風月堂 (已結業)

星期六,睇完戲唔知食乜好,又係抱住搏一搏o既心態上黎睇下7點幾食飯時間都唔洗等位,兼唔full我真係第一次黎呢度食野,朋友話都唔算大碟有成本咁多o既甜品可以揀,點都要留一留肚朋友好為我著想放棄左自己想食o既焗年糕,俾我揀左呢個米卷食得有點兒狼狽,因為一咬就會跌哂出黎初時仲擔心芒果會酸,估唔到係超甜!!同煙三文魚o個種咸咸地夾埋一齊,umai~~終於遇到一道菜唔係圖片只供參考,蝦雖然得一隻但係夠大,魚扒同帶子都剛剛好雖然一個飯先得4樣餸,但其實淨係食個飯,本身都已經覺得好足夠唔係太酸,蕃茄味剛剛好,一個人可能好悶,兩個人食就fit哂~裝到隔離枱都有叫pizza,見唔係太大個,不過得5款可以揀,呢個薑汁豬算係比較特別唯獨是豚肉煮得耐,有點硬,薑汁我就唔係太食得出,不過不失~甜品時間~~~外層我估係朱古力味o既cream...因為唔算太多,所以都乾脆食左先算入面有一球朱古力雪糕,賣相黎講唔錯,不過如果外面真係cream,就真係扣左分喇兩球芒果+一球綠茶,伴住有鮮甜芒果同彈到不得了o既o者喱糖無奈雪糕底下都係有層cream,點解係唔係都要落cream呢?原本係想試下d芭菲,都係因為見到一層又一層o既cream先至冇叫咋話抵食又唔算好抵,好食又唔係勁好食,呢個價錢我諗仲可以再有更好o既選擇!…查看更多

開揚亮白的裝潢是銅鑼灣風月堂的特色，予人一種悠閒的感覺，在這兒用正餐或吃小吃閒聊也不錯。晚餐有四款，價錢約百三四元，消費滿$300用花旗銀行信用卡有八五折。店方用上鬆軟麵包配上餐湯或沙律。跟餐沙律用上燒雞凱撒沙律，其實已算幾有誠意。加上翠綠的羅馬生菜爽口甜美，醬汁配搭調味佳，成品令人滿意。主菜香煎石斑帶子配檸檬牛油汁，份量略少，石斑外層煎香，配上杏仁片，份外美味，石斑魚魚香亦算有交代。帶子比預期大隻質優，食味鮮甜。檸檬牛油汁則較油身，酸香氣味不算突出。扒極黑豬扒鱸魚芝士腸配蒜茸汁，豬扒肉質鬆軟，肉味濃郁。鱸魚比石斑魚味道更濃。芝士腸比一般粗身，切開芝士汁徐徐溢出，同樣好吃噃！加$12追加菠蘿雪糕窩夫一客，窩夫微脆，但不夠溫熱香口。菠蘿雪糕內含少許果肉，OK喇！熱咖啡質感薄身滑溜，口味剛好合心！…查看更多

原本打算去灣仔的Pizza Bar，但地方實在太嘈，沒辦法食飯傾計，所以沿著駱克道走到銅鑼灣，小姐懸崖勒馬建議風月堂，所以可以講在計劃失敗下而來的。兩個人等位不算耐，大約等了半個鐘左右，等位的時候可以由餐廳的玻璃窗望入去，我已被白色的格調吸引住，無論是台、椅或其他的佈置，都是以白色為主，很漂亮。青蘋果小麥草梳打+香芒蘋果醋沙冰 : 飲品好快就到，買相幾靚，梳打除了有青蘋果點綴之外，入面還有蘆薈粒，不過飲品味道略為較濃，要用凍水沖淡一些才飲得到。小姐講沙冰裡面原來有啫哩粒，都幾得意。田螺釀冬菇 : 有薯蓉做底，冬菇幾淋，田螺都算幾多，大約十粒左右，薯蓉不是太熱，明顯是同田螺冬菇預先分開整的，不過味道都可以。鮮蝦煙三文魚米卷 : 冷盤，最外層是紙米卷，包住煙三文魚，卷裡面有青瓜絲、蟹柳、芒果，點上Wasabi 沙律醬，剌激得黎帶有開胃的感覺，非常好。辣肉腸烤雞肉薄餅 : 叫了一款稍為多肉的薄餅，薄餅是mini size，適合我們兩個人食，餅底是薄脆底，口感不錯。餡料亦多，芝士鋪滿熔透了薄餅上面，每人可以分到三塊，食完後好飽。埋單的時候用Citi Bank 的信用卡會有85折，初頭預今餐大約三百幾左右，最後原來三百蚊有找，都幾抵食，坐得舒服，又有我心水的白色簡約，爭在食飽了沒有試甜品，要搵日返黎試下其他。…查看更多

