風味堂 (已結業)

「風味堂」位於奧運站附近，地點方便之餘，店如其名好有風味簡約嘅實木裝修加上紙鶴裝飾，仿如置身於日本小店之中，放工去歎串燒飲返杯🍶都真係幾chill。免治雞肉棒、燒鰻魚、安格斯牛柳粒、金菇肥牛卷等等🍢都係我每次食串燒必點，調味唔錯鱈魚乾同雞泡魚乾脆卜卜夠香口，好啱做佐酒小食估唔到令我最驚喜嘅係蒜蓉海鮮粉絲鍋🍲，可以自選兩款海鮮，一上枱個鍋入面嘅海鮮已經熟曬，唔洗等即刻可以開餐，鍋底嘅粉絲同金菇吸曬蒜茸嘅香味同海鮮嘅精華，忍唔住飲曬成個湯添😋圓滿既一餐點少得甜品，一坐低喺menu見到有朱古力綿花糖多士已經好期待😍，底層嘅多士脆卜卜，鐵板令綿花糖可以keep住半溶嘅狀態，加上灑喺面層嘅彩糖同朱古力醬，每啖都好有層次！

朋友住大角嘴，途經介紹咗我哋試呢間外賣串燒，由幾個良心後生仔一齊經營嘅串燒店🍢🍡🦐🦑鋪仔細細，估唔到咁多嘢食揀😳😳佢哋除咗提供普通肉類同蔬菜嘅串燒，仲有埋每日時令活貨現剖嘅燒海鮮，自己洗自己劏架。不過老細話跟隨季節同時令，價錢都幾浮動半夜三更都有賣新鮮雞蛋蒸腸粉，加埋佢哋嘅辣椒碎同豉油，好飽足！澱粉質愛好者必叫XD同大家介紹返，今餐我至愛，蒜蓉燒聖子好鮮甜好爽口！同蒜蓉嘅惹味配合得天衣無縫，我好想自己一個食晒咁多隻！蒜蓉燒鮑魚嘅味道都相當鮮甜，熟度控制得啱啱好，一啲都唔韌，一咬就爆汁勁juicy！時令嘅燒馬友聽店主講唔係經常入到貨，可能唔係每個客人都幸運食得到，我哋好彩遇啱時節師傅自己劏好再燒，馬友燒起身肉質唔算好軟滑，所以好啱做鹽燒師傅控制火喉好好，唔會燒到爛晒，剖面keep得好靚完整一條上碟。遇到嘅朋友一定要叫燒馬友！最後壓軸仲有好邪惡嘅燒棉花糖多士，畫龍點睛之處係裏面搽咗鹹鹹地嘅牛油，襯上溶咗嘅棉花糖，鹹甜鹹甜咁勁好味！淋上朱古力醬就係完美啦