韓牛牧場 (已結業)

Lunch set都有得任食沙律吧小食&任飲～有kimchi 韓式牛肉片 手拍青瓜 木耳 枝豆我仲瘋狂食菠菜😛 有韓燒 定食 仲有湯飯 燒肉丼 刺身丼🔖1++韓牛韓燒定量午市餐 二人份 $238▫韓醬1++韓牛肩胛▫1++韓牛牛肋骨肉兩款韓牛紋路分明 油脂比例剛好燒30-50秒已經可以食得🤤肉質軟嫩 有牛脂感之餘 味道充滿牛香 韓醬牛肩胛有醃製過 口感更濃厚同香口▫西班牙黑豚五花腩韓燒一定要食五花腩😛薄切所以燒1分鐘至微焦 食落油脂感滿滿 再沾醬同包生菜🥬kimchi豐富口感且解膩😚▫韓式雞腿肉落左少許醬料調味 無咁dry大約燒5分鐘都keep到肉質細嫩仲啖啖肉 完全唔韌▫虎蝦拼半殼青口青口有埋牛油🧈 燒溶晒食好邪惡🤤大蝦🍤都好新鮮彈牙😚▫火炙原條鰻魚定食 $108鰻魚肉質軟滑彈牙 成條充滿蒲燒汁味道濃郁得黎好下飯desu～.總結，最貼心係餐紙有教每樣食材要燒幾耐🙆🏼‍♀️個爐每轉一圈就=30秒 可以mon住每樣幾時食得整體肉肉質素幾好 軟嫩得黎好香口尤其是韓牛 肉感特別濃郁如果食放題既話應該會更爽😆

最近又開始禁晚市堂食所以唯有同朋友食好啲中午餐補補數，今日就同朋友仔嚟銅鑼灣食韓燒。1++韓牛燒定量午市餐二人份呢度嘅燒爐並唔同出邊嗰啲燒爐而係用咗光波爐款式轉住黎燒，呢個燒肉餐入邊包括有牛肉，豬肉，雞肉同埋蝦同青口，仲有啲蔬菜添成個套餐都幾豐富㗎，牛肉味真係好濃郁，另外豬肉方面係用咗薄片五花腩，所以好容易燒熟另外雞肉方面非常之多汁而且一啲都唔鞋口，海鮮方面就不失不過。1++韓牛他他丼以前去韓國都食過韓牛他他，韓牛切到一絲絲用上咗啲韓國醬汁配埋雪梨絲同埋熟蛋撈埋一齊食非常之鮮味。呢度啲午市餐包左享用自助前菜任食同埋飲品都飲嫁，所以呢個價錢來講真係非常之優惠！

晚市禁堂食，Lunch 要食好d!! 同朋友weekend韓燒開心下～❤️韓牛韓燒定量午市餐（2人份） 包括牛肉味濃郁既1++韓牛牛肋肉同韓醬1++韓牛肩胛，好肥美既西班牙黑豚五花腩，調味好夠濃既韓式雞腿肉，大大隻虎蝦同埋青口～ 1個set 可以燒唔同款既肉類海鮮，唔錯唔錯～🧡火炙原條鰻魚定食 成條饅魚+大量鰻魚汁配飯，仲有自助前菜沙津，好夠飽！💛前菜 有好多選擇，洋蔥菠菜 酸辣蘿蔔 同芽菜等等，調味好好，食極都唔厭！仲有飲品同沙津都係無限添加～

去咗銅鑼灣一間食燒肉嘅餐廳～～兩個人叫咗一個定量午市套餐，有西班牙豬五花腩、牛肋骨肉、牛肩胛、雞腿肉、蝦等等～呢個係二人套餐，未黎之前仲擔心唔知夠唔夠兩個大食鬼食，嚟咗之後發現其實都有唔同種類嘅肉類，燒下燒下發現其實都夠食啊！場內嘅飲品仲要係任飲，仲有沙律吧可以去添食。食物質素來講，佢嘅五花腩好正，好香好好味，仲有牛肩胛最鍾意❤️二百幾蚊黎講，食物嘅質素同埋種類選擇好充足，性價比好高🤔🤔🤔🤔

