韓樂 (馬鞍山廣場)

營業中

休息中

叫左兩款午餐。雞扒粟米石頭鍋珍珠飯熱辣辣，雞扒相當大塊，頭鍋珍珠飯材料都好豐富，除咗有大量嘅粟米，仲有好多紫菜，芽菜泡菜等等。另外可以按個人喜好加上甜醬油或者辣醬油。韓式牛肉炒粉絲 材料非常豐富，牛肉大大片，仲有好多蔬菜同埋冬菇，炒得幾香。

終於可以到星期日，今日係我的運動日，早上打完羽毛球，趕住轉場打排球，中間冇休息時間食嘢，只係買咗個飯團頂下先。喺馬鞍山體育館，打完波沖完涼，即刻過返馬鞍山廣場搵嘢食，行咗一個圈，見到呢間韓樂要等位，就食它的下午茶啦。韓樂有多款嘅下午茶，太肚餓了一定要食飯，豚肉溫泉蛋飯（$41），加18蚊有柚子蜜糖雞翼三隻。喜歡將溫泉蛋與米飯融合一起食用，溫泉蛋嘅蛋汁包住珍珠米，份外好味。豚肉用醬汁煮過，咸道適中。配上柚子蜜糖炸雞翼，酸酸甜甜，零舍開胃。下午茶的溫泉蛋飯不夠做完運動又無吃早餐的我食。飲杯特濃熱朱古力，韓國直送。佢係有朱古力碎，都好香滑，甜度有八九分，但係做完運動就放肆一次啦。真係太肚餓，所以後加一個芝士火腿吐司，佢可以免費升級紅豆冰。因為飲緊熱野，所以叫左店員幫我落少少冰，唔好太凍。另外要左杯熱水，倒返去朱古力杯添飲一下。火腿吐司有三件，麵包烘底，脆卜卜，熱力讓芝士溶掉，拉絲的讓人喜愛，火腿和芝士很配合，如果想食一個輕量嘅下午茶，呢一個係好嘅選擇。紅豆冰好冧，好綿，我好努力地把紅豆都食光，好好補充剛剛運動燃燒嘅脂肪，大滿足。滿分為10分（一分最低，10分最高）食物：9環境：9衛生：9服務

今日夜晚一個人係馬鞍山搵野食，見到好多地方都要排隊，我吾鐘意排隊，所以見到有人排隊通常都吾會去。周圍行嘅時間，見到「韓樂」無人排隊，所以即刻走左入去食嘢。餐廳都算多野食揀，但我就揀左韓國最普通最普通嘅食物，「炸醬麵」。通常我第一次食一間餐廳都有指定食嘅一款食物，韓國餐廳都冇例外；我第一次係韓國餐廳會叫「炸醬麵」來食。呢個時間又要講小小炸醬麵嘅歷史。如果大家有睇韓劇，都會發現只有窮人先會食炸醬麵。無錯，係韓國，炸醬麵其實係窮人嘅食物。因為佢只係將一啲平價嘅食材加入特製嘅醬料，再加上普通嘅麵上面。所以成本好平，而且可以在家中製作；就係似韓國泡菜咁，好多韓國人都會係屋企整炸醬麵，由於佢無特定嘅食材同調味，所以每一家嘅炸醬麵都唔同味道。亦都係咁，當我第一次食一間韓國餐廳嘅時候，我都會叫佢哋嘅炸醬麵來試下。今次韓樂呢個炸醬麵好有特色，入面加左一種我重未食過嘅食材：「翠玉瓜」；第一次食加入左翠玉瓜嘅炸醬麵味道有驚喜，再配搭埋洋蔥原來味道係咁夾。開頭睇個麵嘅醬料好似唔係好夠，但撈埋之後又可以令到每一條麵都有炸醬係上面。推介大家可以嚟試下。

馬鞍山廣場-午餐篇🎈韓式午餐-鮮茄焗豬扒飯$62，餐加飲品$8下午茶餐-牛肉溫泉蛋飯$43，跟餐送飲品；加配脆炸薯條$12落單好快有嘢食！天氣再凍啲，下次來食人參雞，部隊鍋…

今日小朋友病咗，休假帶佢睇醫生，登記完之後就走去隔離食早餐。本身見到價錢成4x幾蚊都覺得貴。 不過諗住開左咁耐都未試過就試吓啦。見有個特價餐$38蚊，另加凍飲$3，份量都ok，午餐肉一大塊又唔會太薄身，仲有個火腿通粉無影相，食完都好飽。另外，仲叫左個黑松露炒蛋配牛角包$48，牛角包好大個，炒蛋份量都多，整體味道唔錯。

今晚同D家人去食飯，點咗兩個石頭鍋飯+其他嘢食，點知其中一個石頭鍋有幾個位崩咗好大弗，都唔緊要，最激氣係叫咗3次唔同人嘅侍應（我話唔該比兩隻碗我），一個望咗眼行咗去一個聽咗唔理，到最尾嗰次條友仲大嗌同其他人講比兩隻碗喎🤬等咗好耐都無人拎嚟😤，我媽就自己去拎，成晚得一架餐車出又唔係好忙，得個後生上菜，有D做得耐嘅成晚就四圍望行來行去。呢間D人咁嘅服務態度，咁唔想做就咪鬼做啦，一係就轉行唔好再做服務性行業一係就返屋企坐啦，無謂要D客受你哋氣，仲有咁大間餐廳又咁大個集團，D鍋具崩晒裂晒就唔好再用嚟上菜比客食啦，唔係生意差到咁，爛都唔捨得到掉嘛😡呢間食過好多次，味道都ok係今次咁差勁👎🏻，D人服務質素咁差，唔會再去幫襯囉😡

