影片
港鐵將軍澳站 A2 出口, 步行約6分鐘
繼續閱讀
營業時間
今日營業
11:00 - 20:45
星期一至日
11:00 - 20:45
公眾假期
11:00 - 20:45
公眾假期前夕
11:00 - 20:45
以上資料只供參考, 請與餐廳確認詳情
食家推介
依間小店由韓國人主理，嚟到呢度多數會叫拌飯，辣豬肉韓式拌飯份量好足，而且賣相都好好有足夠嘅蔬果，有翠玉瓜蘿蔔絲大豆芽鮮菇，仲有隻煎蛋配上辣豬肉，非常開胃，份量大到都食唔晒，價錢先係$58，又包埋紙包飲品。亦都試咗韓式炸雞，有甜辣或者蒜蓉醬油味，今次揀咗蒜味，炸雞就一般般，冇話十分脆口，但雞肉唔乾唔嚡。一份四件$45。食韓國嘢唔少得叫辣湯，今次叫咗牛肉辣湯，都係想像得到嘅韓式辣味，牛肉份量都唔少，但個人比較喜歡佢嘅拌飯多啲。
繼續閱讀
我估唔到將軍澳都有呢d 韓國人開既小舖！！！叫左個海鮮湯飯 好夠熱 65 蚊 有紙包飲品送都好足料好多海鮮係裡面 仲有好多豆腐同埋脆肉瓜！！！辣度適中 最適合而家d 天氣暖身+ 去濕不過稍微要用英文溝通因為我唔識韓文好好食 希望呢度多d 人流喇 見lunch 客量都唔多下次想試下佢個人蔘雞 70 蚊話半隻雞定食都見到唔錯有個小風波就係我俾人攞錯左個餐但老細好好竟然free 比攞錯個個人人地人流都唔多 好心取餐前就睇清楚啦！好食 會encore 既家庭式韓國小店！
繼續閱讀
最近受到Nextflix烹飪比賽節目黑白大廚嘅熱潮影響，都多咗想食韓國菜。而普遍喺香港嘅韓國菜價錢一向都偏貴，不過喺將軍澳既Parkside Food Court就知道有一間價廉物美，而且係由正宗韓國人主理嘅韓國料理。平時喺Parkside Food Court都見到有好多學生哥個同附近工作嘅人士光顧這間餐廳。由於今日有事要係屋企處理，所以就選擇咗外賣平台嘅送餐速遞服務。今次叫嘅有韓式牛肉拌飯，紫菜炸粉絲卷，同埋海鮮豆腐湯。呢三款食物都可以算係韓國料理入邊嘅代表食物，佢嘅牛肉拌飯牛肉嘅調味同口感都唔錯，加埋各種配料同埋韓式辣醬汁撈埋一齊食之後十分惹味，炸紫菜卷亦炸得香口，而海鮮豆腐湯亦都相當足料，用咗經典韓國嘅辣大醬煮成，相當好送飯，一般叫韓國湯飯跟你嘅一碗白飯都唔夠食，下次最好喺屋企煲定白飯
繼續閱讀
將軍澳木馬工房-韓虎家🐯尋日我去咗將軍澳木馬工房入邊嘅韓虎家，買我最鍾意食嘅牛肉拌飯同埋牛肉飯卷，非常好味🤤❤️牛肉飯捲🌯 呢款飯捲嘅牛肉味道唔錯，肉質嫩滑，飯捲入面仲有啲蔬菜，增加咗口感，整體嚟講幾好食🌯。牛肉拌飯（套餐）🍛 牛肉拌飯嘅牛肉調味適中，飯粒鬆軟，加埋啲配菜，食落去幾滿足，份量亦都啱啱好🍛。辣豬肉拌飯（套餐）🐷 呢個係我嘅最愛，辣味啱啱好，唔會太刺激，豬肉亦都唔會太油膩，配埋飯一齊食，好有滋味🌶️。韓虎家嘅環境舒適，服務態度亦都唔錯👍。整體嚟講，呢度嘅套餐選擇多樣化，味道平均，值得一試。下次有機會，我會再嚟試其他菜式！@trojanfoodclub 木馬工房 ( 將軍澳) Food Club📍 韓虎家 (The Parkside Mall) (將軍澳)將軍澳唐俊街18號The Parkside Mall 1樓木馬工房02號舖#木馬工房 #外賣 #美食廣場 #將軍澳美食 #韓虎家 #OurLittleDream #Ben哥米線 #外婆雞飯專門店 #KAi #金馬燒 #卡路里foodies
繼續閱讀
上星期六去朋友屋企附近揾食，揾到呢間正宗韓國人主理+CP值高嘅小店。我哋兩個人點咗以下嘅餐點。。。1️⃣牛肉拌飯$62滿滿嘅新鮮食材配上珍珠米，有紅蘿蔔絲🥕、翠玉瓜、大豆芽、冬菇🍄、牛肉🐮、煎蛋🍳、紫菜，份量十足，好健康，好好味。👍🏻2️⃣魚糕湯$50除咗爽彈嘅魚糕外，仲有清甜嘅白蘿蔔，湯底鮮甜。👍🏻3️⃣酸蘿蔔$15白蘿蔔爽口無榨，醃得入味，味道酸酸甜甜，好醒胃。👍🏻4️⃣大豆芽$20口感爽口，有麻油香。👍🏻5️⃣炸紅薯芝士條$38紅薯🍠口感軟糯，芝士🧀️有拉絲效果，芝味香濃，好正。👍🏻6️⃣炸豬肉餃子🥟$35外皮炸到外脆內軟，肉餡新鮮多汁，回味無窮。👍🏻下次想品嚐佢哋嘅紫菜包飯、辣炒年糕、炸醬麵！😋
繼續閱讀