顏順發

營業中

休息中

呢間位於錦田既泰式餐廳，開左大約半年左右，餐廳無改名，但轉左食物。佢既海南雞飯 (泰北雞飯)好大份又好好味，而且有例湯送，只有叫泰北雞先有，好抵食。(但唔好意思，食得太興奮，食左先發現唔記得影相🤣🤣)今次同朋友一齊食，可以試埋其他食物。叫左生菜豬肉包、豬頸肉飯、札肉米粉、芒果糯米飯、香葉海鮮飯、龍眼冰。生菜豬肉包特別好食，好香好有肉汁，豬頸肉都好有肉汁，煮得剛好。稍為遜色係香葉海鮮飯，因為無諗到係有獻汁，個飯較為濕口。總括黎講，一個人去食或一班人食，都係好好既選擇。

今日考完試，與朋友專誠搭車入錦田行吓街、食吓嘢，當作慶功宴。來到錦田街市，裏面三間食店都正在營業，剛好我想食牛，顏順發恰好滿足我的所求。顏順發的招牌菜式有牛腩、牛丸、牛肚和雲吞，而我今天就享用了一碗牛肚河。當自己肚餓的時候，一碗牛肚河，足以令你頓時感到十分幸福。一般食店的牛肚河，都只會加上少許的蔥花和油膩的腩汁。顏順發不單只加上蔥花，還搭配上美味爽口的菜脯，使你食指大動、回味無窮。同時間這裡的腩汁不但沒有油膩的感覺，還可品嘗到香料的香和牛肉的精華，乃最高享受也。除腩汁外，顏順發的辣椒油更是不得不試呢。這裡的辣椒油香而濃，值得一試。順帶一提，第一次試可以先不要點太多，循序漸進，因為這可是十分刺激啊

由細食到大的一間大排檔麵檔夏天食時會比d大風扇吹住 最中意食雲吞牛腩河!! 好似$23, 出面食唔到咁平喇雲吞是老闆娘自己包牛腩都蚊得好林, 好入味, 個人唔太中意出面好出名果d清湯腩, 好痴牙!今次貪心, 叫左3個餸~好正入親黎錦田的朋友,我都會帶佢地食呢間野, 推薦佢地食~不過呢, 呢間野樣野唔好,就係假日要等好耐先有得食唔係要等位而家老闆娘得一位助手,同埋無"落單"呢樣野,係先到先煮,老闆娘用個腦記底人客要食乜,所以d客要不時提下佢好多時d客人都因為咁而炆到唔食走左為好野, 係要忍架喇!

近來頭暈.所以少出食評.此食店在街市熟食中心.面前有抗渠.地下有少量垃圾.一個女店員一腳踢.煮麵.收錢同樓面...魚旦米.牛腩係我媽媽俾我的..魚旦硬硬的.無魚味,幸份量多,湯亦不夠熱.只屬一般的....凍檸茶:有茶味的.檸也算多.冰粒少,.好飲.....埋單大約30元一位...無回頭價值..

顏順發.....我是從上一位師兄的食評找回來的.因為我是在錦田工作所以好輕易便找到.但我每天都會巠過的地方競然沒有發覺這家牛腩面擋.第一次去看見冇乜凸別.同一般大陫擋冇那麽大分別.我叫雲吞牛腩可行街(因為我每天都是在公司食早餐的所以行街}番到公司一開.正呀.我先食牛腩..好食炆得又腍稔入味的牛筋牛腩湯底非常好味比出面的牛腩面水準唔會底.至的他的牛什原全唔得原全唔入流所以想食牛什的師兄一定唔去得.最後要講的是他的自家製辣油.我可以講係vevry good呀辣得黎好香.不過非常之辣.正可說是同牛腩河天生一對冇任何野可以取代.辣油可外賣20蚊可以買到不仿試吓.......

十二月初一‧多雲 在隔離吃過餐蛋麵，未夠喉，行過這裡，發現人客不少，賣的是牛雜及牛腩，就來一碗牛腩河試試。 牛腩河熱辣辣又夠大碗，牛腩是柱侯牛腩，看起來是炆得很對辦，牛筋軟稔好吃，連廋的部份也不韌，有水準。河粉也出色，切得幼身，吃起來爽滑，配上濃濃的牛腩湯，就更美味。 這邊把關的阿姐幾嚴肅，問佢可不可以來一碗淨牛腩，她只冷冷地拋下兩個字：「唔賣！」唯有乖乖地吃回牛腩河。 埋單17蚊，經濟抵食，下次也有興趣試埋個牛雜，應該也不錯。