12
0
2
港鐵堅尼地城站 C 出口, 步行約1分鐘 繼續閱讀
電話號碼
63398481
營業時間
今日營業
11:30 - 14:30
17:30 - 22:00
星期一至二
11:30 - 14:30
17:30 - 22:00
星期三
全日休息
星期四至日
11:30 - 14:30
17:30 - 22:00
付款方式
現金
座位數目
30
其他資料
酒精飲品
自帶酒水
泊車 詳細介紹
外賣服務
加一服務費
招牌菜
清湯腩
食評 (17)
等級4 2021-04-10
200 瀏覽
🌧落雨濕濕又涼翻啲 食個牛腩煲都係唔錯嘅選擇 位於士美菲路熟食中心嘅順景食店 朋友介紹就係岀晒名食清湯腩 地點易搵 而且環境比我想像中乾淨由地下搭電梯上二樓轉右行到尾就搵到順景佢哋日頭就賣一碗碗嘅牛腩麵 夜晚就枱枱都叫清湯蘿蔔牛腩煲🔥 大大煲有齊最馳名嘅坑腩、爽腩同半肥瘦腩 仲有鮮甜蘿蔔 湯底清甜唔油膩 食咗啲牛腩之後仲可以叫餸打邊爐 火鍋配料選擇唔多 都係啲基本嘢 我個人就好鍾意個超彈牙嘅墨魚滑🦑 另外手切肥牛同海鮮亦需要預定 不過老實講食完啲牛腩都好夠飽喇😂 繼續閱讀
(以上食評乃用戶個人意見 , 並不代表OpenRice之觀點。)
呢間湯底真係一流😍😍👍🏻採用新鮮牛腩個湯甘甜 飲勁多都唔會口渴Order左豬潤粉腸👐🏻豬膶爽脆 煮到岩岩好 唔會鞋口 平時食粉腸最驚苦 呢間好好食 好香黎到呢間最中意食係新鮮牛脷🥰🥰大大兜 又厚😍食落好香 新鮮材料真係唔同啲 我highly recommend 呢個牛脷🤡必食之選另外 今次仲order左鯪魚球 好彈牙同埋好香果皮味😍😍😍不過食到一半先記得影😅另外 黎到一定要order牛腩煲 今次我order左中煲佢採用既牛腩都係新鮮牛 所以食落好鮮甜入面仲會有蘿蔔 粟米 芹菜佢唔係淨係得牛腩 仲會有牛展爽腩同肥腩👍🏻👍🏻👍🏻👍🏻大讚呀 識食一定係食呢個牛腩份量勁多😍😍😍肥瘦適中 湯仲可以任加😍😍😍😍大家不防去試下 d姨姨叔叔都好好人🥰🥰雖然環境係大排檔 但食物質素真係好高🤪 繼續閱讀
(以上食評乃用戶個人意見 , 並不代表OpenRice之觀點。)
等級2 2020-04-20
840 瀏覽
打聽太太講,街市樓上有間隱世麵店,專營新鮮牛腩,牛肉。中午做一陣就神隱至晚上今天早起,便諗起那店,名“順景“,役情時候大家都是求這兩個字。約1400左右到,已經話做埋我就收工,叫了牛腩米(46元),清湯生菜(20元),zero cola(10元)。上枱,份量屈機,街坊店就是如此,牛腩也有很多,酥軟鬆化帶咬口,唔懂就會說“不好“。本人覺得極合要求,價位好質素高,出面食唔到。趁小店還在,大家也要珍惜。👍👍👍👍👍 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-31
1188 瀏覽
由以前係街嘅地舖,食到搬過黎熟食中心,真係真心由細食到大嘅牛腩店。老闆一家三口都會係鋪頭幫手,老闆娘都認得我地,去到都會打聲招呼。平時會有牛腩粉食,今次我地一家人去食夜晚嘅牛腩煲,記住要訂架!首先有滑雞,因為大家太肚餓冇影到相,不過真係超滑!湯都係牛腩湯底,飲埋都唔怕。另一味雞係蒸雞,有蟲草花、紅棗,味道濃過滑雞,個人就鍾意哩個多d。食完雞就到重頭戲 - 牛腩煲啦!我地多人叫左兩個大牛腩煲,未叫火鍋料,本身個煲入面已經有粟米、牛腩、白蘿蔔,仲附送一籃生菜。滾起左飲啖湯先!好味好味好味!飲落好舒服,會好想繼續飲,唔會好重味精味,牛腩就要滾耐d先淋。每次必叫嘅料有豬潤同粉腸,兩個都係超大舊,豬潤可以淥到啱啱好,夠厚身。今次咁啱冇晒粉腸,下次再叫。到粉麵,又冇我地平時叫開嘅河粉,不過!老闆介紹我地試米粉,竟然!好味過河粉!米粉質地係有咬口,一d都唔淋,加埋入味嘅蘿蔔,仲要冇渣架,正。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-02-25
1150 瀏覽
2019年餐牌🐮小店一直秉持著以新鮮食材和價錢公道為宗旨鑒於有食客對本店的收費有所誤會,小店清湯滑雞以冰 鮮 雞製作,收費為$110半隻,$220一隻。此外可選擇 冰 鮮 生雞打邊爐價格同上。🐥新鮮雞,🐮新鮮牛脷,🦐海鮮均為 時價 敬請預訂和問價。😋如果你係嘴刁一族既當然就係新鮮雞先至可以滿足到你啦,新鮮嘅牛腩湯加上新鮮雞嘅味道,再飲埋啖湯真係好鮮甜架!多謝食客一直對小店的支持,希望大家2019 豊衣足食 食極唔肥!———————————————————- 繼續閱讀
(以上食評乃用戶個人意見 , 並不代表OpenRice之觀點。)