飯廳 (已結業)

好開心呀! 昨日和fd去這間餐廳食飯, 氣氛好好呀! 除咗在每一角落都放置一些萬聖節的擺設外, 連d waiter都有化鬼妝的呀! 好特別的呀! 在場亦有一位女外國人替客人免費化鬼妝, 另一位男的外國人會利用balloon用一些可愛的公仔的呀! 我昨日同fd都每人拿了一隻呀!..哈!! 至於食的, 都好有水準呀! 好精緻的呀! d service好好的呀! 過時過節去, 真的好好呀!

我都好同意之前的食家話d 食物味道一般. 不過我覺得此餐廳勝在夠誠意, 各方面都好用心去做. 環境裝修得幾有情調, 坐左入去都想像不到自己身在荃灣. 員工方面又好合拍, 快手得來沒有催你的感覺. 禮貌週到. 個法國田螺飽唔錯, $38半打, 好底食.主菜食大蝦扒豬肋骨,好多伴菜, 但豬肋骨沒有味道.希望廚房方面改善食品味道. 價錢真係唔貴, 好難得在荃灣搵到間有情調的餐廳.

前天一家人到此開餐, 小妹叫了晚餐set dinner: 泰式石斑柳, 母親大人叫了焗芝士三文魚天使麵, 父親大人則叫了牛柳燴扁意粉, 本來我們三人不知道有部份母親大人和父親大人的主菜會用麵包裝著上, 後來看到了此"器皿"都有點驚訝, 母親大人對此有點不滿, 因她認為這樣會被麵包吸曬d汁, 無咁好味, 食落覺得好溜, 份量其實不大但都吃不完便放棄了; 父親大人則認為幾好味又特別, 麵包鬆軟, 小妹的主菜郤不是用麵包來上碟的, 石斑柳酸酸甜甜, 又有少許微辣, 但意粉好乾, 令我要另外加茄汁才能入口, 最後的檸檬味旦糕, 不是太甜, 好好味又鬆軟, 整體覺得味道不錯, 而服務員都幾有禮, 不停為我們加水, 環境清靜, 但張檯就細o左d, 如果四個人坐埋同一張檯, d 餐具和胡椒粉等東西都唔知可以擺係邊??

環境及氣氛相當好, d 餐具幾特別, 食物質素一般, 好多款主菜都會放入大麵包入面, 但個麵包係麥包幾好食. 唯一覺得食物份量(主菜)唔算多, 但杯餐茶好大杯. 以約平均80元一個餐, 我覺得唔係梗抵食.

果次去係佢地新開張第二日去食tea,一入到去環境唔錯,我地兩個人坐U 形位,都幾舒服,但風口位d風都幾勁下,我見到有2人tea set好似$95到,但又無寫有d嘜,敢我咪問個男侍應,佢答我係d小食,敢我又問返佢有咪小食,佢話唔清楚,佢話幫我問下,之後佢走去問其他侍應,但我見佢問左好幾個都好似唔知,但好奇怪佢又唔問經理,之後佢問到一個女仔,就走過來話我知有d三文治,雞翼,cake呀等等小食,敢我又問佢cake係唔係cheese cake,佢又話唔知,敢我叫佢幫我問下廚房如果唔係,可唔可以比cheese cake我,之後佢問過廚房出來,就話其實都唔知個set有d嘜野食,總知廚房比嘜就嘜啦,我聽到都覺奇怪,嘜原來lee到係廚房話事,唔係客人,敢算啦,都唔知嘜,更係唔叫啦,叫了兩個tea set,一個係豬扒飯,一個cheese cake,個豬扒飯就麻麻地,但都食得落口,個cheese cake就真係唔掂一d芝士味都無,都唔知自己係食緊cake,飲品ok啦夠大杯囖,埋單$100,價錢係唔貴,裝修唔錯,但d野食唔得,就咩鬼都無用啦.

以前去過將軍澳店了.感覺相當不俗.早前同男友去荃灣分店開飯~ 兩個人叫了埋軟殼蟹煙鴨胸沙律同一客燒春雞. 湯就點了蕃茄忌廉湯. 味道好,但Texture 過杰; 軟殼蟹煙鴨胸沙律. Menu 分Large 同Regular portion 之分. 我就叫了regular. 蟹好厚身.唔油. 脆卜卜. 好多塊煙鴨胸. 配上Caesar Salad. 有Coutons, Bacon Bites 同新鮮Veggies. 得呀! 相反燒春雞比較瘦身. 冇左食雞個種"啖啖肉" 的滿足feelings. 但肉質同肉汁都Keep 到. 伴菜有五種蔬菜. 幾好.Dessert: Mango Cream Puff. 男友一路食一路話正. 見到佢都好笑!大部份侍應明顯係新手. 服務有熱誠但未至於週到. 唔緊要. 最緊要係有心做!!