韓脈 (帝國中心)

營業中

休息中

同朋友去尖沙咀食韓國嘢韓餐，呢間餐廳環境幾舒服，韓式裝修地方夠闊落，牆上仲貼住啲韓星相😆店員先上咗幾碟小菜，樣樣都幾好食😋今日試咗佢哋既五花腩套餐，店員會將啲肉放喺旋轉鍋度整，全程唔使自己動手😍韓燒五花腩，啲肉燒到外皮少少脆，肥瘦啱啱好，包住生菜再加塊蒜片一齊食，真係好正，完全唔會膩！ 跟住飲咗個牛胸肉大醬湯，個湯好濃郁，勁足料！飲完成個身暖笠笠。 最驚喜係個醬油蟹配紫菜飯，啲蟹肉好鮮甜，醃得唔會太鹹，撈埋紫菜飯一齊食，勁滿足！ 最後仲食埋個泡菜炒飯，個飯係用五花腩既油炒，香氣十足加埋泡菜酸酸辣辣，超級惹味！

好味 #晚餐 分享 韓國料理一家特色的韓國店，是韓國人主理的，非常正宗，店內裝潢氣氛感覺亦好似去了韓國咁😁落單後，便送上6款前菜，有沙律生菜，泡菜，芽菜，豆腐乾，鵪鶉蛋，酸蘿蔔，其實呢間店的前菜也算多了，有驚喜，好開心😁~醬油蟹1件 250醬油蟹，叫了1隻，好多蟹膏，鮮橙紅色，靚到呢👍🥰，我將蟹蓋和身上的全部蟹膏和一些醬油汁放在紫菜飯內，撈勻成拌飯，每啖飯都有香濃的蟹膏，醬油，好正啊😁而蟹肉質又鮮美，認真回味😋隱藏食法醬油蟹送的紫菜飯大大碗，我分了一半出來，放入了部份前菜，芽菜，泡菜和豆腐乾，撈勻成韓國泡菜伴飯，好好味😁~醱酵鮑魚人參雞湯148熱騰騰上桌，有半隻雞，糯米飯，和一隻鮑魚，雖然雞骨已淋哂，雞肉仍然好嫩滑唔鞋口，鮑魚很彈牙，糯米吸收了雞湯和人蔘的精華，軟糯好味，整個湯好清甜，客人可隨意加些配備的鹽，增加鮮味人參雞湯是傳統韓國美食也必食😋~甜酸炸雞190~炒牛肉粉絲118~可樂20加一服務799/2人韓脈Hanmat Korean BBQ Restaurant 尖東帝國中心UG樓43號店

經過帝國中心，諗住搵間餐廳食。就見到呢間韓國餐廳， 星期六lunch仲有lunch set。所以就嗌咗一隻醬油蟹，同埋一個炒五花腩套餐。見到好多人都嗌佢哋嘅熱鍋炒嘅五花腩，所以決定試一試。五花腩入口即化，肉汁豐富，唔算太肥醬油蟹新鮮又甜，而且醬油蟹都好大隻！香港唔多地方食到好食嘅醬油蟹，呢間的確唔錯嘅👍🏻大醬湯濃郁而鮮美，泡菜炒飯都好香。重要嘅係價錢實惠，仲有套餐優惠，之後有機會會想要試吓食韓牛，見到佢哋嘅寒流都係三百幾蚊

韓脈 Han Mat 係間我幾鐘意嘅韓國菜餐廳，裝修好有韓式居酒屋 feel， 位置寬敞，餐廳好慷慨，送六款前菜😍，同埋每枱有一份韓式蛋餅都係送嘅🍳🐄特級牛肋骨：係嫩滑高質嘅牛肋骨😍，超大條和厚肉，店員會幫手燒和剪開，燒完都好juicy🤤，仲意嘅可以加啲蒜片上去一齊燒，再香口d，真係好好食。👅牛舌：大塊而且肉質靚，爽口彈牙！🦀醬油蟹(配牛油飯)：🦀即叫即開，夠晒新鮮！好多鮮味嘅蟹膏💛，加埋落充滿紫菜嘅牛油飯好好食！

