食喜來牛肉羮 (已結業)

唔知點解次次黎親都冇咩人，但係佢既【秘製牛肉羮】個湯底真係好好味。今次同上一次一樣，都係食同一樣野【秘製牛肉羮 配上海麵】 ，本身個人較喜歡藥材湯底，而【秘製牛肉羮】湯底正正係我至愛既藥材湯底。藥材湯底味道濃烈，入口清清甜甜！不過牛肉唔應該放太多梳打粉，令到牛肉太林，冇哂咬感；不過味道搭夠。親愛的就選擇食米線 配豬腸、蘿蔔，我就冇試過，親愛的成碗食哂又冇比comment我諗應該ｏｋ！佢地既通風設備真係一定要好好改善，打開門入門口成陣油煙味，望到鏡反射廚房係冇遮冇掩，跟本上任油ｄ油煙供出食堂，呢個真係非常之NO GOOD

竟然發現在公司附近有些特式的東西吃，是香港少見的福建系菜式，想不到除了在北角外，也可在坑口吃到福建味，所以也找了個下午，來吃它一吃。來到的時候，只有我及另外一位人客，店子少少，只有五張桌子，也坐下吃吃，此處所有的炒麵及飯也有熱飲供應，也是例牌的加兩元變凍飲，在云云的車仔餸之中，我什麼也不選，只選了其獨有的牛肉羹，就來一個牛肉羹上海麵，加杯熱奶茶。也等上足足十分鐘，才有得吃，一碗熱騰騰的牛肉羹上海麵，粗身的上海麵有一大碗，不用加底份量已很夠，湯底是淺啡色的，伴上點牛肉條及兩片生菜就是今天的午餐，也是例牌的先喝口湯，淺啡色的牛肉湯其實是用上牛骨及當歸等藥材熬上個多小時而成，味道不如台灣牛肉麵的湯底般霸道，但就是清清的有牛骨香，嗒落更緩緩滲出藥材味，當歸味尤其明顯，而且其份量控制得宜，喝起來不會太苦，真的很是不錯，所以最後當然清碗，但可能由於藥材牛肉湯實在是太補了，吃着吃着，縱然店家的冷氣挺大，但也是吃得渾身是汗。也來談談上海麵及牛肉條，上海麵粗粗的，吃起來滑口，而本來也不期望上海麵會有彈性，但吃起來竟發現既煙韌而彈口；牛肉條吃起來質感很得意，外邊是軟粉粉的，心想還不是化學牛！怎知再咬深一點

今日3點幾果時係街上有點餓,打算上返上次朋友介紹的這間店.一入到去一個客人都無...之後我就拎餐牌睇....嘩,成27,28蚊一碗....我4,5日之前都係20,22蚊...之後覺得唔食走返出去有D尷尬,咪照食囉點左過牛腩上海麵食,之後先知原來有杯喝,就點左個阿華田速度都ok,等左唔係好耐上左杯阿華田,一睇勁淺色,仲淺色過杯奶茶攪左幾下勁稀...好似熱水加小小粉咁,喝左啖勁難喝仲衰過出面D餐廳同快餐店之後上埋碗麵有5舊牛腩,碗麵同牛腩都ok但D湯真係唔多掂,完全無味....總結:之前20蚊無野喝我會去.但如果28蚊我係唔會去(完全唔值)其他賣牛腩的店都係25,26蚊.都好味過佢我食左半個鐘都無人去食...仲有,各位千萬不要點阿華田

尋晚上openrice 睇下將軍澳有咩野好食e 間食喜來牛肉羮既牛肉羮聽起落好吸引, 之後今晚就同男朋友仔專登渣車去左試下我地叫左1, 鎮店之寶( 必食推介喎...) 既牛肉羮米線好普通...牛肉的確係用牛肉羮既牛肉條...但...基本這不是羮, 只是普通粉面既湯底, 基本不值一提好在我地無單叫個湯2. 牛腩面餐牛腩也不見得特別好味. 餐跟碟菜心, 這是唯一一樣食物, 是正正常常的好味.....那店員的態度也十分惡劣, 問多一兩句, 語氣像趕客一樣結論 : 如果以價錢來說, 廿多蚊, .....咪就只係街邊普通一碗粉面囉,, 如果開係我樓下, 肚餓之下都會再食既, 但就唔會專程黎食喇.....太失望!!!

