響茶 (利都樓)

營業中

休息中

因為喺附近返工既原因，周不時食晏經過都會同啲同事買杯野飲下，每次買都一定見到部電視播左杯四季春D24榴連但每次問都話無貨，店員話因為季節限定所以唔係全年都有，不過今日終於買到黎試，$49一杯榴連黎講唔算太貴 個人認為中規中矩。製作當中已經聞到好香好重既榴連味，味道方面榴連味非常之出，飲落軟滑帶有小小茶香加上口感綿綿，真係唔錯👍🏼。美足不中既係今次榴連配搭原味奶蓋無太大驚喜，味道唔差，但無想像中咁夾，不過下次飲一定會試吓芝士奶蓋🤤

隔離茶水生意好真係唔係冇原因..老實講你收銀果位大帝（男）咁厭世咁唔想做不如搵過份工啦…買杯野飲啲態度唔講我以為欠左佢幾千萬咁…態度完全趕客..既然貴小店咁巴閉既話我都係返茶水算了…拜👋冇下次

聽朋友講味道不錯 所以黎試下 點知不止失望 直頭一肚火飲品味道一般 珍珠係硬的 最大問題是員工態度惡劣 下單講得比較慢 竟然反客人白眼加上極不耐煩表情根本完全不想做生意的態度 唔會再幫襯第二次

今日太熱辣辣，好想吃芒果，但又怕買D芒果唔甜又有渣，便想起響茶芒果鮮奶茶，問職員有邊款有芒果，職員推薦芒果鮮奶茶，大大杯，好正芒果味D芒果肉好鮮甜，芒果鮮奶茶整個好好喝芒果鮮奶茶$42味道4****

被路過的招牌吸引看到四季如春系列芝士草莓 芝士桃桃 芒果覺得都好喜歡想飲珍珠所以叫 香芋珍珠奶茶 ➕5 可以選鮮奶茶去掉d 奶粉 奶精味香芋雖然是調製而成的 但都有台灣小巷的香芋味

行過又係見到呢間茶飲超級多人買嘢飲，已經係夜晚六七點，見到個價錢真係好驚喜，竟然仲有20幾蚊一杯嘅茶飲，仲要係芝士奶蓋，點可以唔試吓！🍴 芝士奶蓋烏龍茶 $24 走甜走冰(8/10)$24咁大杯真係好抵呀，烏龍茶係正常味道，有茶味，係津路烏龍茶嗰隻，唔會太澀太苦，ok!芝士奶蓋超厚身，屬於比較鹹香，有芝士味亦都唔會太稀，真係算好唔錯，20幾蚊呢個價錢！超高性價比！🍴碳焙烏龍仙草奶茶 轉鮮奶 $22+$5 微糖走冰 (7/10)珍珠可以轉布甸，仙草，椰果，紅豆，真係超級客製化，好欣賞！仙草好多好滑，奶茶比較淡少少🤏🏻，但有茶味嘅，奶味都唔算好濃，一啲都唔會甜，$27咁大杯又有咁多仙草，都已經好抵飲啦！(朋友飲覺得幾好飲，淨係試咗一啖唔係太鍾意珍珠奶茶🤣🤣推薦指數: 8/10真心推薦又平又抵飲！經過值得買一杯試吓！

店員有禮貌友善 主動問我地要唔要袋 而且個袋都好靚唔洗額外加錢牛油果鮮奶波波 $38 (+$9 芝士奶蓋)芝士奶蓋比較杰身同比起坊間嘅芝士奶蓋濃味啲但係分量十足牛油果好好飲 唔會話加好多糖水溝出嚟個波波係小芋圓 但係覺得個牛油果同埋個小芋圓飲出嚟嘅味唔係好夾牛油果同芝士奶蓋兩個比較夾同埋出色芝士奶蓋芒芒 $39可能因為三月嘅芒果冇咁當做 啲芒果比較酸但係值得一讚個芒芒係真係真材實料 好多芒果CP值好高芝士奶蓋比較杰身同比起坊間嘅芝士奶蓋濃味啲但係分量十足如果等到芒果比較當做嘅季節飲呢杯會更好

今日嚟到炮台山嘅響茶，點了一杯原味奶蓋烏龍，價值 $20。呢杯嘢，完全係驚喜啦，主要係性價比超高。齊頭廿蚊杯奶蓋茶邊度搵。當然茶底同奶蓋都係達合格水準的。總結而言，價錢抵、份量足、 味道唔差，路過想飲杯嘢，真係唔洗諗即刻幫襯。

芝士奶蓋烏龍　$229分（味道值8分，但計埋價錢值9分！）一睇Menu，俾佢個價錢嚇親！係香港揾到杯廿二蚊既芝士奶蓋茶真係好難得！平到我有D驚係伏！但係IG見好多Foodie推介，就決定俾個機會佢！超級有驚喜！！水準比得上出面賣四十蚊杯個啲！奶蓋都唔薄，飲到淡淡芝士味，而唔係死甜假奶蓋味但如果芝士味再濃啲就更好！茶底偏甜，我要左半糖就岩岩好（甚至可以再少啲糖）茶味都好香，同個芝士奶蓋味道好夾整體黎講味道好唔錯，份量都好足！再加埋個價錢，根本冇得輸超級高性價比

［響茶］Loud Tea今次無意中發現咗一間台式茶飲嘅香港版。夏天最好就是飲凍嘢。見到佢哋嘅飲品廣告圖同menu都幾吸引 因為我本人幾鍾意飲果汁，於是去買個來試下。牛油果鮮奶波波 - Avocado Latte with Taro Pearls價錢: $38味道有牛油果鮮奶但唔夠甜，唔夠濃香，太多水嘅感覺。凍唔夠凍。波波有彈性但無甜味又硬，好難消化。成個味道麻麻所以有啲失望，因為價錢貴，個杯size又唔係最大杯。