呢間<韓牛牧場>最好就係無煙無味！正！呢間燒肉店前菜、沙律同飲品任食任飲，多元化嘅前菜，夠哂開胃！我最欣賞嘅前菜就係牛舌，爽口加入哂味，簡直係抵食到爆！🥢濟洲黑毛豬韓燒肉定量午市餐(二人份)包括有濟洲最高級別黑毛豬肩三角骨、濟洲高級別黑毛豬肩肉、西班牙黑豚五花腩、韓式雞中翼及青魚柳，每樣份量十足！放喺燒烤爐燒咗幾分鐘後，極快就燒好，無煙無味又夠快，簡直係肚餓之人最佳選擇👍🏻豬肉無羶味，咬落肉質嫩，又唔會油膩，唔錯！韓式雞中翼屬於單骨雞翼，醃得夠哂入味，雞皮燒得好香脆😋🐔宮廷人蔘烏雞湯-跟飯（2人份）呢碗宮廷人蔘烏雞湯份量屬於勁量級，原隻烏雞包住糯米飯同人蔘配料，香氣撲鼻！飲啖湯身體即刻變暖，感覺好養身！可惜烏雞肉質有啲乾，唔夠嫩滑，如果肉質嫩少少，呢個湯就會變得完美😊

星期六本身lum住係銅鑼灣求其食個lunch，發現左呢間韓燒餐廳，本身主打燒肉放題，都可以散叫套餐，午餐既沙律前菜同飲品可以任飲任食，正。沙律前菜bar沙律新鮮，有生菜，粟米，蟹柳，青瓜絲，番茄仔，中華沙律&醬汁提供前菜都好豐富，包括海帶絲，蓮藕片，菠菜，雲耳，日式螺肉，芽菜，仲有哈密瓜，推薦海帶絲同雲耳！有d失望係竟然無泡菜，可能我地黎既時間仲早，之後見有fill反新種類既前菜。1++韓牛韓燒定量午市餐 $238包括：韓牛牛肋骨肉、韓牛肩胛、西班牙黑豚五花腩、雞腿肉、虎蝦&牛油伴青口餐牌上都有寫建議每個肉類燒既時間用既係光波爐燒，無甘多油烟又無甘大陣味都幾好牛肋骨肉油脂分佈比較豐富，肉味較濃郁牛肩胛肉味夠，油花豐盈虎蝦鮮甜青口有牛油吾洗燒太耐 我地有小小overcook就好乾身極上火炙七色丼 $118無lum過韓燒餐廳都有日式丼飯三文魚入口即溶帶子鮮甜都算大粒韓牛都夠嫩最後再食多round前菜先走haha

今曰去寶馬山紅香爐峰行山，當然要食飽先行。餐廳空間好大，侍應安排咗我哋坐卡位，兩人坐得好舒服。我地兩人叫左韓牛韓燒定量午市餐，有蝦，青口，牛助肉骨，牛肩胛，五花腩，雞腿肉，款式都好多。餐廳好貼心，寫明每樣食物都有佢嘅時間同埋餐廳用左光波爐，唔使驚成身都係燒烤味。另外叫多左個韓牛他他丼，其實生牛肉我都驚驚地。生拌韓式牛肉，加上生雞蛋、蒜片、雪梨及醬汁，加上熱辣辣既飯，鮮味十足！完全冇腥味，而且一啲筋位都無。呢個lunch set包含飲品，配菜，都係任食。而佢地既配菜都好開胃，我特別鐘意食佢地既白蘿蔔。

好耐無食過放題了！依間餐廳有齊燒肉，刺身，韓國小食，一次過可以食晒我想食嘅嘢。一坐低店員會俾咗韓牛盛盒同海鮮拼盤我哋燒先，韓牛好有牛味，肥瘦適中，加少少鹽調下味就得。海鮮又有蒜蓉扇貝，牛油青口，鮑魚同蜆，全部都鮮甜好食。依到仲有去韓國必食嘅醬油蝦食！之後可以order其他燒肉同小食。依到嘅燒烤爐對比起平時個啲無咁大油煙，好快燒熟又唔會燒lon。肉類可以食多啲韓牛，牛仔骨同五花肉等等，肉嘅質素唔錯，仲可以加埋泡菜一齊食。海鮮方便海蝦鮮甜抵食，牛油帆立貝好有牛油香。同我超鐘意食燒菠蘿，又甜又多汁。小食有唔同嘅炸物同炒辣年糕。食飽再食條韓國雪條，好滿足~

