73
17
3
港鐵天后站 B 出口, 步行約9分鐘
繼續閱讀
電話號碼
25766577
營業時間
今日營業
07:00 - 15:00
星期一
全日休息
星期二至日
07:00 - 15:00
以上資料只供參考, 請與餐廳確認詳情
食家推介
相關文章
滑蛋豬扒飯 $59炒蛋係半熟嘅，有少少蛋汁，但冇乜蛋香味，配上蔥花、豉油同切好嘅豬扒，豬扒可能係被蛋汁整濕咗，外皮唔酥脆，少少失望。〰️〰️〰️〰️〰本身諗住去食滑蛋菠蘿油，等位等咗15分鐘，坐低落單先講冇菠蘿油，冇麵包類，其實係咪可以係客人排隊之前講有咩係售罄先？等客人唔洗白等呀嘛😢 咁無計啦，叫滑蛋叉燒飯又冇叉燒，叫車仔麵又冇魷魚⋯⋯我哋大概13:00左右到餐廳，可能太晏啦，如果想多啲嘢食就早啲到餐廳。食物質素普通，餐具衛生差，服務更加不值一提，如果山長水遠入嚟食就唔值啦，路過想體驗下茶檔風味，都可以試一次嘅，始終我覺得傳統特色係需要被保留~ 〰️〰️〰️〰️〰️食物: 3/5性價比: 3/5 環境: 2/5服務: 2.5/5Revisit: No
繼續閱讀
滑蛋豬扒飯據聞大坑順興茶檔有啲名氣，招牌滑蛋叉燒飯，之前過黎食，無食到，因為無開檔😂今日點左個滑蛋豬扒飯。我覺得好好味wor🥰啲蛋夠滑，豬扒份量又足，味道又唔差，黎開呢頭可以一試。
繼續閱讀
落大坑一係食炳記 一係食滑蛋叉燒飯（$62；凍飲加$3 ）一定要早啲去，晏少少去一定買晒蛋香又滑 叉燒份量恰當加埋秘製豉油冇得輸女仔一定要嗌少飯！雖然奶茶出名，但本人唔飲奶茶，凍咖啡或者凍檸茶都好飲！除咗滑蛋叉燒飯，都有車仔麵或者淨餸，但相比之下，都係滑蛋叉燒飯最出色！
繼續閱讀
大坑呢個美食小天堂集合左唔同國家嘅美食，有充滿歷史歲月行跡嘅車仔麵、茶檔同茶餐廳，亦有打卡、歐陸風味嘅咖啡店，好多香港人放假都會過黎Chill一Chill，搵美食！講到大坑必食，問十個，有九個都會講順興滑蛋叉燒飯，有別其他店舖，佢地保留舊香港傳統茶檔鐵皮屋設計，冇冷氣，坐立於唔起眼嘅街邊後巷，但你總會見到座無虛位同排隊嘅景象。香港呢啲鐵皮屋茶檔真係為數不多，好多都俾時代慢慢淘汰。🍚滑蛋豬扒飯 $57★★★★☆份量絕對毫不吝嗇，大大碟，冇好華麗嘅擺盤，但正係見到個金黃色炒蛋個賣相已經吸引死人。炒蛋半熟狀態咁，仲帶有少少蛋汁，加埋蔥花同一塊塊深啡色豬排，冇得輸！個蛋炒得岩岩好，入口嫩滑，仲好有蛋香味，絕對真材實料！豬扒同顏色一樣好入味，一啖飯有哂滑蛋、豬扒、加埋佢地個甜醬油，正！樣樣食材都唔係D咩花巧貴價野，但咁簡單嘅食材反而更加好味，更有港式味道，十分地道！🍚秘製豬扒飯 $56★★★★☆份量依然好足，豬扒大大塊已切好，豬扒望落已經同滑蛋豬扒飯嘅唔同，顏色深好多。食落都係超級入味，個皮焦焦地，皮唔係酥脆個款豬扒，但好惹味，配飯一流。豬扒唔加個甜醬油都好夠味，另外有隻煎蛋跟埋。如果唔太食蛋嘅朋友可以點呢個，都唔會失望！🍚蕃茄汁雞扒飯 $52★★★☆☆茄汁係傳統大排檔個隻茄汁，質地較杰身，似係茄膏煮出黎嘅，酸酸甜甜，兒時回憶嘅味道。雞扒幾香，有煎香過，幾嫩滑，配埋個茄汁食好開胃，不過對比滑蛋飯同秘製豬扒飯就冇咩特別，唔洗專登黎到點呢個。🍚奶茶★★★☆☆行入店舖坐低已經聞到陣陣茶香，飲落奶茶的確是好飲，但佢比我想像中嘅冇咁濃茶香，入口冇好絲滑，未去到驚為天人嘅地步！但已經比起好多茶餐廳嘅好飲，叫野食加3蚊就可以飲到係幾抵，可以一試。🌟總括：原始地道風味，黎大坑必試嘅一間店舖，個滑蛋恰到好處，滑得黎又有蛋香；另外豬扒都好食入味，諗起都想再去食多次。但今次美中不足食唔到最馳名滑蛋叉燒飯，週末中午１點去已經賣哂！
繼續閱讀
1月1號第一個活動竟然係約咗去打保齡，呢個運動幾時變咗我嘅新常態？去得銅鑼灣梗係順道要去大坑食早餐啦，本身鐵腳係炳記，好可惜佢放假。聽我表妹講呢度嘅早餐同炳記不遑多讓，價錢又一樣（都係$42）叫我去試吓。咁就好啦，咁啱有機會😅平時去開炳記叫開奶油多、火腿煎一隻、熱奶茶。呢度同樣價錢變咗一件多士、兩塊火腿、兩隻蛋。性價比喺呢度高啲嘅～只可惜質素我就真係覺得銘炳記吸引我多啲囉。第一係佢嘅大排檔格局，可能情意結，都係覺得炳記有味道啲。第二係佢杯奶茶又係大杯過炳記，不過味道就⋯⋯⋯🫣仲要用紙杯，風味都冇埋😞第三係佢件多士轉左粒粒花生醬要加成$6咁多。火腿蛋雖然炳記每一樣都係逐樣加錢冇套餐，但係份量真係唔使咁多，好味就得啦。食完先諗翻起其實我之前好似有外賣過佢杯奶茶，點解我諗唔起㗎？😞新一年第一餐就咁樣⋯⋯
繼續閱讀