自問都飲過好多間珍珠奶茶，當中都有d好好飲，但唔知點解唔會令我想寫食評，不過呢間確實好想share。話說知自己會嚟呢邊，所以都有睇定附近有咩小店，仲自備定膠杯。揀呢間第一個原因就係佢無分店喺旺區，即係油尖旺、銅鑼灣、中環嗰d，第二就係位置好方便。至於我嘅喜好就係鍾意飲凍但要走冰，不過好多間都話只可以少冰，而佢呢到就好爽快話可以，抵讚！跟住就係佢個廚房係可以睇到哂員工點整，就係咁我睇到我杯嘢係未滿，但個員工唔係加茶而係加珍珠填滿。另外，因為我自備膠杯，個員工話個蓋唔係好夠實，問我洗唔洗用番佢哋個杯，我話唔緊要，之後佢入番廚房，睇到佢double confirm 有無蓋好，仲check 完再check有無漏，再抹乾淨成杯嘢先俾我，成個過程令我覺得好貼心，所以味道中評都唔緊要，我會繼續支持。

番工做野做到個人好霉💀 (同事咁樣形容我囉🥺) 間唔中同事們including me🤣 都會提議買杯手搖醒醒神～響茶既炮台山分店開左幾個月喇，我地幫襯過兩次～ 講下我個兩次飲左咩啦💁🏽‍♀️響茶既奶蓋有3款👉🏼 原味、芝士味、斑蘭味可以配搭既茶類就有4款👉🏼 紅茶、綠茶、烏龍、鐵觀音🌟 可以自由配搭～其中一次我試左👇🏽➿ 斑蘭奶蓋阿蕯姆紅茶 ($24)第一次見斑蘭奶蓋，所以就試下～ 聞落去幾香，但飲落去覺得唔夠斑蘭味呢😣 jam左同事既原味同芝士味奶蓋飲，覺得芝士味is the best🧀✨揀紅茶係因為menu上話「略帶麥芽香」，我覺得會同斑蘭味夾～ 飲落覺得寫得好誠實啊，細細啖嗒係有好微微既麥芽味既🧐➿ 粒粒百香果水果綠茶 ($29)太懶～冇影相📸️ 超級足料，基本上啖啖都會啜到百香果核👍🏽 唔太好甜野可以叫微糖，有酸到醒神既感覺✨ 即刻霉氣拜拜💨

紫薯芋泥波波（轉鮮奶）$40黑糖布丁鮮奶 $30🍽🍽🍽🍽🍽🍽🍽🍽🍽🍽🍽✔️ 紫薯芋泥波波微甜甜度啱啱好，成杯紫色少女心我很愛，啖啖都飲到芋泥肉同煙銀有咬口嘅芋圓波波，好飲好飲😍✔️ 黑糖布丁鮮奶天然黑糖為鮮奶帶來微甜口感，黑糖掛杯影相好睇，底層有滑lulu 嘅布甸增加咬口

#屬於香港人嘅響茶炮台山【響茶】分店 粉荔枝芝+斑蘭奶蓋 $43未見過有班蘭奶蓋，所以就揀咗，班蘭奶蓋有好香嘅班蘭味；中間個層係粉紅色嘅，係用新鮮荔枝打成汁 + 紅火龍果汁，好香濃荔枝香味，低層配埋椰果真係好夾，仲有粒荔枝係入面，味道我鍾意，好好飲。成杯飲品睇落仲好夢幻 牛油果鮮奶波波 $38每一口都聞到牛油果香味，牛油果+鮮奶真係夠哂香滑，仲要唔駛10分鐘，我就已經飲哂成杯；最低係好多粒嘅迷你版芋圓波波，每粒都煙煙韌韌，好有咬口 講多樣野你知，儲印花卡夠5個印仔加 $10蚊，就可以換到響茶環保單杯袋一個，個環保單杯袋好靚好實用 響茶 (利都樓)北角英皇道177-191A號利都樓地下A1號舖

#pb食在北角 #pb支持黃店💛🤝🏻🤪 • 特色奶蓋味道💚依家天氣咁熱 屯門人難得去開港島東 緊係要搵間黃店買下野飲支持下啦💛 呢間茶飲店係柴灣、炮台山都有分店 一直都一有唔少foodie介紹過😍 最特別係有班蘭奶蓋💚.除左奶蓋茶 佢都仲有水果泡泡、珍珠奶茶特 選擇都幾多🥰 價錢$20-$45不等👍🏻 中意榴槤嘅朋友仲可以試下佢杯榴槤特飲🤪🔹芒芒配班蘭奶蓋🥭呢個配搭好特別🤪 本身都驚驚地 不過出奇地幾夾幾正💛 甜度冰度固定左 不過飲落唔會過甜 剛剛好👍🏻 班蘭奶蓋好滑 飲落有淡淡班蘭味😍 下面係芒果沙冰 仲食到一粒粒芒果肉🥰 夠哂消暑🔥🔹鐵觀音配芝士奶蓋🥤店員提醒呢杯奶蓋茶會沉得比較快 要先飲🤪 芝士奶蓋同樣做得好滑 唔會飲落杰撻撻咁（我好怕）🤭 不過我覺得芝士味可以再濃d🙈 鐵觀音茶底好濃 望落濃到好似普洱咁🤣 呢杯相對比較甜 仲甜過芒芒🙈 建議怕甜人士可以揀半糖🤪.整體大大杯幾消暑 班蘭奶蓋幾特別 飲落好滑👍🏻 佢7月會係土瓜灣、九龍城開分店 到時住九龍嘅朋友都可以去飲啦😍響茶 (利都樓)北角英皇道177-191A號利都樓地下A1號舖