好一段時間無過黎尖東呢邊蒲，之前經常系呢邊吃喝玩樂，一過到黎好多回憶返晒黎，今日黎帝國中心"韓脈"食韓國菜。▪️Rotating Pot Pork Belly BBQ, 好好奇系咩做法，原來系將五花肉🐖放落滾筒煲自轉甘炒，又幾得意喎，都系第一次見，有別於以往放系鐵板上面燒。五花肉炒熟之後就將配料洋蔥，蒜頭，粟米仔再炒，最後再加泡菜，白飯落去一齊炒，好惹味呀！▪️純豆腐辣湯，吾系得豆腐甘簡單架，入面有好多配料，有蜆，魷魚，菜粒，等等。。豆腐超級滑。▪️醬油蟹🦀，之前睇韓劇成日見人食得好滋味，今日第一次試，原來真系好鮮甜，再將啲蟹膏加入啲紫菜飯一齊食，真系無得輸。🤩😜

週末過嚟尖東呢邊買嘢，順便食我最鍾意嘅醬油蟹😋韓脈之前嚟過，地方就腳，就喺帝國中心地下高層。上次印象好深刻，醬油蟹特別鮮甜。呢度啲店員個個都好Nice。牛胸肉大醬湯成鍋湯好足料，滿窩都係牛肉同豆腐。大醬湯湯底令到豆腐好入味。牛肉都好嫩滑一啲都唔嚡。五花肉 配泡菜炒飯首先將五花肉擺入自動翻炒機中，炒熟咗之後就可以夾生菜點醬食，仲可以因應個人喜好加入生蒜辣椒。全程由店員喺你面前操作，聞落好香。剩返煲裏面嘅豬油會加入白飯、泡菜、洋蔥、紫菜。估唔到呢個配搭啲炒飯出奇地香。😍醬油蟹 配紫菜飯醬油蟹真係每次嚟都會必點，蟹膏好鮮甜。蟹肉嫩滑。拆咗肉之後仲可以撈落附送嘅紫菜飯裏面一齊食。超正。

朋友喺外國返嚟揀咗間喺尖沙咀嘅正宗韓國菜聚下舊見餐廳星期六有個特別Set 就叫嚟食下ღSaturday Day Lunch Special for 2 有五花腩肉250g跟一個飯/炒飯同一個湯（牛胸肉大醬湯/純豆腐辣湯）店員即場用翻轉炒鍋炒五花腩肉，香噴噴😌油脂滿滿，勁吸睛～-五花腩肉肥瘦相間，食落軟嫩，口感豐潤多汁，再將炒飯同泡菜落炒鍋炒，飯粒索滿炒香咗嘅五花腩肉汁，好香口-牛胸肉大醬湯，上枱熱辣辣～湯頭濃郁醇厚，牛胸肉肉質鮮嫩，配菜仲有豆腐，洋蔥🧅韭菜，非常豐富另外仲叫咗醬油蟹同醬油蝦，醃過後食落軟滑，醬油蟹脂膏肥滿，好鮮美😋醬油蝦同樣味道甜甜鹹鹹，好滋味❗️