七月九日，晴。繼早上於半山作了半天上等人後，晚上我們一行七人決意化身東洋小妹妹 小寶寶事前致電予風月堂查詢有關蛋糕一事。因為我們準備了蛋糕，一心想於風月堂切，但員工說需另收切餅費，每人收$10-$50一位不等。化身東洋小妹妹的我們認為太貴了，所以只是把蛋糕先放於此。這個行為是不用另收費用喔，大家可以於心把蛋糕先奇存，離開時才再拿回。 我地1930到達，此時已有為數7-8人在等候。我們一行7人，都已經估計需等候一段時間，但並沒有想到要等待1小時這麼久 又不能事前BOOK檯，唯有等...終於到夜深才能收集上次你留在飯店那紙巾 不斷叫號，但都是二人檯。眼見店內一些卡位，都可以坐六人的，但靠窗的一邊都是坐上2人。 看！我是多麼的憤怒！有圖有真相！1小時候後終於入座。我們都只點了4樣食物，另加6杯飲品。由於我們有coupon，所以可以 BUY ONE GET ONE FREECoupon到7月31日。　千萬不要被menu上的相片騙過來，差距很大。有圖有真相！左.香蒜辣椒香草蜆肉扁意粉 $95一碟中蜆肉大概有12粒　(小寶寶有略略數過)味道是不錯的，賣相亦十分好，有紅有綠。最值得一讚的是意粉，入口彈牙，煙軔度拿捏得十分好，不會過分淋或硬。這是令人驚喜的地方，日式西餐廳可以做到此水準。右. 三文魚蟹籽炒飯 $98好普通，炒飯底入口，小寶寶馬上說了一句：楊洲炒飯底黎嫁喎＝＝認真的，是因為太有獲氣的關係還是其他原因，入口的感覺是十分中國風。這一所不是日本西餐廳嘛？幹嘛來客「三文魚蟹籽楊洲炒飯」？！但事實上檯時又的確十分香。左. 香草辣肉腸烤雞肉薄餅 $82這個令人震驚的畫面出現了，實物和menu相差過大。有圖有真相！第一，辣肉腸不多於3片。第二，餅底又薄又硬，閉上眼吃，你會以為自己正在吃比較厚的太平梳打餅。絕對沒有誇張，此乃事實！最不滿意這個！右. 一品盛盒 $92正正常常，不過不失，小食拼盆是最正常的一味雞軟骨串內的軟骨的確是重料，口感結實。飲品方面，點了3杯不同的飲料。1.白桃香橙什飲－小寶寶認為比較酸，提提飲前要攪。2.雜果雪糕特飲－根本上就是士多啤梨沙冰！重重的藥水味，少年人最不愛！3.檸檬柚子冰－飲不出有檸檬，上口根本是柚子蜜加上碎冰。…查看更多

同朋友喺銅鑼灣行街街，行到倦想搵甜品食又想食甜野就想起LEE度LU我地叫左兩個TEA SET，一個散叫芒果醬栗子窩夫~~~窩夫好好味，外脆內軟的，但個栗子餡好"鞋"呀！仲有點乾乾地藍莓忌廉窩夫~~~窩夫當然的好味，外面脆的，入面軟的GOOD！配上藍莓和忌廉真是絶配呢士多啤利千層酥~~~士多啤利好甜，但個千層酥，一D都唔酥，嚴格來說係唔可以叫酥囉！NO GOOD不過一個50多元的TEA SET，我也不會對他太高要求，而且地方都好清靜又乾淨的！…查看更多

