影片
以上資料只供參考, 請與餐廳確認詳情
食家推介
其實呢間嘢都食過幾次，正正常常呢個價錢都唔要求高，但係今次真係好差，普通韓國餐廳有嘅前菜冇都算唔介意俾錢叫但係$15叫碟泡菜可以酸到死好難食 飲品柚子茶唔知加咗啲乜嘢可以搞極都唔勻一係飲水 一係飲勁甜嘅柚子漿 個炸雞配嘅柚子醬可以冇柚子味咁滯 我寧願佢就咁俾啲柚子汁嚟 好過佢加檸檬同埋唔知啲咩扮晒秘製咁但係勁酸 冇晒柚子味 最慘係啲服務 明白落雨多外賣 但係可以碗又係自己拎牙籤又係自己攞 手機揀咗嘅醬汁唔識攞嘅 嘢食嚟咗之後 要再叫先可以攞過嚟 個女職員唔知係咪兼職同佢講多兩句好似要死咁嘅樣即刻走 咁嘅態度反應都慳返直接上嚟 建議大家可以俾貴少少錢去食好啲嘅韓國餐廳或者直接食M記算
繼續閱讀
喺外賣平台嗌咗個海鮮豆腐湯⋯⋯真係冇諗過$80嘅嘢，竟然連個飯都冇外賣平台幅圖就有跟嗰飯嘅，送到過嚟得碗湯都算啦海鮮豆腐湯，仲要剩係得兩隻青口其中一隻仲要冇咗舊肉嬲到係外賣平台影咗張相俾客服睇冇留底！
繼續閱讀
突然間想想韓國嘢食，於是乎外賣叫來試吓😋😋🫶🏻泡菜炒豬腩肉呢道道菜結合左泡菜酸辣與豬腩肉豐富油脂，豬腩肉幾入味，同泡菜既口感相得益彰，搭配米飯完美結合，增添左風味層次😉😉🫶🏻海鮮純豆腐湯飯呢道湯品鮮美帶有少許辣，豆腐滑嫩，海鮮新鮮，湯底鮮甜，並且搭配白米飯食用，味道佳👍🏻👍🏻整體來講價錢cp值幾高，味道亦不過不失😌😌
繼續閱讀
由於我坐係近門口，客人出出入入，冷氣唔係好夠。天氣太熱，我都無乜胃口，只好叫個冷面再加魚糕串配凍韓國咖啡。1）韓式蕎麥冷面，有驚喜，因為竟然有牛肉，正呀。雖然酸左D，但好ok ✅✅✅✅2） 魚糕串，夠熱，正✅✅✅✅3) 凍韓國咖啡，似即沖latte 偏甜，我ok 👍👍👍
繼續閱讀
呢間餐廳見佢都開左一段時間，但從來冇幫襯過。突然想食韓式食品，就諗住試下呢間，點知中晒伏。今餐兩個人點左韓式炒粉絲、鐵板牛仔骨、韓式紫菜卷、涼拌菠菜、蕃茄豆腐湯、熱韓式咖啡、熱人蔘茶。除咗韓式紫菜肉卷同涼拌菠菜正常味道，其他鹹到黐左線。韓式咖啡係三合一沖出嚟嘅咖啡質素，人蔘茶味道淡如水。我從未試過喺餐廳飲到咁既質素飲品，真出色。呢間餐廳咁嘅食物質素唔知點解仲生存到？但我就絕對唔會有下一次，食大家樂都冇咁嬲。
繼續閱讀