今日嚟到尖沙咀嘅韓脈，體驗佢哋嘅招牌旋轉烤肉！今次就等我親身嚟試吓，睇吓係咪真係咁特別！ 👇環境氣氛 ✨餐廳位於帝國中心UG層，雖然地方唔算好大，但係裝修充滿韓國風味，營造出一種溫馨舒適嘅用餐氛圍。創意烹調方法 👍韓脈最令人眼前一亮嘅就係佢哋嘅烹調方法！佢哋採用特製嘅旋轉煮食爐，中間嘅攪拌器不停咁轉動，令到啲肉同飯受熱均勻，唔會黐底，仲可以避免油煙四濺。呢個設計真係好有創意，亦都令到食物更加美味！今次我哋叫咗個星期六二人午餐特價 ($288)，包括旋轉烤肉、泡菜豆腐湯同埋炒飯。旋轉烤肉:五花肉嘅油脂分布均勻，用旋轉煮食爐烤出嚟，外脆內嫩，肉汁豐富，加上特製嘅醬汁，真係令人回味無窮！泡菜豆腐湯:湯底香辣濃郁，豆腐滑嫩可口，配料豐富，非常開胃！炒飯:炒飯粒粒分明，鑊氣十足，配上烤肉嘅肉汁，簡直係完美嘅配搭！另外，我哋仲加咗個醬油蟹 ($250) 同埋煎餃子 ($108)。醬油蟹:醬油蟹非常新鮮，蟹膏鮮甜，令人食指大動！煎餃子:煎餃子皮薄餡靚，煎得金黃香脆，係一道唔錯嘅小食！服務態度 💯服務員態度親切友善，非常有禮貌，上菜速度亦都好快，令人有賓至如歸嘅感覺。

喺尖沙咀睇完醫生想令自己開心啲除咗食甜品就係食醬！油！蟹！前菜7款： 蘿蔔、泡菜、沙律菜、豆芽、茄子、鵪鶉蛋（幾入味）～ 🍳仲有鉄板蛋添！每次嚟到都必定要點一隻 🦀 《 醬油蟹 💲250/隻 》跟紫菜牛油飯 🍚醬油蟹肥美，連個殼都有好多肉～牛油飯有滿滿嘅鮮紫菜鋪面伴生雞蛋將啲蟹肉加醬油撈飯好正～ （ BBQ 配料 會附有生菜籃～ ）🐟《 鰻魚 💲198 》 海鰻口感嫩腍，配有三款醬油～ 🐷《 豬頸肉 150g 💲150 》厚身爽口，蘸埋韓式辣醬包菜食好減膩又惹味～🐔《 醱酵鮑魚人蔘雞湯 💲148 》鮑魚嫩腍，雞肚釀嘅飯好綿，湯濃鮮甜又夠熱～ 🍊 最後仲有生果～好多人嚟慶生～

媽媽話有啲掛住醬油蟹見最近呢間幾多人推介，價錢又唔貴，位置又好當然要叫 醬油蟹 （$250）仲包埋碗紫菜飯架！隻蟹勁多膏架！ 而醬油唔太咸，帶甜甜地 😆 咸甜咸甜勁好食，又突出左蟹既鮮味 而啲膏，送飯食真係一流呀 😍😍 勁鮮甜🤤🤤🤤另外佢仲有個新出既rotating pot 炒豬五花肉 （$288/星期六lunch限定）呢個係個2人餐黎架分別有一份五花肉，一個湯 （我哋揀左牛胸肉大醬湯），同炒飯！個湯有勁多牛肉！好足料 （其實真係料多過湯🤣🤣） 五花肉有職員幫手，用個轉轉鍋炒 😆坐喺度等食就得炒完五花肉，就會幫你炒埋個飯，有豬油炒到勁香 🤤 食到好飽都想繼續食呢個餐其實都幾正 🤓 可以再encore

尖東帝國中心一樓嘅韓脈，由韓國人主理，連侍應都係韓國人，已經食過唔知幾多次，最鍾意佢哋豐富嘅前菜，同埋每道餸嘅份量都好大！💝❤️醬油蟹蟹肉經過醬油、蒜、薑等醃漬，蟹黃綿密，蟹肉滑嫩如果凍，適合拌飯或單吃，冷食更顯清涼鮮美❤️燒五花肉表面烤至金黃酥脆，帶有微微焦糖與炭燒氣息。肉質肥而不膩：肥瘦肉層次分明，入口先是脆皮嚼感，隨後脂肪融化，釋放肉汁和甜味。搭配大蒜、生菜、辣醬，泡菜，青椒絲享用！❤️韓式牛胸肉大醬湯帶有濃郁的豆香和微微的鹹味，類似味噌，牛肉燉煮後釋放出濃郁的肉香，脂肪融化在湯中，加上大蔥絲和豆腐，帶來豐潤的口感