位於銅鑼灣嘅燈籠街小小一條街，就有大大小小嘅餐廳開滿E一條街，話佢係銅鑼灣嘅一條食街都不為過！凍凍哋除咗打邊爐食雞煲之外，另一個好嘅選擇就係食燒肉喇🤤今日就嚟到「韓牛牧場」滿足下食韓牛燒肉嘅願望！1++韓牛韓燒定量午市套餐🇰🇷🐂兩個午市套餐都好吸引，不過既然想食韓牛，就揀咗E個韓牛韓燒套餐！佢包括六款唔同嘅肉類：韓牛牛肋骨肉、韓牛肩胛、西班牙黑豚五花腩、雞腿肉、虎蝦同埋牛油伴青口，仲有茄子粟米等等嘅蔬菜。店家好貼心咁將每一樣食材需要烤嘅時間寫曬係餐牌到，務求大家可以食到烤得最美味最恰到好處嘅美食。放係個光波爐烤一陣，就得到香噴噴又juicy嘅韓牛，果然係對得起1++韓牛E個名嘅食材！🐷西班牙黑豚五花腩肉質都鮮嫩，令人想一夾再夾。🐔雞腿肉如果烤耐啲，仲可以烤到好似雞皮串燒咁脆卜卜嘅外皮😜青口伴埋牛油一齊烤，將牛油嘅香同海鮮嘅鮮味合而為一，好惹味！🦐睇住大大隻虎蝦變成烤熟變紅卜卜，剝殼之後就有鮮嫩嘅蝦肉食，一啲都唔會話越大隻啲肉越韌👍🏻極上火炙七色丼🌈食韓國菜嘅時候有時都會口痕想食埋日式嘅丼飯，估唔E間餐廳都滿足都我嘅E個願望！點咗又係有豐富食材嘅極上火炙七色丼。韓牛同三文魚由廚師煮到啱啱

今日黎到銅鑼灣行街，買左好多收穫，行到累就搵間餐廳食下野休息下。岩岩搵到呢間餐廳，就入去試下，食落真有驚喜。首先係選左個頭盤8色刺身拼盤，呢個刺身十分新鮮，點咪啲醬汁食特別野味。跟住重有鮑魚五合海鮮拼盤，青口都係燒2分鐘就食得，鮑魚都係5分鐘就入得口，入口即溶，十分新鮮。重有唔少得既韓牛是日稀少部位(定量），呢個可以食到牛既唔同部位，真係一次過滿足晒3個願望。油脂分佈平均，容易入口，真係一試便愛上。試完頭盤就一口氣再追加和牛食，呢道係任飲任食既，我地馬上叫左安格斯肩里脊，安格斯一口牛粒，韓醬醃安格斯牛仔骨，我個人就最喜歡牛仔骨，味道十分好。重有韓醬醃安格斯牛胸肉，海鹽牛舌，韓式五花肉，全部放係光波爐道燒黎食。真係世界級享受。最緊要係桌上個支調味料，胡椒鹽放少少係和牛上真係另鮮味再提升至最高點，非常之好味。海鮮就叫左多春魚，牛油帆立貝，都係不錯既選擇。重叫左火炙韓牛壽司，呢道既飯係撈左醬汁，味道都唔錯。呢道既韓式豬頸肉都係我既最愛，好入味。重試左韓式雞中翼，雞腎串。炸物方面就叫左韓式炸雞，韓式炸餃子，同咪我既最愛椰汁流心球，流心非常好味。重有沙律吧可自行配搭。飲品都有好多特別既種類平時都

韓牛牧場銅鑼灣登龍街28號永光中心3樓1++韓牛韓燒定量午市餐傳統的韓燒餐廳，整個場也是燒烤味道，韓牛牧場用光波爐烹調配料，感覺不錯，沒有油煙，食物也不會太燶。配料有1++韓牛牛肋骨肉(香濃的牛肉味，肉汁豐富)、韓醬1++韓牛肩胛(韓醬很特別，豐富的蒜蓉，又香又甜，很match)、西班牙黑豚五花腩(脂肪和豬肉的比例剛剛好，香濃的豬肉味，不用醃也很好味，連豬軟骨也吃掉了。韓式雞腿肉(雞腿肉鮮嫩爽口，加了韓式辣椒醬，十分惹味)、虎蝦拼半殼青口。(連殼的虎蝦鮮味十足，蝦肉夠爽口彈牙。青口加了牛油，烹調過程牛油溶入青口中，很邪惡) 😋🍻五色雜錦刺身丼刺身丼配帶子、三文魚、油甘魚、北寄貝和八爪魚，酸酸甜甜的香醋味飯底，建議和刺身撈埋一起吃。五色刺身口感新鮮、肥美、爽甜和煙韌，大滿足。Wasabi偏辣，大家可以先加少少試味。😛👍餐廳提供韓式小食吧、沙律吧和汽水任飲！😍 very nice.

