影片
餐廳午餐包熱飲及送例湯, 凍飲+$3, 價錢within $48-58, 每日都有 8 個餐, 仲要個個星期都有新 MENU, 選擇好多元化1 係湯飯, 2 係雞飯, 3係咖哩, 4 係港式家的味道5 係茶餐廳扒餐, 6 係蒸野, 7係炒飯/麵, 8 係有菜有肉之選今日試左午餐泰式冬陰功海鮮湯飯,冬陰功湯酸酸辣辣, 有豆卜同芽菜索汁, 海鮮有2隻急凍蝦,青口, 鳴門卷, 獅子狗同埋蟹柳話就話湯飯, 個飯係另上既除左午餐,另外有常餐同炒粉麵, 見到隔離台既星州炒米同炒飯相當多料, 有獲氣同上曬色!下次會試下其他即炒/即煮既小菜
繼續閱讀
今日同男朋友經過呢間街坊食店，去叫左個二人餐二人餐都好多小菜選擇，以茶餐廳黎講，有埋酸菜魚已經好少有！因為見到隔離枱叫酸菜魚，睇到好大份，所以我又叫埋一份～再加個咖哩啫啫雞煲套餐包飲品，湯，同兩碗飯，咁就夠曬住家feel上菜時，見到酸菜魚好足料！有勁多薯粉我至愛魚片都吾慳皮，一碗放足料，成碗都有勁多魚片！因我今次想食清啲，叫左吾辣！吾辣一樣好味！雞煲到啦，新鮮滾熱辣，上菜仲滾緊嫁！咖哩汁冇得頂撈飯一流！雞件大大份！啖啖肉真係無得輸！真材實料既街坊店食完老闆都有同我地吹一陣水，好有家既感覺呀食到飽一飽，今餐好滿足！
繼續閱讀
好耐冇嚟食，對上一次嚟已經係佢啱啱開張冇耐。今次見到個餐牌唔同咗，有老坛酸菜魚，又可以決定幾辣。啱晒我呢啲唔食得辣，但又想食辣嘅人，紅薯粉又夠多，好飽。跟住個咖喱薯仔雞好香，食落味道夠濃，仲包老火湯（青紅蘿蔔湯任飲）同餐飲。$158，抵食，值得推介。
繼續閱讀
有事過嚟新浦崗。星期日朝早嘅新浦崗竟然是無乜選擇，見到呢間門面還可以，就入咗呢間餐廳。 一如大部分茶記，無乜服務可言。叫人佢搞埋手頭啲嘢先嚟，落單無錯就算。叫咗個茄湯牛肉通粉，茄湯無蕃茄味，牛肉淋但無肉味，通粉亦淋無口感。奶茶唔香唔濃，唔夠順滑。
繼續閱讀
新蒲崗衍慶街小店，$36 早餐叫左個沙爹牛肉通粉， 炒蛋火腿， 丹麥多士， 齋啡。沙爹牛覺得是連埋沙爹醬炒過，夾有少少花生碎，好味道， 炒蛋滑口，唔係水汪汪。環境不是寬敞，但相比之前有改善，中間有卡座， 四人卡座，啱哂一家四口。兩旁有二人對坐枱， 亦啱單人坐， 平日早上8:30am 也九成滿座，整體不俗。
繼續閱讀