韓舍

275
44
53
港鐵旺角站 E1 出口, 港鐵旺角東站 B 出口, 港鐵油麻地站 A1 出口 繼續閱讀
所有分店 (2)
電話號碼
21111663
開飯介紹
以酒店自助餐形式經營的韓式燒烤專門店,提供多款熱食、刺身、肉類及甜品。 繼續閱讀
營業時間
今日營業
11:00-15:00
17:00-01:00
星期一至日
11:00-15:00
17:00-01:00
付款方式
Visa Master 現金
其他資料
網上訂座
Wi-Fi
電話訂座
加一服務費
前往餐廳網站
http://ypsilver.yp.com.hk/ypdiy/IndexTopic.aspx?cid=7330&pid=7330_U924797&lang=ch&published=N
有關餐廳
酒店級自助餐式燒烤 韓舍旺角分店
韓舍在元朗的鋪頭口碑好,為滿足更多燒烤迷,韓舍進軍旺角後, 2015年再進駐荃灣開設第三間分店。新店的裝潢會更瑰麗堂皇,環境甚至可媲美酒店,自助餐更 包羅多國美食,中、日、韓、歐、美等。燒烤爐沿用元朗店的獨立抽風爐,食客無需擔心燒烤後滿身油煙。所有燒烤醃料由曾在外國工作15年的大廚自家秘製,味道正宗。
食物除了燒烤的肉類外,更會有刺身師傅駐場,為大家準備即叫即做的新鮮刺身和壽司。而甜品除了有在元朗店及旺角店很受歡迎的窩夫機和雪條機,更會擺放自製爆谷機和棉花糖機,滿足貪玩貪吃的大小食客。

有關獎賞計劃
食評 (410)
等級4 2017-11-10
1045 瀏覽
今日全日係旺角Training, Lunch當然要搵係旺角返工嘅老友撐枱腳啦。我地約左12:30係創興樓下等, 因為創興超多食店, 就算係Lunch繁忙時間應該都唔太難搵位。我係樓下等老友嘅時候見到呢間韓舍, 上Openrice search到Lunch任食嘅價錢都幾平, 所以就同老友上左韓舍都食。韓舍都幾大間, 9樓全層都係餐廳範圍, 入座時店員會問係食燒烤定唔燒, 午市免燒烤放題只係$58。😱 超平! 而燒烤放題亦只係$108, 真係好平。我地第一次黎, 當然要食埋燒烤啦。燒烤嘅座位好寬敞, 燒烤爐唔同一般韓燒餐廳, 呢度係用燒烤紙墊底, 更換起上黎好方便。一埋到位我已經急不及待出去攞飲品, 飲品係任飲的, 冷飲熱飲都有, 款式都好多。熱葷種類都唔少, 仲有蟹粥, 個蟹粥都幾足料, 除左鮮蟹之外, 仲放左好多蟹籽, 好鮮甜。😋揀得燒烤放題, 我地當然主力食韓燒啦, 韓燒食物款式都多, 當中我最鍾意牛肉片同原味雞翼。👍 牛肉軟腍, 兩邊烤香後外脆內軟, 肉汁豐富, 而且唔會太咸, 味道剛剛好。雞翼已經預先整成單骨, 食起黎超方便。👍 食左幾轉燒肉之後, 我地兩個男人都好乖咁攞左d菜食。😁 食左咁多野其實已經樂飽, 不過韓舍呢度有好多甜品選擇, 唔食返一兩個點得。 最後食埋甜品, 我地兩個都要捧住個肚各自返公司。😊 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-22
505 瀏覽