weekend 放假同朋友去咗尖沙咀食韓國菜我地兩口子揀咗個週末先有嘅二人套餐套餐好豐富店員先送上多款韓式前菜泡菜醃得好味，唔會太辣同平日韓式烤肉大不同今次呢個套餐配上自動炒鍋將食材放進鍋內旋轉炒熟唔洗動手燒真正翹起雙手等食✨五花腩肉質軟腍．層次感分明油脂恰好．唔會太肥膩再加入米飯．泡菜等配料炒得均勻香口惹味仲有兩款韓式湯選擇我地揀咗✨牛胸肉大醬湯加入牛肉．豆腐．翠玉瓜．洋蔥．韮菜熱辣辣好足料✨醬油蟹 配 牛油飯醃製過嘅醬油蟹．加上蔥蒜特別好味蟹肉鮮甜．充滿蟹膏牛油飯舖滿紫菜雞蛋．配醬油蟹真係好夾

突然間好想食醬油蟹，所以一收工就同我妹走左去食韓國野🥰我地食左：⬇️⬇️✨韓牛筋骨湯 ✨$258好大煲🤩我地2個人飲，每人都飲到3-4碗，多2個人share都仲得✌🏻乳白色既湯頭膠質好重，牛筋骨純正既鮮味已經濃縮哂系入面，醇香細滑又多料，系時侯要飲多2碗😋✨宮廷牛骨 ✨$228大大嚿既牛骨份量十足，嚿嚿都有筋有肉，鬆軟入味，甜甜地既口味深得我心🫶✨醬油蟹✨1隻$250醬油蟹軟糯鮮甜又多膏，搭配佢地免費贈送既牛油飯撈埋食真心正到癲💕勁想食多隻👍🏻🛑韓脈📍尖沙咀麼地道68號帝國中心UG樓UG43號舖

好耐冇食韓國菜了～記得以前黎過尖沙咀帝國中心食韓國菜🇰🇷想回訪一下❣️呢間韓國餐廳叫做【韓脈】🔥位置夠方便，尖東站行幾分鐘就到了📍入到帝國中心上條扶手電梯就到，好易搵！餐廳座位夠闊落，坐得舒服😌好岩約埋朋友黎一邊食一邊傾計💬另外，呢度大部分店員都係韓國人，去韓國旅行既感覺返晒黎🇰🇷🥰😆一點菜店員就立即送上好多碟前菜💕好豐富🥳❥ 韓式菜包肉 $328呢個價錢睇落好似唔平，但一上枱就明白晒😳因為真係勁！大！份！建議3-4人享用，兩個人真係會食唔晒～豬肉肉質鮮嫩，配埋新鮮既生菜🥬每啖都好爽口！唔會膩💚❥ 醬油蟹＆牛油飯 (1pc) $250醬油蟹新鮮啖啖肉，味道鮮美，仲有唔少蟹膏，蟹肉好滑溜🤤最鍾意一啖蟹肉，一啖紫菜牛油飯咁撈黎食，飯粒吸收左蟹醬既香味，好滋味😋🦀❥ 牛肉石鍋拌飯 $108石鍋熱辣辣，材料豐富，好色彩繽紛😻牛肉煮得岩岩好，配搭埋菜同飯，拌埋一齊食好好食😋鍋底仲有少少飯焦，但又唔會太燶，好正～

OverviewThe food is at an average HK level and is typical Korean food. Nothing special. We booked this place as it was on our list and took up an available offer advertised through Openrice. The level of service we received was nothing short of terrible. From the moment we arrived to when we left. Rude waitress was rude and liked to throw items on our table, and the manager, who isn't skilled in the area of customer service, all in all a very disappointing meal experience.We vowed not to go back