既叉燒真係一流，肥瘦適中，唔會燒得太燶，唔好太鞋口，食落去有少少硬度得黎又林林地，至於白切雞方面，都算幾滑，唔會太乾，個薑蔥醬都係普普通通無乜特別，整體黎講算係水準以上，不過50幾蚊算係略貴，間唔中食一餐都可以既…查看更多

平時喺附近返工，下午茶一定會出去搵好野食，聽同事講呢間嘅下午茶外賣好抵食，外賣仲有9折！即刻去試試佢啦叫咗個下午茶A餐外賣，係蜜汁叉燒夾豬仔包。個包都幾大，大過M記，入面夾住一大塊都幾厚嘅叉燒，瘦肉較多，好juicy!仲有炒過嘅洋葱喺入面，配搭比較似即整漢堡，但洋葱唔多。蜜汁叉燒都幾甜，炒過嘅洋葱都會變甜身，如果再多d洋葱嘅話就太甜，所以其實份量啱啱好！$32外賣包野飲，真係好抵食咖:)…查看更多

在般咸道上吃午飯有不少選擇，最近和朋友們常來這家飯廳開飯。這家餐廳主打港式送菜/碟頭飯，比普通茶餐廳坐得舒服點，看上去衛生也不錯。餐廳入門口處便是燒味部，是通透式的可以看到所有可以外賣或堂食的燒味。中午12:30已經差不多坐滿人，我們通常4，5個朋友去就坐在圓桌，所以多人來這邊吃飯也沒問題。中午有午市套餐，包括主食和飲品或是日老火靚湯。我覺得這家餐廳燒味很好吃，所以每次都點一樣的-燒鵝叉燒湯河粉。小店很貼心，每次蔥都另外放在勺子上，方便像我一樣不愛吃蔥的人可以把蔥分離開哈哈哈。叉燒肥瘦均勻，兩頭瘦中間肥，甜度適中非常好吃。燒鵝外脆，中間有層薄的肥肉，裡面鵝肉很結實，贊！ 我選了例湯，湯裡面有紅蘿蔔，瘦肉，南北杏和冬瓜。味道有點點咸，但感覺味精沒有太多，還不錯喔 …查看更多

今日帶小朋友嚟香港大學參觀, 惗住系附近搵一間茶餐廳食野。見到呢間，門面都幾靚,幾乾淨。阿女想食公仔麵,我又食唔曬一個餐。同職員講想要套餐A, 想要公仔麵, 牛角包又唔想叫想要多士！職員竟然同我講通粉可以轉做公仔麵, 牛角包都可以轉做多士, 喱個簡直令我喜出望外! 覺得喱個就係茶餐廳嘅特色！麥記果d系無得比！我覺得我系度完全系自創緊一個屬於自己嘅早餐。嚟左個滑蛋加多士 , 蛋煮得好滑，好好味同埋好有蛋味!公仔麵唔會煮得太林！美中不足嘅係嗰杯凍檸茶唔夠茶味。我會再俾機會佢嘅因為我真系好鍾意佢咁貼心嘅服務。…查看更多