放假天,行完街好攰想搵個地方坐低食嘢,朋友提議不如去韓舍,又平又多嘢食!我地去到己經係晚上7點,入到電梯已經見到佢張價錢海報,但準時去到依然爆場。餐廳有俾心思去佈置,將食物放置在中央長廊兩側,幾有條理,坐邊都見到野食,而且每盆都附上名牌,另有獨立夾子。水吧左側就係 DIY 小食,主要三款自製機(1)炒年糕(2)章魚小丸子(3)天婦羅。每款機旁邊都有個牌清楚說明做法,可自己試下整。睇得出燒板有被定時換洗,都算乾淨。至於天婦羅機就放係另一邊,可能無吔人知,較少人去。入門轉右就係沙律吧,算叫做精簡,都係基本野,如沙律菜、蕃茄仔、雜果、粟米等,但蔬菜都新鮮爽脆,生果亦鮮甜爽口。至於冷盤海鮮,初頭搵左好耐都唔見,後黎先發現唔係壽司刺身部,而放左係熟食個邊(唔明佢點解會咁放??),Anyway,海鮮有青口、凍蝦,算鮮甜。日式炸物有唔少:三文魚骨腩、咖哩角、芝士火腿多士、焗生蠔、炸薯粒、餃子煎蛋,仲有自己即製天婦羅熟食熱熏有約十幾盆,都係熱辣新鮮出爐,由於會不定時換款,我出過去幾 Round 就見過:人蔘雞湯、韓式肥牛、韓式燒雞、水煮魚、咕嚕肉、紫菜飯、沙薑雞腳......韓燒食物幾齊,應有盡有,芝士腸、雜菌、牛豬雞、魚、扇貝都有齊,數落都有廿幾三十樣。旁邊還有多款醬汁,自行調製用來醮肉。肉類有大量,除左少不了既豬牛雞,竟仲有羊架同扇貝,每款肉最少有有辣有唔辣兩種口味,肉類新鮮,味道亦夠味唔咸。爐溫可以自行調較,可能店方執過下爐邊抽風同餐廳抽風,油煙味唔算大。燒完食完,最後要去翻入門口左側既甜品櫃。甜品款式很多,有廿幾款,一樣會不定時換款,部份款式幾得意,都幾有驚喜。藍苺慕絲,第二三輪先見到。千層餅,鬆脆但不會太甜。葡撻,帶有點點焦糖味。沙律吧對面是飲品,有各款汽水、咖啡、乳酪汁、酸梅湯,仲有可以自行調製既玫瑰花茶及薰衣草茶,仲有檸檬清酒任飲!清酒任飲!以 Layman 既燒烤放題餐廳計,呢間韓舍裝修格局叫寬敞,食物種類亦豐富,而且 Refill 得快,大致算乾淨衛生,可以媲美袖珍版既酒店 Buffet。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-15
5966 瀏覽
今晚同外父外母去食韓燒,就佢地方便出左去旺角的韓舍。餐廳都幾大,座位寬敞,全部都是卡位,坐得舒適。一坐低開始計兩小時$220/位,因為是7點鐘的貴價時段,所以無特價。店員會舖上油紙在燒板上,燒到有點焦時,可要求更換油紙。無論坐邊度,附近都一定有野食,因為整個餐廳佈置很好,基本上食物放置在餐廳中央及一條長廊的坐位旁。一入門口就見到一大個甜品柜。甜品超多款式,但不只這邊,原來另一面都有。甜品還會不斷轉款。這個藍苺慕絲,本來第一轉唔見,隔一陣出去就見到,所以喜甜者可以得閒出去行兩轉,可能會有意外收穫。本身不太喜歡甜食,所以只試了葡撻及千層餅,千層餅非常鬆脆但不會太甜,葡撻則較甜,帶有點點焦糖味。另一邊廂是自肋炒年糕及八爪魚丸機,每款機旁邊都有個牌清楚說明做法,但我不好此兩者,所以無試,見其他客人玩得幾開心。刺身方面有三文魚、象拔蚌及冰山貝等,即叫即切,絕無偷工減料。壽司都是用刺身料去做,但會轉款,有時是三文魚、有時會是玉子。壽司隔離是沙律吧,自己配搭,基本的沙律菜、蕃茄及粟米都齊備,還有自助撈冷麵,有蛋絲及蟹柳絲,我就喜歡放在沙律上一齊食。凍海鮮有蝦、青口等,味道鮮甜爽口。海鮮隔離是熟食,有約十款,包括韓式肥牛炒年糕、水煮魚、咕嚕肉及三文魚骨腩等,還有不斷替換款式。我就試了芝士焗蠔,蠔有點腥,反而蟹粥煲得很綿,還有點蟹子在粥內,咬落去卜卜脆。