工作餐，時好時普通，各同事都心情靚的一天，我們就找一家舒服一點的地方食中午飯。是日我們來到了上次因為排大隊而願望告吹的日式西餐廳，風月堂。檯子大，空間廣闊，這風月堂雖然位於人來人往、車水馬龍的銅鑼灣鬧市，但純白的色彩，帶少少歐陸風格而又有少少洋日味的餐室，整體的餐廳感覺令人非常之 relax，在這兒用餐有一種好特別的感覺，就是一直都想坐耐啲，再坐耐啲，因為實在之十分之舒適。餐湯是一客非常濃郁的羅宋湯，而且這不是港式風格的油膩式羅宋，少油，味道濃得黎但感覺到清一清的蕃茄及蔬菜的味道，配埋麵包，這湯不是簡而清，是濃而清。 燒汁雞扒飯，整體給我的感覺就是少油少鹽的健康本色，汁清清的，看似清但實在是充滿了味道，雞扒，份量夠大，肉食得出是輕輕的醃過，沒有而又有煎的感覺，做得十分之出色，淡香感浮出來的濃郁醬味，做得非常之有心思。 香草煎三文魚意粉，三文魚輕輕地四面燒過，有三至四成的熟，以鹽輕輕的烤，少少咸，肉多多的滑。而香草味帶入了意粉之中，加上少少橄欖油，也是一個令人感覺健康的美食。 咖啡同茶都非常之濃香，而所用的茶具好有歐洲感覺，而這個就是那一種洋日風咖啡店的感覺。 窩夫加雪糕，是風月堂的名物之一。我們點的是套餐，包了這一個窩夫甜品，不然的話，看見風月堂圖文並茂的甜品 menu，令我們眼花撩亂，是選不出來西來的。這窩夫，又鬆化又甜，日式的這一種食法最好是配雪糕冷食，雪糕的奶油香同此品互生味覺上的化學效應，甜加冰凍的奶油香，大人小孩都沒法擋。 感覺舒服的餐廳，尤其是在銅鑼灣的核心地帶，舒適 vs 繁忙，對比十分之大，感覺也特別的強烈。而且洋日的風格也是非常之吸引。舒舒服服的一個午餐，排下隊也值。…查看更多

風月堂的餐具&甜品好靚好吸引~~ 今晚難得無人等位~即刻去坐卡位呢個鮮蝦煙三文魚米卷味道不錯最愛的甜品時間P.S. 來過幾次，環境不錯，可惜都是比較嘈雜，傾唔到計 :(…查看更多

衝擊周三的晚餐過後，朋友說還要吃雪糕！找了一下發現cwb甜品選擇很多，但賣雪糕則沒幾間，最後還是按原判，選了風月堂！ 我有到過風月堂吃晚餐，甜品卻是第一次；打開甜品menu，才發現他們甜品選擇真的很多，也很賞心悅目，每款都很吸引，令人難以下決定！我們一開始想吃窩夫，後來她們又想吃芭非，心大心細！單是menu都看了很久，最後她們選了不同的巴菲兩個雪糕芭非都很快送上，價錢都是差不多四十五十元，但一個是珍寶size，一個卻是bb size！一起送上來，還真令人感覺有點不平衝！蘋果香蕉薄餅($55 +10%)我選的這個，卻等了有25分鐘才送上，說是現作，製作雖時！送上來時，玉桂味非常香，不過吃起來卻不怎麼吃到玉桂味，薄餅皮有點韌，配雪糕和忌廉同吃還不錯，不過薄餅味道跟質感都不算好，所以整體只算還可以…又是一間看起來很不錯，吃起來還可以的日式洋食店(我對它們的感覺都是如此，也沒有意外驚喜過)，不過環境實在不錯！座位闊落舒適，客人不多，環境寧靚優雅，侍應態度也很好，實在是悠閒聊天的好選擇！…查看更多

曾經係我既飛佛食店,不過都好耐無食風月堂, 呢日好想食~~例牌紅白餐湯+餐包, 無咩特別, 忌廉湯平平淡淡, 餐包就夠熱~LUNCH SET有5款, 我地點左:-三文魚大蝦芥末汁意粉, 味道其實唔錯,三文魚唔會太鞋, 肉質還可以~~芝士茄汁茄子焗豬扒飯, 豬扒入味, 茄汁都唔會過酸~~不過2款主菜都好漏, 食完滯到夜晚都食唔落晚餐~~~LUNCH仲包埋甜品, 係雪榚窩夫, 新鮮製造, 好味~~餐茶既杯碟精緻,有時間可以hea一個下午~~…查看更多

好耐之前食過一次, 之後都想食, 不過次次睇到咁多人排隊, 真係打消念頭...不過上星期行街, 睇到唔使排隊喎, 咁就選你啦^^我地二個人, 叫咗兩個晚餐, 頭盤賣相都幾靚, 味道都唔錯, 不過份量少咗啲, 同唔熱...主菜, 我叫了牛扒, 好味, 有肉汁, 不過份量都係少..朋友叫了意粉, 佢的就較大碟, 但唔夠我的牛扒好味...甜品普通, 我都係鍾意自己點的多啲, 因為始終風月堂我最鍾意的是他的甜品.但因為晚餐已包甜品, 所以我地都無再點甜品了.…查看更多