👍🏻環境:大部分都係梳化位坐得舒服，另有小房間可以開派對或者慶祝生日！午市餐:沙律吧同飲品任飲任食，款式多達10款。[👍🏻1++韓牛韓燒定量午巿餐二人份$238]一共有六款1++韓牛牛肋骨肉: 燒肉必食牛肋肉，係肋骨附近既肉，油脂分佈與其他部位相比會較為豐富，肉味較濃郁勁。韓醬1++韓牛肩胛: 韓醬勁香蒜味，中意蒜味既必叫，油花豐富且肉質柔軟，水分重，肉味夠。西班牙黑豚五花腩: 建議沾醬食，燒燶少少會脆口。韓式雞腿肉: 有醃製到不需要另外點醬，需要燒得比較耐。虎蝦: 彈牙又鮮甜，店舖有濕紙巾提供方便抹手。青口: 附有牛油燒，記住燒1分鐘就足夠了。[👍🏻韓國海帶牛肉湯飯$78]材料豐富配料有粟米蘿蔔金菇雞髀菇，飯另外上唔怕浸得淋，牛肉份量也很多。中和返燒肉嘅油膩感！⭐️韓牛牧場個燒爐係無油煙燒烤，食完唔會成身味。

有朋友介紹呢度韓式燒肉唔會好油煙，就決定黎試下！座位全部都係卡位，幾寬敞，坐得舒服！👉🏻韓牛韓燒定量午市餐（二人份）$238呢個lunch set包飲品、沙津、前菜及小食任食！最中意可以任揀配菜，很開胃！靚靚嘅六格盒登場，都幾吸睛，每款食物要燒幾耐都寫得好清楚，幾貼心！食物方面分別有韓牛牛肋骨，韓牛肩胛，西班牙黑豚五花腩，韓式雞腿肉，虎蝦拼半殼青口！最驚喜係個虎蝦，我中意佢肉質夠結實！👉🏻極上火炙7色丼$118分別有韓牛、海膽、帶子、三文魚，油甘魚、鰻魚同蟹棒，每款都有兩件！欣賞個蟹棒，夠鮮甜！整體黎講，用韓式光波燒烤爐都幾唔錯，唔使落油，又唔怕食完好大陣味，係舒服享受嘅！

As the weather started to turn cold, my colleague suggested to have Korean BBQ for dinner tonight. Hanwoopasture was located at Circle Tower, few minutes walk from Causeway Bay MTR.They have few pricing for their buffet and we choose the most expensive set, which are cow emperor & pork queen. It consisted of unlimited sushi, sashimi, soup, fried items, Korean BBQ, appetizer, drinks and desserts etc. They have salad bar, appetizers, cooked item, drinks, beer and ice cream corner located outside f

放假約朋友去左銅鑼灣登龍街一間叫韓牛牧場餐廳食 lunch. 呢間餐廳嘅午市套餐超抵食, 午市套餐價錢包食自助吧前菜沙律同飲品都係任食。選擇豐富。我地叫左1+＋韓牛韓燒定量午市套餐2人份這個套餐包括韓牛牛肋骨牛肉，牛肩胛，西班牙黑豚五花腩，雞腿肉，虎蝦同青口等。最鍾意1+＋韓牛夠鮮嫩有濃郁牛香味，雞腿肉亦嫩滑鮮甜,一個套餐有多款肉同海鮮，唔錯～😋😋宮廷人參烏雞湯😋😋冬天見到有人參烏雞湯，而且係即叫即整，有濃郁人參味，這間湯好正好清甜，飲完暖暖的唔錯。BTW, 這款烤爐冇咩油煙味，好正👍😎