講左咁耐,終於到主角韓燒,基上食物都有,芝士腸、雜菌、牛豬雞、魚、扇貝都有齊,數落都有廿幾三十樣,要每樣試勻都幾難。扇貝都幾鮮甜大粒,不會太鞋。雜菌新鮮,不會太油膩。多春魚脆卜卜,但有點腥。燒菠蘿是我最愛,加少許鹽更能帶出清甜味;雞肉肉質很腍,不會太咸;魷魚很爽脆。最後食返杯雪糕,除了香芋味,還有朱古力及曲奇味。總結:款式眾多,樣樣都齊,甜品不錯,是一大班人食飯的一個不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
韓式fusion放題 焦點食評
等級4 2017-09-14
3853 瀏覽
旺角出名多放題,中日韓緊有一間在附近,今次去了創興廣場的韓舍,見openrice中的食評都不錯,食物款式比較食,所以一試。一入門口左邊是甜品corner,款式有至少廿款,還會不定時轉換甜品。甜品隔離是生果,只有橙及西瓜。甜品對面是自助炒年糕及八爪魚丸機,可按個人喜好自己玩,喜歡食的朋友可以一試。另外,店員會定時換洗燒板,所以都幾乾淨。門口轉右邊就是沙律吧,有沙律菜、蕃茄仔、雜果、粟米等,還有兩款醬汁胡麻醬及千島醬選擇。沙律吧隔離有壽司,全部都是師傅即場大量製造,有三文魚、卷物、腐皮等,會不定時轉款。沙律吧另一面是刺身,有三文魚、希靈頓魚、八爪魚等,即叫即切。沙律吧對面是飲品,有檸檬清酒、各款汽水、咖啡、茶水,還有玫瑰花及薰衣草,可自行調製。再過去就是熱熏,有十多款,不定時換款,有韓式食物、水煮魚、西式食物。之後就是炸物,外型精緻,約有5-6款,還有即製天婦羅。最後就是韓式燒肉,豬牛雞是基本,還有多春魚、秋刀魚、各款菇類等。旁邊還有多款醬汁,自行調製用來醮肉。沙律新鮮爽脆,自己喜歡食邊樣溝邊樣。三文魚骨腩外層較多粉,魚肉較鞋;炸薯粒外脆內軟,細細粒唔怕會太飽,可以試多點款式。人參雞湯必試,人參味濃,入口帶甘甜。焗蠔一出好快就無,但會不斷refill,蠔肉比較細粒,表面芝士香口。秋刀魚比較腥,扇貝有咬口,菇類新鮮,其他肉類都很腍,味道不會太咸,火力夠猛很快就熟。甜品款式很多,味道不錯,但實在太飽,只能少嚐。總括而言,食物款式很多,除了韓燒外,其他食物都不錯,甜品令人喜出望外,緊有一款啱食,二個鐘內基本上夠哂時間,價錢每位約$220,適合一大班朋友gathering。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-13
130 瀏覽
天陰陰又落雨,天氣突然間又開始凍返,約咗媽咪去行街,行完之後問媽咪想食啲咩,佢話呢排成日都好想食韓燒,果然係沉淪啲韓劇嘅阿豬媽😂,於是帶咗去上次食過幾次都覺得唔錯嘅韓舍到食,自助餐形式,自己睇自己夾,老人家最開心。雖然係禮拜日已經爆爆地場,但侍應好貼心咁安排左一個近自助餐區嘅卡位俾我,可能見到老人家行動不便,呢嗰安排10分貼心仍舊係好多嘢食,眼花撩亂,目不暇給。仲有加錢食品添,不過媽咪話已經太多嘢食唔需要啦壽司都好乾淨新鮮,仲有冰底添老人家去邊都要食碗飯,估唔到個紫菜飯都幾有驚喜,都幾好食最鍾意韓舍佢呢度嘅韓燒配料夠晒新鮮,味道超夠,有落足時間同心機去腌令媽媽開懷大飲嘅檸檬清酒大概個幾月就會過嚟食一次,好彩質素從來都冇下降,水準仍舊keep到咁好 繼續閱讀
(以上食評乃用戶個人意見 , 並不代表OpenRice之觀點。)