坐在風月堂用膳，首先是大飽眼福。這裏採用白色設計，裝修簡明潔淨，桌子之間保持適當距離，不會有焗促的感覺。我們一行四人，當晚柯打了兩個套餐，以及散叫兩個主菜，結賬時每人$110，價錢也算是合理。其中一個套餐是焗芝士煙火腿茄子比目魚柳伴帆立貝，配上意大利粉。食物送上時真是嘩嘩聲，因為廚師把食物一層一層疊高，賣相非常吸引。主角比目魚煎得香口，但又不會過份乾身。煙火腿帶點鹹香，單是少少一片，已能帶動整個菜式的味道。帆立貝應該雪藏過久，完全嚐不到鮮味。芝士放很太輕手，久缺了應有的濃郁。意粉則爽身和彈身，拌上點點香草，陪感滋味。日式咖喱牛肉石鍋燒烏冬是另一款套餐，送上時熱力逼人。牛肉說實就是肥牛，所以很腍軟嫰滑。咖喱味非常突出，由於是和風口味，因此甜而不辣。烏冬確是太少了，我竟分不到一條哩！嗚嗚...朋友就把另一個餐的意粉撈咖喱給我吃，真窩心。大蝦沙律薄餅的Size比相像中細，但餡料卻份量十足。餅底算是薄身，邊位很香脆，而且沒有油膩感覺。大蝦確是大大隻又爽口，配合充裕的洋蔥、鮮味千島醬和厚厚的芝士，好好味呵！野菌腸片奄列飯是朋友盛讚的，但卻非我所好。我覺得它失敗之處是雞蛋煎得太薄，而且失去應有的濕潤感，更遑論說嫰滑了。野菌只有寥寥數片，卻有大量不相干的青椒，可取的是飯底不會過腍，而且酸酸的頗開胃。套餐加$10便有雪糕窩夫，我們選了豆腐和咖啡味。雪糕有很重的牛奶味，相比之下後者較為出色。窩夫竟然帶來驚喜，它外面香脆裏面鬆軟，煞是好吃。再嘆一杯用靚靚茶杯盛戴的檸檬茶，為今次晚餐聚會劃上完美句號。…查看更多

When I was walking around in the busy streets in Causeway Bay, suddenly found this nice cafe on the 2nd floor, above some shops. They have a pretty logo and nice decorated entrance, feeling like entering a garden from a busy and noisy world.Seating area by the windows are separated by flowers printed partitions; there are some planting partitions used to separate between seats, quite nice. Main menu offers salad, pasta, baked rice, etc and a dessert menu. Quite a lot of choicesI picked a baked rice with scallops and shrimps with spinach, which was quite good:) made-to-order, 3-4 pcs of scallops and shrimps each with evenly placed spinach and cheese in the rice:) The scallops tasted fresh but can be more tasty.Rose tea with honey, served separately, nice...very relax.Service was pleasant.…查看更多

風月堂一向質素都唔錯見今晚六點幾就到銅鑼灣,就搵間可以坐得舒服嘅餐廳坐吓入到去啱啱卡位坐爆晒...見set dinner唔太吸引,決定散叫叫咗個炒烏冬同鵝肝帶子炒飯炒烏冬一向都係招牌菜,唔算好油,又夠彈牙我對珍珠米係有份情意結,硬係覺得好食過普通米...呢度都炒得唔錯,粒粒分明鵝肝都幾正,入口即溶,帶子又夠多,唔會成碟都幾粒叫咗綠茶冰,等啲雪糕溶咗落去之後好有口感,好似飲緊green tea milkshake…查看更多

我都幾喜歡風月堂D食物, 特別係佢地既甜品-WAFFLE係我至愛...上星期又約左友人上完堂來此店食飯, 這間店相比旺角真係靜D同無咁多人....記得上次去旺角好似6點幾已經開始等位.今次叫左個鰻魚雞柳炒烏冬同咖哩牛肉蛋包飯...個烏冬都唔錯不過偏油啦....至於個蛋包飯一來就有D失望完全都唔係蛋包飯只係煎左塊蛋皮放係D飯上面, 好彩個炒飯係用咖哩炒幾香唔錯唔錯..今次唔叫WAFFLE叫左個什莓酥皮, 甜品怪既我係咩甜品都岩食, 不過最愛都係WAFFLE多D.…查看更多

環境：光潔明亮，看起來很整潔衛生。食物：以前的午巿套餐包括了餐湯、沙律、主菜、甜品和飲品，但現在只能在餐湯和沙律之間任選其一，幸好在質素方面仍能保持一貫水準。麵包仍是熱辣辣軟綿綿的，沙律是我最喜愛的橄欖油配雜菜，主菜味道濃郁，甜品方面仍是窩夫配自選味道的雪糕，十分豐富！服務：以前是口述落單，現在改用填表，方便清楚，減少錯漏，有進步！…查看更多