順興餐廳

營業中

休息中

難得放假，當然要約附近既好友去歎個美食，美食唔一定要好貴，但在我而言，只要有質素味道好就已足夠！既然住九龍城附近，當然要去順興，想不到它由發展到而家已經開業40年~今日點了番茄肉碎湯底配銀針粉HKD48配料我選擇豬潤，豬潤好新鮮，無雪味，又入味銀針粉加埋蕃茄濃湯更係正，蕃茄湯真的好濃，但唔會好酸好甜，而且完全滲透入銀針粉飲品我轉冷熱特飲加HKD8,我當然要加呢個我暫時未發現外面飲到既玫瑰茶走，睇到都覺得靚，一端上枱就有玫瑰同茶香飄來，入口好滑，不過如果可以淡小小同茶再濃就更滿足賣相真不錯其實我地兩條友都無飯癮，所以都係無叫飯，點左個魚腩鮮魚湯米線加娃娃菜套餐HKD52無想過賣相咁有色彩，魚湯我試左啖好濃同鮮甜，魚腩好滑，菜好新鮮米線都好爽好彈，唔會爛，而且配料好豐富仲要係廚師推介，不加味精，相信用左好多配料先可以有個咁鮮咁香既魚湯注重健康既朋友飲野都揀熱飲，又係特飲荔枝杞子蜜，又係好香，好濃好香，入口仲帶點檸檬香同微微酸味，好飲喎，不過一人一杯，我最多試一啖而已，哈......最後不得不提，順興既食物選擇真係好多，芒果糯米糍都有，多謝HKD5/粒，無想過又幾好食，芒果好甜！其實都好耐無

今日去呢間餐廳鋪面買麵包, 我見到"請按鐘"先可以買麵包,我就乖乖地撳鐘, 第一次, 見無侍應出黎, 等左幾分鐘再撳多一次, 依然無人應,我好聲好氣行去收銀處問收銀姐姐, 我想買麵包啊, 但撳左2次鐘等左一陣都無同事出黎既~?收銀姐姐毫不在乎完全唔想做生意咁話 你撳多2次啦! 啲人唔知去左邊姐.我就聽收銀姐姐講撳多次鐘, 其實心入面都好不爽,我絕對明白收銀處需要有員工看守, 但係咪可以請一個同事幫幫忙呢?行到麵包櫃前, 我撳多一次鐘, 今次有2個員工突然出現係鋪內,我地示意想買野, 竟然2個員工都視而不見,幾好食都無用啦, 咁樣既服務 叫人點樣幫襯!!!!!!!!!!!????即係唔入餐廳食野就唔係客人!? 咁佢地放個麵包櫃出黎無意思架.佢地老闆請到呢啲員工 真係想祝佢生意興隆都有難度. 完全趕客

和朋友相約九龍城食晚飯，很久沒有吃鐵板餐，我們點了一份雜扒、一份黑椒牛柳，份量十足，我們都點了跟薯菜，另外點了一個魚湯肉碎浸娃娃菜，魚湯很好喝而且肉碎和菜的份量很足。牛柳熟的程度剛剛好，不會太乾，好味！雜扒有腸仔、豬扒、火腿、雞扒、牛扒，非常豐富。滷水雞翼仔比較一般，冇冰奶茶黃玫瑰茶走都好有茶香！飲品選擇都多玫瑰清香配上茶走出奇地配合，有驚喜！總括而言，這個價錢有這樣的質素實在很化算，食物質素亦很好，會再來試試其他菜式。

星期五又係同老公搵食嘅時間，去咗九龍城， 見到一間裝修得好乾淨企理嘅茶餐廳 ,所以就入咗去試下啦!!!好開心畀我哋搵到一間我哋會再返轉頭食嘅茶餐廳，簡直抵食夾大件 ，最緊要係真係好好味。今晚我哋嗌咗三樣嘢食， 第一個係T骨牛扒，叫咗五成熟 ，稍要批評嘅地方係佢嚟到應該都有七成熟，但係呢好彩佢嘅肉質都唔錯，唔會食到好多渣，而且最緊要係牛味好香，我食牛肉最驚有好重嘅梳打粉味， 呢間餐茶餐廳嘅牛肉無呢個情況。另外一個叫咗個支竹牛腩煲，牛腩好淋，支竹入曬味， 送飯一流。由於實在太好食，所以忍唔住加多碟椒鹽鮮魷，椒鹽鮮魷簡直超級好味， 比好多大酒樓大排檔都有過之而無不及， 炸粉嘅厚度啱啱好，魷魚好新鮮爽口， 熟嘅程度剛剛好， 我同老公都會為咗個椒鹽鮮魷再嚟食， 而且下次要試埋佢其他嘅小菜 。最後，呢度啲夥記服務態度好好，出面嘅茶餐廳好多時夥記都愛你不理，但係呢度個夥記好熱心，一叫就會應你，抵讚！！！