食過番尋味，再來。可惜大失所望。今次叫牛腩拼牛柏葉湯河，賣相幾好。首先試啖湯，好淡，差過上次好多…再來牛柏葉，冇調味，食質感…牛腩都冇上次咁好食。河粉就夠晒大碗，全晚最好食係那兩條菜…如果我第一次來食到咁既味，絕不會推薦給別人。

兩個人，叫左牛肉羹撈麵，牛腩河，牛肚拼雞翼，加兩罐汽水，合共$80。最好味係牛腩，湯味濃，配河粉一流，湯都飲埋。牛肉羹第一次食，都幾好但唔及牛腩好味。牛肚我鍾意食，雞翼就一般貨色。聽晚再來，試下叫牛腩河拼其它材料加$3。

呢間食店我去過2次食晚餐, 2次都無mug人幫襯, 見親都係好似我咁嘅單拖阿叔, 可能環境吸引唔到附近d中產女士1次食牛肉羹河粉, 無味精, 好香好食另1次食牛腩飯, 個汁好食, 牛腩好淋, 不過飯多餸少, 可能家陣牛肉貴整體來說, 間野都好食抵食, 但再係咁靜英英, 真係驚佢遲早捱唔住

呢度D 牛肉羹同牛腩粉的味道暫時未係香港其他地方食過, 每隔一兩星期就心絲絲走去食..有試過一星期食左三四次..哈哈。呢間鋪係家庭式經營, 個叔叔係慢少少, 但真係好有心整D 嘢食比我地食....最重要d湯真係無咩味精, 我就鍾意加一至兩辣油 (記得要加辣油渣, 少油多渣) 佢係辣油唔辣但好香好好味。我就鍾意食牛腩粉 多湯....正。ps: 你叫牛肉羹粉..阿叔好鍾意問你要牛根定牛肉羹? 牛 佢開到11, 12 點度, 食宵夜可以只叫牛肉羹或者牛腩湯

我成日都會去茶餐廳食湯面果類, 愈來愈唔想食d用味精做出既食物. 我鍾意lee 間既原因:1.湯底用真材實料去做, 好清, 有d似花椒八角味.2.油菜好原味.3.牛腩湯好好味,老水雞亦都ok4.老闆有禮貌, 自家經營, 感覺好好.補充少少: 坐位就冇咁舒服, 不過唔緊要, 多數都食完就走.....

牛腩, 牛展出面好多地方都有得食, 但係呢間舖的牛肉羹出面無得食, 也算得上係鎮店之寶~湯底食得出係用牛骨熬出黎的清香, 店家話賣點係"暗香", 都幾清, 應該無咩味精, 再加埋d辣椒油真係一絕. 麵可以揀上海麵,米線, 油麵等等, 比普通舖頭多d選擇, 推介係牛肉羹上海粗麵, d麵條索飽湯之後好好食~金錢肚相對上會失色好多, 同埋有d "un", 牛展係ok的~ 另外食過肥牛米線都係普通je.基於坑口無咩似樣的麵店, 故此店係我在家想食粉麵的首選. 可惜牛肉係咁加價, 由開店食到而家的我見證住一碗麵由18蚊加到22蚊... 不過都會間中幫襯, 始終好過去快餐店廿幾蚊食碟無heart的飯. =)

呢間鋪開了兩年多了, 小本經營, 有時放工無飯食就去呢度。一直都喜歡呢度的牛肉同牛腩粉, 呢度啲牛腩粉同平時食開的潮州牛腩粉不同, 清香有牛肉味的湯底加上河粉特別好食....如果喜歡食辣..加埋特別的辣椒油..我喜歡一二大匙醬.(不加辣油), 就更加好食。自問食通港九..呢間牛腩粉就真係未在其他地方食過..如果喜歡食牛南粉, 牛腩粉..食潮式食得悶悶地不妨試下呢間。一句話平, 靚, 正。只係$18~20/bowl.