先講外賣，兩個石鍋飯，等到即取，上樓2，3分鐘左右，然後即食，飯半生，一個微溫，一個凍既，仲要自行煮返熟！大佬。石鍋飯，唔熱都不至唔熟！兩杯無少甜走甜鮮凍檸茶，佢無檸片嗰種，一杯得少少味，一杯無味。之前現場食杯紅豆冰得十粒左右紅豆，奶水一杯，我指住menu同職講，佢哋話係咁架啦。態度不用評，堅持叫佢加返紅豆，比返出嚟仲話廚房專登加返比你，各位可以自行感受下何其難食，比咗數次機會都無改善下人同食品質數。

19:42手機落單馬上有有奶茶上桌，20:00奶茶喝完都沒上餐⋯⋯向店員A查詢，答覆就是「等等等等，好快好快」⋯20:12實在忍不住去廚房窗口向店員B再度查詢，店員B問完廚房後，跑去收銀台手寫了一張單繳給廚師，之後就沒任何答覆。我問怎麼樣，她也不回覆。我問是否沒下單？她才敷衍說廚房的機器壞了👏但其實好多比我晚到的顧客都是手機下單，都好快上餐，根本就是欺騙！

韓式石鍋肉醬豆腐 (辣) 配 飯(珍珠米):HK$65我喜歡菜、肉粒、豆腐，其餘的洋蔥等等沒有食。(偏食是一個壞習慣，請不要學。)因為飯是另外用碗裝，當時忘記可以裝飯放在石鍋。有這個想法的時候已經是吃光飯之後，下次有機會再嘗試。韓式燒汁豚肉炒年糕:HK$60肉片好吃，年糕OK，不過有點鹹。共消費HK$125，個人評價是可以嘗試。店舖不收取服務費。

垃圾🫠我食咗個意粉啲意粉係硬🖕🏽🖕🏼🖕🏻個芝士雞啲雞係凍🖕🏻🖕🏼🖕🏽為咗唔浪費食物最後拎走跟住叫咗個盒諗住叫埋熱飲杯，之後佢同我講個杯要加一蚊，我好唔明白點解一個熱紙杯都要加一蚊，跟住我就問佢佢就話因為你唔係外賣你係堂食所以個杯都要加一蚊🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠🫠

位於馬鞍山開咗間韓樂餐廳已經很久了。平時行過都冇試過。難得今天放假就一早去食早餐。自行用QR code 落單，覺得選擇都好繁複，不停要點選分項，才能落到單。程式真係要諗吓用簡單方法供落單。

韓樂裝修幾特別，但價格相宜，好吸引🍲♨️凍冰冰勁想食熱辣辣石鍋小菜& 部隊拉麵，岩晒石鍋一口黑椒牛$72:上枱熱辣辣，咋咋聲，黑椒汁好惹味，一口牛份量唔少，本來唔想食飯，但加左少少落鍋成飯焦好好味，大家都食左唔少赤豚軍部隊辛拉麵 $62: 韓國都真係好彈牙，少少辣，好開胃韓風香酥炸雞$38:好厚粉而且炸得唔夠脆，麻麻地叫餐特飲加$13柚子新鮮冷壓檸檬梳打&蝶豆花椰果，兩杯都大大杯好清新，有粒粒椰果有咬口

韓式芝麻燒汁雞扒焗飯醬汁味道好好，飯係珍珠米。下午茶份量雖然係輕盈版，但只係$39仲不用加一。員工服務態度則麻麻下午茶時段餐廳都冇咩人，員工工作量唔大，但態度依然差過部分茶餐廳嘅繁忙時間安排客人入座時已經係用趕嘅態度到上餐時更係掉底有客問佢如果叫焗飯大概要等幾耐，佢唔耐煩一句：「焗飯冇幾耐啫，要等幾耐呀。」然後就走咗去同同事傾計。雖然呢個價錢我唔預有酒店式服務，但相信大部分快餐店服務都唔會咁差。

🍽️ 今晚我哋去咗一間韓國餐廳，唔錯呀😋🌋🍖 火山排骨配備製醬汁，招牌菜！排骨有4大舊，每一啖都有咬勁，肉質嫩滑多汁，再加上濃郁嘅秘製醬汁，真係令人欲罷不能！🔥餐廳有提供手套俾你方便進食👌🐔💪 人蔘雞湯，真係有淡淡的人蔘味😌湯底清清地。入面嘅蔘片同雞肉，都好嫩滑，令人覺得好滋補！😌💯仲有啲龍眼肉雪耳添！🐮🍜 牛肉炒粉絲，真係一道令人垂涎三尺嘅菜式！牛肉切成薄片，如果牛肉嘅數量更加多咁就好啦🥲粉絲係吸收咗汁，口感彈牙又滑嫩，味道鮮美，真係令人回味無窮！🤤👍簡簡單單食一個晚餐都唔錯😇

算係一間唔錯嘅韓式餐廳，無論石頭鍋飯、炸雞烏冬、三文魚炒飯都做得唔錯💕💕💗💗☺️😋😋。而且店內環境寬敞，光線充足👍🏻👍🏻價錢亦都好合理，算係平民韓式料理餐廳。平時食lunch，呢度真係不二之選👍🏻👍🏻，下午茶更抵選😍😍😍最重要係呢度坐得舒服☺️☺️☺️ 有時候餐廳更會推出一啲特飲，外表幾靚又好飲，每個餐加少少錢就飲到😋有時轉下口味都唔錯🥰唔洗成日淨係飲咖啡奶茶😆😆