今日同朋友去九龍寨城公園行下，行完去附近搵嘢食嘅時候見到呢間裝修得好有格調嘅港式餐廳就入去一試。餐牌有好多選擇，有鐵板、包類、all day breakfast 、魚湯米線、焗飯等，好多元化。先叫個鐵板餐，T骨牛扒跟薯菜($98)。叫咗七成熟，塊牛扒好有質感，牛柳個邊夠嫩，咬落唔會韌，而sirloin個邊好厚實，帶點嚼勁。而整件扒都充滿肉汁。鐵扒亦都夠熱，食得好滋味。惹味咖哩角，炸得剛好，入面好足料，肉味好出，而咖哩味好香。另外仲有沙律醬做配搭，味道好夾。炸雞翼薯條，雞翼好出色，炸得好香脆，帶有咸香，而炸皮唔會太厚，令整個口感加分。凍玫瑰茶走，只要叫個鐵板餐加8蚊就飲到，茶走嘅茶味好濃，加上適量嘅淡奶!!good!!環境~MENU:

細細個同屋企人去探親都會落順興茶餐廳食野剛好今日去附近找朋友就同順興久別重逢～～咁耐冇來過 見到都有重新裝修過變得更簡潔企理～～我同朋友分別叫左個鐵板餐同小炒小食太遲去既關係 出名好吃的炸蟹鉗已經賣哂叫左炸帶子 唔太油脷又外酥內軟仲有配沙拉醬 食落冇咁口乾同熱氣小炒叫左椒鹽尤魚 勁大份自問自己都算大食 都食到好飽肚炸得夠鑊氣 鹽味足 好惹味尤魚爽口 彈力十足 ！鐵板扒餐 可以選配飯或配以意粉塊肉好大塊 多汁 好新鮮仲加有手指紅蘿白同厚切蕃茄片仲有薯菜 認真夠份量！咁度啲餐都好大份又抵食飲品叫左一杯冰奶茶同推薦款～玫瑰茶走奶茶香滑又夠凍 夏天食完野飲真係一流奶同茶比例岩岩好最後講講玫瑰茶走顏色睇落都幾似奶茶色見到有加檸檬片同乾玫瑰花瓣飲落都有淡淡既花香同檸檬既清新感幾特別既配搭老餐廳新特飲 不錯不錯～～

兒時家住九龍城，大街小巷都非常熟悉，時光飛逝， 機場已經搬遷， 舊屋亦都拆卸，只有這間茶餐廳仍然運作至今，實在令人懷舊不矣!店舖外有麵包西餅專賣門市，仍沿用舊日經營模式， 菠蘿包、雞尾包價錢唔貴，賣相仲好吸引!入門口已經見到個招牌大鐘座位兩側用了懷舊相片做裝飾魚湯魚腩鮮枝竹米線天氣熱， 唔想食太多肉， 魚湯清淡味甜，腩肉新鮮，枝竹軟腍，加了芫茜、芹菜、 粟米，更覺口味清新，夏日最佳食品 鹵水雞翼浸到好入味， 雞翼軟滑， 鹵水汁滋味 鮮魚湯肉碎浸勝瓜魚湯加上肉碎更加美味， 勝瓜時令蔬菜，只覺甜+甜，好食鐵板牛柳無論賣相和味道，都是令人驚喜， 牛柳五成熟恰到好處，肉質嫩口，薯菜新鮮，用鹵水汁點食，另一種口味玫瑰茶走原來是奶茶走糖加練奶，茶面放上玫瑰花碎片， 茶味加上淡淡玫瑰花香，非常享受這口感這個價錢，超值

茶餐廳這種高效率生活百態店內餐點價格平易近人，富有特色！獨有飲食文化概念不但保留舊有師傅鑊氣、火喉打拼，而且每度食物中西合壁各式飯麵焗飯及小吃糕點吸引了不少顧客前來，而且每款菜式份量依舊十足，而餐單上食品琳瑯滿目不能夠看小，喧鬧嘅鬧市區域營業時間頗長個人依賴茶餐廳早餐午餐晚餐快捷服務確信多元化，不定時推出套餐優惠吸納更多消費者價格配搭得宜是香港平民化的飲食場所隨著香港文化傳播及變遷，區內比較及其他餐廳嘅爭相仿傚 港味極龍嘅茶餐廳啱曬香港人口味，快有快食的節奏令打工仔戰鬥力十足過足味蕾口癮，慕名而來細味回憶嚐到舊有足跡！順興茶餐廳格局闊落、設有卡位、捲土懷舊風味相片、環境保養得宜，交通四通八達、暗光和諧光線讓人用餐心情更好，真適合一家大細聚餐鋸扒晚膳用餐最好時光，所以開業短短人氣鼎盛！今天來這兒吃鐵板餐絕對感受到真的物超所值，重頭戲燒春雞鮮味跟肉汁鎖住 剛剛炸熟透薯角及配菜充斥香氣散發， 而且肥美鐵板牛扒咋一聲響聲之餘更可調配黑椒或燒汁惹味體積頗大雞件、牛扒肉汁並沒流失水分非常香脆可口令人意猶未盡食完我們加埋甜品蛋撻嚟過最佳配合簡直係一個風味最佳配搭

黎到九龍城，通常都會食泰菜。不過今日朋友話，呢度原來有間好地道嘅茶餐廳，咁一於就試吓啦。一入到去就見到，入面真係好多客人喎。坐低睇Menu發現，佢比普通茶記更加多嘢食。除咗有中式嘅炒粉麵飯之外，竟然連宜家興嘅all day breakfast都有，真係好多元化。我同朋友咁岩都想食鐵板餐，咁就一於一人叫一個交換試吓啦。我就叫咗個T骨牛扒黑椒汁，跟意粉。而朋友就叫西冷扒香草汁，跟薯菜。鐵板一上枱已經勁香，熱辣辣既時候淋左啲汁上去，真係令人急不及待想試呀。牛扒食落夠淋，火候時間控制得啱啱好，唔會咬極都咬唔爛，而且有好重嘅牛味，簡直拍得住出面扒房嘅水準啊。而d薯角都好值得一讚，入面夠晒薯仔味，而且炸得脆卜卜，外脆內軟，點埋茄汁簡直令人食唔停口啊。呢度有杯好有特色嘅飲品，叫做玫瑰茶走。面頭真係有啲玫瑰架，飲落都有少少玫瑰味，襯埋個夠濃嘅奶茶真係好好飲啊，啱晒女仔。呢間茶餐廳真係夠晒地道同有特色，以後嚟到九龍城唔使再食泰菜啦。。

今日和同事係九龍城工作，夜晚肚餓搵野食，我發現網上介紹一間順興茶餐廳既懷舊茶記，三十多年歷史，而且食物款式多，我地決定去試。茶記裝修懷舊清潔，而且店員安排卡位比我地，坐得舒服。食物款式多，唔怕搵唔到野岩食。飲品方面，我地叫左凍荔枝杞子蜜同無冰奶茶。凍荔枝杞子蜜荔枝味重，而且不太甜同潤口，奶茶茶味夠濃，香醇幼滑，好飲！我地叫左2個西湯，都係粟米忌廉湯，忌廉味幾重，岩我飲。主角到了，第一個鐵扒餐：沙丹豬扒配上蒜蓉汁，份量足，豬扒夠大塊，而且肉質軟硬適中同唔乾，薯角夠熱夠脆，好味另一主角：黑椒牛柳（5成熟），牛柳牛味幾重，肉汁多同偏軟，值得一讚係廚師掌握火力很好。意粉茄汁味濃，夠晒味另外，我們還叫了炸餃子，新鮮炸夠熱夠脆，而且肉汁夠，正最後，我地食到勁飽先$214，而且唔收加一，有時貴既唔一定好，但平既都有好野，我地下次會再惠顧！

I love egg tart so much Especially the freshest red hot tarts a black pepper beef short ribs with onions sweet and sour pork Pineapple cubes And traditional tea restaurant Singapore style fried mai noodles I think the hot egg tar and their Pork chop pineapple bun is good 😊 Fresh inexpensive as well for so many courses 160$ only for a person Good day break 🤑simple life!

少女時代在九龍城讀<溫柔柔中學>的我，當年最開心莫過於放午飯時間和同學到附近的餐廳吃午餐，其中一間開飯熱選必定是位於<衙前圍道>的<順興餐廳>今日再途經餐廳，才發現已經重新裝修但不變的是依然有自家製的麵包出售，係溫馨的味道吖！！睇返介紹先知原來餐廳已經有40多年的歷史，陪伴不少人成長餐廳裝修後的座位寬闊舒適，而且光猛整潔<順興無冰奶茶>雖然沒有一大盆冰來鎮著那麼霸氣，但奶茶一樣雪得冰冰涼涼的，而且奶味濃郁下茶香隨後慢慢滲出，實而不華<枝竹牛腩煲>老公的浪漫~~。滿滿濃郁的醬汁配上枝竹和腍滑牛腩，送飯一流有牛腩外還有牛根，滿滿骨膠原，超正<鐵板香草羊扒>而我嘛。。。當然要點鐵板餐！以前零用錢有限不能常點的喔蒜蓉汁分開另上，倒落熱辣辣的鐵板上立即吱吱作嚮，煙霧彌漫，香氣四溢鐵板有四大塊厚厚的羊扒，香軟不羶啖啖肉不得不讚蒜蓉汁超足料，滿滿蒜蓉粒的實而不華的餐廳，40多年來陪伴大家成長，溫馨味道一直傳承

80年代初, 香港盛行茶餐文化。茶餐廳、冰室等總有一間在附近。時而世易, 這些食肆開始面臨各種挑戰。時至今日, 懷舊餐廳已所餘無幾。今晚一於走進九龍城, 光臨經歷50年光景的－順興餐廳。Menu內介紹餐廳與時代的變遷。炸帶子 $22餐前小吃。外脆內軟, 非常香口。十分懷舊的一道餸。西冷牛扒 $91可配多款醬料和伴菜。是次配以黑椒汁和意粉。牛扒並非全熟狀態, 肉質亦十分鮮嫩。牛肉味重且非常彈牙有嚼勁。醬汁香濃, 份量非常多。無冰奶茶 $8顧名思義, 没有冰塊的凍奶茶。茶味非常香濃順滑。燒春雞 $91外觀十分觸目, 表皮炸至非常香脆。顏值爆燈。肉質雖然較為乾身, 但配搭醬汁後, 入口十分可口味美。這些懷舊菜式, 令人十分懷念, 在香港賣少見少。

剛剛跟朋友去了九龍城公園聊天，回程時路經順興餐廳，便入內晚膳了。點了以下：鐵板T骨牛扒配意粉焗豬扒飯法蘭西多士飲品：玫瑰花茶走紅豆冰個湯幾足料忌廉湯略淡，但幾大碗我點了鐵板T骨牛扒配意粉。鐵板上台時超夠熱的。T骨牛扒超大塊，心想，「會唔會好硬嫁？」一切開，就放心了。肉質是粉嫩紅色的，一點都不韌喔～焗豬扒飯店員推介這裡人氣的焗豬扒飯。滿滿的飯底上有兩大件豬扒。兩件都是真的超大件的！肉質柔軟不韌。而且它的茄汁好夠酸夠甜，令我食晒大半個飯好開胃。玫瑰花茶走玫瑰花味跟茶味好夾，好香好獨特，下次再來都要點這飲的：P紅豆冰幾大杯幾多紅豆。法蘭西多士這裡的店員的服務都超殷勤親切的，加上這裡的環境超寬敞，有點像傳統的茶樓，位置好寬鬆，在這裡跟知己HAPPY GATHERING好舒服～

I ordered a chicken steak set ,the steak is so large and has 2 !! I love the garlic sauce that enhance the meat taste .however forgot to give me the butter bread .anyway I was full and it was fine. Cabbage and carrot , taste good and fresh ,good for meat lover